漁獲浜燒 (已結業)

浜燒的美妙之處盡在即捕即燒，生猛活海鮮加上有專人於眼前即場烤製，除了美味，還能享受「被服務」的感覺。位於銅鑼灣Sogo旁的澳門逸園中心，是區內其中一幢有名的銀座式F&B Building，同座除了漁獲浜燒，磯野水產也相當高質。立魚刺身 ($388): 今天的時令魚刺身是立魚，其魚晶瑩剔透，白裡透紅，肉質爽嫩，而且魚味清甜而不帶腥味，確是高級享受。Sapporo Draught Beer ($48): 札幌生啤，麥味清香而不會過份濃郁，適合搭配及後的各式燒物。刻之宵 ($68): 盡用剛才餘下的立魚頭和尾，由於魚頭及魚尾的肉不多，所以以燒的方式也沒甚麼肉吃，反之將其炸至香脆，連小骨也能直接咬開，非常香酥美味。活貝浜燒盛合 ($698，活貝 +$100): 原浜燒盛合包含珍寶大蝦、松葉蟹腳、活鮑魚、蠔及帆立貝，而帆立貝轉活貝須加$100揀選數款來點評一下：-蠔比成年男性手掌還要大，即使經燒製後蠔肉也相當肥美厚肉。燒製的時間剛好，蠔肉嫩而多汁，非常Juicy，蠔肉濃厚。活鮑魚肉質爽彈，帶點碳燒香味，蠻鮮香，但沒甚麼肉汁。活貝超級肥美，厚肉而富肉汁，可選以清酒/ 牛油燒製，前者能襯托活貝的鮮香

朋友一直話好想食呢間講左好耐終於等到佢升職加薪佢話book左台要同我食餐飯慶祝一番特製黑松露炙燒平目魚邊沙律好鐘意食平目魚邊入口即溶化salad好新鮮加左黑松露超香麵鼓湯金目鯛呢條魚相當名貴食落好鮮魚骨攞左去煮湯魚湯非常美味鮮甜味噌蟹甲羅燒（配多士）一路燒d香味飄曬過來非常吸引蟹糕味道鮮甜配埋脆卜卜多士真係超正北寄貝超大隻肉質夠juicy同口感彈牙活貝漁獲浜燒盛合（2人前）好豐富啊海鮮好新鮮美味未見過咁肥美嘅鮑魚最正係有專人幫我地燒可以舒舒服服等食柚子雪芭感覺好清新酸酸甜甜椰子雪糕口感香滑椰子味濃（金目鯛魚湯）整體超滿意材料超新鮮服務一流環境好像去左日本咁唔洗飛去日本都食到好野真係好正

今次朋友推介左呢間頂級燒海鮮及刺身餐廳，果然冇令我失望，好難用三言兩語去形容，自己睇圖啦！我地叫店長介紹幾款酒，因為食燒海鮮最好就飲番兩杯，我地一人試左一款，果然係好介紹！梵超吟白隱正宗 純米大吟釀白鎚 大吟釀特製黑松露炙燒平目魚邊沙律，有四至五件平目魚邊，加上黑松露及新鮮沙律菜，好夾！刺身盛合六款+新鮮原條魚刺身！六款有油脂均勻的三文魚、又大隻又新鮮的牡丹蝦、又厚又肥美的油甘魚、鮮甜香滑的海膽、彈身肉嫩的池魚、吞拿魚！但最鮮甜、彈牙都係是日鮮魚刺身！呢一盤超級正！味噌蟹甲羅燒，滿滿的蟹膏+蛋一齊燒再混合，好滑又香濃的蟹膏味喺口中周旋，一試難忘！我們的主角- 特上漁獲浜燒盛合二人前，我地加左錢改將帆立貝轉了活日本帆立貝，因為追求質素，必試！當然係店員幫我地燒埋，唔想郁手，淨享受！時令生蠔，第一眼見到佢個反應就係：超大隻！因為好新鮮，約燒兩分鐘就完成，原汁原味+肥美香甜的生蠔，女士真係一口食啊晒，起碼兩口啦，慢慢享受！兩隻大鮑魚，好少可可以燒得咁好食，而且彈牙度適中！珍寶大蝦必試，本人超愛食蝦，呢一隻的確係極品！燒到剛熟仲會剝埋殻，服務好好，蝦肉吸了少少炭燒香味，好perfect! 蝦頭

