潮樓 (已結業)

三免為之全日茶芥,加一及小食全免...that's why你不會在這兒得到很好的服務態度!!滷水拼盤-鵝片,鴨掌,豬耳,豆腐,蛋,大豆芽,紅腸,魷魚...全部都入味!潮汕梅糕骨-啖啖肉,味足,離骨!不過有點像糖醋骨!鳳凰脆卷-8件,外形像太卷!不過外脆內軟,軟的部份是蝦膠, 中間有一粒很爽脆的東西!糖醋麵-個麵餅,不錯,有少少濕潤!!但不知那些糖或醋很少少奇怪的味道!炒雞片-色同味較重的一碟!但不會乾身,不鞋!蠔烙-比旺角分店好!!每一件的蠔仔有超過10隻!!啖啖蠔!!鹹菜豬手湯-普通的.豬手不肥,湯很清乳鴿-細細隻,但皮脆,肥瘦度適中!2隻+一支燕京啤只是$38!!凍烏頭-普通,肉唔鞋口,但個醬好鹹,不要蘸太多

琴日食lunch 同同事去左飲茶。。點知。。等左成２０分鐘都未黎。。咁咪吹下佢囉。。之後再等。終於黎啦。點知。個腸粉係唔熱家。都可以叫做暖的ga..個９菜豬紅又係。９菜豬紅只是’不’的。都可能咁耐。只是蒸的點心比較好一點。。是熱的。他之前的食物都好好的。點知幾時開始差左。早知就去新星。佢又唔係話好平。下午茶小點都要＄９。新星仲平呢。你知家啦。食物時間得個一個鐘。食到我們幾急呀。仲要未食完就埋單先啦。埋單最快。。唉。。。

昨晚跟親友們於潮樓食晚飯.叫了八味餸, 當中的鹵水拼盆, 糯米飯, 川椒雞, 海蜇都very good.不過可能春節, 人多, 有d 迫.

同事之間gathering，揀一間地點就腳既。有同事話好抵食，咁我地一行5人就去呢間，睇餐牌發覺唔係咁抵，冇咩特價野食，唔知係唔係weekday 冇乜人，得7成滿，services 都OK，加茶都唔會冇人理你。我地一共叫左5個小菜，每人90蚊，唔係太貴～不過都唔叫得做抵食。

元旦日返工, 公司為咗同我哋「慶祝」新年,中午落咗嚟公司樓下呢間「潮樓」食飯,Mgr 其實一早十點已經book 咗位, 仲要係第一個book 位既!但係去到都係要我哋成班人企係門口等咗十幾二十分鐘,仲要比我兇咗佢兩次先話即刻砌張檯比我哋囉!!元旦要返工已經心情唔多好,新年流流都仲要發惡先得既.......我哋叫咗個四人餐, 有半隻沙薑雞, 一碗潮式鹵水拼盆,一碟瑤柱絲雞粒炒飯, 同埋四個點心,點心有: 叉燒包, 燒賣, 炸鯪魚球(蜆蚧一碟) 同XO 醬蘿蔔糕,另外再點咗十一、二籠點心同一碟菜。呢度啲嘢都幾好食既, 亦唔係第一次嚟食,但係今次真係食得有啲唔開心, 除咗 book 咗位都仲要我哋等咁耐之外, 就係懷疑佢哋將我哋檯張點心同另一檯倒轉咗,搞到嚟啲嘢亂晒, 雖然個張單同我哋叫既嘢有七成似,但係酒樓叫點心, 嚟嚟去去都係個啲架啦!! 爭在叫多定叫少既啫!! 我哋已經即時同送點心既亞姐講,但佢似乎唔想麻煩, 一路應我哋唔知講乜, 就一路繼續將啲點心放係檯同打印仔, 點呀...........................!! 又要我係成班同事面前發惡????!!最後要搵另一個高級少

原本銅鑼灣呢間潮樓係我地一家飲茶食飯常到的架步，但其集團上市之後，不知是否巧合，在服務上有悄悄的改變：首先是人手少了，扮夥計做到有氣無得抖；有時醬汁欠奉，如今連等位都有問題，知客姐姐只顧將分比人多的一群，人唔夠多而又唔想搭的就由得你係外面捱餓，情願空晒ｄ大（因為佢根本想人搭），都唔快手快腳換做你生意，要個客人坐係外面大半個鐘，睇住一群群人遲來先上岸，真係等到成肚火。我都明白生意難做，各間食店都在想辦法賺多ｄ，多人去食，理論上間酒樓自然賺多ｄ，一兩個人的錢可以選擇不賺，但無權要人白等！建議潮樓不如講明人少必須搭，個客唔鍾意可以去第二度，總會有酒樓願意做呢ｄ佢唔旨在ｇｅ生意！

