漁吉海鮮丼專門店 (已搬遷) 新店位置

有次食完飯經過九龍城，見到呢間鋪頭幾多人，就諗住下次試下佢。於是搵埋朋友嚟試，呢度啲丼飯唔算平，我揀咗個話係每日限量嘅蟹膏丼，裡面有火炙海膽同三文魚籽，啲海膽完全唔鮮甜，蟹糕都好一般。朋友話佢個丼啲魚生都係一般，唔算好新鮮。價錢亦唔平，兩碗丼埋單要4百幾，但係呢間鋪頭好小家，我見佢唔會主動俾杯茶顧客，啲人要叫佢攞先肯俾，而且杯茶都係無味嘅茶。服務態度都好麻麻，食完呢餐飯，一出門口我地就話以後唔洗再嚟。

今晚放左工就帶狗狗去九龍城寵物店剪毛，中間有兩個小時空檔，一早就已經上定openrice睇有乜好野食。男人指定今晩要食日本野，佢又鐘意刺身，見到呢間專食日本海鮮丼幾好評，就帶佢黎試下啦！一入門口見到幅牆畫左幅大畫，好有日本feel!!🇯🇵男人鐘意魚生，叫左個漁吉特選丼。面頭個玉子有驚喜。 食落口慢慢咀嚼好滑，裏面有小小嘅柚子汁咁，好得意。 牡丹蝦又好大隻好甜！其他食材有料 左口魚,三文魚,白肉豚,櫻花魷魚 , 帆立貝,星鰻, 三文魚籽...多到我都唔記得曬！我ga海老丼，面頭係好多料下面好大碗飯㗎！有牡丹蝦,甜蝦,三文魚籽,蟹籽,玉子,下面係珍珠米飯!所有食材比足料同埋真係好鮮甜！

突然好想食日本菜，經過一間裝潢簡單，光線好充足既餐廳，係外面已經見到餐廳裡面，見到一檯客食緊既丼飯好吸引二話不說就進店店內的味噌湯可以任飲味道不會太咸，不過我本身不喜歡味噌湯，所以飲一啖就無飲lu有很多款丼飯生魚丼 $138Wasabi係手磨的好有誠意。櫻花魷魚&比目魚邊超正仲有三文魚、白肉豚、油甘魚，材料好豐富北海帆立海老丼 材料同樣好豐富無揀錯南瓜可樂餅熱辣辣食超正松葉蟹腳蒸蛋呢個茶碗蛋好鮮甜呀同埋超滑，相信係新鮮蒸的，所以要等大約10分鐘

生日正日，沒時間請假四圍去，仍留在辦公室幹活。但生日，總是想對自己好一點，就默默地為自己豪一下，到來這裡吃一個海鮮丼....海鮮丼最近成了一個新潮流行的食制，坊間似乎越來越多主打這個的小店，而且也相當地受歡迎....競爭越大，店子當自要想辦法出奇制勝。弄一兩個招牌，與別不同的丼，自當可成店的賣點....好像這裡，就有兩個分別以本地青龍及蟹肉作主材料的丼作招倈。而事實在光顧當日，就看到有不少食客不吝嗇腰間錢點了它們....但我這等貧苦大眾，就算是生日如此大日子，也不大捨得去叫。於是就退而求其次，叫了一個特選丼....材料的確堆滿了一碗。左口邊、三文、白肉豚、櫻花魷魚、帆立貝、赤蝦、星鰻、三文魚籽、海膽、蟹籽及蛋，基本上嗡得出的海鮮丼正常要有的料都齊備。吃後較有印象的是爽口清新的左口邊、肥美漏油的三文腩、糯甜至膠口的赤蝦以及櫻花魷魚。差一些則是凍冰冰又硬的蛋、嗦然無味的白肉豚、以及鮮味比馬糞差得遠的加拿大海膽....醋飯的酸度於我來講有點太over，不是我那杯茶....很奇怪，這裡的麵豉湯是盛在大暖壺中給人任添任喝的。呷了口，極普通....以差不多接近二百大洋一碗丼的價位來講，這丼的水準只

