漁火海鮮刺身火鍋

營業中

休息中

向來對火鍋都好有要求的我，知道有間漁火海鮮火鍋係有埋刺身、湯底仲係可以選唔同嘅老火燉湯，我選擇漁火雞湯翅，奶白色的湯底已經好吸引，底部係冬瓜，雞係走地雞，夠曬彈牙、煲湯充滿雞味，好清甜，冬瓜煲到淋曬，吸曬雞湯嘅精華，超甜，成個湯底有營養，而且下火清熱，食多多都唔怕，而且飲左湯都唔會口乾，證明無落味精，真材實料👍無得彈，仲有根根分明的厚翅，好享受吖，彈牙到不得了！超甜粟真係好甜好爽、我地encore架🤗加落D湯底度，又可以提高鮮甜味，又有得食😘👍雙滑係超級無敵彈牙好味，蝦滑係由蝦蓉和鮮蝦肉混合，增加彈牙力度和鮮甜原味，墨魚滑由係好彈牙，好有嚼頭😘👍豬腸好爽，好新鮮🤗鱔片真係必點啊，少骨，而且切的厚薄適中，咬落去好爽，好有嚼頭，好甜，魚肉新鮮🤗豬肚厚身，好彈牙，尼個都係必點之選，好喜歡食厚肉的豬肚，真係好有嚼頭，煙煙韌韌、好正我真係好滿足尼餐，好補身又好味😍下係再約三五知己去嘆好野，順便暢談人生🤗👍

今日在同一區內有大型傢俬公司減價, 我与家人因此前往shopping, 行了約两鈡头最後買了六張高背原松木餐椅, 比較月初每張椅子的價錢足足平了$200。我們都很開心, 但很累和肚子已打鼓了, 於是用手机在openrice 找尋適當食肆医肚, 最後找上此舖食打邊爐晚餐。此舖座位宽敞、乾淨清潔寧静, 可能時間尚早, 我們可以选择座位。我們叫了: 花膠響螺猪展湯($198)、水庫大魚头($78)、油麥菜($38)、水鱿魚($45)、鱼腐($45)、猪血($38)、鲜打虾滑($88)、手打墨魚丸($68)、白家韭菜餃($58)、日本稻庭乌冬($48)。我們的感受是所有食材都可用一字形容: "鲜", 打邊爐的食物如果唔新鮮係冇人想食的。另外燉湯就最精彩, 湯水多而不油腻, 湯料軟稔但有咬口、濃郁和清甜, 飲/食落肚的氣味和質感比我有一种很"補身益氣"的感觉, 如有机会下次一定要再飲一次。但買椅子慳下的錢就.….…

銅鑼灣又多了一家新的火鍋店，以燉湯湯底為主打，所以又是時候嘗試新東西了。餐廳坐落在京都廣場，乘電梯上8樓就到了。門口放著新鮮空運法國生蠔呢。餐廳的環境非常乾淨整齊，中間還放有一大幅畫就像塗鴉。座位都有沙發所以非常舒適呢。 店員先給我們醬料盤來混醬，我們都沒有用好多，因為湯底美味的話，這些調味料根本不需要。湯底選擇也頗多，最後選了漁火花甲豬骨煲。 另外還有小吃和刺身，但是我們只有兩人，吃火鍋已經非常足夠，選火鍋配料好了~豬骨煲的湯底是乳白色的，內裏有四大個豬骨，還有數隻大花甲。配料有白蘿蔔、粟米、芹菜、薑蔥還有胡椒。滾後先喝一碗湯，味道清甜，有濃厚豬骨味，多點油就可做拉麵湯底了點了個新鮮牛胸爽，之前沒吃過這類東西所以想試下。牛胸爽是切得薄薄，顏色白中帶粉紅的肉片。一下湯就開始收縮，都頗快熟呢。咬下去口感真的好爽脆，索索聲的，很新奇有趣。看到他們的響鈴是即炸的就立即點了來吃。長條形的響鈴比平常看到的幼及薄，豆香撲鼻，所以忍不住直接吃，嘩每一口都是十分鬆脆爽口，在口中碎掉的聲音證明它好香脆，豆味也甚濃郁，我建議直接吃不放湯更好吃邊吃邊飲湯，加了湯還是濃濃的豬骨味，豬骨的肉不多，但膠原成分重，