(1) 芥蘭炒肉片：Ｄ肉係幾肥，但好爽；芥蘭當灶，鮮甜；(2) 鹵味拼盤：不過不失；(3) 每人叫了碗潮州粥：又‘杰’又大碗，餸鹵味好匹配；(4) 酥炸芋頭魚餅：米見佢成大餅，原來內裡分了兩層-- 上層是香濃芋頭，下層是魚肉打成的魚餅，口感好特別，一軟一靱；(5) 蠔仔餅：要熱食先好味；(6) 金銀蛋菠菜：咸o左少少；(7) 芋頭金瓜烙：原來係甜品，仲要呢個係全晚最正！全枱人讚不絕口的一味，南瓜同芋頭配合得天衣無縫，大大餅上面灑上花生砂糖混合的‘調味料’，食落香、脆，而且精巧地將芋頭同南瓜切得咁幼細，值得推介的一道‘菜’-- 其實係小食先啱。昨晚星期五，人流眾多，所以伙計們都唔得閒理我o地，算啦！食咁多o野先幾十蚊，想要什麼服務呢？！

上個星期同朋友食飯，行來行去都諗唔到食咩之際，有人就提議去潮樓試試，上到去見到佢出面有咁多人等位，真係有d卻步，不過一眾人又唔係好肚餓，又唔想再諗食咩，結果都係決定等....我地叫左滷水拼盤、煎蠔餅、方魚芥蘭、蠔仔粥、椒鹽九肚魚和反砂芋件。滷水做得唔錯，材料都幾入味，而且都幾足料，個碗幾有特色；煎蠔餅就好一般，需然佢做到無乜油，但係就唔夠鬆化，個蛋漿好厚，好似食緊薄餅咁；個人唔係太喜歡食方魚，不過個菜就炒得都幾綠，都ok啦；蠔仔粥超抵食，勁大窩呀, 可以裝十碗，而且個味道非常好，個味濃得黎又會係勁味精feel；仲有椒鹽九肚魚，呢個係我最鐘意嘅一碟餸，我印象中係無食過咁好味嘅椒鹽九肚魚的，炸到金黃色嘅魚片入口即融，外層勁度鬆化，入面d魚就勁嫩滑，我會因為呢個餸再去幫襯囉！反砂芋就麻麻喇，芋頭係好粉，但係煮嘅功夫就差d喇，外面層糖做得太厚，令到好硬身，咬開都有d困難所以我都係整走晒d糖先食舊芋頭。以呢度咁多嘅人流黎計，服務都算一般啦，客真係多到做得死人架！環境都算okay，裝修都幾得意，靠窗果邊可以望到海，不過就嘈咗d，不過中式酒樓，係咁上下啦！PS:原來而家稻香同AIG信用卡做緊prom

跟大隊，來了這裡吃午飯。雖然頂頭一個「潮」字，其實成班人都係一心來飲茶。周未的午市來到，竟然不難找位子，意料之外。集團式經營，也有個好處，就是地方不會差。我們一班人坐在近門口的一個「幕」裡，冷氣夠涼又自成一國，相當不錯；杯碗碟也幾精緻，招呼也是不錯的。叫了幾樣「潮」式食物，潮式併盤是幾樣鹵水食物埋放在一個大碗中，賣相不錯的。比較之下，鹵蛋及豆腐比鹵鵝更討好，而味道當然不算是很好的水準，但也可以收貨的了。蠔仔粥不錯，當然有點「師傅」，同樣情況出現在方魚肉碎粥身上；蠔烙及水瓜烙就最突顯這裡的弱點~~薄薄的，又煎得硬，加上油膩，不及格；沙茶醬牛肉炒河是我叫的，這裡的沙茶醬幾刺喉，牛肉也給化學品醃得過腍。當然非潮式的也叫了不少，如叉燒包、春卷、粉果、鴨腳紮、腸粉等等等等。這等點心，卻又是水準之作，至少也是集團式茶樓水準。沒叫啤酒汽水，埋單每人百元也有找，不收加一，幾經濟。坐得舒適，也吃得飽飽，都算是這樣的了。

約了些舊同事吃飯，本來打算去TST，最後也是跑回來CWB. 有人建議去潮樓，我當然沒問題，不用想去那，而且，又沒來過Sino Plaza 這一間．　 今天早了放工，6 點多就到，我們坐了差不多４個小時，厲害！客人真的不多，否則，一早就要埋單． 食物沒有特別好，也不差，但是，甜品真的好難吃，楊支甘露的西柚好苦，味道不夠，好像水一樣．芒果布丁, 完全沒有芒果味道, 好硬, 好像加了好多乳膠粉和放了一段好長的時間.下次真的不敢再叫甜品了.

