漁吉海鮮丼專門店 (已搬遷) 新店位置

九龍地這個美食林立的小區，不時都會有新的餐廳進駐，偶爾看到南角道轉角位開了家刺身丼飯店，顧客不少，好像不錯，便進去一試。店內裝潢走日式木系風，感覺舒適。這裡的麵豉湯是入在保溫瓶任飲的，而且是自家煮，有住家感覺。龍王丸現在做新店優惠，只需要198元，很少丼飯有龍蝦的，見有優惠便點了。丼飯份量很大，有原隻青龍，肉質結實彈牙，龍蝦鮮味慢慢滲出。另外還有左口邊，帆立貝，三文魚及三文魚籽等，均新鮮味鮮，丼飯上鋪滿蟹籽，絕對是送飯良品。另外點了漁吉特選丼，雖然沒有龍蝦，但有更多其他食材，略灸的海膽夾在帆立貝中間，鮮味在口中透出來，櫻花魷魚富口感，赤蝦，星鰻及白身魚同樣不錯，整個丼飯非常豐富。188元這個價錢要是在其他日式餐廳點這麼多的刺身款式絕對不行。這裡的丼飯不論材料及份量都很多，而且水準不俗，CP值高，下次來定要試其他食物。

吃日本魚得感覺沒那麼肥膩。這裡有很多不同款式。試一下豪快海鮮。造型已經很吸引，很rich. 有三文魚、油甘魚、白肉豚、甜蝦、帆立貝、蟹籽、玉子。感覺新鮮。魚生也夠厚。口感不錯。侍應哥哥也很風趣，還細心教我落檸檬汁會更好味。飯量足夠。可以再吃。

以前去開東京都鐘意去築地市場食丼飯，貪佢有刺身佈滿面下面又有米飯夠飽肚，依家香港越開越多日本丼飯專門店，未有假期飛到去日本都可以喺香港食住先。近月九龍城開咗間海鮮丼專門店，午飯時間過後見到依然有好多人，見到新張期間每日限定龍王丸同蟹王丼各20名特價198，問一問侍應仲有冇名額，侍應答仲有，二話不說拉老公入內一試。店內裝修很有日本漁民feel，壁畫畫得很可愛得意。每張枱上都有一壺味噌湯，自斟自飲，倒出前先搖勻。意想不到看似湯內沒甚麼湯料，但除了味噌鹹味外，味道十分鮮甜，老公與我都一連喝上兩三碗。蟹王丼先上，蟹肉、炙燒海膽同自家醬油醃製三文魚籽平均分佈丼飯上，材料多到滿瀉。蟹肉味鮮，已拆肉入口更方便易食。海膽輕輕炙燒後外層比較凝結，對於怕生食人士更加合適。自家醃製三文魚籽味道比外面較細粒但更加鹹鮮。此店丼飯有一特色就係隨丼奉上大量青蔥及一角青檸，青蔥微微辛辣清香，青檸汁清酸減少油膩感，兩者雖不正宗但確實又不錯。比目與星鰻的配搭很少見，比目魚邊十分肥美，油香四射。星鰻乃BB鰻，比一般成年鰻肉薄略瘦，幸好此丼用上肥美比目配略瘦星鰻，一肥一瘦，如果用上成年鰻感覺就會太肥太滯。

講起九龍城大家梗係諗起泰國菜啦，原來最近新開左間海鮮丼，主打日本小店風。漁吉特選丼🐟🇯🇵($188)，一個丼有成12種配料鋪係飯上面，最啱我呢d三心兩意成日想試好多款，結果唔知揀邊樣好既人😍有左口邊、三文魚、白肉豚、台立、櫻花魷魚、帆立貝、赤蝦、星鰻、三文魚籽同玉子，仲有勁多蟹籽撈飯 🤤刺身整體都新鮮肥美，再加少少青檸汁仲可以提起鮮味😋北海帆立海老丼($178)，話明海老丼所以一次過有3種蝦，呢款就有帆立貝、牡丹蝦、赤蝦、甜蝦、三文魚籽、蟹籽同玉子，朋友話d蝦夠晒鮮甜爽口，不過性價比都係上邊果本高d又滿足d😝蒜香厚切牛舌($38)，厚切牛舌好淋好嫩滑，如果再燒一燒應該會更香，點埋個胡椒柚子鹽更加好食呢！呢度每枱都會有一壺麵鼓湯，食完刺身飯飲返碗熱辣辣嘅湯就啱晒，仲可以無限添飲添。

