潮樓 (已結業)

早前帶婆婆到這裡享用下午茶,約等了半個小時才有位,這時約三點了,但仍有很多食客在茶樓享用afternoon tea,可能就是大家都放假呢!點了黑椒骨,蝦餃,叉燒酥,馬蹄糕拼蘿蔔糕和豆苗餃,樣樣都勁好食,比得上大酒店的質素噃!最好的是免茶芥加一,勁超食呀!

每個星期日都會同家人一起飲茶。潮樓點心都係同稻香差不多，叫咗七八樣點心再加多一個鹵水拼盤同方魚肉碎粥。點心不過不失，潮州粥就好似泡飯。鹵水拼盤賣相就完全不吸引，味道好一般。環境比較嘈同埋有啲迫。

前陣子很晩才到這裡吃飯,點了烏頭(唔算太差唔鞋但唔算滑)但好大條,蠔仔粥:最好味係呢款食品,都好大碗,四個人都夠食,鵝片拼墨魚:普普通通呢! 鹵水拼盤:呢個菜味道幾好,幾入味!最後一樣係炒菜:但味道比較濃烈,咸左少少呢!整體算唔錯,但係由於太遲入場(十一點幾),食得好趕,要十二點就走人咯)唔係咁享受呢餐飯!

上星期五同太太到銅鑼灣Shopping,唔覺唔覺行到成10:00,就去左呢間潮樓食一食佢特價消夜,點知食到一肚氣.一坐低即刻點菜,點了我喜愛既九菜豬紅,老水豆腐,川椒鷄,方魚抄介蘭同一個潮式炒飯.15分鐘後,九菜豬紅同老水豆腐拍住一齊上枱,兩個都唔係好夠熱,不過太餓,算啦.我就邊同太太談天邊食住等其他菜.唔覺唔覺又20分鐘,九菜豬紅同老水豆腐都差唔多食完,見到坐低冇耐的隔離枱果碟好似係介蘭既菜都到左,我正想發難時,那個同潮式炒飯終於出場.好,算你趕到.咁我又順口同阿侍應姐姐追追果個川椒鷄同方魚抄介蘭.又食住等.10分鐘後,阿侍應姐姐兩手空空走過黎同我地講話"介蘭賣哂喎!"吓!!我好驚訝,我落左order成45分鐘先話賣哂??我自己同自己講可能佢地揾哂成個港島區街市,真係揾唔到介蘭先同我話賣哂呢.係果一刻,我正想開口引証我諗法時,太太可能見我面色有變,就快我一步好客氣咁問"係咪剛才冇落單呀,咁川椒鷄有冇呀?"阿侍應姐姐即刻拍哂心口話"有,做近!"講完仲好似G4特功咁手按handfree眼四圍望,好似走難咁急急腳走左去.咁我繼續食炒飯啦,食食下有件趣事發生左喎.有個拿著成叠收費果d夾既姐姐

今日難得下午唔駛返工又扮乖陪媽咪黎飯下午茶..食左黑色粿--第一次食呢d潮州粿..都幾得意..味道ok蝦粿--似餃子..都可以豬腳薑--突然心血來潮想吃嘛..係特點但份量不多蝦米腸--唔夠熱叉燒飽--一般..有d散柚皮鴨腳--柚皮幾好食幾特別埋單兩人八十元，下午茶來說並不扺

三人行來晚膳, 試了下列菜式:鮑汁雞腳- 明明係豉油, 點係鮑汁呢, $20, 算啦.芋蓉香酥鴨- 唔夠香, 唔夠酥, 只有油膩.富貴石榴雞- 賣相都幾靚, 但就食唔出有何味道, 家父一路食一路問, 佢完全食唔出係乜o野肉同乜o野配料, 即係晒料. 方魚炒芥蘭- 本來菜都幾嫩綠, 可惜調味不足, 唔夠鹹. 大豆芽豆卜- 呢味又過鹹, 而且毫無食味, 難食之最. 雖只$40, 依然不能原諒.蠔仔酪(附圖) - 算係全晚最正常, 不過粉漿太多, 蛋不足, 距離好食仍遠.整餐無一樣係好食o既, 佢都得o架喇. 走時見其他食客的大眼雞、烏頭等, 睇落都乾乾鞋鞋, 同嚮阿鴻食開的完全兩樣, 我同家人都無興趣再來了.

以前知道這家菜一般，但價平，昨日約一班朋友去食飯，才發現不僅菜麻麻地，服務都好差。19：30去食飯，許多菜都沒有了，沒湯、沒凍花蟹。服務生在一旁不停推薦食翅，搞得好煩！之後，又推薦食一種加拿大海蟹，據說與凍花蟹做法一樣，但真的好難吃，不過60多元的價錢平過凍花蟹好多，可謂“一分價錢、一分貨”。 在這裡自帶酒真系值，只收30元開瓶費，平過大陸許多酒樓。

如果銅鑼灣想食潮州野,除左百樂同新光,我只係諗到lee道...之前係尖沙咀同旺角都食過...對lee間野都無特別感覺,唔會特別好想黎又唔會特別好抗拒,不過食過今餐\之後,可能會多d黎,唔係因為佢\d野特別好食,但勝在低食.2個人叫食左1) 大眼雞-- 好怕食到d好腥既,但佢\就無腥味,不過無乜特別2) 鵝片拼墨魚-- d鵝片有d有根,墨魚都ok..又係果句啦..無乜特別3) 蠔仔粥-- 蠔仔粥lor...有d蠔仔好似唔係好新鮮4) 特價蟹黃翅-- 出奇地幾好食...$28..有翅有新鮮蟹肉..好低埋單..$188..今次唔係好低,但因為今次個飯局比我發現到原來佢\地星期一至星期四,九點後打冷係半價,小菜好似係七折, 星期五六日就有d唔同,不過唔記得lu..如果d野食係咁普通,我會選擇平價時段先黎lu..p.s. 服務態度麻麻,個蠔仔粥\"吹\"左好多次先黎,我地坐果個位又有小小小滴水...

