潮樓 (已結業)

月頭同家人去左北京道1號o既”潮樓”食晚飯, 我o地叫左煎蠔餅, 川椒雞柳, 雜菜煲, 糖醋麵, 咕嚕肉, 鯧魚肉碎粥, 咸菜豬肚湯, 咸菜豬大腸等菜, 鯧魚肉碎粥魚粥同咕嚕肉都不過不失, 但煎蠔餅一般啦, d蠔都幾大粒。糖醋麵就麻麻地啦,好散下,唔係好夠脆, 而川椒雞柳又咸左d, 大部份d都唔夠熱。甜品有反沙芋(唔係好肯定個正確名稱), 因為我唔鍾意食芋頭, 所以我冇試, 但我d屋企人話幾好食!因為椰汁燉雪蛤做緊特價($35->$18), 所以叫左黎試下, 麻麻地啦, 一d都唔甜, 唔似甜品, 但都幾多雪蛤, 另外叫左1個綠豆馬蹄露, 可能之前食果個椰汁燉雪蛤一d都唔甜, 所以我覺得呢個好鬼甜。但d侍應好慢反應, 叫左好多次先斟茶!! 不過唔駛加一同茶芥, 都算係咁啦, 8個人都係食左五百幾蚊, 好平!我家姐話之前食過冇咁差, 可能係失準!!

10月29日一行八人黎食晚飯, 本來book左8:30pm, 但都要等到9:00pm 先有位. 叫套餐唔駛諗, 反正大家志在聚舊, 環境唔錯, 好有自成一角0既感覺, 幾好坐. 八人套餐($1,280免加一茶芥)有滷水拼盤, 釀蟹蚶, 釀大腸, 雞, 魚柳, 炒麵, 甜品杏仁露, 仲有幾味唔記得. 味道都幾好, 唔太油, 賣相都ok. 我地四男四女, 結果係食唔晒, 分量都幾夠.

如果星期五晚去潮樓,分分鐘耍等個半鐘,而且等位的客人太多,企晒係好細的Receiption, 又有D可以企係進出口通道,與坐枱只離一塊平風.味道不特別好,不太標準的潮味, 最後都係差在太嘈.

星期六係度食晚飯，早幾日已打來book位，想指明座近窗位，但佢地話d窗位先到先得無得留，佢咁講我都有預感無得座近窗，點知真係，個位麻麻地比d珠廉遮晒只可以係走個時望下個景!至於野食食左蠔餅、鹵水拼盤、蠔仔粥、炸雙棗、炸子雞、豬肚湯、糖醋麵、金華四疏同埋幾樣糖水，d野食黎得好快同埋只係暖暖地，除左金華四疏係熱辣辣，其他野好快涷晒，食物普普通通，最好就係免茶免加一，招呼都ok!

上個星期同個姊妹到尖咀逛街.我地講好左呢晚一定要食潮樓,但就冇訂位.唯有八點零九點上去啦.八點半上到去,只係有幾個人等位,我地兩個人,唔駛十分鐘就有位啦.我地坐0係窗口位,望落街個景都唔錯,幾靚.見到餐牌有特價大閘蟹,九點前三十蚊一隻.九點後四十八蚊.都幾抵,一人叫左一隻.個size都唔細,一打開個蓋,好多膏.雖然唔係爆膏,但係都好得.味道唔錯.有d估佢唔到.食得一隻唔係好夠喉.不過要食其他野,冇再叫.鹵水雙拚,有墨魚同鵝片.個portion都幾大.味道唔錯.d墨魚幾爽口,唔un.鵝片就有幾舊好肥.個底除左有豆腐外,竟然有蓮藕,幾特別.吸晒d汁,好好味.咸菜豬腸,個湯幾好味,辣辣地.咸菜好淋,d豬腸就ok.不過唔夠熱.炸鳳尾魚,好食.但係凍左.不過好多骨下.一個唔記得咩夠0既菜.有火腿,大白菜,娃娃菜,蘿蔔,冬瓜同菇.每樣菜都唔係太多.但係就切都好細緻.好似瓜同蘿蔔咁.不過個汁咸左d.其實食到呢度都有d飽,但係又好想食佢d甜品.不過食完就好失望.全晚最差就係甜品.可有可無.朋友要左薑薯湯圓,個皮好厚,厚到好似唔熟咁.個餡得好少.我要左個馬蹄綠豆爽.好少馬蹄.而且水還水,渣還渣.唔係好掂

