漁火海鮮刺身火鍋

營業中

休息中

這幾天凍了很多，天氣一凍最快就想到要打邊爐囉朋友介紹漁火，新開張不久，只要在Facebook like and share, 就送三文魚一碟，正呀銅鑼灣地鐵一出，過條馬路就見到，好方便，同女友拖住手仔去食送嘅三文魚一點都不會少，還很新鮮，肥瘦相間入口滑滑，鮮甜活魚刺身，原條黑𩶘都係$168切埋都有好多片晶瑩剔透，比三文魚爽口，清甜，醮少計wasabi更能帶出魚鮮味試一塊拖一拖水食，又叧有一種魚嘅甜味，兩者都不錯這裡出名用燉湯做湯底，㨂了菜乾豬肺湯，先喝湯潤一下，燉湯料足，清甜無味精，一飲這個湯就想起阿媽手切雪花安格斯$128，細嘅都咁大碟，抵呀油脂分佈得很均勻，有咬口，牛味濃淥一淥，鮮紅嫩滑，雪花紋細緻，嫩滑又有咬口特大桶蠔，絕無欺場，真係特大，肥美，隻隻都脹卜卜淥完都仲係咁脹，一口咬入去，蠔汁爆滿口中，鮮甜吾腥，蠔味足聖子皇名附其實，不愧為皇，Size 不用多說，色澤鮮明熟了更覺肉厚，爽口彈牙，鮮甜得很呢真多謝朋友今次的好介紹，牛肉同海鮮都好正，仲有刺身添樣樣都咁新鮮先難得嘛

次次食親麻辣湯底食完之後唔單止好口渴而且果陣麻辣味道通常都蓋過晒食物嘅鮮味有陣時直情食牛肉又係嗰陣味食豬肉又係嗰浸味最慘係連食海鮮都冇晒嗰種原有嘅鮮甜味所以有次食到一啲唔新鮮嘅海鮮都唔知道所以今晚打邊爐特登選一個一流嘅燉湯做湯底呢間餐廳聲稱係真材實料去煲個湯底出嚟完全冇用到一匙羹嘅雞粉同埋味精去調味最後揀咗呢款花膠響螺燉豬展成煲湯都好足了唔單止有蟲草花同埋螺頭之外入面真係有大大隻嘅花膠係入面而且每一隻花膠都好厚身個湯底飲落口膠質好重而且仲係媽媽燉湯果種口味係打邊爐之前已經飲咗成兩三碗之後就係到主菜食打邊爐了打邊爐就梗係要有牛肉要左呢款頂級安格斯牛肉雪花分布均勻輕輕焯一焯已經可以將牛味完全帶出來之後仲有叫咗脆鯇片爽脆嘅魚肉配合埋個燉湯嘅味道中更加將魚味提升而且爽口程度比想像中高證明鯇魚新鮮程度非常之好有見及此所以叫埋呢款水庫大魚頭店員話每日都係喺市場新鮮入貨所以確保所有魚頭都係新鮮貨唔會好似其他店貪平用上急凍貨所以魚頭完全沒有怪怪的腥味依家出邊食打邊爐嘅餐廳越來越多但係很用心去做好個湯底同埋提供新鮮嘅食品就真係少之又少所以憑喺遇到呢啲有心嘅餐廳就一定入選了encore行列

《打卡送三文魚》三文魚做前菜確係不錯啊！重點還是免費的！ 師奶仔心態，打卡就送，何樂而不為～送的份量也不少！ 呢度嘅湯底係標榜［無添加］［無味精］即係好似喺屋企媽媽煲湯嘅感覺但係佢係用燉湯嘅手法菜乾排骨豬肺湯味道100分！一飲落去就知道真係冇用師傅～冇味精！而且佢哋係用新鮮排骨，因為一夾落去肉質散開，不是冰鮮貨呢啲就係師奶仔成日煲湯嘅經驗個人來講對於佢個湯底10分10分滿意因為十分足料，豬肺洗得乾淨！而且真係冇味精，加上新鮮排骨！絕對貨真價實！因為個湯底好正嘅關係（其實兩個人係飲唔晒嘅）所以我轉左另一個方式係享受個湯～就係用響鈴係索晒湯嘅精華啦！新鮮炸嘅響鈴絕對同街市一盒盒買嘅有好大分別叫咗個細碟嘅安格斯肥牛脂肪分布好均勻竟然仲有手切設肥牛嘅咬感單是肉味，不點調味已足夠！基本上放落去20至30秒已經食得海鮮價值十分合理，見到隔離檯主攻刺身及肥牛！座位好寬敞好舒適👍🏻 叫到一檯都係食物都唔怕迫今晚好開心！ 埋單唔算貴！多謝好友介紹！