日本菜一早已入侵港人的心，除壽司店及omakase外，近來很多海鮮丼店亦在香港開店。今日來到九龍城「漁吉」，單看門店充滿日本風味，店面不大，反而有在東京築地的感覺。店內主打做海鮮丼，另有些日式小食。吃日本菜怎少得日本人最愛的味噌湯？一整個暖壺都放著熱騰騰的新鮮味噌湯。任飲唔嬲我點的是北海帆立丼，內有帆立貝、海膽、三文魚籽及蟹籽，帆立貝size非常巨，表面用火槍輕輕燒過，半生熟口感反而更豐富。餐廳對三文魚籽及蟹籽的份量控制好慷慨，前者粒粒漲卜卜，入口即爆。後者粒粒爽口，非常新鮮別看輕這碗丼份量，其實刺身下鋪滿壽司飯，差點吃不完，$178個人認為合理到不行。同行家人則點了炎上三文魚丼，飯上鋪滿火炙三文魚及三文魚籽，完全看不到飯😂三文魚魚脂豐富，魚油滲入飯中，配著每粒都漲卜卜的魚籽，就是奢侈除了海鮮丼外，還點了一個鯖魚作小食魚扒好厚身，表面煎得香脆。加幾滴青檸汁提一提鮮，同時可減低油膩感。魚肉嫩滑，不會嚡口，推介

見到有間新開唔耐嘅日本野梗係入去試下啦餐牌選擇都算ok”松葉蟹腳蒸蛋”蛋幾滑，味道都算唔錯”關西雪姬”豆腐味夠，配埋醬汁的確幾好，加埋啲櫻花虾仔配合得唔錯“龍王丸”賣相真係幾好，真實龍虾都唔錯，但啲蟹籽食落真係覺得唔係咁新鮮，因蟹籽份量都幾多，令到成碗飯都感覺麻麻

九龍城出名係食泰國野, 但細心發掘的話其實仲有好多其他餐廳值得推薦。好似呢間開左兩個月左右的日本餐廳就係一個好好既例子!都係住九龍城的朋友推薦我先識來~大約兩點幾都仲係好多人。通常可以免費REFILL的都係得水或者茶, 但呢度的湯竟然係可以任飲!真係覺得好貼心如果都係想飲水的話, 可以搵店員斟的。蟹黃丼  $238=>期間限定特價$198作為一個蟹控, 呢個丼對我來講真係冇得輸!熟蟹肉份量實在係多到不得了, 食極都仲有, 唔需要好似平時咁擔心好快食完而得返D飯, 真係好足料!海膽表面好似有輕輕烤過，比平時香口一些。加上三文魚籽和蟹子點綴，一級棒！豪快海鮮丼  $128呢個就係抵食之選! 因為個丼有好多種唔同的刺身，包括三文魚、油甘魚、白玉豚、甜蝦、帆立貝、蟹籽同埋玉子。但呢個係朋友點的，所以我冇試哂所有刺身，只係試左白玉豚－－真心鮮甜！至於朋友就大讚油甘魚，因為佢平時麻麻地鍾意食，但呢度的油甘魚認真唔錯！松葉蟹腳蒸蛋 　$38呢個蒸蛋都係好正，原因？請睇圖：起碼有幾片大片的蟹肉!配上滑溜的蛋, 味道鮮甜, 口感一流!整體來說食物質素很高, 雖然繁忙但服務態度仍然很好, 埋單大約

又係屋企附近開飯既時候, 最近見到間新開無耐食日式丼飯既餐廳都好似幾正, 成日經過, 今晚終於有機會黎拜訪下啦~~餐廳入面最養眼可算是呢幅牆上既壁畫啦!! 其次就係掛係天花既魚網, 令簡簡單單既餐廳增添一份日本既色彩~~呢度除左食丼飯外, 仲有好多款小食同蒸蛋選擇, 未食已經先興奮~~漁吉特選丼                 HK$188呢個漁吉特選丼就係今晚既主角啦!! 賣相無論顏色及外觀都好吸晴!!睇見到已經流晒口水!! 而其用料都非常豐富包括有特長星鰻, 左口邊, 帆立貝, 赤蝦, 櫻花魷魚, 海膽, 三文魚, 白肉豚, 蟹籽, 三文魚籽, 玉子同台立, 用上十二款刺身所造成的, 每樣刺身都好新鮮同肥美, 因為呢碗丼飯都幾有份量ga!! 如果細食既記得落Order時講少飯, 以免造成浪費, 因為原裝丼飯係有成兩碗半飯的~~海膽蒸蛋 + 松葉蟹腳蒸蛋          各HK$38兩款蛋都蒸得好幼滑, 配以海膽同松葉蟹同食就更加滋味, 蒸蛋入面仲加入左蟹柳棒, 令味道提鮮, 正~~蒜香厚切牛舌           HK$38牛舌份量都算多, 肉質鮮嫩及爽口, 味道帶鹹香及蒜香,

