漁吉海鮮丼專門店 (已搬遷) 新店位置

係fb 見到介紹呢間專食海鮮丼，有原隻龍蝦...今晚約左朋友黎食下啦～坐低就揀海鮮丼....我就一定揀龍王丼！食龍蝦😍 依家新開張仲有平....原價$238 特別優惠$198！一黎到....有原隻龍蝦，仲有帶子、比目魚背、三文魚、玉子同蟹子龍蝦肉好彈牙呀！食材好新鮮！比目魚背又大塊又肥美！仲有大大塊帶子！朋友就叫左北海帆立海老丼有原隻牡丹蝦、赤蝦、甜蝦、帶子、玉子同蟹子朋友話d蝦刺身好新鮮肉鮮甜，佢連蝦頭都啜埋～仲叫左個小食 - 蒜香厚切牛舌牛舌真係好厚身，又好林右上角有d青色既醬...食落應該mix左wasabi,檸汁等....好開胃😋每枱枱面都有一壺味噌湯，係任飲的！不錯👍🏻

自從中學畢業以來甚少踏足九龍城，聽說九龍城開了新刺身飯，有招牌原隻龍蝦飯和新鮮蟹膏蟹肉丼，為了一嚐人氣龍蝦丼鮮味，特地來九龍城搵食。餐廳門面很有日式簡約風格，招牌不算很起眼。裝修有漁村風情味道，座位不多，但位置充足舒適牆上鮮豔奪目的壁畫很可愛，漁夫在釣魚，旁邊還有招牌龍蝦和巨蟹，細心一看右下角簽署是手繪作品，非一般的印刷品呢！餐廳主打刺身飯，連限定款共16款之多！（新張期內暫未提供限定款）另有茶碗蒸、湯、小食及多款飲品提供。原本跟朋友想點餐廳招牌龍王丸及蟹王丼各一，再額外點一份茶碗蒸，經店主提醒後，決定只點一款，幸好有聽建議，因為這裡的刺身飯份量很多！兩個人Share倬倬有餘呢！不愧是招牌之一！不論是份量或是食材都當之無愧！龍王丸採用的龍蝦是原隻伊波龍青龍蝦跟坊間一般酒樓餐廳提供的冷藏波士頓龍蝦很不一樣！這份龍蝦肉質鮮美多汁，明顯是新鮮貨，沒有雪藏味，龍蝦肉彈牙爽口，紋理分明而且絕對是一整隻無花無假！愛吃龍蝦膏的絕不能放過龍蝦頭龍蝦頭內膏黃甘香，把金黃色蝦膏刮起用來沾飯吃一流連蝦腳內也有豐富龍蝦肉，不要浪費除了滿滿龍蝦肉，還有我最愛的火炙左口魚、火炙帶子和肥美甘甜的三文魚刺身，食材新鮮

九龍城通常俾人嘅感覺就係一定係食泰菜,但原來新開咗間日式餐廳。有多款唔同嘅丼同小食可以選擇。我同男朋友就叫咗碗蟹王丼同星鰻丼。超值得一讚,佢哋嘅麵豉湯係無限任飲, 啱晒一路等上菜時一路飲。蟹王丼賣相超吸引又澎湃,鋪滿晒蟹肉,蟹膏,輕輕炙過嘅海膽同埋三文魚子。平時我唔鍾意食三文魚籽因為我覺得好腥,但係依度嘅三文魚子粒粒都脹卜卜,而且係鮮甜完全無腥味。蟹肉亦好鮮甜份量又十足。星鰻丼除咗有星鰻之外仲有火炙比目魚同蟹籽,全部都好正。 火炙比目魚油香濃口感亦好嫩滑, 仲要有兩大條星鳗同多到滿瀉嘅蟹籽,食完真係好滿足。

有一段時間冇去過九龍城那邊，竟然變了不少，有新食肆新面貌。今晚專程去買大閘蟹，經過一間燈火通明嘅餐廳，被特別光亮的光線吸引前去望了一下，原來專賣魚生飯，好似幾prof喎，橫掂都要是旦找間食晚餐，一於試下啦。一張點餐紙，有數十款海鮮丼，小吃，飲品可選擇，非常簡單。有兩款重量級丼限定每日20個額，原價$238，特價$198，好抵喎。二話不說問問店員今晚還有嗎？luckily....哈哈還有呢！龍王丸，單單名字夠霸氣，賣相亦得，連忙拍照扼like先啦！聽講用秘製方法處理，原隻龍蝦拆肉，再用火槍輕灼，肉質還是保持彈牙爽口，鮮味盡出。龍蝦頭位置還有很多膏呢！濃香芳郁。其他還有帆立貝，左口邊，三文魚和魚籽，鮮甜美味。伴碟有半個青檸，建議滴少許提鮮，果然無得輸。蟹王丼，又是另一驚喜。柝了蟹肉和蟹膏非常濃郁鮮美，蟹味香濃。再配合勁濃郁的海膽和醃製過爆汁的魚籽，口感豐富無比。有一窩心位就係每枱擺放了一壺味噌湯，隨意添飲，值得一讚。