銅鑼灣開咗間新嘅火鮮火鍋店 OpenRice啲評語都唔錯 小妹即刻諗起一位酷愛打邊爐內地同學仔 藉此敘下舊！餐廳環境好乾淨 屋溫適中 走廊位幾寬闊... 由於唔算好多人 店員提供了張四人梳化位...送上menu後 店員細心講解 特別叫我哋儘快揀咗湯底同飲品先... 另外 餐廳設有wifi 密碼係分店電話號碼 客人可以向店員查詢而家有個特別優惠 like和share餐廳Facebook page就送一客三文魚刺身 一共5片... 雖然係免費食物 但品質唔錯 色澤鮮明 肉質有嚼勁 新鮮香甜 打邊爐熱氣 所以我哋點咗清熱嘅「竹蔗茅根」 $48/渣 兩個人一餐飯絕對夠飲 仲要係自家製 壺入面有紅蘿蔔、茅根等等 無加糖 成分天然... 好值得飲我哋揀咗「花膠響螺燉豬展」做湯底（同樣因為健康） 原來「湯底」嘅重要性唔單止在於打邊爐.... 店員將鍋湯放上爐後 就即刻幫我哋每人裝一碗 飲完飯前湯、食完湯料 先正式開始打邊爐呢鍋湯$188 真係物超所值！不但香氣撲鼻 而且餡料豐富！湯水非常深色 可見熬湯時間唔短 飲一啖 真係飲得出豬肉同雞肉嘅味道——湯料仲包括咗雞腳 湯雖然味道香濃 但係無落味精 飲完

男朋友喜歡打邊爐，又知我喜歡食生蠔專誠上Open Rice 找間兩樣都有嘅漁火海鮮刺身火鍋銅鑼灣C出口，過馬路就是，交通方便，好易找到電梯8字，一出𨋢就是，見到幅相嘅刺身已經流晒口水Facebook 簽到&分享，就送三文魚刺身緊係要開心share 啦三文魚新鮮，入口滑嘟嘟，美味男友急不及待替我㨂了從西班牙直送的石蠔，隻蠔成隻手掌咁大石蠔蠔味淺，海水味淡，肉身爽，鮮甜無比，正是我又喜愛蠔又怕腥的人嘅最佳之選我亦叫返個菜乾白肺燉豬骨做湯底，給男友潤一潤侍應貼心提醒，先喝湯才加上湯打邊爐，因為燉湯是真材實料，沒有味精由於真係似阿媽嘅靚湯，料足清甜我們把湯和豬肺都吃喝得七七八八，都飽左幾成既然知道已經飽了幾成，便叫個頂級安格斯牛肉喇牛肉脂肪雪花多而均勻，靚到呢。。。過一過熱水已經食得，淥完晶瑩剔透，入口鬆軟，牛味濃再加個窩筍，因為就已經差不多飽飽了窩筍(人稱千金菜),高纖，據說抗癌防癌，味清甜，爽嫩，每次打邊爐我都會食，不過吾係間間有去洗手間時經過見到有間房，多口問下，原來有十個人，預早訂就可以，還沒有最低消費，下次生日聚會，真要早點Book 定先得

