潮樓 (已結業)

呢度係稻香集團其中一員，裝修同稻香漁港一樣咁雅致，傢俬以深色木為主，幾古色古香。一週末來飲茶，十一點九來到都要等左十五分鐘，看來同其他稻香一樣咁墟埳。雖然以潮州野為名，但都有一般的廣東點心。基本點心如叉燒包、牛肉、春卷、珍珠雞等都水準不俗；亦叫了鹵水鵝拼大腸都唔錯，但略遜於路邊的鹵水專門店；炸鳳尾魚雖細條但有肉，炸得香口，連不吃魚的小朋友都食左兩條，唔係驚教壞細路的話我實叫啤酒；甜品吃了馬蹄綠豆爽，無咩特別但不難食。侍應服務唔錯，態度幾好。五大一小，埋單三百不是太貴。仲有呢度唔收加一同茶錢，當然成本是轉嫁在食物的價錢上，但感覺上是抵d和較均真，值得其他食肆效法。