可能位置關係, 所以唔需要等好耐, 星期五晚上都是等了十分鐘到就有位.d枱都幾近, 迫迫地咁啦.叫左個菜莆飯, 蠔餅, 鵝片, 雙棗(蝦&蟹球..pingpong ball size), 海參冬菇煲,食物就普普通通啦...不過服務就有待改善..有餸miss了單, 說加番, 最後都冇來, 再問, 原來都是miss了.

約一大班朋友出黎聚舊，諗住食潮州野啦，潮樓近近地，又平平地，咁就打去訂枱啦，費事無位又要等啦。我地準時去到，見到有一半的吉枱，但係我地五個人，當中仲有2個牛高馬大的男仔，佢竟然俾張四人枱我？！之後梗係換位啦，換左張五人圓枱俾我= = " 又唔係無枱，做咩要我地坐咁迫喎。我地點左五樣野︰最先黎o既係肉碎蠔仔粥，d蠔仔份量幾多，又夠大隻，唔錯，不過d湯都好味精下。但係已經係最okay的一味。之後黎左個火腿津白，碟野面頭個茨汁厚到= = " 仲要全枱人都覺得超多味精！！食淨最多。再黎係芋鴨，合格啦，個皮酥脆，個芋蓉餡唔會太多肥豬肉，入口都幾香口架。不過好似芋角一樣，其實間間酒樓都做得到，唔係d咩難度o既野。再來係蠔仔餅，蛋的份量太少，粉太多，成個餅太薄，個邊煎得好焦硬，蠔仔的份量好少……真係潮州菜館？！最後，食左1 個鐘頭左右，大家都無心機食落去，埋單走人，全單$290，每人$60左右，好平，不過唔好食。然後佢送上功夫茶，我地竟然發現隻杯有上手留底的唇羔印！！我的天！！好噁心呀！！叫個經理過黎睇，佢都有同我地講對唔住，但係我都好坦白咁同佢講，我覺得好唔滿意，我一定唔會再黎囉！稻香o既招牌俾依

星期六下午與同事四人飲下午茶, 二時開始叫號碼, 如果唔介意搭枱的可以跟著那位服務小姐入去, 點知, 佢地一直叫一直叫, 叫了好幾個號碼, 一群人跟著那位服務小姐入去, 最後去到一張14人既圓枱, 有兩組四人, 有三組二人, 簡直係奇景, 我從未試過搭枱撘得咁迫, 實在太過份了, 此外, 一張枱分為abcde五組, 我地的咭寫上2c, 其後點了食物之後, 竟然發現有兩張2c咭, 有無搞錯呀, d 服務同安排簡直係掂!掂!掂! 早之係咁, 我地飲正價茶啦.一定無下次!!!!

其實潮樓個名食字食得好，D 野食都唔差；可惜D 服務真係不敢恭維。我地一行22 人星期日5 點半鐘浩浩蕩蕩咁殺o左上去，以為唔洗等位。OK，你話要執一執D 位，可以理解，但點解非繁忙時間要22 條友o係門口等成四個幾字都搞唔掂？好o勒，滿心以為終於搞掂入得去啦，點知D 位窄不在話下，仲要D 杯杯碟碟一隻都未擺好...四個幾字你做o左D 乜？叫o左兩圍$1888，有鹵水拼盤、炸花枝+齋鴨、芝士龍蝦伊麵、帶子、花膠炖翅、蠔菇扒西蘭花、蒸魚、炸子雞、金薑飯同馬豆糖水，送兩勺飲品同細樽裝汽水半打。單睇D 野食唔錯，亦都足料，但係...兩圍唔係一齊上都算，仲要上錯：明明係兩圍$1888，點解一圍上壽飽、一圍上龍蝦？（我地o個圍以為另外o個圍另外散叫壽飽，係事後「夾口供」先知出事）你有幾靚既維港境都好，野食幾好食都好，都唔可以咁呀？

好耐無同阿媽食飯，細佬話他食過這處價錢相宜，信他！便去！一星期前book位，五人吃晚飯，Waitress姐姐帶了我們坐卡位，我同Honey坐一邊,媽同細佬們坐另一邊,細佬們屬‘大隻‘型，坐得都幾迫，不過細佬們話無所謂。因為有老人家在，所以唔敢叫太特別的。普通的魚，菜，炸子雞，粥，鹵水拼。。。等，共$480。本人對稻香集團的食肆都不甚喜，因服務態度麻麻，環境不好,感覺上唔乾淨，但這一間還可以。不過當人越來越多，侍應們就會唔多理你，因人手少嘛！其實叫的算多，五人平均$100，算抵，但食物質數只是一般，唔叫加水是無人理你。還有我們是坐非吸煙區，但不知何人食煙，常有‘煙’味傳來。

上星期五與朋友一同吃飯,點了一個餐; 10位的. 可能係近年尾,比較人多, 係與之間竟然放了張四人, 真係好迫; 食物質素不好, 可能單多又趕,而且廚師們趕不來, 所以客觀因素及質素比較差. 相比青衣的潮樓就更有所不及.希望稍後會好轉.

與三個朋友聚舊去了潮樓吃晚飯. 叫了石榴雞,川椒雞,炸雙棗,雲腿紹菜,蠔煎蛋和海折.味道一般都可以除了蠔旦漿粉較重之外其他都過得去.石榴雞直得推介.玉泉Cream soda 汽水10元3支.結帳HK$330.四個人都算抵食.環境不錯但人多有點嘈.