漁火海鮮刺身火鍋

營業中

休息中

打邊爐材料最緊要夠新鮮，銅鑼灣有間漁火海鮮刺身火鍋真認真夠正！湯底款式有好多，除咗有比較普通嘅，亦都有老火湯底，最後我哋揀咗店舖極力推薦嘅花膠嚮螺燉豬展湯底，一上檯已經聞到香噴噴，店員先比咗碗畀我哋飲，個湯確實係真材實料，有嚮螺、花膠、蟲草花、豬展、鳳爪、桂圓等，味道又甜，又重膠質，而且絕無味精，滋補養顏，真係好飲到差啲成個湯底飲晒。先來個「混醬」先，有9種醬料任君選擇。漁火至出名係海鮮同刺身，一場嚟到，當然係必點之選， 深海龍躉斑片，新鮮鮮甜， 斑片嫩滑無窮。刺身三文魚由挪威直送，新鮮肥美。打邊爐又點少得唔食牛肉呢，呢個手切頂級Prime牛肉見到個樣都知係靚牛肉啦，雪花紋分佈均勻，油脂比例恰到好處，肉質嫩滑，入口即溶嘅感覺。漁火特色四色丸有高鈣蝦皮蝦丸🦐、墨魚丸、牛丸、豬肉丸🐷、豬肉丸入面仲有鹹蛋黃添，全部人手打，而且粒粒都咁彈牙。除咗打邊爐烚下烚下之外，呢度仲有啲小食，揀咗個脆炸蝦餅，佢係用上新鮮蝦膠而製，爽口又彈牙，表面炸得金黃又香脆，超好食！稻庭手打烏冬，口感細滑。豬大腸清洗得乾乾淨淨，唔會有餲味。打邊爐又點少得飲品呢，我哋點咗壺自家竹蔗茅根，唔會太甜，消暑又清熱，絕對係打邊爐

入到餐廳一坐底就調配自己嘅醬料，選擇亦都好多！有辣椒、蔥粒、芫茜、炸蒜、鮮蒜粒、花生醬及沙嗲醬，可以自己調配喜愛的醬汁。湯底選擇十分多、又特別！叫咗個花膠響螺燉豬展！入面滿滿花膠，響螺勁大舊，仲有啲圓肉及雞腳。滾緊果陣已經聞到好大浸響螺味，燉湯味道較濃，除咗螺味重之外，啖啖花膠都好入味！火鍋就叫左個龍皇珍寶海鮮拼盤，咩都有，唔使煩！個拼盤一上到黎我地忍唔住嘩咗出黎，勁大盤、好多海鮮啊！除左基本海蝦、花甲、脆肉鯇之外，仲有龍蝦件，好多膏！放哂落去滾之後連湯都昇華咗！手掌咁大隻嘅帶子又係超鮮甜！值得一讚係啲蝦超爽甜，超好味！另外仲叫左個漁火特選牛盛薈，有齊牛頸脊、prime牛肉、牛舌芯、牛柳粒、牛胸爽！次次見到牛胸爽都實叫黎食，稔滑之外帶點油脂，牛味亦特別重！我就最愛prime牛肉，肥瘦適中，而且厚薄剛好，淥兩淥就食得，牛味濃郁！食到最後叫左個雜菜藍，清一清腸胃，由於個湯底味道濃郁，d菜又新鮮，烚一烚已經非常好味！總括黎講十分推薦，無論環境、湯底、食物質數都對得住個價錢。最重要係啲待應好nice，仲有幫手撈走湯底啲泡泡超感動，抵讚！

