漁獲浜燒 (已結業)

忙碌完一日，當然想食餐好，所以去左一間坐得舒適又可以一飽眼福既日式居酒屋。所以即刻諗起漁獲呢一間，事關呢間係以前我公司既舊客人，所以好肯定食材，刀功，員工質素都屬於一流水準。所以二話不說帶左我女朋友去啦～佢當然笑到見牙唔見眼啦！到左目的地之後，侍應妹妹帶左我去一個壽司吧檯坐。一來可以觀摩到壽司師傅一流既刀法，二來可以睇住即點即烹調既技巧，絕對係一個視覺上享受！坐底之後有一位侍應妹妹好有禮貌咁介紹呢間居酒屋有咩野時令海產，聽完佢介紹之後。最後都交由女朋友決定食咩野～果然漁獲不負所託，水準一樣高超！以下今晚食既海產。香煎蒜片厚切牛舌　日式食材，西方煮法，西日混合果然別有一番風味。外觀經過悉心擺設，馬上吸引女朋友目光，馬上手機先食。味道出色，出色在於牛舌雖厚切，但冇烹調太久，時間恰到好處。食到濃烈牛肉味。牛舌之上舖少許炸蒜片。令牛舌之味帶有蒜香刺激。味道更上一層樓。當中拌碟更有橄欖油，整碟菜式都帶有色彩比，做法高明！燒喜知次　所謂喜知次，其實就係北海道大眼雞。日本三大名魚之一，所以要一定要試下廚藝水準點可以冇左佢呢～果然再一次合格，更令我讚不絕口！喜知次以燒方式烹調，燒完更可以平立碟上。簡直

朋友喺人來人往銅鑼灣行到肚餓話想食下日式燒海鮮, SOGO旁邊既澳門逸園中心, 18樓上面搵到呢間漁獲浜燒睇睇餐牌有好多種海鮮呀一坐低緊係飲杯冰凍梅酒同埋自家調製既sake先啦😋- 金目鯛刺身 -急不及待要食d 野先😂一開始行到個人熱辣辣, 都係食個冷盤降下溫先, 師傅喺坐喺酒吧枱既食客前面即席大耍刀功, 手起刀落將條金目鯛切片砌到好似一朵鮮花咁靚🌺🌺白身魚作為頭盤一流, 淡淡既魚香慢慢滲入味蕾😍- 金目鯛魚湯 -正所謂一雞兩味就係咁解, 頭先金目鯛魚頭魚骨既部分就拎左去整呢個湯, 用咁新鮮既魚煲出黎既湯, 唔需要任何味精已經夠晒鮮甜😍- 特上漁獲浜燒盛合 -可以另外加錢將套餐入面既2隻大蝦轉成1隻龍蝦😍呢個係二人前, 除左蝦/龍蝦之外, 仲有松葉蟹腳, 鮑魚, 蠔, 帆立貝架🤩全部都喺你面前即燒即食, 唔會一次過燒熟晒凍晒ma😝建議就咁食一舊先, 仲可以點d 柚子胡椒同埋七味味增黎帶起鮮味☺個龍蝦不得了, 上面果個醬唔講你一定唔知, 佢係混入左蝦膏,蝦肉碎,麵豉醬, 然後再用火槍炙過個面, 好香好正🤤🤤- 味增蟹甲羅燒 $78 -濃濃既蟹味衝晒住你既喉嚨, 如果真係覺得太濃蟹味, 可

呢期流行食浜燒? 身邊一隻二隻餵食貓三番五次相約我食浜燒。見到大家一提起浜燒涶涎三沢，約是我地去左銅鑼灣逸園中心的漁獲浜燒過過口癮。幸好有訂枱，坐下來不久，餐廳已爆滿，小小的地方，俱有日式風格。今晚我地想以主食為主，好味得黎最重要飽腹😬點左A5 和牛壽喜燒 - 成塊光酥餅咁圓的A5和牛片一上枱已經令我地驚喜若狂，食落又juicy，嫩口又充滿牛香，鍋物配有的野菜同樣鮮甜，熱騰騰很滿足。見到d牛咁正，向來愛好雞肉的我都提議點個雞肉鍋，雞肉嫩滑，充滿雞味得有點意外，同是美味。今晚最想食龍蝦，所以我地都點左一隻，採用最原味的浜燒，龍蝦肉鮮美得還保留著海水的點點咸味，值得一讚。和食點了燒白鱔，白鱔皮香脆，魚汁飽滿，㕑師的燒功實在驚為天人。點左一支清酒，一邊暢飲，一邊聊天，人間天堂般享受。