海鮮丼近年在香港大行其道，新店開個不停。講真，每次見到新鮮肥美的魚生刺身，滿滿地鋪在丼飯上，都會忍唔住口，想立即大啖大啖把它消滅。昨天來九龍城為友人選購曲奇，回程時路經衙前圍道，發現原來路口都有間日式丼飯店。從門外玻璃窗往內望，地方雖然不大，但環境具格調，富濃厚日本味。問店員拿餐牌一看，海鮮丼款式甚多，而且最平 $98 就已經有交易，所以立即鎖定目標，翌日到訪。店子其實係位於九龍城衙前圍道與南角道交界，踏進內，全木裝潢，簡約而明亮，牆身髹上一幅漁民捕魚手繪壁畫，色彩斑斕奪目，非常吸睛，襯托著天花的捕魚網和另一邊木板掛著嘅傳統魚旗，營造出日本昔日漁港風情。拿起桌上點菜紙，丼物共有 14 款，最矜貴當然是以原隻伊波龍青龍蝦入饌嘅「龍王丸」和用上青森縣熟蟹肉同蟹膏炮製嘅「蟹王丼」，另外亦有茶碗蒸、湯、小食及一系列日本汽水。選了一個丼飯，再加幾款小食開心 Share。趁丼飯未到，先飲杯熱茶，店員說，桌上嘅暖壺，入面裝有味噌湯，客人可免費任飲。嘩！咁著數，馬上一試。湯入口熱騰騰，濃得來又夠味，絕不死鹹，而且嗒落更帶點點清爽香氣。幾款小食接著出場，先吃蒜香厚切牛舌 ($38)，牛舌兩面輕煎過，上碟

返工日，腦細車我地去食午餐，途經見到門面幾好，就入左去。店面乾淨。有提供湯任飲。魚生飯款式都幾多，價錢由一百到數百蚊都有。而我揀嘅係差不多最平嘅一款魚生飯。但嚟到嘅質素並沒有失望。魚生新鮮度可接受，份量不少。男孩子食都唔怕唔夠飽。飯上放滿蟹子，口感大增。海膽經少少火炙，幾鮮味飯上配有青檸檬，應該是叫客人配魚生食或加入sauce入面，令鮮味提升呢類工用。但我就無加🤓雖然價錢唔叫最便宜，但依其質量同價錢係成正比。可以一試。

同友人去九龍城搵食，經過見到呢間漁吉好似都新新地，睇餐牌又幾吸引，就即管試下啦魚生飯有好多選擇蒜香厚切牛舌$38店員上菜時介紹了旁邊的柚子芥末醬，話用黎點牛舌食會好好味。果然個味同牛舌都幾夾，柚子味好fresh又辣辣地。牛舌本身都好夠味，唔會好"un", 呢個好味漁吉特選丼$188有12款刺身，每一款都好新鮮同好大舊，啱晒樣樣都想試既我，店員話可以支d青檸落去提升鮮味，又幾特別。海膽三文魚子丼$198海膽有兩款：韓國同加拿大海膽韓國海膽好鮮甜，加拿大果隻好濃味，兩隻都好好味而且份量一d 都唔細，三文魚子都有好大既一pat, 好抵食埋單一人大約$235整體黎講，呢間餐廳有意外驚喜，d 野又幾好食喎，絕對值得再encore!下次會想試下龍王丸，見到隔離枱隻龍蝦都幾鬼大隻

之前聽朋友講九龍城開咗間海鮮丼專門店，而且啲海鮮丼非常大碗，所以決定係試吓。餐廳係衙前圍道附近。我哋兩點去到，發現人頭湧湧，而且環境乾淨企理。見到牆身貼住呢兩款丼飯，而且仲有限定優惠，已經覺得非常吸引。我哋一坐低已經見到個暖壺，枱邊上仲貼住張貼紙，提醒我哋搖一搖，原來入邊係味噌湯。餐牌上丼選擇好多，而且仲有好多款小食，因為我地點左好多款小食，我地落單之前店員仲好細心，提醒我哋丼好大碗如果我哋四個人點兩碗丼已經足夠。松葉蟹腳及海膽蒸蛋，蒸蛋非常嫩滑，而且材料豐富。冷豆腐豆味香濃，上邊鋪上脆卜卜嘅櫻花蝦，配上芝麻醬同蔥花，味道一流。汁煮豬軟骨，豬軟骨非常入味而且骨位好林，配合芽菜一齊食，更加美味。鹽燒鯖魚燒嘅火候剛剛好，鯖魚肉質結實，口感一流。溫泉蛋炸雞沙律，炸雞非常香脆，沙律菜非常新鮮，配合溫泉蛋蛋漿一齊食，味道配合恰到好處。到主角丼，首先係漁吉特選丼，魚生覆蓋整個丼飯，魚生款式有十二種，左口邊、三文魚、白肉豚、台立、櫻花魷魚、帆立貝、赤蝦、三文魚籽、海膽、蟹籽、玉子仲有一條長長嘅星鰻，因此可以試吓不過好味，魚生非常新鮮，赤蝦爽口鮮甜，燒過嘅星鰻配上醬汁更添風味。龍王丸有成隻龍蝦，仲配帆