朋友話銅鑼灣新開左間打邊爐，雖然呢個冬天唔凍，但食打邊爐都係冬季首選。銅鑼灣C出口過馬路就係，非常方便。搭lib上到8樓，一出lib門見到乾淨企理的裝修，頓時心情明亮。侍應非常客氣同熱情，主動介紹特色菜品，同我地有說有笑，心情更好啦。看看菜單，菜品十分豐富，足足兩版。侍應推介燉湯係招牌。我地揀左『花膠響螺燉豬尾』真係招牌冇揀錯！侍應話一定要先飲湯後打邊爐，因為啲湯好鮮，仲非常客氣地幫我地筆湯，服務周到！湯好濃味，一上桌已經飄香四溢。老闆話啲湯係真材實料煲出來，冇落味精。老火靚湯鮮美可口，飲完一啖仲想飲，喺現在呢個咩都偷工減料的社會真係好難得。湯底材料豐富，雞腳、響螺、豬尾一大煲，光是飲湯已經夠飽！FB簽到同分享即送一碟『三文魚刺身』刺身夠新鮮，仲另外配一碟芥末豉油蘸料，用心。火鍋調味料齊全「鮮鵝腸」白白淨淨，晶瑩透亮，睇落非常新鮮。浸水後縮水得厲害，但食落很脆不塞牙。蘸醬料更好味。「麻辣溏心皮蛋」成日食糖心蛋，溏心皮蛋應該都唔錯。擺盤精緻，皮蛋上灑滿芝麻，但對我地來講太辣，鍾意四川菜的朋友可以一試。「響鈴」打邊爐必叫。呢間響鈴都炸得唔錯，有豬油香，唔膩唔會太油，滿意。「珊瑚蚌」個樣好靚

每年慶祝男友生日都很難選擇去哪裡食飯，因為他很愛吃象拔蚌刺身，很多地方也很貴呢！今年，我們去完中環嘉年華玩之後，就在openrice找到這間在銅鑼灣新開的火鍋店。於是我們就立即打電話去訂位，而且有象拔蚌刺身食，男友聽到之後很開心。我們三個人首先點了火鍋鴛鴦湯底，有麻辣及莞茜皮蛋清湯，食物就有象拔管蚌刺身、小食炸豆腐、麻辣青瓜、火鍋配料有蔬菜、安格斯肥牛、蟶子、帶子、韮菜餃子、豆腐、炸響鈴、牛骨髓、豬皮、蘿蔔、稻庭烏冬等等......每款食物份量也很多而且新鮮，我們其實點了太多食物，起初都怕食不完，但慢慢傾偈和看電視就可以食到，而且店員都很好，會定時走來幫我們收起吃完的碗碟及片走火鍋𥚃的油，也會跟我們談話，所以服務很好。象拔蚌刺身蟶子鮮甜肥美吃得很飽

見呢間餐廳新開一個月,一於黎試下!一行4人已預訂,所以不用等位,直接進入, 店員安排了卡位比我地,卡位十分闊落, 坐得十分舒適 店員表示呢度出名燉湯底打邊爐, 一於叫番個花膠響螺燉朱月展, 店員介绍,先飲湯底,之後再打邊坐爐…試飲後,雖然個人口味偏向不要太咸, 但仍覺得非常好飲, 好入味, 湯入面有约3粒花膠,5粒響螺,雞腳，瘦肉等材料，店員表示個湯中午已經開始火燉，火喉十足，正，飲下飲下，爭D飲晒個湯底，之後店員加番D比較清湯入去，比我地打邊爐叫左安格斯肥牛，三色丸，魚皮餃，响鈴，海中蝦，花甲，皇帝菜，冬瓜。食材種類唔算多，無本地手切肥牛，但有不同種類的是日推介，如鮑魚，章紅魚刺身，加拿大象拔蚌等食材全部都好新鲜，打邊爐最重要的就係呢樣，既然不是廚房煮，就不用多介绍上述食物之味道，新鲜好味，已經足夠了去形容店內環境坐得幾舒適，店員服務一流，細心介紹，不會太過 hard sell, 有禮貌，不停地來來回回，看看我地有什麼需要，又不時幫我地換碟，加湯等，完全不用我地開口叫先做，希望一路落去都係咁，價錢就合理，始終係銅鑼灣區，不會太平，但也不算太貴，份量就各人心水不同，我認為還可以，朋友

冬天最好同朋友去1010下~~同朋友聚餐周圍搵地方打邊爐~~但好多地方都限時交台~~見到呢間新開張~~打去booking 台問清楚有無限時~~~呢間竟然無限時間~~~咁就同班朋友去試下囉...去到見爆左8成~~好彩有booking 台先,鍋底都有好多選擇~~最後揀左個花膠響螺燉豬展($188)~~好好味無味精~~好低飲呀~~我地5個人食平均一人飲到2-3碗湯先開始邊邊,正呀~~之後我地叫左安格斯牛($288),同埋黑豚肉($88),呢2個都掂呀,其他配料價錢都好貼地唔貴~~打邊爐最緊要鍋底同牛肉~~呢間火鍋店都做得好好~~一定有下次再幫襯間空間

