潮樓 (已結業)

呢間潮樓既服務係勁差!!!! 我個friend book左8點15分枱, 去到都仲要等, 8點半都冇枱喎, 咁我地走去問啦, 個帶位已經好唔好老脾咁話"下, 阿x生咪黎左lor", 之後發現係另一個帶位既冇睇清楚張飛仔帶錯左另一枱客入去, 但係就一句道歉說話都冇講, 只係不斷咁話"咩呀, 叫佢X生佢又有應架", 講到好似話我地又唔應咁。係我地好唔好老脾咁同佢講話"我地係另一邊, 又咁嘈佢又咁細聲, 邊聽到呀", 佢先至收口. 但都係一句apologies 都唔講. 如果唔係果日我地有咁多人, 我諗我地一定走左唔會食, 一開頭就咁既service.之後, 真係好一般既service同味道, 我會覺得旺角, 荃灣同西環好多打冷都好食過佢。但係貴好多. 今次冇乜食海鮮同咁多人都要90蚊一位, 上次係旺角勁食蠔呀炒蜆呀都係五六十蚊一位之ma, 個service都係差唔多即！係, 佢係平過晒同區呢個級數既餐廳, 個味都叫做ok...但係, 始終貴過街邊果d打冷好多, 個味都唔係好食過, 又交唔出個service, 咪係得個靚景呃下人lor!! 唔扺!! 我以後一定唔會幫襯佢呀!!!!!!!

Mid autumn Festival,my relatives and i go there. i thought there is very expensive but i was wrong. the taste is very good.you should have a try there!!!!

看過不少食評都話佢吾錯,所以我生日就決定同埋班朋友去食下,一行7人...我們有訂位...我們8點3到...都要等一陣...不過都吾係好耐....環境吾錯...不過係嘈雜一點...個view都吾錯....我們一共點了凍蟹- 都吾錯,喲膏都好正,潮式鹵水拼盤- 都好食,雜錦四蔬- 一般啦,潮醋骨: 酸酸甜甜好好味,炸豆腐- 都ok,胡椒豬肚湯- 都好多豬肚, 煎水瓜酪- 好特別,因本人第一次食所以覺得好得意, 芋茸香酥鴨- 我最鍾意的因為好好食呀....正呀, 糖醋麵- 我未食過,但一食已經愛上,得意之如同埋好好味呀...好掛住呀, 其實還想吃反沙香芋, 但佢話喲芋頭吾好,所以沒得賣....有少少吾開心,不過下次一定要食....

偷得浮生一日閒，與朋友們齊齊放假一天，食野、shopping 、行到，跟住走去做個massage，然後又食過，全日吃了四餐，由早吃到晚，都是留港消費，夠愛港吧!第一站：飲早茶早茶不設訂位，建議最好10:00前到，因之後多數要等位。平日12:15 前埋單有半價優惠，全日茶芥加一全免。 點心都ok，跟之前的食家評過的差不多，最有印象是潮式鹵水拼盤，$60一個，鹵水味好香，好入味，有墨魚片，鵝片、豆腐、鵝翼、豬肉，蓮藕片。甜品:桂花紅豆榚及綠豆爽糖水，但都是麻麻地好食。 值得一提，侍應生服務甚佳，有禮貌，有笑容，不錯！來這裡飲茶，一是貪平，二是貪就腳，因為諗住吃飽飽便可一探新開的尖沙咀SOGO了！

昨晚我們一行7女子來呢度晚飯聚會，由於係星期日，之前book位時已講明只可book晚上6.30或8.30時段，我們book了6.30。去到就立即有人帶位，我地點左6人套餐和蒸饅頭：潮式凍蟹：都幾肥美，好好食，我食左都幾多，因在座有2人唔食得蟹益左我，嘻嘻……；鹵水鵝片拚盆：都幾多幾好食；煎魚，好味，如果多d仲開心；雞，啖啖肉，又入味，正；雜錦四蔬（唔記得個名）：有小唐菜、草菇等，好好食。紅燒雞絲翅：多料又好味；楊枝金露：正常飯碗size，甜得剛剛好，正呢個6人餐因為冇跟飯或麵，個侍應就建議我地加客蒸饅頭，我地7個女子就剛剛夠飽，如果有男士在場就一定要叫多d其他野食，所謂套餐，我就覺得有搵笨之嫌！整體都ok啦，侍應有禮貌。我地係坐在偏廳，以布簾和鄰桌分開，坐得好舒服，傾偈又唔會太嘈，係一班朋友聚腳好去處。

以前經常上潮樓食Lunch, 中肯講句其實無論招呼,食物都係o麻o麻o地. 不過勝在價錢平加埋個環境唔錯, 可以飲下茶傾下計. 如果以價錢同個境來講都抵o既.