原來依家係九龍城新開既日本料理。地方雖小，但係服務一流。侍應有心機咁解答我哋所有問題。最後我地點了一碗龍蝦丼同一碗招牌海鮮丼，再加一份燒牛舌。原隻龍蝦頭放喺飯上面超級豪氣呀！龍蝦好新鮮，配有集片魚生同蟹子，味道好好。招牌海鮮丼分量十足，魚都好新鮮。兩碗飯嘅魚生下面都鋪滿蟹子，老闆真係落足料。麵豉湯任飲，味道唔錯。牛舌應該係慢煮後在燒，所以欠缺口感同不夠香口。總體一餐飯好滿足，所有丼都非常大碗，細食記朋友可以要少飯。

對九龍城印象本身覺得唔算多野食~今次朋友有車決定去九龍城覓食!離遠見到有間用木做主色嘅餐廳就停低左睇下~原來食日本野~見到入面裝修好靚就入左去~(女人係睇表面)未叫野食已經見到每枱有一壺味噌湯任添 😍開心 1)蟹王丼 $238一碗有齊熟蟹肉🦀 三文魚籽 玉子 海膽 蟹籽飯份量超多 🍚細食人士要share 食~💋每口都食得到蟹籽超足料 👄蟹肉非常鮮甜 😳海膽!輕輕燒過 好濃郁呀👅2)龍王丼 $238原隻青龍肉質彈牙 而且成隻上 賣相已經贏哂三文魚🐟油脂好多👅左口邊 🐟有驚喜 香口另有帆立貝 蟹籽玉子飯份量又係好多 細食人士請share~3)關西雪姫 (冷豆腐) $38質感超滑 配埋櫻花蝦及芝麻醬 開胃~4)蒜香厚切牛舌 $38性價比高 雖然唔係話超濃郁 但煮到淋身 配埋個柚子胡椒鹽醬食 正~5)汁煮豬軟骨 $42豬軟骨好淋 但要趁熱吃 因為凍左食會較咸最後丼飯太多食唔哂我仲打包左XD

最近又要返學返工真係好辛苦同好攰，當然唔可以待薄自己喇！今日難得我同男朋友都唔使返學，放工後join埋佢既朋友一齊黎到九龍城，今晚由男朋友發板，佢一向都特別多鬼主意，有別一般人思維，相信有好多人如果特登來到九龍城必定會食既當然一定係泰國菜。今次真係估唔到佢！今晚食既並非係泰國菜而係食日本野🇯🇵 😳😳😳黎到九龍城唔係食泰國菜？不是吧！原來男朋友一早已經上網搵過呢間鋪頭已經有人介紹過，專門食新鮮而且超級多份量嘅龍蝦丼 & 海鮮丼，當晚大概七點來到店子已經有八成客滿，估唔到都幾多人黎呢度食飯播~~~~~不久滿座之餘門外亦都有人排隊啦！Menu上都有好多選擇，最後我哋3個人叫咗兩個丼以及幾款小食，先來了一個關西雪姬，冷豆腐除了沾上芝麻醬外，仲配上大量嘅櫻花蝦乾以及蔥花，廚師對於食材真係一D都唔手軟，櫻花蝦乾放滿整個冷豆腐面，配上櫻花蝦乾食除咗口感有層次外仲食到蝦乾嘅香味，芝麻醬同冷豆腐已經係個好正既配搭，加埋櫻花蝦口感更佳，不錯啊！👍🏻👍🏻👍🏻厚切牛舌沒有用上太多醃製工序，就是用上簡單的胡椒及鹽醃製，牛舌不會有過份牛蘇味，而且煮製的時間恰當，好軟熟。😻❤️三款小食當中大家最喜歡係呢個汁煮豬軟骨，