慶祝特別日子的盛宴！食龍蝦、鮑魚、蟹甲羅燒、燒扇貝！ 曾經有人問過我：慶祝特別節日食乜好？我就推介漁獲浜燒！食過幾次，店員認真又熱情，性價比高，實屬本港高質浜燒！細心留意之下，每位店員的燒法會稍有不同。 當中特別特別鐘愛店家的「活貝魚獲浜燒盛合二人前」，有珍寶大蝦，松葉蟹腳，鮑魚， 蠔， 帆立貝。全部都勁新鮮，上枱時見到仲識郁！ 首先介紹味噌醬燒龍蝦，店家用日式料理常用的味噌醬燒龍蝦，可以把完整的蝦膏封在龍蝦內。再用火槍狂烤，爽口彈牙、味道清甜！！ 然後到我偏愛的燒鮑魚，肉質飽滿，經過炭燒後，口感爽彈易咬，鮑魚邊位帶一點點炭燒味，正！ 至於燒扇貝，可選牛油/清酒作調味。本身扇貝肥美肉厚，個人較喜歡牛油燒扇貝，其肉質鮮嫩而且非常惹味。而清酒燒扇貝可謂酒鬼最愛，甘醇柔滑，和鮮嫩燒扇貝一齊入口，更突出鮮味。 跟住到我每次必點的蟹甲羅燒，味道香噴噴！蟹肉混合蟹膏、鵪鶉蛋，味道甜美，加上麵包糠及葱花來吃，口感豐富，簡直是極品！ 另外，牛舌也是必食，也是常客的最愛！牛舌本身好惹味，外脆內軟，咬下去有肉汁且帶有油脂，水準保持得好好。 另另外，夏天又點少得這個賣相趣緻又好味的雪芭解膩呢！

漁獲浜燒係我一間非常非常鍾意既餐廳每幾個月都一定要去一次每之去都會嗌特上漁獲浜燒盛合($1008) 而珍寶大蝦換左龍蝦，所以價錢係貴左啲，但係物超所值 其餘都係鮑魚，帆立貝，蟹，蠔。龍蝦會活生生拎出黎比你睇下佢幾生猛。真係燒得非常好，一直燒都提醒我地有可能會彈油今次比較特別係加上味噌醬，燒到微微燶，金黃色，入口肉質彈牙爽口，味噌汁味道好重。扇貝落左牛油非常香口，味濃甲羅燒都係我好鍾意既食物，蟹膏好香口好濃味！

最近都愛上食日本浜燒大餐，美味的海鮮燒得香味满溢，令人食指大動。今晚訂咗位去好耐無食的漁穫浜燒，好返餐美食獎勵下自己。餐廳夜晚好快就满座，建議都打電話訂位先。金目鯛刺身，原條切片，顏色好閃紅色，色澤鮮明，賣相好靚。肉質晶瑩剔透，鮮甜嫩滑，咬落有啲質感，彈牙的感覺。食完個魚刺身仲可以即刻攞個魚頭魚尾去煮味噌湯，好香濃，煎過的魚頭魚⻣味道好突出，超鮮甜美味，魚香的精華都留係湯內。我地叫咗個龍蝦活貝浜燒盛盒，有活鮑魚，日本岩蠔，活帆立貝，松葉蟹腳等，全部都係即撈即上檯，好新鮮，隻鮑魚仲會動的。餐廳職員都會好細心地幫我地逐樣燒熟啲海鮮，完全唔使我地動手，可以慢慢觀賞佢燒。燒鮑魚，鮑魚肉質好嫩滑，唔使落任何調味都已經好鮮甜，帶有少少海水味，咬落好有彈牙。清酒燒帆立貝，餐廳介紹我地用兩種方法燒帆立貝的其中一種，清酒味道清甜，同帆立貝的鮮甜味都好夾，裙邊比較爽口，帆立貝肉質有嚼勁，食得出一絲絲的質感，多汁入味，吸收晒清酒的清甜。另一種方法，香草牛油燒帆立貝，味道偏重啲，牛油的香味好濃郁，帶有少少香草味，感覺清新，香味在口內散發。味噌蟹甲羅燒配多士，入面有蟹膏，蟹肉，牛油，同鵪鶉蛋，燒好後再在面上加麵

星期五晚同朋友食飯鬆一鬆，就揀左漁獲浜燒。最近香港都好似有唔少呢一類嘅日本海產燒，我哋揀咗呢一間主要係因為喺銅鑼灣方便大家收工！我地點左唔少燒嘅嘢食，就例如味噌解甲羅燒配多士，大蝦，帆立貝，燒魷魚。另外仲叫左燒芝士年糕，仲有一人一杯酒。首先味增蟹甲羅燒，果然大家無介紹錯，好香呀！又唔會好咸！配多士真係好適合。其他燒海鮮質量都唔錯，唯獨係帆立貝份量真係比較少咗啲喇至於店員會問我地係想點樣食法，我哋揀咗一隻用清酒燒，另一隻用牛油燒，清酒燒到出嚟其實冇乜清酒嘅香味，反而牛油燒就香得多喇至於手卷，吞拿魚係新鮮嘅！最後食埋個燒芝士年糕，年糕非常軟熟，煙煙韌韌好好味！最後埋單，每人大約五百幾蚊，價錢貴左啲啲，份量亦都唔算話好飽肚，不過勝在材料夠新鮮！