打邊爐之聚最近香港成日落雨有d凍。今日同朋友相約漁火食一餐暖笠笠的邊爐。店員服務很好，讓我們自行挑選了安靜地角落，可以一邊食一邊吹水。我地叫了一份鴛鴦鍋，一邊係適合鍾意食豬肚的朋友，一邊係適合無辣不歡的我。我地點左個小食鬼馬油條，真係好盞鬼。蝦滑與油條搭配下，既香脆又有口感，蘸上搭配的醬汁後，外層酸辣，內裡鮮甜，很開胃。肥水大花甲 $98第一次食到咁大隻既花甲！肥美的花甲肉佔據左成個殼，肉汁飽滿鮮甜！性價比極高！爽彈脆鯇片 $68鯇魚片同花甲一樣，好大塊，厚度適中，輕輕浸在湯底中數秒邊可撈起食得，不沾醬食完全不腥。另，建議配搭麻辣鍋食，這樣鯇魚片的口感又辣又爽。豬仔午餐肉 $48令我覺得好surprise，午餐肉的份量亦超足，厚度足足有成寸，食落啖啖肉。新鮮黑柏葉 $88烚5秒後，彈性剛剛好，不會韌，同時亦保留了牛的鮮味。 鮮什菌拼盤 $78窩筍 $38蓮藕片 $38鮮打靚蝦滑 $88所有配菜的份量都好足，蝦滑鮮嫩Q彈，蓮藕片爽脆，鮮菇萵筍有口感。總結而言，漁火野食好大份，仲有85折優惠，十分適合聚會！

最近因為想食海鮮，但朋友又想打邊爐，所以就嚟依間海鮮火鍋店，一次過滿足晒我哋兩個願望一開始就被一個九方格嘅配料自己加，配料豐富，要咩可以自己隨便揀依個湯底花膠味濃，餐廳侍應建議我哋飲咗個湯先，咁就可以試到真正嘅鮮味，飲到咁上下先至再加湯個花甲食已經感覺到係新鮮嘅，隻隻都大隻肥美，好食！極力推介呢個蟶子，爽口彈牙不特止，仲非常之鮮甜，食完勁想再叫多一round一見到都嚇親，勁大隻囉😝，大隻得來一啲都唔腥，口感十足，係正嘅因為我地得三個人所以叫個細嘅，睇個樣以為好平平無奇，但每款刺身都好新鮮好鮮甜，帶子甜到呢😋，秒速清晒呢個拼盤有五款牛，分別係鮮牛頸脊、牛邊位、頂級prime牛肉、一口和牛柳粒同埋牛舌芯，每款都新鮮有牛味、唔騷亦都冇筋，好味雞肉熟左之後仍然保持嫩滑，呢啲份量都好足，性價比高最後都有叫到什菜藍、魚腐同埋魚皮餃，三個食完都捧住個肚走，今餐非常之滿足

今日又是朋友聚會的日子，原來銅鑼灣的漁火海鮮刺身火鍋上網訂位有85%折，所以就肯定揀漁火海鮮刺身火鍋啦。餐廳有多款招牌特色湯底，及主打新鮮海鮮及刺身，除此外，火鍋配料也非常多。花膠響螺燉豬展湯底$198花膠響螺燉豬展湯，非常足料，湯底清甜。象拔蚌刺身特價$588象拔蚌刺身，廚師夠功架，切得大小適中，厚薄均勻。象拔蚌刺身，鮮味十足夠爽口，嘩，啖啖鮮甜爽哦，非常推薦。本地手切鮮牛頸脊$328本地手切鮮牛頸脊，牛頸脊顔色誘人，廚師擺設得都很小心，牛肉切得厚薄適中，在鍋內灼上約3~4秒就可食，再點上自調的美味醬汁，香辣,未味鮮。肥水大花甲$98肥水大花甲，平時比較少見到這麼大隻的大花甲，大大隻非常肥美，真可為啖啖肉，入口爽脆帶著鮮味。鮮甜脆骨腩$78鮮甜脆骨腩，全部都是魚腩，切得均勻，入口脆中帶著魚的油香。鮮味海中蝦128鮮味海中蝦，海蝦有6隻，新鮮肉質帶爽。漁火特色四色丸$128手打墨魚丸，墨魚鮮味十分爽口彈牙。鹹蛋豬肉丸，鹹蛋令豬肉丸更咸香惹味。還有潮式手打牛筋丸及蝦丸味道鮮甜。餐廳坐得舒服，材料新鮮，是一間超高質的火鍋店，我們食得美味又起勁，暢談得非常開心，相約下次再聚。