晚上, 在九龍城一帶找到了一間日式丼飯店, 於是便和朋友進去。餐牌上, 丼飯的款式有很多, 亦有其他小食和飲品供選擇。刺身丼飯方面, 我選擇了生魚丼, 我朋友選擇了北海帆立海老丼。小食方面, 我點了一客蒜香厚切牛舌。蒜香牛切牛舌來得很快, 原來它不是燒牛舌, 而是炆牛舌。它的蒜蓉味很突出, 很滑, 不過帶一點筋。大概等了十五分鐘, 店員便呈上我們的丼飯。我的生魚丼裡有比目魚邊、白肉豚、三文魚、油甘魚台立、櫻花魷魚。飯上有非常多的蟹籽, 是鋪上一層厚厚的蟹籽, 裏面有很多飯, 不過刺身的份量不算太多。 我最喜歡吃油甘魚, 味道非常美味, 每件刺身也非常鮮甜肥美。這裏的店員的效率也算快。

第二次食龍王丸，但今次碗飯同龍蝦都細左好多，之前兩個人食都覺得食唔曬，但今次就感覺細左好多，唔知係唔係第一次食嘅時候未有媒體報導，宜家報導出左，多左人食所以用料都無之前咁好呢⋯味道其實依然係唔錯，只係份量細左所以感覺無之前咁抵食⋯希望佢可以keep返應有水準，畢竟九龍城好食嘅日本野唔多！

今日同個fd去九龍城食好西, 見到呢間丼飯諗都無諗就即刻走左入去, 哈哈^^ 因為見到入面有張龍蝦丼飯poster呼喚緊我地, wakaka…..一坐低就見到麵豉湯任飲?! 有禮既店員對我們說記得要瑤勻先好倒出黎飲, 另外每一碗丼飯上枱時也會教我地揸d檸檬汁係飯上, 這樣一定會開胃d, 同埋感覺會無咁漏.我地叫左個漁吉特選丼$188, 即係雜錦刺身飯, 但呢到既雜錦刺身飯會同出面有少少唔同, 除左有入口即溶既左口邊,大大粒帆立貝,肥美三文魚,白肉豚,台立,櫻花魷魚,大大隻既赤蝦,勁多三文魚籽,鮮味海膽,蟹籽,印上漁吉字樣既玉子, 最後好想講下呢條原條星鰻, 一d都唔醒, 肉質嫩滑.另外就緊係唔可以唔叫呢個龍王丸啦$198(原價$238), 優惠數量有限ga, 哈哈….呢個丼飯真係唔少野, 有原隻龍蝦, 肉質仲非常彈口, 個頭都有膏ga, 除左龍蝦仲有海膽, 三文魚籽同蟹籽ga, 口感非常豐富.呢到d丼飯超大碗, 下次再來幫襯食下其他款先^^ 因為今次有少少失望, 全部飲品賣哂, 由於係直接空運到港, 哈哈, 下次要飲到, 因為好特色ga.

走在九龍城的街上，看到很多泰國餐廳並不意外，但在路口的轉角有間充滿日式風格的餐廳，都吸引到路人的目光。門外裝修簡潔，很有日式的感覺。在裡面向街外看出去，有另一種感覺，像在忙碌的生活停下來，享受用膳的時間。店裡裝修主要都是用木為主，而一幅牆是掛上了這幅油畫，很可愛，很喜歡！每張檯上都有餐具、點餐紙和調味。而其中的保暖壺裡面是麵豉湯，是日本傳統飲食特色的湯，喜歡的話可以任意添喝。溫馨提示，可以把暖壺搖一搖！坐下來後就看著點餐紙點餐時，店員都主動過來講述當日沒有的食物，不需要我下單後失望，亦看到我一行兩人，都提議我可以點一碗丼飯再配小食，不怕會點太多食物，很細心的服務。（$38）大蜆味噌湯，除了大蜆外，湯也很大碗，蜆肉很鮮甜，裡面有滑滑的豆腐肉，味道不會太濃而且也加了蜆去烹調，令味噌湯更加清甜。（$238）蟹王丼，裡面有熟蟹肉、海膽、三文魚籽、蟹籽和玉子。店員提醒我們可以在丼飯上加上青檸汁去提鮮，亦可以根據自己的喜好去調教酸甜度，很細心的介紹。丼飯份量很多很大碗，配料的份量亦都一樣的多，蟹肉拆成一絲絲，入口很鮮甜。海膽的形況很美，加上表面輕輕燒過，香味十足！另外丼飯上都加了蟹籽和三文魚籽，脆