First time to go there( total 3 person), food is so so, At TST area, price acceptable, around $ 130/person

友人赴洋留學,一早叫佢出黎飲早茶送別.另一友人提議ok就腳既潮樓.話1215前埋單半價定唔知乜優惠.未去過所以一試.1130去到要等位.入面好"墟埳"下,好多婆婆公公團.全場滿座.可能真係平既關係.服務方面整體幾有禮貌,order帶子腸粉, 一般不過不失水準, 蝦夠爽甜, 反而鼓油唔夠出色, 欠建鮮甜味白灼菜心,新鮮,但又奇怪地甜,加工既甜.鮮竹卷,正常水平.我自己唔好.所以唔評價.唯一同潮洲名有關既潮式大腸, 其實係黑椒豬大腸.味道極濃,辣辣地又同豬大腸好既味道match.推介一試.叉燒包,好唔掂.唔似叉燒包,唔好試.小籠包,皮厚度適中唔會易穿,合格.炒蘿蔔榚點辣椒汁好惹味.而且用一個麵皮炸成既碗裝住.可以食埋幾得意最後係炸雲吞.點甜辣汁好配合.蝦肉爽口.埋單前會俾杯功夫茶.苦.但我like.食到成2點先走人.三人食埋單$180,1215前仲平d(友人試過20人食最後$3xx落樓)整體水準中上價錢唔貴又有海景.可以推介

星期四同兩個朋友食飯，由於只得三個人所以我們只是點了三碟小菜與甜品。鹵水拼盤: 幾好潮醋骨: 酸酸甜甜好好味蒜容春菜: 我懷疑之前剛煮完芥菜，竟然帶有芥菜味及有少許苦，不過都幾好味南瓜西米露: 南瓜好味，可惜畧甜裝修雅致，有靚景，環境不俗。題外話: 上次曾應老闆要求查詢訂房價錢以便招待客人，估唔到十人房要$4000，估唔到其他在北京道一號的食肆訂房價錢也不遑多讓呢!由於over budget，所以最後都決定去別的地方。雖然有靚景，但以星期一來講，這個價錢真的有點過份呢!

讚:北京道一道, 望住維港夜景, 正。裝修及燈光暗暗地, 幾有情調。彈:勁嘈地方窄最唔掂:-從未食過咁難食0既潮州菜(雖然身為潮州人, 但就算用唔係潮州人身份都覺得難食)不過佢最特別0既地方係佢唔係味道唔好味, 而係根本就無味~~~~!!!1.) 叫個卥水拼盤, 係全場最正常0既餸, 起碼有些水卥水味。2.) 川椒蝦仁,盛惠$98, 蝦仁好明顯係雪藏,唔緊要, 無雪味, 不過不單無蝦味, 連"獻" 都無味, 川椒葉唔係炸脆, 係油浸, "霖謝謝"3.) 津白, 無一塊..... 或者應該話0個一"堆"嘢根本無法子無一"塊"菜, 係一"堆"4.) 蝦蟹棗, 無蝦蟹味都算, 最好嘢係連個甜醬都無味0既, 利害。之後(約三個月後) 再俾人迫去多次(女友屋人)~~~ 嗚~~ 完全無改善~~~, 不過試多左個干燒伊麵(即兩面黃或糖醋麵), 比較正常。

因要歡送同事有人提議去呢樹食飯,當晚去到見間店裝修都幾中式,但d桌椅佈局有d怪,特別近玻璃窗位置感覺好迫,另佢有房間供應,但要min.$2000以上,為免麻煩我地叫左個兩千幾o既套餐因而有房可以供給我地!!!因我唔係攪手,o個套餐我約莫記得d菜式如下:鹵水拼盤--有鵝片,紅腸,豆腐等,鵝肉冇乜味另豆腐d味道比較淡,其他普普通通炸蝦餅拼炸豆腐--完全無味,唔掂!!!芝士龍蝦伊麵底--o個汁d味唔會太搶,另外d伊麵索左汁都唔會太淋,幾好,唯一係d龍蝦件唔夠分金銀蛋莧菜--比較乾身,但味道o.k. 好似雞絲翅o既菜--d翅o既口感怪怪,連酒樓飲宴都好過佢!!蒸魚(唔知乜班)--蒸o既火路幾好,唔會過火上湯菜胆雞--雞肉完全無味又鞋,唔掂!!! 伊麵同炒飯--o個炒飯都幾乾身但自覺伊麵比炒飯比較好糖水"楊枝甘露"--好鬼酸!!!加埋酒水(只飲汽水)埋單要成3千蚊,感覺唔太值,因d食物o既味道唔算太出色d潮州o野同出面比未夠班!!另d座位絕對唔好坐同唔舒服,最激氣咁大間食店居然無泊車送感覺有d怪另帶酒上去要收開酒瓶費$30!