其實我是很喜歡吃日本料理的，無論是刺身、海鮮燒、還是鐵板燒… 今天跟幾個知己去了吃浜燒，開了枝清酒(名為七本鎗 ~ 50%精米, 酒精成份15%)，喝了2杯，情緒也高漲起來。 酒味很純，易入口得不得了！ 由沙律開始吃起黑松露炙燒平目魚邊沙律開胃菜式但平目魚邊肥美，魚脂味很重跟本身沙律菜取得平衡令普通得沙律變得更juicy刺身6盛有三文魚、吞拿魚 、赤貝、拖羅、帆立貝、油甘魚每款刺身都很新鮮肥美，機乎都是入口即溶。 但我最愛是赤貝，很大一隻，肉質又爽又甜，非常好鮮味！ 拖羅那種溶化在口中的感覺很利害，回味。赤鮭刺身二食整條赤鮭魚片成刺身，用火燒了一下表面，帶點炙香。 混著醋來吃，口感特別清新吃完的魚頭魚尾拿去煮湯那口麵鼓湯即時升級，魚香令湯底變得出眾浜燒盛合- 有升級為龍蝦外，另加北寄貝，還有帆立貝、生蠔、松葉蟹腳、鮑魚、沒有入鏡的甲羅燒等等我個人覺得貝類海產特別好吃，餐廳的侍應也特別好手藝，用心幫我們燒，火喉控制得非常好。 生蠔，一看就知有多肥美多汁北寄貝以清汁煮，爽口又發揮出清甜味道。帆立貝一隻以牛油燒、一隻為清酒燒清酒帆立貝原汁原味，彈牙又甜美牛油帆立貝味道厚重，口感又是另一種更豐

事隔多月, 再次和朋友們黎到 “漁獲”餐聚. 熟悉的環境 和 依然咁nice餐廳職員, 令我們渡過一個開心又放鬆的晚上.  清酒櫃 和 大片的清酒貼紙墻 黎得呢到當然唔少得叫返支清酒飲下. 在職員的介紹下, 朋友叫左支“七本鎗” 渡船 純米大吟釀.  平時少飲酒, 所以對清酒都唔係太了解. 而呢枝清酒俾我感覺係都幾清甜同容易入口, 都比較適合女士們飲. 會令人不知不覺間飲多兩杯. 雖然易入口, 但最好都係慢慢品嘗慢慢飲, 因為後勁都幾勁. 不錯的餐前小食 “細芝麻鹽醬椰菜”.  芝麻醬汁香濃, 椰菜清新爽脆. 黑松露炙燒平目魚邊沙律  炙燒過後的平目魚油香突出, 淡淡的焦香味, 口感軟滑幼緻. 沙律菜新鮮爽脆，牛油果少少軟腍. 淋上濃郁的黑松露醬, 沙律即時生色不少, 又香又美味。 刺身盛盒 (6款刺身包括三文魚, 吞拿魚, 赤貝, TORO, 帆立貝 & 油甘魚)  三文魚紋理鮮明，肉質肥美鮮甜; 吞拿魚够甘香; 赤貝爽口鮮甜; TORO油脂豐富够哂肥美, 入口即溶; 厚切帆立貝肉質既鮮甜又肥美; 而油甘魚就肉厚細緻而甘甜。 第一次食來自北海道的赤鯥魚刺身, 估唔到係咁美味!