邊爐友又再圍爐打邊爐，今次朋友推介嚟到銅鑼灣呢間漁火～食物質素高之餘，預先訂座仲有85折嘅優惠添！鍋底揀左花甲海鮮魚湯鍋，入面都有好多花甲魚湯都幾濃郁！而最抵食必點莫過於龍王珍寶海鮮拼盤，一盤係超多唔同種類海鮮，重點有成隻龍蝦同埋珊瑚蚌等等都係$688。雖然係食中菜火鍋但都唔少得飲返杯，而呢度嘅開瓶費只收$50，開返兩枝酒同朋友暢談都不為過呢！活魚刺身方面店員推介呢款𩶘魚刺身，魚肉鮮嫩中帶點爽口，上枱後魚身仲彈下彈下好新鮮即剖嘅感覺～食完刺身魚骨連魚頭仲可以拎去炸，炸完食落好香口呢！另外都好鐘意佢地嘅白鱔片，切到薄薄長長嘅一片，賣相好吸引食落亦有爽彈嘅口感～最特色係佢地自家製嘅四色丸，其中蝦丸面頭有櫻花蝦食落帶點咸香好過癮！牛頸脊肉厚牛味濃最岩打邊爐～黃喉比坊間嘅厚身，口感一流！會再同朋友嚟食～

早前同朋友黎到銅鑼灣食左呢度打邊爐, 仲有埋刺身~我地揀左2款湯底, 比較推介漁火松茸養身鍋, 好足料, 有紅棗, 蟲草花, 龍眼等等, 用料真係養身嫁!呢到醬料要$15/位, 就比較貴, 因為通常都會包埋, 但選擇都幾多, 可以自己混醬~打邊爐食物方面比較推介墨魚滑同蝦滑, 本身覺得有點貴, 但原來份量好多, 食極都仲有甘XD 同咪真係靚料, 入口好爽口彈牙!如果想試多d款既可以叫漁火特色四色丸, 有齊墨魚丸、蝦丸、豬肉丸、牛丸~另外點了自家帶子餃, 每粒都大大隻, 皮薄餡靚，包住一片片的帶子同滿滿新鮮的豬肉, 口感好豐富!蔬菜類就點了 時令什菜籃同鮮什菌拼籃, 什菜籃都有3-4款菜, 不過記住唔好煮太耐, 好快熟左就會老~菌類全部都好滑身彈牙, 幾新鮮~

朋友都與我一樣喜愛食火鍋，今日難得又一聚，想起之前食過的漁火，回味又難忘，所以一於再光臨，朋友醒目，知道漁火上網訂位有85%折，於是預早訂了位。餐廳的卡位圓枱依舊，闊落優雅。餐廳有多款招牌名貴特色湯底（龍皇海鮮湯、花膠雞翅、花膠睡響螺燉豬展...等），主打新鮮海鮮及刺身，龍蝦、加拿大野生象拔蚌、刺身活魚、鮑魚、帶子...等等，有點花多眼亂的感覺，今次由一於朋友發板。花膠響螺燉豬展湯底$198要了個花膠響螺燉豬展湯。裏面有雞腳、花膠及豬展...等等。非常足料，湯底飲得出的老火湯味道又清甜。每人都飲了一碗有多。活魚刺身$328活魚刺身，上枱夠驚喜，一擺設精細擺設精細又有藝術感將整條魚船在海中游一樣，活像一件精美的藝術品。刺身入口帶鮮魚的鮮彈口感，味道非常鮮甜。活魚刺身椒鹽加工$30活魚刺身餘下的魚頭腩及魚尾，我們還要了椒鹽加工，椒鹽後又是另外一番的味道，對喜歡食魚頭及香口的我就更為讚賞。本地手切鮮牛頸脊$328本地手切鮮牛頸脊，牛頸脊是比肥牛瘦少少，最適合我們現在要想食又要食得健康的人。牛肉切得厚薄適中，清甜的湯底更能提升牛肉的鮮味。美國頂級桶蠔$158美國頂級桶蠔，隻隻肥嘟嘟，夠肥美，肉

友人message黎話佢都係附近Gym完想一齊食飯，真係約都冇咁岩。難得咁耐冇見，當然要搵間開得夜又坐得耐既食肆。呢間嘅用料都走高質路線，除咗鍋底夠特色外，仲非常新鮮！！先來個餐前小食糖心皮蛋開開胃。花膠響螺燉豬展，男女都好鍾意飲，好清甜香濃，材料靚又豐富。真係落足料同煲足咁耐。呢個龍皇珍寶海鮮拼盤性價比好高，入面有大大隻新鮮彈牙龍蝦，仲有大花甲、海蝦、扇貝、海班塊、珊瑚蚌，每款海鮮都勁新鮮啊。總體上食物都算高品質。