5月4日日本友人再來香港了,也不記得她第幾次來,總之平均每兩個月就來兩三天,難得她能抽出空檔前來一聚,當然眾友人也盡量前來,十二個人八時半來到,也要等了好一陣子才能入座.難得一聚,我當然口水多過茶,至於吃什麼,就由搞手代勞好了,反正吃什麼我也沒所謂,來者照吃就可以了,是晚吃了的菜式,詳見如下: (不太肯定名字)1)鹵水拼盤:什麼也有一些,鹵水味不是太重,個人認為較好吃的是鵝片、豆腐,前者有質感,後者仍保持豆腐應有的嫩滑,但整個拼盤我最愛的,反而是在底部的蓮藕,皆因想不到它與鹵水的味道頗夾,有驚喜.2)咸菜胡椒豬肚湯:本身很愛這道湯,而這裡的也算不錯,雖然咸菜比較淡味,豬肚也淋了點,最正是胡椒味真的很搶,如果湯再熱一點就更好了.3)紫菜雞(?):雞較為細碎,墊底的紫菜是炸的,吃落頗有趣,但整體味道一般.4)清炒時菜:忘記了是菜芯還是芥蘭,總之就是那類了,這個算是不錯了,不太油,又爽脆.5)蠔餅:這款趁熱吃還可,凍了就有點油了.6)金華四寶蔬:賣相不錯,乍看以為圓形的是帶子,原來是冬瓜,哈!被騙了,清清地的一道菜,如果沒有了火腿就更好.7)蠔仔粥:個人覺得蠔仔好像有點腥呢,所以只吃了一粒蠔

見佢咁多好評, 又咁難book位, 今次預早book定位, 2枱人中午去飲茶,狂叫點心老味併盤, 有大腸,鴨掌,豬皮豬紅等,得個咸字. 燒賣,粉果,叉燒包,蝦餃,鳳爪等等等點心完全無特別, 只係得個view囉, 同埋價錢唔貴, 但好唔好食我就覺得真係好一般囉service好差, 叫極無人理同埋個張三角型的chair, 我地呢d著裙的OL坐得好唔方便.......

之前一日17/06/05,唸住同班friend 去食飯,於是打電話去定左15人9點到,咁當日9點我地準時到左,但佢地話未有位比我地,要我地等,一等等左45分鐘,班friend 等到個個都肚餓,咁我地就唯有再問點解咁耐都未有位比我地,例牌答案又話多人,又話忙,咁我地要求個經理出黎理論,點解定左位準時到都要我地等咁耐,個小姐居然答我地經理忙到要入廚房幫手整"食送",呢d野唔係廚房做咩?再等多10分鐘個經理ken li 先出黎,只係講左句,miss左我地個booking,有冇搞錯!!張booking紙大大隻字寫住我地個booking 咁都會miss,仲話優質服務,當我地死既足足等左我地成個鐘都冇位,佢個booking有同冇都冇分別,以後唔洗旨意我去食野,稻香集團????black list 左!!!

2005年5月7日(星期六) 下午6時30分我們一行六人來這裡吃母親節晚鈑，因坐在非吸煙區，我們張檯遠離窗邊少少，但都沒有影響觀賞維港景色。當晚侍應們極力推介母親節餐牌(我們初時以為沒有正常餐牌提提供)，可能指定套餐不太適合我們，於是主動要求侍應給我們餐牌，幸好還能給我們叫了想吃的菜式！上菜都幾快，以下是當晚的菜式。鹵水拼盤($80)：用雞碗盛載著的鹵水食物如鵝，豬耳，都很入味，我認為這是其中一樣必食菜式！煎水瓜酪($60)：一般而已，水瓜像失了蹤影，個人覺得沙田興城酒樓那裡的水瓜酪比較好吃。炸鳳尾魚($45)：細細條，個人覺得幾熱氣，等了一會兒才吃，但碟上也不見油，不錯！芋茸香酥鴨($60)：初時以為只是炸了的芋頭茸，吃下去覺得幾香口。鴛鴦雙棗拼海蜇($90)：炸蟹棗和炸蝦棗都有水準，海蜇只是一般。糖醋麵($70)：麵的面和底尚算幾脆，如果未吃過糖醋麵，可以一試。蠔仔肉碎粥($70)：好多蠔仔，都幾肥美。水晶鴛鴦包($30)：薄薄而晶瑩通透的外皮包著奶黃或豆沙，甜而不漏，正！其實還想吃反沙香芋，因大家都飽了，便飲茶暢談一番。踏入八時正，為了方便食客觀賞幻彩詠香江，他們將近窗的燈較暗和