餐廳環境唔錯 唔迫  建議BOOK枱是日新鮮魚限量兩條 金目鯛 $580  果然無失望好新鮮 鮮甜  肉質係有咬口  唔淋  高質魚生係唔同白鱔 $138  即係鰻魚燒得好好  好肥美  啖啖肉  夠嫩  唔會話整得太咸 一食就停唔到香煎牛吞 $98牛吞好嫩  入即溶咁  賣相都好靚  有特登落心機整伴碟北寄貝 $198 文袷蜆2隻 $176 魷魚$78有專人幫你燒  唔洗自己郁手  保証唔會燒得太耐職員只係落左鹽同酒燒  無落任何其他調味料  保証鮮味出晒黎柚子雪芭 $58以為甜品會普普通通  點知好有驚喜真係用成柚子上枱  食完咁多海鮮  再食呢個甜品感覺口入面的油膩感無晒

想食燒海鮮， 但韓燒， BBQ食到厭，今次就試下浜燒！！聞說浜燒係喺日本剛剛捕獲既海鮮隨即運送黎香港， 所以d 海鮮特別新鮮今次叫左原條金目鯛， 非常新鮮， 肉質爽脆富彈性， 放題既魚生完全無得比， 呢d 先係真正魚生！魚頭魚骨仲可以揀脆炸或者煮味噌湯， 一魚兩食， 正！另外值得一提， 呢度既staff 係會幫你燒埋， 只係差在未餵到埋口，服務好好，佢會推介最新鮮既海產， 會幫係燒埋分埋， 完全唔駛驚唔識燒嘥晒d 靚海鮮同食材！ending 食埋原隻柚子雪芭， 好fresh, 唔會好重奶味。 下次要試埋個蕃薯味， 唔知會唔會原條蕃薯上呢

同家姐想食餐好舒緩下最近既壓力，揀下揀下就決定去食浜燒🤤真係冇揀錯，好食到想食左條脷🤤一黎嗌左杯酒先，例牌飲柚子酒，依個有埋檸檬香，好飲🤤前菜沙律✌️點左份龍蝦二食，佢哋會撈左龍蝦本人出黎比你望下，之後就會拎去料理🦂龍蝦刺身本身甜都不得了，口感偏爽口，肉嫩又大件，食到停唔到😭😭之後就點左個沖繩風沙律，有各種刺身係上面，一樣都係非常鮮甜，海葡萄咬落去咔啦咔啦令人開心✨厚燒牛舌食落去超感動，充滿牛香不止，仲要真係好厚身，一咬就感受到油脂既汁😭燒野部分，我地點左個響螺，用清酒煮燒，一啲都唔會韌口，非常甘甜🤤帶子就一個用牛油一個用清酒，各有各出色，清酒有本身帶子甜味，牛油就帶蒜香，十分惹味💕終於等到我哋嘅龍蝦第二食，用龍蝦膏同肉做既甲羅燒，好食到我哋想食埋個殼，膏香濃幼滑，回味無窮🤤仲未飽嘅我哋加點左炸小魚，外脆內軟，係佐酒好物✨最後點左個燒魷魚，爽口彈牙不止，海鮮味撲面而來🦑真係又滿足又好食，值得再去💕💕

第一次寫食評...因為太一般嘅關係所以冇影相😕本身諗住母親節同媽咪食餐好啲,點知好失望黎到個樣都幾吸引叫左個set得隻鮑魚係新鮮啲🤔🤔🤔清酒煮帆立貝腥到不得了....🙄牡丹蝦完全唔新鮮....🙄個蟹蓋不予置評....🙄隻蝦燒得過熟....🙄講食物佢係唔值呢個價..可能地區關係啦不過比呢個價錢食呢啲野,我會寧願食放題但係service都值得一讚😂最後完全唔明點解咁多好評.....完

食物味道ok  ...  環境ok...  不過食完肚柯價錢不便宜..不過食物味道是好的..但是吃完之後拉肚子...本人腸胃一向ok ... 很少肚柯...I think I will not come here next time