收工又係開餐時候，偏好火鍋既朋友們，今個月第三次啦！真係有d 怕熱氣今日三五成群5條友仔去左銅鑼灣呢間火鍋店，聽聞呢度刺身一定要食果然不失禮，火鍋湯底選擇左海鮮湯，那堆海鮮真係好正，啖湯如果加埋碗飯會好好多，好鮮甜牛肉三拼，用層架出，好似食緊甜品咁，每層都有驚喜，牛肉食得出鮮，唔係黑色一舊舊，最重要係坐得舒服！服務我係俾5⭐️，因為佢地值得，個個服務員都好nice👍一個星期多食左三間火鍋店，呢間係正常傳統火鍋，有時懷舊後，簡單d都幾滋味🤤值得再來

我同朋友都好鐘意打邊爐， 任食個D雖然平，但d食物質素又唔好，又無海鮮，通常會怕蝕底，狂食，又肥。都係選返間單點的，加上我地兩個都鐘意食海鮮，所以搵左呢間食評唔錯既試下，加上一出銅鑼灣地鐵站就到。D卡位好舒服，冷氣又夠凍，又唔嘈，最怕酒樓個D, 嘈到傾唔到計。芫茜皮蛋豆腐湯，好清甜。手切頂級Prime牛肉，脂肪均勻，睇到都知係好野，焯一焯，入口軟滑，充滿牛肉味，又唔會好肥膩。日本元貝大大粒，而且肉質鮮甜。夠新鮮!鮮味海中蝦，大大隻，肉質爽口，帶甜，真係好好味。美國特大桶蠔，真係好巨型，而且肉質厚實，有蠔味。鮮打靚蝦滑，原隻蝦，彈口夠甜，蝦膠好彈口。水魷魚好味!叫左個時令雜菜籃，樣樣有d, 兩個人食剛剛好。

好掛住做學生時，7，8月有得放暑假近排公司很忙碌，好想放假呢～～湊巧今晚好朋友去完business trip 約左打邊爐，互相打打氣先見依間食評唔錯，就book 左依間當晚大約1900 去到餐廳，餐廳唔算大，細細間，裝修簡潔，給人環境舒服乾淨既感覺。一邊食一邊傾計好地方我叫左菜乾白肺燉豬骨湯底好香既菜乾，好鮮甜好好味同朋友各自飲左兩大碗湯先開始打邊邊食材很新鮮最喜歡有以下依幾款極品黑豚腩肉新鮮牛胸爽肥瘦適中，賣相好靚，好新鮮，要encore再食。雪白鮮鱔片鮮甜，好新鮮頗厚肉👍🏼招牌雲吞王 併 自家帶子餃雲吞入面有好大粒蝦，好爽口本身好鍾意食帶子，好甜好正如果帶子可以大粒少少就更好蘇格蘭蟶子皇好大隻，職員都好細心提示我地，大約10秒食得。鮮味海中蝦都唔錯，打邊爐最愛有海鮮好爽口，正！很滿足叉滿電的一晚

舊同事英倫遊回港，相約吃頓飯聚舊。好友喜歡吃火鍋便吃火鍋吧！來銅記較方便大家，兩支公，不能點太多，志在聚舊吹水，找個舒適的地方邊吃邊談而已。湯底點了胡椒白果豬肚煲，喜歡吃豬肚，但若在家中烹調，所費功夫不少，到外面吃較方便，湯色奶白，有我喜歡的豬肚，處理得不錯，沒有異味，若是白胡椒下得兇一點會更好。腐竹，與平日所見的竹支不同，大大塊的一疊，豆味香濃。好友也愛吃魚，尤其是脆肉鯇魚，順他意點了一碟，稍放熱湯中漉一漉，很快捲曲起來，肉質爽脆，合他意。我無牛不歡，點了一碟中份量的手切雪花安格斯牛肉，頗大碟，雪花遍布均勻美麗，同樣是放熱湯中浸幾秒已轉色，牛味濃，肉質軟滑，加兩滴醬油提鮮，無得彈。韭菜餃，一碟有七隻，樣子飽滿，烚一會浮面便熟，有韭菜和肉餡，有肉汁。蔬菜籃，有生菜，粟米，金菇，冬菇，吃了肉也要吃些菜蔬，清清腸胃。好友是火鍋控，以前共事時，還帶我上深圳吃牛肉火鍋專門店，吃雞煲，記住你！