I reserved a two tables for my birthday for 7:30.. but when I arrived at 7:25, both tables were not available yet. So the waitress asked me to wait for another 15 minutes. Till 7:45, only one table left. The other was still ORDERING. I had to wait until 8:45 to finally sit down with my friends. It was embarassing for me to see my friends come and wait for 1 hr 15 to have a birthday dinner with me. Even when i reserved a table, they cannot give it to me within even 15 minutes of my appointed time

成日聽家姐講潮樓有幾好食幾抵食，見今期三人生日包括我，幫朋友們慳荷包，平民價錢試試啦．．．＜環境＞超級非常迫，係chair貼chair，完全無足夠空間，chair設計就好有問題，係５角形唔係方形，好唔舒服＜服務＞需要再培訓囉，上菜果位阿姐，整瀉咗朋友支汽水，無抺就即刻放菜上嚟，兼且無賠償一支新既俾朋友；另一位阿姐就响我哋仲食緊餸菜時上壽包，之前我哋講明通知先上，同一個人一而再再而三犯錯，太過份！！！＜食物＞7人叫咗一個６人餐（半席）１）鹵水拼盤～有鵝片，蛋，豆腐，豬耳，耦片同埋奇怪既司華力腸，非常滯消２）芝士海蝦伊麵～好好味，但蝦就好黐殼３）生菜鮑魚菇～無食，NO COMMENT４）南瓜小棠菜～無食，NO COMMENT，但朋友話南瓜好硬５）魚～無食，NO COMMENT，但朋友話肉質好”鞋”６）紅燒翅～全晚最好算係呢個，幾足料７）炒飯～只係加咗蛋同蔥去炒，大家都無乜興趣８）炸子鷄～都唔錯喎，皮幾脆９）汽水６支１０）壽包６個半席共＄５９９

跟一堆朋友們下課後的茶聚。由衷喜歡飲茶文化, 不在乎其味, 而是友儕相聚的和睦感覺。潮樓裝修確實潮流, 有大量卡位, 用上深色裝璜, 是幾舒服的。點心種類少左d, 另外一張紙的鹵水系列又不甚吸引, 胡亂tick了一堆點心。最有印象的是其皮蛋瘦肉粥, 好香皮蛋味, 12元是encore得過的。其他點心偏油, 食味麻麻。普洱茶不香, 有色無味的茶水, 本人最怕。其中有一碟點心, 點心碟突然有如摩西分紅海, 一分為二。小姐只是一句sorry就拎走了。到埋單一刻, 每人只不過35元, 更有人懷疑我們其中有人是識得其老細!

聽個名好似好有型，想去試左幾耐，今次與朋友一行七人一同飯聚，睇下點。環境設計不錯，空間感都幾好，話晒銅鑼灣都係寸金尺土。既有現代式的設計又有中國庭園的味道，能夠與其名的設計有互相映翠之感。特別是座椅方面，有點新意，座椅是三角形向外尖出，有點像單車般，開頭坐落有點怪，但坐耐左就唔覺。七個人點了七餸一湯，份量都尚可，但一定不是大堆頭。個燉湯唔夠熱係致命點，一個燉湯唔熱好多時就只會飲到只有最濃味的金華火腿或味精味，其他材料的味就不能隨著熱騰騰的香味帶出來。這點是吃潮式菜，但我們就不感有乜咁潮，我們在餐牌上背誦了幾次，最有潮味的都是卥水拼盤、涷魚，幾他都係同一般中菜不大分別。卥水拼盤、涷魚我就食不出有乜咁特別，卥水不是特別香，涷魚就得個涷字。即是地方就不錯，食物就一般，整體都係差在唔夠熱，每人一百元，其實就差不多。

友人極力推介此食肆，全因為一個「平」字，但勢估不到食物質素亦甚佳。我們叫了五款點心，包括酸薑牛肉球、糯米飯、皮蛋瘦肉粥、榨菜肉片飯和煎餃子等，賣相和味道均屬水準之作（雖然油份多了點），埋單都只需三十九元正。抵食，抵食！！