氣氛真係好似係日本嘅餐廳一樣。侍應好親切，環境舒適。食完一日都無肚痛過，證明呢度既刺身係絕對衛生新鮮。呢度嘅麵鼓湯係任裝架，記得大力搖一搖湯壺先裝，好濃郁好好味！又可以暖下胃先。我叫嘅係：漁吉特選丼，走左海膽（因為我唔食），份量：1.5人份量，建議2個人一齊食🤣🤣🤣，無論你幾大食都一個人食唔晒⋯2個字形容：好！鮮！反轉睇會見到多啲刺身，好多係刺身係面搭面，掀開就好多。哇，條鰻魚好長好大。最鍾意就係鮮魷魚，爽口、甜滑、新鮮！蟹子好多可以拌成碗飯！

上個月同屋企人來開九龍城路過見到呢度見新開左間日本野見好多人食我哋好奇望下有咩食媽咪之前成日話好想試海鮮丼佢二話不說衝左入去一坐低已經見到個暖壺，開頭仲以為係茶壺來之後見枱邊上貼住張貼紙，原來係味噌湯來任飲架好貼心啊張label係提醒我哋搖一搖個壺先好倒出來飲餐牌上海鮮丼選擇好多，而且仲有好多款小食，我地點左好多款小食我地落單之前店員好細心，先同我地對一次單confirm我地食咩之後佢提醒我哋話丼好大碗如果我哋四個人食提議點兩碗丼已經足夠好彩聽佢講d飯真係超多啊！龍王丸 $238成隻龍蝦上，材料好豐富有帆立貝、左口邊、蟹籽同玉子，賣相非常吸引，龍蝦肉咬落爽口彈牙，d飯配上蟹子好正，兩碗丼飯嘅份量非常之多，足夠四個人share食漁吉特選丼 $188魚生款式有十二種包括左口邊、三文魚、白肉豚、台立、櫻花魷魚、帆立貝、赤蝦、三文魚籽、海膽、蟹籽同玉子另外仲有一條長長嘅星鰻，魚生非常新鮮，赤蝦爽口鮮甜，櫻花魷魚第一次食原來咁好食好爽口！星鰻燒得好香配埋d醬汁更加滋味呢個價錢食到咁多款材料真係超抵食松葉蟹腳蒸蛋$38海膽蒸蛋$38蒸蛋非常嫩滑，而且材料豐富。鹽燒鯖魚$42肉質美味汁煮豬軟骨 $4

一早起身剪髮比個師奶帶住個仔打尖搞掂之後都一點半直接落九龍城搵嘢食，行下見到龍蝦丼海報吸引我行入。一個人直入，坐低姐姐放低隻吉碗吉碟，講真隻碟真係幾靚，問吓姐姐乜嚟。姐姐答我：碗比你自己斟味增湯，碟係俾你加豉油，豉油或者你可以直接倒魚生飯上邊都得豉油經過自家調味唔會好鹹。點餐好似食拉麵咁畫紙仔。最貴二佰幾最平一佰頭，因為小弟唔食三文魚選擇少咗一半，最後揀咗個蝦丼，有牡丹蝦甜蝦飛魚子三文魚子，落單後即刻試吓個味增湯，嘩…OK喎先頭飲咗三碗主菜上場嘩大碗到呢！食哂應該飽到上心口，見到隔離枱女士食淨一半飯，餐廳日後應該問吓女士需唔需要小飯唔好嘥野牡丹蝦大大隻新鮮好味如果三文魚子多番少少就冇得定！最後我都清碗氹返女朋友下次會試吓龍蝦丼！

約咗朋友去九龍城，點知俾人放飛機，所以最後要自己一支公走去食飯，見到呢間漁吉日本刺身飯店就入去試吓。我點左個蟹王丼，俾我感覺蟹肉好新鮮，好鮮甜，要講下呢度既刺身飯好多三文魚籽，係多到食落去「卜卜」聲，第一次食刺身飯有咁既口感，值得加分。最正係麵豉湯仲可以任飲，所以唔好蝕俾佢，我就前後飲左三碗。因為我一支公，有意無意聽到隔離枱講嘢，隔離枱有條女點左個龍蝦丼飯，大讚話好好食，攪到我都想試下，不過我食完一碗已經勁飽，唯有下次再黎過，呢間野可以再試。