朋友邀請我今晚去銅鑼灣開餐，朋友知道我是蟹癡，無蟹不歡，而位於銅鑼灣既<漁獲浜燒>出名一個字 “鮮” ，所以朋友二話不說就決定到<漁獲浜燒>一嚐新鮮海鮮。最近香港興起了浜燒，浜燒意思是即捕即燒，而<漁獲浜燒> 既海鮮是由日本直送，所以包新鮮。 餐廳裝潢就如令人置身日本一樣，富有日本小店的味道，店舖不大，但精緻。其中一道牆很特別，貼上了所有清酒的貼紙，店員解釋道，每次客人開了清酒，也會把清酒貼紙貼到這牆上，形成了特別牆。 餐牌有很多選擇，分別有浜燒、刺身、燒物、卷物等，既然呢度出名海鮮，今晚我地就專攻海鮮。 今晚有機會一試『4kg既鱈場蟹HKD3200』，果然是超大號，單單是蟹身，已經比我們每一位既臉大！店員在煮之前先拎比我地影相，我見到隻蟹仲好生猛，誰想到我一下秒就要食左佢！！至於我地點樣處理呢隻蟹呢，蟹腳是燒，蟹身就蒸熟，其實只要海鮮夠新鮮，唔需要下調味都已經好好食。 我們的檯邊放了烤爐，師傅在我們旁邊幫我們把蟹腳烤好，即烤即吃。鱈場蟹出名是肉甜膏多，果然名不虛傳，蟹肉非常鮮美，細心的師傅已經預先把蟹腳剪開，讓我們輕易吃到啖啖蟹肉，結實

好耐冇同朋友大擦一餐，於是今日就決定去銅鑼灣一間日本餐廳食返餐好嘅。餐廳位於銅鑼灣澳門逸園中心18樓，地理位置方便，門口就已經好有日本風格。室內都充滿濃厚嘅日本風情，恍如置身日本當地用餐。梅酒味道微酸醇甜，SuntoryHighBall 日本非常流行嘅威士忌飲法，威士忌同梳打水嘅比例恰到好處，入口非常清新。特製黑松露炙燒平目魚邊沙律，黑松露同牛油果嘅味道非常配合，加上入口即溶嘅平目魚邊，簡直係沙律中嘅極品。金目鯛師傅以純熟嘅刀法將整條金目鯛製成刺身，刀工細緻伴碟亦非常講究，魚骨部份就攞去煮湯，湯嘅味道非常鮮甜。味噌蟹甲羅燒，味道鮮甜，烤嘅時候已經聞到陣陣香氣，蟹膏味道非常濃郁再配上味噌更加鮮甜。活貝漁獲浜燒盛盒，海產種類多大隻而且新鮮。所謂浜燒就係將海鮮捕獲後直接攞去燒，唔會浪費食材而且原汁原味，店員非常細心咁處理每一種海鮮。巴西石蠔，蠔身飽滿，入口鮮甜。帆立貝厚身，店員細心咁將海鮮切開方便食用，肉質爽口彈牙。新鮮嘅鮑魚未燒之前仲不停咁郁緊非常新鮮，鮑魚入口煙韌，加上醬汁一齊食更加美味。北寄貝好大隻，口感細膩而且富有層次感，入囗甘甜爽滑。珍寶大蝦，蝦肉爽口彈牙肉質鮮美，而且充滿蝦膏。松

番工甘辛苦真係想食d好野慰勞下自己，上星期同朋有去左銅鑼灣一間日本餐廳食飯，我就第一次上去，都係聽朋友介紹先去試下。入到去環境唔錯，幾有日本氣氛，奇怪無訂位都即刻有位，有d伏味。不過一場黎到，都比下面食下，點左幾樣菜，有黑松露炙燒平目魚邊沙律，池魚刺身，鮑魚，牛柳同松葉蟹等上等食材。拿，黑松露同牛油果既配搭係幾出人意表，食落好正唔似一般沙津甘淡！條池魚刺身係北海道即日運過黎，好新鮮！加埋秘制酸汁，味道一流！之後就到主菜，朋友唔係好食生野，所以叫左個二人燒海鮮套餐，有大蝦、松葉蟹腳、鮑魚、生蠔同帆立貝，真係食唔晒！好彩有店員幫手燒，岩晒懶到出汁既我地。食材新鮮，燒完都唔需要太多 都已經好好食，不過價錢就貴小小！最後有甜品sweet potato雪葩結尾，好清甜，好想買幾個返屋企自己雪黎食。