朋友推介叫我們一齊來試下這間日式店子，而我們這些無業遊民當然一呼百應。新界、香港、九龍代表都齊齊出席，聚一聚。叫餐後，侍應就送上一個碗仔，而本身每張枱都有一大壺保溫壼，我們理所當然地以為是茶。可是，無論怎看，這是一個碗不是杯，究竟胡蘆內賣什麼藥？？細問之下，原來是味噌湯是也！湯味道OK, 不太鹹。龍王丸 $238據聞每日限量供應，我們是第一批客人，當然要試一試。原隻青龍，配上左口邊，帆立貝，蟹籽。賣相很好，很大碗，但每款刺身都只得一件。而主菜龍蝦都有很多肉，但味道一般。這麼大碗，二人份量，原來有很多白飯吧了。漁吉特選丼 $188特選當然有很多刺身，左口邊、三文魚、白肉豚、帆立貝、台立、赤蝦、海膽、蟹籽、櫻花魷魚。因為有這麼多不同類型的刺身，所以口感比較豐富。

我們教會附近，從前只得泰菜，現在成個九龍城好似聯合國咁，最近對面見到一間日本野睇吓漁吉餐牌主力係食丼我二話不說就揀咗比目星鰻丼 $158專業地連玉子都印着漁吉個名，一啖食咗你，甜甜嘅玉子。以火炙過的比目魚，魚油十分香濃。兩條長過手掌嘅星鰻，真材實料，貨真價實，兩邊都炙得很香口，配合先甜嘅鰻魚醬汁，雖然有少少幼骨，仍然阻礙唔到我一啖魚一啖飯嘅衝勁仲有唔少蟹籽可以撈飯至於老公就揀咗漁吉特選丼 $188同揀老婆一樣佢真係冇揀錯 XD賣相真係攞滿分包羅萬有，果然係小店精選抵食過我嗰個丼好多啊！首先係最搶眼嘅赤蝦，鮮甜味美又彈牙仲有一條長長的星鰻。其次我一眼就望到佢最喜歡食嘅海膽同埋帆立貝，我都share左啲海膽嚟食鮮甜又唔腥白肉豚、櫻花魷魚、三文魚籽皆不錯。掛住食，忘記了喝一碗漁吉味噌湯，果然十分鮮美每人一個丼雖然好飽肚，食晒成碗飯係真係好飽肚。但個人就仍然有啲空虛所以最後都堅持加多一個邪惡雞翼 $38。超級脆口的皮，熱辣辣又 juicy 的雞肉一人一隻雞翼一隻雞腿食完就滿足晒啦！下次小組之後又有新嘅聚腳點了

九龍城一向給人的印象，就是泰國菜的重鎮，其他菜式，不管中菜還是西餐，即使是潮州菜館，在食肆數量上，與泰國菜相比，也不成氣候，更遑論日本菜了。不過近日在衙前圍道，就新開了一間專門售賣丼飯的店舖，為九龍城區的日本菜注入新的力量。這店子名叫「漁吉海鮮丼專門店」，店舖地方雖不大，可也企理乾淨，店子一面牆上的漫畫風壁畫，以日本漁夫捕魚為題材，色彩鮮明亮麗，漂亮吸引，天花以白色漁網覆蓋，也與店舖主題互相呼應，簡單得來有心思。 至於服務方面，服務員招呼到位，又有禮貌，也予人良好的印象。店舖以丼飯專門店自居，主打的當然是丼飯。點餐紙上其中一邊全部都是丼飯，數一數，足有十數款之多。當中最吸引的，首推在店舖牆上也有海報特別推介的「龍王丸」和「蟹王丼」。兩款重點推介，開業限定，每天限售20碗的丼飯，原價都是$238/碗，特價後則是 $198/碗。 兩夫妻本想兩款都叫來一試，可惜這天因為從日本運來的伊勢海老還未返貨，所以 「龍王丸」沒有供應，我和太太只叫了 「蟹王丼」，再加一款同樣相當吸引的「海膽三文魚子丼」（$198）和一款兩夫妻都喜愛的小食「蒜香厚切牛舌」（$38）作為我倆這天的午餐。原來在這兒吃丼