俗語都有話「辛苦搵嚟志在食」，放假食Lunch梗係要對自己好啲、食好啲！之前去九龍城食泰菜，已經有留意一間新開嘅日本料理叫「漁吉」，地點都幾易搵 -- 喺衙前圍道、南角道交界今日12點去到，餐廳啱啱開門；雖然我同朋友坐咗喺近門口位置，但係感覺唔差，可能因為枱與枱之間嘅距離適中，光線又充足，坐得幾舒服。坐好諗住倒杯茶飲，點知個侍應提我：要搖勻先倒出嚟，我再望望枱面上一個溫馨提示，原來個壺入面裝嘅唔係茶，係麵豉湯；雖然倒出嚟嘅湯無任何配料，不過我已經覺得賺咗，因為佢用白麵豉，飲落唔會過濃，我仲飲咗兩碗我叫咗一個北海帆立海老丼，朋友叫咗個漁吉特選丼，另外加多個清酒煮蜆。清酒煮蜆 – 非常有驚喜嘅一個小食！清酒同蔥加埋聞落清香；飲落有酒味但唔會過濃或過咸，有啲似溫清酒；用沙白蜆無沙，煮嘅時間啱啱好，蜆肉鮮嫩；有少量幼薯粉，連湯一齊食，正！北海帆立海老丼 – 先要讚wasabi，唔係用粉沖或者現成擠出嚟嘅wasabi膏係磨出嚟嘅質感，食落唔嗆鼻但香。飯面有半個泰國青檸，我擠咗少少青檸汁落赤蝦同帆立貝。玉子幾甜，食落唔乾帆立貝有兩隻，面輕微燒過，味道唔錯，唔太鍾意食火灸嘅朋友落單前可以同侍應講講。

去到九龍城泰國餐廳多就係人都知，上星期五行行下俾我見到間新開日本餐廳，所以就走左入去試試門口光猛，位置優越，係正十字路口，衙前圍道 南角道交界龍王丸材料有：原隻龍蝦、帆立貝、左口邊、蟹籽、玉子、三文魚樣樣食品都好新鮮清酒煮蜆：蜆肉肥美，清酒夠白，最緊要真正平民價$38真係邊度都搵唔到蒜香厚切牛舌 雖然厚切但肉質很（林）身，美味可口，食唔停口$38超值關西雪姬（冷豆腐）豆腐好滑，上面加左一隻隻櫻花蝦加上胡痳醬有另一番風味，口感唔錯$38邪惡之雞翅：點解會叫邪惡呢，我諗就係因為佢外面炸得好脆同樣係$38仲有免費任飲味噌湯蟹王丼材料包括：熟蟹肉、海膽、三文魚籽、蟹籽、玉子豪快海鮮丼其實即係用平民價錢食到什錦刺身飯$128

朋友仔剛剛去完斯里蘭卡，要同我分享一下旅行趣事，不過朋友都算俾面，要轉兩程車入到九龍城陪我一齊揾好野食。九龍城呢區，印象只有泰國菜多，估不到仲有質素的日式餐廳，而且小妹少踏足九龍城，有點兒陌生感覺。今次搭隧巴，一眨眼到左富豪東方酒店巴士站落車，其實它算易揾，因為有google大師帶路，輕鬆容易到左舊啟德機塲衙前圍道84號地下A鋪~漁吉啦。(叻叻呀)由於訂枱八時，由於早到左少少，侍應好有禮貌讓我們入座，問他們要了二杯熱茶，而且不時同我地添茶，服務一流。漁吉ISAKICHI ~鋪面店內裝飾貼合主題，光猛日式餐廳店內開業限定，每日限定20名。龍王丸店內開業限定，每日限定20名。蟹王丼用心之處店內味噌湯無限添溫馨提示:記得搖一搖才倒落隻碗度每張枱右手邊貼上無限添加味噌湯，味道清甜，絕不會令你覺得口渴。~海膽三文魚子丼選材來自韓國及加拿大海膽、有玉子、三文魚籽、蛋黃。😍😍😍大件夾抵食，平時工作壓力大，朋友仔平時會食下好野來舒緩一下壓力呀，不過呢個海膽丼真是好大份，比其他日式餐廳明顯大咗很多，如果好擦得，就無問題啦，如果女士享用，落單前，記住要停一停丶諗一諗呀，一份海膽丼真是夠兩個女子食架。侍應仲