之前朋友食過， 話呢到既海鮮，同食材都好新鮮， 所以今日就同朋友預早book定位黎試下。我地選左莞茜皮蛋湯， 想清清地，食到海鮮既鮮味。個湯好足料， 好清甜。點左手切頂級Prime牛肉，脂肪比例平均， 色澤新鮮， 厚薄適中。入口軟腍，嫩滑同好香牛肉味!鮮味海中蝦，大大隻， 好新鮮，蝦肉鮮甜，又彈口。日本元貝， 一開二， 無咁厚身，唔驚煮得太耐會韌，煮一陣就食得，帶子肉質都好鮮甜。水魷魚好新鮮。美國特大桶蠔真係好大隻。熟左都唔會好縮水，夠晒肥美，大滿足。

雖然天氣越來越熱, 但係我都非常之鍾意打邊爐, 一邊嘆住好凍嘅冷氣, 一邊打邊爐, 簡直賞心樂事, 今日我們倆口子就去銅鑼灣道打邊爐我哋叫左個豆乳湯底, 這個湯底雪白色, 好日式FEEL, 飲落去非常之清甜, 好似去左食日式火鍋, 我覺得感覺不錯作為健康嘅我, 當然要叫一個蔬菜籃作為火鍋配料啦, 蔬菜籃有粟米, 有大嘅冬菇, 再加大量入白菜, 金菇, 浸落去豆乳湯底裏面, 蔬菜非常新鮮, 每一口蔬菜都掛上豆乳湯, 尤其是食粟米嗰陣, 非常之爽脆 另外再叫咗個走地雞, 走地雞就浸大概五分鐘就食得, 肉質非常之嫩滑, 雞味都有既!原來都唔夠飽, 再食一個芝心丸, 同埋黃金角 價錢都只係4 百蚊有找, 唔算貴豐富一餐 感覺不錯

約左朋友係銅鑼灣附近食飯，想打邊爐但又得兩丁友食唔到任食，咁就search 下有咩單點，就搵到漁火啦。上到去店面唔算大，但座位都算寬闊同舒服。首先落個湯底先，見到有我同朋友最鍾意嘅胡椒豬肚湯，即刻就簡定呢個。由於朋友唔係食肉獸，所以肉就只係叫左一碟鮮牛肉，其餘都係蔬菜類。好快就晒野，店面其實得一兩個人，但係效率都算快同埋都好有禮貌湯底本身已經有不少豬肚同菇，味道起初唔係好濃，但之後加埋其他料煲煲下就開始好濃。每碟配料份量都唔少，由其是碟鮮牛肉，塊塊大塊。食落去肉質好鬆軟，而且好夾個湯底味道。打邊爐必叫冰豆腐，要嚟索晒d 湯汁一流，呢度冰豆腐同平時食個d 有d 唔同，平時係一片片，呢度一磚，仲要有成兩大磚，差d 食唔晒。響玲又係必叫，放落去十秒拎返起就食得，鬆脆又吸晒d 精華，一個字正！魚腐裡面d 魚肉夠彈牙，腐皮吸完d 湯汁係晒裡面，食落就好似變左湯包咁。最後仲叫左娃娃菜同竹庶茅根清一清熱，個湯底經過d 材料一齊煲之後，已經好入味，我同朋友都忍唔住一人一啖飲晒個湯咁制，而且飲完仲唔口渴

同朋友約出黎飯聚，響佢公司附近呢間火鍋店好似唔錯，兩個人決定打邊爐！上到黎漁火，門外佈置得好古典，入面裝修就比較時尚，梳化座椅寬敞舒適，餐桌亦夠寬闊，坐得好舒服。一坐低店員就為我地送上餐具、餐牌、醬料，醬料有成九種咁多，都係任我地自己調配，有蒜蓉、蔥花、芫茜、芝麻、辣椒、麻油...等等。有好多款特色湯底選擇，我地揀左自家鮮魚清湯鍋，成鍋湯係奶白色，見到有豆腐、蔥花、蔬菜響入面，散發陣陣鮮魚香味，店員話湯底絕不加味精，滾起左之後可以先飲湯，試一試魚湯嘅鮮味，我地每人裝左碗湯黎飲，魚湯真係好鮮甜，完全冇魚腥味，意想不到咁好飲！Menu基本上分為刺身類、肉類、海鮮類以及各款火鍋配料。手打墨魚丸，非常彈牙，食到一粒粒嘅墨魚肉，真材實料。爽彈脆鯇片，鯇片好大碟，魚肉肉質滑而結實，咬落真係非常爽脆，魚味香濃。鮮滑牛肉，牛肉鮮中帶嫩，口感嫩滑，容易入口，好有牛肉味。總括來講係一間非常高質嘅火鍋店，食材新鮮，火鍋湯底味美，店員服務亦周到。