we two ppl had a 鹵水栟盆(HK70). quite many and plenty of choices. quite tasty.荔芋鴨and 方魚芥蘭is only so so. i dislike their booking policy. we wanted to book 7:00. but they requested us arrive at 6:45. so i hurried after work. their toliet is disgusting. many toliet paper. service is bad. noone give tea to us after waiting for long while. our dishes went to next table. the square seat ask you to leave earlier.

昨晚試$520 餐4位用，免茶免介免加一，送伍仁月一盒，味道可以但欠潮州風味，份量少，潮式併盆幾入味，酸甜蝦碌味夠濃但不潮州，糖醋麵再乾身一些仲好，甜品兩款。我食6:30-8:30pm 時段，係到激光匯演時有英語傍白及較暗燈光，比較適合遊客。另離開時電梯口太窄，有多人等，有叫number, 剎風景。

I've tried 潮樓on Saturday lunch, the decoration was nice and of course the view was great. They have Canton Dim Sum, some Chau Chow Dim Sum and Chau Chow cold dishes. The mixed cold dishes ($60) looks small but actully there are many things inside. Taste of Dim Sum is average.Four of us had Dim Sum, the mixed cold dishes and deserts only costed $250 (無收茶芥及免收加一). I think we have to pay more than $300 in other Dim Sum Restaurants with same food. So the price was good.I booked the seats next to wind

唔咁好食咋噃!d人講到好鬼正咁!可能位於北京道一號o者俾人感覺上好high潛移默化咗大家清醒d啦!只係將大排檔的食物整得靚靚咁上枱!無謂咗d~今次去食最好食係"糖醋面"呀

星期日同bf及個朋友去食,無訂位唯有等...結果都等左9個字...不過就無話要幾時交返張台俾佢...佢真係好旺場我地唔算好肚餓,所以叫左個鹵水拼盤$70:真係咩都有,d鵝片好好味呢...應該係必食item川椒雞$50雞太大塊,應該切細d...而且好似油左少少..不過味道都ok糖醋面$60:我其實係第一次食,感覺好得意,自己再落糖同醋,不過我覺得好似落醋好味d...其實係咪真係咁食架?每人都係60蚊,唔收加一茶芥真係抵好多....我會再黎架

某個星期六,在尖沙咀海港城,欣賞完畢鋼琴演奏後,一行十多人,一同出發到此店晚膳,坐下才記起此店不設加一,又幾好喎~~只因尖沙咀也屬高消費者地方,能夠在如斯環境下用膳而又不用加一,都幾好呃!!全檯有十二人,先叫來十道菜,全店的也是採用公雞碗,很有大排擋風味~~滷水拚盤:似乎滷得不太入味;蠔仔粥,蠔餅:很足料,水準也很好,咸菜豬肚:很好吃,而且胡椒味也很濃,正~~,青瓜煮蝦:清甜的青瓜配上有點爽口的蝦,都幾好食,另外的菜式也不錯......最好笑是一道叫筍蝦的菜,好笑的是我和朋友,而不是此道菜,事緣我和友人,也不是太熟悉潮州菜,在看餐牌時,大家也以為筍蝦即是筍煮蝦,到此味菜上桌時,怎樣找,也看不見有蝦,於是詢問友人們,致此才得悉筍蝦是指筍...差點笑破友人肚皮~~至於甜品,我們叫了福果芋泥:我只掏了一匙品嘗,認為太甜了,水晶鴛鴦包:這個反而較好,因為甜度適中,最初我們想叫反沙芋件,怎知叫時,侍應才告知製作需時,但竟然要等上一至兩個鐘!!當然就此作罷啦!!至於價錢,本人認為都幾抵,因價格與份量成正比,味道也不差~~