家有長輩住九龍城, 探完長輩後剛好中午時間去搵食, 喺衙前圍道及南角道交界發現了"漁吉", 舖頭內原木色木板做牆，仲有大大幅嘅日本風圖，跟天花掛住魚網造成漁港嘅感覺。本身我好鍾意食刺身的，但被店內嘅海報大大隻龍蝦吸引咗，重要2個字“限定”，我最敵唔過呢類字眼，所以揀定“龍王丸”，製作用心，食好嘢要等多一陣，一上枱你就會覺得值得喇。青龍(龍蝦)好爽口，肉質充實，鮮味無比，旁邊仲有三文魚，帆立貝，左口邊，飯面佈滿蟹籽, 豪華至極.另外ORDER咗2個茶碗蒸, 即叫即蒸, 日式茶碗好靚, 最推介係"漁吉蒸蛋", 上面有海膽鮮味可以帶起蒸蛋味道, 值得一試.最後來個"鹽燒鯖魚", 略帶魚油將魚味大大提升, 魚肉鮮滑, 小食都做得很用心, 值得一讚.

今天放工約咗朋友去九龍城搵好嘢食，原來打算去食泰國菜，但經過衙前圍道十字路口，就比門口招牌吸引到，原來這間「漁吉」是食海鮮丼飯專門店！在九龍城可以搵到這類型日本菜，很有新鮮感，所以今晚就選擇試一試！這店舖地方濶落，乾淨企理。坐底後，見到餐廳提供無限免費味噌湯，每枱一壺，味道濃郁熱騰騰，很窩心蒜香厚切牛舌＄38入囗非常淋，再配合柚子胡椒醬海膽三文魚子丼$198一次過可以兩款海膽，韓國海膽非常鮮甜，加拿大海膽味濃，以每啖入口都有三文魚子及蟹子非常大滿足蟹王丼限定價＄198賣相非常足料，蟹肉非常鮮甜 ，再配合加拿大海膽及三文魚子

上個月搭車經過見街角開左間新餐廳排哂隊，今日一於同朋友去九龍城試下佢！😝去到唔使排隊，我一個照俾我入去坐住等～朋友好遲先到，好彩枱面有壺麵豉湯暖下胃，我諗應該可以添飲，清清地不太咸～🍲我好怕麵豉湯太咸，越飲越口渴。😣見到佢個餐牌有好多丼，但每個丼名下面都寫左有咩海鮮，好細心，唔使客人逐個問。👍🏻朋友想叫期間限定可惜已經售罄，果然係期間限定😆佢改選必叫嘅「龍王丸$238」，我就揀左「漁吉特選丼$188」。「龍王丸」一上枱，一定要相機食先，📸咁大隻龍蝦喺丼上面都係第一次見！好多龍蝦肉，仲有個碟仔俾你放龍蝦殼～😍初頭見「漁吉特選丼」個碗唔算太大，仲擔心朋友唔夠飽，點知男仔食都話好飽。😋每款都好足料，啲海鮮好新鮮，完全無一樣要挑剔👍🏻👍🏻👍🏻份量唔算大但勝在夠入味～總括而言，今次試左其中兩個最貴嘅丼，都覺得物有所值～😎希望下次有機會試佢個期間限定啦～

好多年都無入過黎九龍城搵食，不過今次我係為龍王丸而黎，賣相吸引之餘個名又夠霸氣，一向鍾意食海鮮既我見到都為之心動😍。由於係每日限定，所以今日六點幾已經黎霸定個靚位，估唔到咁早已經有唔少人了。餐廳環境唔算好大，一入到去就見到大大幅好搶眼又可愛既釣魚畫作，加埋天花上既魚網效果，幾match幾別緻。餐牌一覽，龍王丸我黎喇！！！！✨漁吉味噌湯：已經預先裝好一大壺，仲可以任飲嫁，飲水飲茶飲得多，食日本野任飲湯都係第一次。本身仲以為唔會好熱，但倒出黎係熱到出煙。呢個湯味道非常鮮甜，唔係平時得個咸字既味噌湯。真係飲完一碗要再添。見到日本產地直送既飲品都好想試，由於店員話一批批來貨，所以唔係款款都有。✨最後試左山梨葡萄同靜岡哈蜜瓜汽水（各$28),兩款都果味濃郁唔會太甜，我自己就鍾意山梨葡萄多d, 味道有d 巨峰提子feel, 酸酸甜甜very nice.晏晝留定肚，就係等今晚瘋狂叫小食😂✨汁煮豬軟骨（$42): 呢個煮得非常入味，入口都算淋，不過因為有d 部位偏瘦所以食落會痴牙。但係味道其實唔錯的，係食食下有d 偏咸，原來店員話平時有芽菜鋪底的可以中和咸味，不過今日咁啱無晒，可惜可惜。✨關西雪姬（$