今日食豪D,來到九龍城一間食生魚丼飯嘅店鋪。店內裝修精緻仲有一幅富有日本色彩壁畫，坐位舒適寬敞。我地選了漁吉特選丼，生魚丼和海膽蒸蛋昨為今天午餐。先講吓呢個188元漁吉特選丼，整碗面層已放滿不同種類嘅海鮮，非常吸精。最特別係有一隻非常大生蝦，好新鮮，肉質鮮甜，爽口，食到近頭部位置仲有一些蝦膏，好有蝦味。仲有海膽，帶子，鰻魚，當然有生魚片，佢哋嘅生魚片唔係一般貨色，而係用上等貨，每片都好大塊，好新鮮，爽彈鮮美。直得一提是碗飯內加有青檸檬🍋，拑出檸檬汁來可以增加鮮魚味道，提升食慾。另外我朋友叫了生魚丼，呢碗飯味美之處是有幾片魚身格紋鮮明，光澤誘人，肥美魚生。最好食就係呢塊魚肉，好有口感，入口溶化，好滑好鮮甜。呢塊就係A5魚肉，哈哈我評的。每碗飯都有一個特別嘅盒子，原來是甜蛋呢嘅，做得非常精緻，有心思，印有漁吉字樣。味道甜甜地，蛋質嫩滑。海膽蒸蛋$38，呢個蒸蛋好滑，加入海膽、蝦子一起食，有另一番嘅味道，不只是蒸蛋咁簡單，低部仲有雞肉和一粒連子，增加口感。

提起九龍城食店，相信很多人第一時間會諗泰國菜，但原來九龍城區已開始有很多新餐廳進駐，而此日本料理餐廳-漁吉海鮮丼便是其中一間新力軍。店內四四方方，座位擺放尚算宽敞。而檯面放了一壺漁吉味噌湯無限添飲，果真濃味好飲，正！👍這店除主力不同海鲜丼外，還有多款美味小食，所以我决定先來比目星鰻丼 $158和一個小食溫泉蛋炸雞沙律$42，一於大刷一餐。😆比目星鰻丼份量十足，有 比目魚、星鳗和蟹籽，全部鲜味十足。 比目魚口感好嫩滑，肉質甜，星鳗足足有2大條，啖啖肉，醬汁勁甜； 蟹籽多到瀉，粒粒彈牙，滿足都暈。加上連玉子都印着漁吉個名，甜密密的感覺勁爽而不腻。而整碗丼的珍珠飯份量勁多，食完很飽肚，好正！好彩只點了一客小食， 溫泉蛋炸雞沙律，否则食完碗丼已飽肚九成。 溫泉蛋流心勁正，炸雞熱辣辣好正，肉質嫩滑，味道好香脆。加上新鮮沙律菜，健康醒胃，食完可幫助洧化，沒咁漏口。

好耐無去九龍城食飯，今日個老友提議食這間新開不久的日本料理餐廳（漁吉海鮮丼），果然真材實料，鮮味滿瀉，食完都回味無窮。這店面積濶落，座位有幾排，裝修日式化，光線充足，感覺自在。值得一提是這店每一檯都放了一壺漁吉味噌湯，鐘意飲幾多就自己動手，不停任飲，味道比一般面鼓湯好飲，好濃郁的湯，飲完感覺暖笠笠非常正。之後正式主角先後出場，分別是每天只限量供應20份的龍王丸丼飯（做特價$198）和豪快海鮮丼$128。這龍王丸丼飯侍應拿來時着實特别興奮，原隻龍蝦大大隻可以放在碗內，配以帆立貝 、左口邊 、蟹籽和玉子，砌得靓靓的很有專業水準，吸引至極。加上玉子印了店舖漁吉名稱，感覺這碗美食就是一件出色的展覽品。驅動我不停拿着手機影影影，如此靓绝美食，相信相機先食也不過份。至於味道和口感，绝對是鮮、甜、爽、彈、滑來形容。 龍蝦的鮮、玉子的甜、 帆立貝的爽、 蟹籽的彈和 左口邊的滑，如此新鮮美食齊集，簡直將你的味蕾昇華至至尊無上境界，每一口都有多種享受，每一口都感到銷魂，滿足至顶點，難怪是這裡的主打熱買。之後豪快海鮮丼亦不相伯仲，材料豐富，也相當鮮味。分別由三文魚、油甘魚、白玉豚、 玉子、甜蝦 、蟹籽和帆立

Free refill of the miso soup! Very tasty but it’s not hot enough, just warm.Ordered a thick cut beef tongue as appetizer. It is very soft👍👍👍Full of different fish sashimi, very big bowl n fresh! So satisfied!!