上次吃完備長, 剛好有慶祝即來到這間被朋友力推同棟的日本餐廳去享受美食。 店可見到有池養著新鮮的海產, 另外有幅牆貼有酒紙, 感覺既親切又別緻。來這裡的重點自然是吃, 這次因食物太好吃簡直發揮了小宇宙前菜是細芝麻鹽醬椰菜 $20很小的一碟, 由於是芝麻醬所以挺香口, 椰菜則清甜。沖繩風沙津 $138這價錢絕對實惠, 首先有沖繩的特產苦瓜與海葡萄, 沖繩的苦瓜咬感清爽, 味清香甘甜並不苦澀, 且做成沙津營養價值自然就更少流失, 健康美味哈哈。而海葡萄味道是清淡的海咸地道, 咬感則非常爽脆, 配上紅黃甜椒及多種刺身, 除了視覺上好看, 味道也是清新爽脆又帶點刺身的鮮嫩, 口感與味覺的層次都非常豐滿。 伊勢海老(龍蝦) – 活刺身+兜甲羅燒兩食 $598一隻此餐價錢升華的原因(笑), 但絕對值得一吃! 一來龍蝦是新鮮現切, 二來是真的太好吃! 先上新活的刺身圖, 活刺身的肉是肉質非常清爽且肉也是挺彈牙結實, 味道非常清而鮮, 基本上很快就把刺身清光了。至於 兜甲羅則要排隊燒, 上邊鋪滿了龍蝦的蝦膏。由於新鮮且大概跟來地的海水質量有關, 蝦膏味道唯重, 卻一點腥味也沒, 而且配上用適當的火喉燒

小妹生日在即，有好友請食飯，當然出席啦！今次朋友帶我食日本野，餐廳位於銅鑼灣，都幾方便下！門口貼咗好多不同報章雜誌的介紹，令人十分期待接下來的晚餐質素有多高。餐廳私穩度很高，除了中心的大格，另還有幾間不同大小的房間，專門用來放置二人枱，令情侶可以有二人世界。呢個牛舌做得十分好！去食的朋友一定要試！牛舌雖然細細粒但都幾厚！一厚大家就會問會唔會韌，我想同大家講呢粒牛舌好軟稔，師傅煎到外脆內軟！令人十分回味！因為朋友喜歡食刺身及海膽，所以點左呢個5品刺身！海膽質素好，好creamy，隻蝦好大隻，肉爽無雪味！最好食Toro，油脂足夠又不膩，咬落去既彈又軟，好幸福。呢個燒白鱔都係必試！啖啖肉，燒得外脆內軟！非常好味！黎呢度無理由唔食濱燒！ 呢個套餐好豐富，有生蠔、活鮑魚、蟹腳、活扇貝！未燒已經好期待，而且呢度食係唔洗自己燒，有靚蠢姐姐燒俾你！火候控制同服務態度都非常之好，令人好滿意！先來燒蟹腳！蟹腳開好哂，你只係需要用筷子撩啲蟹肉出黎！姐姐同我地處理好哂，坐定定食就可以！呢隻蠔⋯啖啖肉！非常鮮嫰多汁！ 燒好熱辣辣又唔會燒得太老！呢2隻鮑魚非常新鮮，我地好殘忍地望住佢地由生勾勾咁燒到變桌上美食！鮑

心情唔好，公司俾人蝦，升唔到職😢😢老人見情況我情況不理想，勸都冇用，對付嘴饞的我，最好嘅治癒方法，當然係請我食餐勁嘅！老友係港島人，揀左銅鑼灣的漁獲浜燒請我食。雖然是樓上鋪，但一出地鐵站就係，地點都算就腳，好方便！老友知道要解我苦困、憂愁🤣🤣，一坐低，就同我去魚缸揀咗隻龍蝦，話食咗包唔會俾人蝦！🤣🤣全程侍應係隔離，調校醬汁，小龍蝦，切好晒一嚿嚿，服侍晒你食，只係未餵埋口啫！食龍蝦食到咁啖啖肉，有好鮮甜，仲要唔使整污糟對手，真係激高級享受，正！老友仲叫咗一個活帶子拼盤，超新鮮，尤其鮑魚，上枱仲勁生猛咁喺度郁！侍應繼續高質服侍，殘忍地燒完隻鮑魚，仲要碎上你食，揸住隻叉慢慢拮！真係港女嚟食都唔怕唔優雅🤣🤣！燒海鮮拼盤份量都幾多，我哋兩個唔細食的女仔都覺得夠！燒活元貝，真心好大隻，好鮮甜，完全冇得挑剔！老友怕齋食燒烤海鮮，太熱氣！仲叫咗刺身，都算高質，全餐一貫水平，夠新鮮！厚切燒鱔片，有別於外面一般的萬裕，值得一試！牛脷生熟到剛剛好，送啤酒一流！最後配上日本直送雪糕，完全咩煩惱都盡消，為我以這一餐豐富的，畫上完美句號！總評：價錢真係唔算平，人均消費都近＄1000 ,個人認為絕對物有所值，所有海