我搵食之前最鍾意 google ，浜燒是指將海鮮即捕即燒，漁獲浜燒大概就是這個意思。由日本直送新鮮海鮮，讓我們今身在香港也可感受到日本浜燒的滋味。浦坐下先來小酌一杯，隨意點選了京姫 梅酒，入口香醇，質感細緻，帶梅香。女士們總喜歡 on diet 的感覺，令自己不會吃得太多而有內疚感 ，我還是先吃為敬。特製黑松露炙燒平目魚邊沙律 $138‬。真的要讚美一下平目魚邊火炙燒過，油脂豐富，翠綠的‪沙律菜配以牛油果、柚子醋清新開胃。濃郁的黑松露醬令沙律整體味道更上一層樓。赤鯥刺身 $780，我哋好好彩可以坐吧枱，望住師傅刀法如神，成條魚栩栩如生，入口魚香四溢，刺激味蕾。接下來便是浜燒時間，當天晚上差不多全場滿座！店員不停手為食客奉上美食，第一道是粒貝 $328，也就是原隻響螺，好大隻呀！燒到剛剛熟，咬落鮮甜多汁，入口有嚼勁。接下來是我喜愛的味增蟹甲羅燒 $78 ，濃郁的香氣四溢，蟹味十足。配香脆多士食更加係口感豐富。食到差不多，我們幾個澱粉質女孩，決定要一個極上漁獲魚生丼 $328。用木盆奉上，色彩繽紛，賣相十足。講到味道更加係喜出望外，吞拿魚腩很肥美，魚油香濃。馬糞海膽鮮甜到爆炸，絕對係值得期

話時話平時食日開日本料理，都會分咗不同嘅煮法，又可以食到每款食材不同味道夠多元化，又其係海鮮多數都會用浜燒烹調，咁樣會食到海鮮嘅原汁原味又唔會浪費左新鮮食材，講番今次又去咗食日本料理其實要品嚐一餐美食食材新鮮固然重要，就好似呢度除左主打浜燒之外，都有刺身，炸物，手卷，煮物，食事同埋唔少得提供日本酒飲，當然要食吓浜燒啦，先有係日本帆立貝，睇見帆立貝係火爐慢慢燒至熟透，而且肉質夠豐厚真係未食先興奮，仲係熱辣辣放上碟，而店員已切開一件件放便大家食用，先食一件入口肉質爽嫩彈牙又多汁好鮮甜再來係活日本響螺（原隻），將響螺肉切成粒再放上爐燒，等差不多煮熟再落少少酒又可以提升肉嘅鮮味，食落肉質特別爽滑口感十足正，我連螺肉汁都飲埋真係唔好嘥當然要襯番杯酒一啖肉一啖酒啦，輪到有時令生蠔，睇見好似好簡單，其實要燒至肉質啱啱好，都要全靠店員細心睇住燒，咁樣先可以食到鮮嫩肉質，入口蠔肉滑脫脫食到滿口都係蠔汁食完一輪美味海鮮，都要食下其他美食，有燒物蒜片煎牛舌，未食已聞到香濃嘅牛味，牛舌煎得外脆內軟，而肉質亦夠飽滿，一入口已食到牛舌嫩滑之餘，油肪香甜味濃郁，真係食得滋味品嚐咗一餐美食最後食番個蘋果雪芭咁就最完美

餐廳不算很大，大概容納到廿五人左右，所以一定要訂位，食飯當晚都係全場爆滿。前菜係芝麻醬椰菜沙律，芝麻醬上面有薯片同有小小辣味，甘甘甜甜好開胃。唔知道套餐有前菜所以都叫左個黑松露炙燒平目魚邊沙律，黑松露同牛油果既配搭合適，黑松露味亦夠濃！店員介紹由北海道即日直送既池魚刺身，好新鮮加埋秘制酸汁，味道一流！之後就入正題，呢到出名食燒海鮮，我地叫左個二人燒海鮮套餐，有大蝦、松葉蟹腳、鮑魚、生蠔同帆立貝，好足料重有店員幫我地燒，所以食完都唔會好大陣味。因為夠新鮮，全部海鮮燒完都唔需要太多調味都已經好好食，呢個餐無得彈！最後有甜品蘋果雪葩結尾，平時好小有蘋果味，好清甜好想買幾個返屋企自己雪黎食。雖然價錢係中上位，但絕對物有所值，性價比都算高！