今日老友收早話打邊爐，同事介紹食呢間漁火，放工行一陣大約8點，呢座京都廣場全部都係食野嘅，可能係平日搭升降機無咩人幾好。到了門口，侍應有禮貌地帶我門入座，座在高身梳化可座4人，好舒服有獨立空間，環境吾嘈雜，檯面已放一張點菜單，侍應並送上調味盆。先睇湯底已經有14款，同事介紹漁火花膠雞湯及漁火龍皇海鮮湯，好想試，但只有2個人，謂有揀鴛鴦鍋加20漁火招牌麻辣鍋同埋自家鮮魚清湯鍋，麻辣鍋我地要少辣佢好香味道吾嗆吾攻喉幾好，湯底已附送豬紅夠滑，麻辣鍋必備的食材，自家鮮魚清湯鍋好香有魚味吾腥，好喜歡，食得好舒服。打邊爐又怎可以沒有牛肉 , 叫左手切本地鮮牛頸脊，牛肉雪花花紋好靚，肥瘦均勻超滑，本身仲別喜歡白鱔肉，真係新鮮，大花甲大大隻好新鮮十分吸引，好香嘅韭菜餃，再叫左渣凍自家竹庶茅根用來清熱降火。好滿足嘅一晚。

今晚一家三口去打邊爐，近近地去左銅鑼灣，係OpenRice 搵海鮮火鍋就搵到呢間野，試吓先，上到黎環境寧靜，職員好禮貌地帶我們到梳化位置座，隨即送來一盤火鍋醬料，有辣椒、蒜蓉、炸蒜、蔥、芝麻醬、芝麻、芫荽，可以自己調味料。然後見到點餐紙有好幾款湯底想試，又選擇困難症發作，最後我地點了鮮魚清湯鍋，個湯好甜似家嘅感覺，忍不住飲了兩碗。手切牛頸脊好嫩好好味，大花甲真係大大隻好新鮮，雲吞好好味有大隻蝦味道啱啱好，自家韮菜餃好香好好味，同雲吞一樣無味精，仲有桶蠔勁大隻好新鮮，手打墨魚丸勁彈牙仲有細細粒墨魚係入面Good Good。打邊爐最緊要係野食新鮮及價錢合理，呢間野完全做到，下次一定再黎，仲有好多湯底未試。

今日約左朋友食飯，早兩日已經係openrice睇吓邊間打邊爐惦嘅，近近地銅鑼灣，見到呢間野都有好評仲有85折，服務員和藹可親，梳化好舒服，幾個人最啱傾計，環境吾太嘈雜，檯面放有點菜紙。一坐低店員已立即送上調味料，湯底有成十幾款，我地揀左招牌麻辣鍋同埋自家鮮魚清湯鍋，鴛鴦鍋都係加20，麻辣鍋湯底已經有豬紅夠嫩，鮮魚清湯鍋好香Good Good。手切本地鮮牛頸脊，牛肉味濃，肉質軟滑，仲有白鱔肉，非常新鮮，大花甲大大隻十分吸引，清左內臟位洗得乾淨，清甜好味。桶蠔都極新鮮，好香嘅韭菜餃，雲吞原來是包滿彈牙的蝦仁和鮮香的肉碎，魚皮餃外皮好爽，鮮鵝腸😍很肥美又不至於條條肥膏，輕輕十幾秒已經很爽脆，餐廳處理得非常之好完全沒有難聞的臭味十分出色。另外手打墨魚滑爽口彈牙，食過翻尋味，再準備定一渣凍竹庶茅根，呷一口，冰涼透心，甜度剛好，清甜滋潤，用來配火鍋最適合不過，期待下次再黎。