銅鑼灣嘅火鍋店有好多，今日我哋利是嘅呢一間好特別，佢哋主打海鮮，除咗火鍋之外仲有新鮮嘅刺身，非常之好食！我哋揀咗個花甲海蝦湯底，仲估唔到有咁多隻蝦，海鮮味十足，湯底都好濃郁！呢個係我全晚嘅至愛，打邊爐一定要有嘅肥油，呢個係手切prime牛肉，肉質鮮嫩！我哋一班朋友都係食肉獸，呢個係清遠或計件，名副其實，肉質非常之滑！你間鋪頭仲有個特別嘅地方，佢哋嘅餃子都係自己包嘅，呢個係佢哋嘅自家韭菜餃！今次都真係第一次喺火鍋店度叫刺身，我哋試咗三文魚刺身，睇落個樣都唔錯，都幾好食！

今晚同朋友嚟到銅鑼灣，知道開左一間樓上嘅火鍋店，於是決定試吓，味道相當唔錯，餐廳嘅環境亦都好好，好大好舒服唔會好嘈， 十分適合一班朋友來相聚。呢個係老闆介紹嘅湯底，花甲海蝦魚湯，湯底都幾足料，有埋幾隻蝦加上新鮮嘅蕃茄，令到個湯非常之鮮甜打邊爐一定唔少得嘅係牛肉，呢個係手切prime 牛肉，非常之好食，絕對值得推介另外仲有佢哋自家包嘅招牌雲吞王，蝦非常之鮮甜！！漿料嘅配料亦都相當之充足嘢飲方面我哋就試咗佢哋自己整嘅竹蔗茅根！

收工收得早，最好打邊爐叉叉電，今日同同事揀左cb的漁火，食番個有質素的靚飯！漁火係正sogo 對面，c 出口一出，尖沙咀開完會過黎都係20分鐘！而且全棟京都廣場都係餐廳，黎到再揀都仲得！店舖位於八樓，店內環境都幾舒服，雖然得兩個人，侍應見時間尚早，人不是太多，都特意安排大卡位俾我地，服務夠曬貼心！今日揀左個清清地的湯底，免得日日食好西，體形變西人😆😆！湯底中仲有雞脾菇、大蔥，靠曬清新！最重要！最重要！最重要係胡椒，粒粒胡椒夠香，又唔會太辛辣，影響味道！食物種類、湯底，選擇都唔少！仲有前菜可揀，送酒最岩！醬料好精緻，仲有芝麻，令成個混醬出黎，更豐富更香口！牛肉唔錯，未去到入口最融的級數，但夠香夠牛肉味，合格！白鱔好鮮甜，白灼之後好彈牙，好厚肉地！鹹蛋豬肉丸好有驚喜，好似食緊蒸肉餅咁！即炸響鈴，熱騰騰再放入湯底裏面，熱上加熱特別好食！胡椒湯底令蔬菜特別好食！湯底中的白果好正，仲有淡淡胡椒吃！總評：材料新鮮，配上胡椒湯底，令食物更多鮮甜，加曬分！只是略嫌貴左少許，有點兒就住就住食！

整體來講，價格不是很便宜，但顧及到材料新鮮、分量亦足夠，所以都算抵食。打邊爐梗係越多人去越好啦，今次叫咗幾條章紅魚做刺身，叫咗條大既新鮮象拔蚌，仲有呢個本地手切鮮牛頸脊，同埋鮮打墨魚滑。先講湯底吧，叫咗個花膠湯同豬骨湯，真材實料，湯底濃郁好味，淥咩食都正正子，而且火鍋令一個靈魂就係配料，生蒜熟蒜辣椒青椒有好多選擇，醬油也夠新鮮！章紅魚非常非常好食，好鮮甜好爽口，象拔蚌亦都好新鮮好清爽，新鮮嘅海鮮係食唔到腥味，只有鮮甜！不得不讚就係切果位師傅刀工非常出色，片片刺身都好細膩，特別象拔蚌有厚有薄唔同口感！牛頸脊切到岩岩好，1D都唔厚，所以淥兩淥就熟，保持到個份嫩滑同甘香！墨魚滑係新鮮打，好好味好彈牙，價格雖然較坊間貴左d，但夠哂鮮！