今晚同個老朋友去食浜燒，這裡確實係一個相聚好地方，環境同食物絕對係新鮮好味！有吧枱同普通座位，朋友喜歡眼見到師傅在工作枱上工作嘅樣子，所以就座係吧枱，店員先上個前菜小吃細芝麻鹽醬椰菜，再望望餐牌，朋友極喜歡浜燒，所以今晚就點了個二人前特上漁獲浜燒燒盛合$698，店員推介轉活貝都係加多$100，食就係要最好，就轉了活貝，當然再加多份味噌蟹甲羅燒配多士$78，加多個生燒鰻魚飯$158，二人份量絕對夠吃！一邊同朋友傾談往事，邊看住店員為你燒個浜燒盛合，真係十分好，夠晒新鮮原味，有齊色香味俱全！加埋杯飲品就係享受人生！店員推介了枝超靚嘅清酒，不過自己唔係好飲得，所以都係點了杯巨峰味汽酒$46，巨峰提子味濃郁！邊傾談往事嘅時間，見到店員好忙碌地將不同嘅海鮮放在浜燒爐上，最快就係個味噌蟹甲羅燒，啲蟹膏加埋隻蛋，燒得好香，配埋塊香脆多士入口更加好味！接住就係燒蠔，真係燒得大大隻，唔會縮水，而且隻蠔夠晒肥厚香滑，咬開時重充滿肉汁，好肥美juicy !美食真係一道接一道，新鮮生猛嘅鮑魚之前在碟上還不停地活動，轉個頭就係一道浜燒鮑魚上枱，店員細心將鮑魚切片，讓客人容易入口之餘，又唔會大大隻咬開時燙傷個嘴唇

五月中旬與幾名好友一起到北海道旅行。最難忘的莫過於那裏新鮮的海鮮，大大小小，我們一共吃了十多餐的海鮮。回港一個月也沒有，又開始想念那裏的美食。有見及此，特意和好友訂了這間位於銅鑼灣的日本菜，一解對日本菜的相思之情。 這間餐廳位於銅鑼灣澳門逸園中心，地點十分方便。從銅鑼灣地鐵站D2出口，Sogo旁邊的商業大廈搭電梯18樓便到達。店舖名字的浜燒是日本漁民傳統的一種烹調方法。指的是海濱旁邊的燒烤，用最簡單的方法吃出食材的鮮味。一場嚟到我們點了一個浜燒拼盤和其他日本菜一起分享。 1) 前菜沙律(⭐⭐⭐⭐💢):簡單的沙律菜配上微酸的芝麻鹽醬，吃起來感覺清新，令人食慾大增。2) 刺身盛合五款(⭐⭐⭐⭐⭐):一共五款的刺身盛合包括了三文魚，吞拿魚，油甘魚，馬糞海膽和牡丹蝦。馬糞海膽吃起來鮮味十足，不會覺得腥，是新鮮食材才做到的效果。魚類刺身每一款三片，而且每片也是十分厚切的。三文魚和吞拿魚十分肥美，脂肪分佈平均，入口即溶，完全沒有筋。油甘魚則較為爽身，吃起來有嚼口。另外的牡丹蝦也十分大隻，肉質結實而新鮮，吃起來啖啖肉。3) 蒜片煎牛舌(⭐⭐⭐⭐⭐):這算是我近來吃過最好吃的牛舌。牛舌十分厚身，煎得剛

之前聽朋友講浜燒有幾好食，今次帶埋爸媽老公去銅鑼灣試下~店舖唔大，一定要先訂位。當晚滿坐，眼見有人walkin都無位。室內陰暗有情調，有好多情侶幫襯。我地四個人一邊食一邊叫咗6樣嘢。特上漁獲浜燒盛合(二人前)($698)。有蝦蟹鮑魚蠔帆立貝。店員幫我地燒埋，分埋四份等我地可以每樣都淺嘗。五款食物當中蠔最出色，飽滿嫩滑。味噌蟹甲羅燒配多士($78一份)。蟹膏鮮味，如果塊多士大塊啲就更好喇。蒜片煎牛舌($98)。牛舌厚韌香口，必食白鱔浜燒($138)。唔記得影相。鱔肉嫩滑，如果塊皮脆啲就好喇。生燒鰻魚飯($158)。唔記得影相。白鱔配埋醬汁，可以食多幾碗飯。北海道馬糞海膽手卷($98)。海膽甘甜，唔加豉油都超好味，必食總結係，如果四個人食應該叫四人前盛合。仲有同燒海鮮比，我覺得蒸海鮮更能夠保持鮮味同肉汁。