今次又黎到銅鑼灣搵食, 京都廣場呢棟大廈好多野食, 我地揀左呢間有齊刺身同打邊爐的餐廳~店內都幾多卡位, 而且幾闊落, 好岩同一班朋友食同傾計~ 餐廳主打湯底, 刺身, 海鮮同靚牛~一黎到先揀左湯底, 加多20蚊就可以拼多一款湯底, 揀左雙拼湯底 (自家鮮魚清湯鍋 + 漁火松茸養身鍋), 比較中意松茸養身鍋, 落足料, 有大量蟲草花, 紅棗, 菌類等, 湯底都好濃味~鮮魚清湯魚味唔太出, 反而胡椒味幾出, 但好既地方就係清清地, 我地食完成餐飯, 個湯都唔會越煲越咸, 呢個加分~ 店員先比醬料我地揀, 有9款揀, 客人可以自己混醬XD ($15/位)~到點菜, 因為話晒係刺身火鍋, 甘當然要叫d刺身黎試下, 我地點了 北寄貝帶子刺身, 我地4個人就有8件左右, 有檸檬墊底, 食落都幾新鮮爽口~黎到打邊爐食物, 分享下幾款值得highlight的, 招牌雲吞王, 皮薄得黎又粒粒都好大, 包住原隻爽口蝦肉、豬肉、韮菜等, 相當足料!漁火特色四色丸, 全部都係手打大大粒, 有墨魚丸、鹹蛋豬肉丸、牛丸同 鮮蝦丸, 咬落好彈牙!鹹蛋豬肉丸包住鹹蛋王幾得意, 鮮蝦丸表面加左蝦皮, 口感好豐富!日本

是次飯聚朋友提議吃火鍋，於OpenRice找到這間火鍋店，有大家都愛吃的海鮮，又可透過OpenRice訂座享有85折，一舉兩得！醬料每位$15所有醬料都放在方形盤子內，很精美。花膠響螺燉豬展 ($198)湯底點了花膠響螺燉豬展，一上桌便香氣撲鼻。先喝湯，後放材料。湯底非常足料，味道香濃，清澈不油膩。肥水大花甲 ($98)店員教路烚30秒便可以。大花甲又大又肥美，花甲肉厚身鮮甜，口感十足，十分美味。蘇格蘭蟶子皇 ($48/隻)大而肥美的蟶子皇，看到已經令人垂涎欲滴，急不及待想吃掉牠！店員說烚10秒，肉離殼便可。入口肉質鮮嫩爽口，那股鮮甜的味道在口腔中久久不散，令人回味無窮！美國頂級桶蠔 ($158)桶蠔脹鼓鼓的，肉質肥美滑溜，蠔味濃郁突出，味道鮮甜，每一口都是肉。什錦刺身(細) ($288)有三文魚、油甘魚、帆立貝及北寄貝4款刺身。款款都很新鮮，肥美又有口感；尤其是北寄貝味道甘甜、肉質爽脆， 口感極佳。漁火特選牛盛薈 ($438)這個牛盛薈有五款牛肉，包括：手切本地鮮牛頸脊、手切本地邊位、手切頂級PRIME牛肉、一口和牛柳粒及極品牛舌。整體牛味濃烈又帶油香，肉質軟腍鬆化，齒頰留香。走地清

不知為什麼，每次跟這幾個朋友的飯局都總是打邊爐，而且佢地又鍾意食肥牛、海鮮，所以都選擇了好耐，最後選了這間漁火海鮮刺身火鍋（睇Openrice 介紹海鮮、肥牛都好正），而且仲做緊85折優惠，緊係要用埋呢個優惠先抵。店內位置不算多，但勝在坐得寬敞舒適。食火鍋最緊要當然係個湯底，這裡湯底有14款可供選擇：龍皇海鮮湯、花膠雞湯翅、花膠響螺燉豬展等等...而配料都比想像中多款式，牛類、海鮮類都有很多選擇。店內都會提供廚師推介，推介當日最新鮮的刺身，見到好似唔錯，都叫了一款嚐嚐（什錦刺身) 。醬料 - 每位$15坐低後，店員會付上醬料方形盤子，當中包含了9種不同醬料，可因應個人喜好調校自己喜歡的醬汁。什錦刺身(細) - $288什錦刺身(細)有三文魚、帶子、油甘魚及北寄貝4款刺身。刺身新鮮、肥美而且都是厚切，食落口感極佳。花膠響螺燉豬展 - $198湯底我們點了花膠響螺燉豬展，雖然價錢比較貴一點，但物有所值。一上桌便香氣撲鼻，我們直接湯底當湯喝，味道很清甜且足料，清澈不油膩。還沒開始吃火鍋我已經忍不住再喝多碗了！肥水大花甲 - $98一看到大花甲來到已經哇一聲。大花甲比平時出面食開的更大更多肉