8月31日係星期二勁多人，要book到第二輪(8:30)至有位，幸好安排落地玻璃位，對正sea view。今次同朋友慶祝生日，因為個個都係女仔關係，大家都想食d唔肥又唔熱氣，不過到了最後都唔埋肥瘦問題，一行5個女仔食了8個“食送”同一個糖水，其中當然唔少得有油膩煎炸食物la。我一坐落已指定叫生炒骨同糖醋麵，生少骨冇失水準，我依然食了大半碟，糖醋麵嫌唔夠煎得脆。而其他唔係我負責叫的煎蠔餅，大家都一致讚好，蠔仔夠多，食落口唔會只食到一舊一舊粉；咸菜豬肚湯都好受歡迎，成窩清晒，而我就好鐘意d咸菜，唔咸好爽口。青瓜肉碎煮蝦味道不錯，蝦大隻又多，鹵水拼盤今次仲於有鵝，都係同以前一樣，點了潮州辣椒醬，勁好味刺激，蘿蔔煮黃花魚，蘿蔔雖然都好淋好甜，但係煮到D黃花魚好似D九肚魚，全場最唔抵係清炒西蘭花，一碟得幾件要50大元。本來大家都想食清心丸綠豆爽，竟然潮州菜都冇，唯有最後食馬蹄綠豆爽，味道OK唔太甜。大家食完都好滿足，不過個個都話返屋企做運動才敢訓覺。

星期五晚去食飯,都知道一定好多人,所以一早book定枱,諗住無衰啦!但接電話的shirley小姐話最早都要9:30先有位,咁算啦~9:30就9:30..當晚9:05就到咗,諗住等一陣就有位,點知check留位既list,先發現佢地居然無寫低我訂位個名呀!!!當時打電話booking的時候,呢位shirley小姐問介唔介意留電話,我已經話唔介意留低咗,但佢地都可以話響個list到無記錄,真係咁都得既?!其實呢個情況已經唔係第一次發生,響早一晚我同事都經歷過一模一樣的遭遇,邊諗到會案件重演吖!(接聽電話的都係呢個shirley小姐呀~都唔知佢係咪撞聾。)唉~雖然知客話搵唔到我個名,不過都俾咗張飛仔過我,話下一張枱就輪到我。時間一分一秒咁過去,見到都好多客走咗,但"下一張枱"點解仲未有?當三位知客企響櫃台前傾到興高采烈之際,我終於忍唔住過去嘈,點解咁多客走咗都話仲未有枱?! 鬧到經理出來見到我響度話果三個"知客",當時都已經過咗9:30啦!!! 真係有咩理由吖~ 如果每次訂枱都話無記錄,咁駛鬼打電話去訂位咩~ 排隊等都等到啦!終於9:40可以入座(窗邊位置),點菜。佢地上菜的速度都幾快(或者

We four girls ordered many dishes, including two appendizer HK$40 (deep fried fish and vegetable with pork). the deep fried fish is very poor. It is small and i think the bone should be ediable. however, there are many sharp bones and you simply can't swallow them. we all gave up this.main course includes 鹵水拼盤HK$70. the portion is quite large and there are many things, such as pig ear, goose meat, goose wing, egg, pork, tufu, water lily stem, sausage...I think it is worth for money. we also or

試過三次, 都係lunch time, 嘩, 如果唔book位, 真係唔知等到幾時先有位。縱使book 左位, 都一定要準時到, 否則要等過，因為真係好旺。食物，其實都係一般茶樓有既野，多左d潮州既鹵味。都ok。佢突出之處，我諗都係佢地既靚靚裝潢同海景。員工都唔錯，幾有禮貌，女待應個個化晒妝，好好呀，精精神神咁。仲有呀，係免加一同茶芥，咁先好嘛！lunchtime, 飲得你幾多茶呀，又要你地serve 我地幾多野呀，好reasonable。