睇上網見到老銅新開呢間野，近近地打去book位星期六都有位。都驚驚地。但聽電話個人都幾nice,試一試啦。。象拔蚌688都抵以呢個質數份量。三色丸好得。牛都好正。超厚切。會狂去食響鈴好鬆化超正

知道有新火鍋,打去問下有冇麻辣鍋,好多間都唔辣或者冇做,電話問直頭唔想彩你,呢間可能新啦,有心機傾幾句,話有得加辣又話秘製,7點鍾就到,銅鑼灣算靜,都係可能新開啦,D人好有禮貌,有招呼,一坐低就話送碟三文魚食下,見朋友未到食住小食先,叫左個糖心皮蛋OK,靚野黎,到主菜麻辣湯底出場,我叫加辣,雖然我都嫌唔夠喉,但已經好好唔錯,又夠香,其餘都係叫左D瓜瓜菜菜索下湯,響鈴好正,捱介話花甲新鮮,都幾唔錯,有生啤飲,爽哂,新張有9折飲左幾杯生啤停唔到口,為起人頭2百幾,好抵,坐得舒服傾計一流,落BAR飲SET都唔止啦,正

朋友話剛開左間火鍋係地鐵站附近,食過餐宵夜邊爐OK,仲有8折宵夜特價,係咁讚,今日捉我去食原來係SUPERDRY對面,一出地鐵就見到,方便,不過主要食物質數姐,食完覺得真係幾得,D人又好NICE,價錢一D都唔貴,先決定寫下食評啦!叫左幾樣野,叫左個胡椒豬肚煲...D豬肚勁夠林!!!手切大牛288好掂,個牛冇得輸,樣唔算好靚,食落有料到,鱔片OK,炸響鈴好我得,好過好多間火鍋似真係自己即炸,新開張送三文魚幾識做!食唔多野,其他都新鮮OK,老闆話下星期先有剌身及多款海鮮,會再試

銅鑼灣太多嘢食， 搞到我有選擇困難症，但途經銅鑼灣京都廣場，發現有好多花籃賀1間新嘅火鍋店開張，胆粗粗同朋友一齊試吓，發現佢哋係有燉湯打邊爐~好得意喎，我哋就決定試試~確係真材實料，真係好多好多料回味，淨喺燉湯都值回票價，用嚟打邊爐又一流，其他配料好似自制嘅蝦丸，墨魚丸，水餃外，蜆好新鮮又肥，牛肉都係好好味，牛肉味重，食得出係靚嘢，鱔片又肥美，仲有新鮮魚卜，今次我哋得4個人，所以唔能夠叫太多嘢。我哋下次約埋多幾個friend會再去試多次，希望佢哋保持水準啦

落銅鑼灣諗住食雞㷛，等左半粒鐘都未有位，見到呢間刺身火鍋新張試業，即管試下。一行4人入到去，首先like fb 有三文魚刺身送，都唔錯幾新鮮。d湯底幾特別，有蘋果雪梨燉豬骨，花膠響螺鱷尾骨等等。。我地揀左個菜乾白肺燉豬骨，一黎到可以先飲d湯，菜乾味好濃，個店員話全無味精，有住家湯feel，仲食埋湯渣^^飲完湯就正式打邊爐，梗係要試下d牛，雪花安格斯牛肉，超鮮，都係百幾蚊。其他仲食左鮮鵝腸，超肥美。響鈴是即炸的，黎到係熱既，桂花蚌都幾爽口。飲品都係一般打邊爐野，不過有Hoegaarden生啤，又係另一驚喜。4個人食唔到好多野，試業期間有9折，每人200幾，可以encore。

想係銅鑼灣打邊爐。間間都食過諗到頭都爆都諗唔到邊間好。見到京都廣場好多人派傳單煩到死搶客。心諗冇好野，見到有間原先日本野轉左做火鍋，試下啦，睇睇火鍋紙做燉湯。一試掂喎！牛肉都掂。唔算貴。睇d用料銅鑼灣區算平添。丸滑自己打，餃自己包。坐得都好舒服。係試業中好多海鮮刺身未齊。一定會再試！希望會keep到。員工好有禮貌。讚！