漁獲浜燒 (已結業)

又到左友人帶我食好野既時候啦！今次係銅鑼灣既浜燒。呢間餐廳好出名，星期三晚上去都好多人，店員忙到踢曬腳，但都依然好有耐性甘同我地介紹同一有空閒就過來問候招呼。店員介紹浜燒既由來係日本漁民，係海邊即撈即燒，指係海濱即燒。所以店鋪既海鮮由日本新鮮空運到港係就立即養係水缸，要食時即撈即燒，做到好似原本浜燒咁。先來一客普通黑醋生菜，開一開胃。第一道牛舌。首先賣相已好吸引，大大塊牛舌食落好juicy，少少生，但咁先夠嫩口！伴碟仲有脆蒜同酸辣汁，可見師傅既用心。再黎刺身五味，因為我話想食海膽，只有刺身五味先有海膽。海老蝦超級大隻，食落好鮮甜！肉質又彈牙爽口，一隻已經好大隻好夠啦。三文魚都夠肥美。吞拿魚我就本身不太愛吃啦。油甘魚有三片呀！仲要所有刺身都好厚切，非常足料！最後食我最愛海膽！佢仲提供紫菜可以包住食，夠特別又好味。跟住當然係浜燒時候！第一式北海道生蠔。好大隻蠔呀！燒得半生熟，咬落勁多汁，而且入口即化！大扇貝真係我見過最大隻！店員好有心機咁幫佢清潔，再起殻。最後上碟係咁。帶子裙邊好爽脆，而帶子肉就好幼嫩。真係有姿勢有實際！松葉蟹亦夠鮮甜，不過比較貼殻同乾身左少少。南非鮑魚未煮熟時仲郁左好耐。