滿江紅 (已結業)

我食過佢\地既小菜四次, 每次都好滿足咁走..<br />講明先, 我係好鍾意食辣既人, 都食得好辣下. 不過我就唔係好鍾意太麻既, 因為麻左就食唔到食物本物既味道.<br />而呢間野就岩曬我口味, 辣得來超香, 香得來帶小小酸.. 又帶小小麻, 我好掛住呢種味... 今個星期五會再去試火鍋, hehe ^.^<br />我最鍾意食佢\地既<br />- 水煮魚- 水煮牛都好- 石頭田雞(用燒熱左既石春"興"住d田雞- 羅白羊腩保- 紅油抄手(d皮好大同滑)- 粉皮(前菜)<br />不過佢地d面食就唔好食... d面太林... 同埋散叫好過食套餐, 因為套餐一定有面... 又小d選擇<br />佢地最差既係... d人手腳太慢... 真係埋單都要等架... 落單又只可以搵某一兩個人, 唔係個個都可以落單.. 仲有我問d唔可以落單d人關於野食既問題, 佢都答我唔到...

和朋友吃了兩次，　一次小菜，　一次火鍋～火鍋和朋友吃，　一半辣，一半唔辣，　有得混醬tim~兩邊湯底好足料，特別是麻辣０個邊，好正！～D 料好新鮮，　又足，　特別是手切本地牛肉，黑柏業.... ....四川的小菜十分正宗，我們吃了水煮魚，　豬耳，　口水雞，麻醬麵，宮廷骨，全部也弄得不錯，很好吃！～麻醬麵味道很夠濃，好過很多店舖很希的擔擔麵！！～

去過銅鑼灣果間, 加上自己係新界人, 所以今次轉戰尖沙咀分店....話明係四川菜, 所以專叫辣野, 事先講明, 我係食得辣野之人...1. 雞絲粉皮: ok, 但由於菜譜上並無例明是辣, 同行兩位吃辣較差的朋友大叫中伏...2. 口水雞: 呢個幾好味, 辣得黎有雞味...3. 水煮魚: 值得推介最後一提, 大家預了水煮魚最辣, 但原來無標明辣椒數目的雞絲粉皮, 才是辣中之首....另外, 第四位朋友晚飯尾聲才到, 但四人吹水多時才離開, waitress姐姐並無計那位朋友茶芥..

擒晚(2005-8-17)同女朋友兩個去左食飯，6點40咁上下去到…無咩人，睇下食咩先。見到有火鍋同小菜揀，咁得我地兩個人諗住打邊爐又好似食唔到多款，就決定左食小菜喇。我地揀左個二人套餐，入面有︰1. xx粉皮(唔記得個全名，不過幾好食…辣)2. 口水雞(雞夠滑…都算有雞味，不過細碟左少少)3. xx 神湯(其實隻味同肉骨茶真係差唔多，同四川菜又好似無咩關係，都ok)4. 水煮魚(呢個真係煮得好好味…好大鍋，夠哂食! 正)5. 擔擔麫 (standard野，無特別…間間都係咁架喇)6. 炒菜(炒左碟皇帝菜(…?!) ，其實我都唔知係咩黎)7. 糖水+生果盤quality認真唔錯，賣相同埋味道我都可以俾佢75分。不過…有一位staff既態度我就真係覺得好有問題~ 有兩、三樣野都係佢拎黎既…次次都好似啞左咁…放低就走~仲有一次明明見到個檯面放哂野，手上面既碟放唔到落黎…就死都要放落去跟住「左塞右塞」~!!我心諗︰「你唔係用另一隻手搬開小小都唔得呀嘛?!」由始至終佢都無開過聲，直至到我俾完錢…到找錢既時候先講左一聲幾乎佢自己先聽到既多謝。呢位金金地，luen頭髮既女仕…唔該真係改改佢啦~~~

好想食辣野所以係呢度search﹐見呢間d comments 好似好差咁都有D 怯﹐但係都去左一試我地四個人﹐叫左個二人餐再加兩個小食﹐好飽好抵食。辣度OK﹐唔會話辣死你咁。D小菜好好味呀﹐D service都幾好呀﹐我'chuk'親即刻有D staff 過黎比tissue我﹐又解釋點解會覺得好辣呀咁。。唯一要扣分係食完先知道Citibank, DBS credit card 都有小菜送﹐唔係應該食之前promo 下咩??不過anyway,真係唔錯﹐但係唔食得辣就真係唔好去啦。

老尖搵食, 又想食味道刺激D 既野, 由於朋友未試過呢間, 於是佢就揀左呢度.得兩個人, 又無左免費湯底, 食火鍋唔化算. 見佢有個二人套餐, 菜式都幾岩食, 就咁決定.先來酸辣涼粉, 味道OK, 質感就稍為腍左D. 跟住上既口水雞, 同上次食既分別好大, 唔麻唔辣, 肉質死實, 唔知想點. 同口水雞差唔多一齊到既, 竟然係擔擔麵. 麵條係幼、扁、軟身既, 同食開既唔同, 自己亦唔鍾意呢種. 味道又係一D都唔麻既, 朋友形容似一碗辣油湯麵, 不過都幾惹味, 響肚餓兼驚佢浸到腍晒既情況之下, 食晒.再來係蒜蓉炒皇帝菜, 穩陣的一味.等左好耐, 個水煮魚片先到, 原來非常大鍋. 我嫌佢批盪(粉) 太厚, 最致命係有骨既, 撩左兩件就投降. 朋友就嫌佢有泥味, 唔係好新鮮. 最後剩番大大半鍋響度.甜品係南瓜露, 出奇地幾好味喎, 我地飽到頂住個胃都幾乎食晒. 仲有碟西瓜送.呢個餐勝在份量超多, 話就話二人餐, 但其實買個人都夠食, 除左擔擔麵同甜品之外, 其他全部食唔晒. 可惜整體味道麻麻, 睇黎下次都係食番火鍋算了.

老表在楓葉國遊學, 順道經過.幾個表兄弟姐妹星期日一來聚聚.四川麻辣火鍋大家都不敢試, 怕太辣.Instead叫左三個set dinner+ 幾個小菜前菜是花生和酸瓜, 酸瓜過咸.以記憶食左以下呢的:蒜泥白肉青瓜皮蛋干煸四季豆醬爆雞丁蔥爆羊肉樟茶鴨麻醬擔擔麵麻醬生菜膽小湯包(小籠包)鍋貼野菌竹筒飯等.侍應全女班, 有點姐手姐腳, 有兩次唔知倒瀉水定其他, 其中一次表哥仲中招.又落錯單, 蔥爆羊肉變左蔥爆牛肉.蒜泥白肉-可以話冇蒜味, 白肉又唔夠香青瓜皮蛋-唔見有紅椒但有微辣, 算是合格的一味.干煸四季豆-ok,都算幾香, 唔會太油.醬爆雞丁-油爆雞丁才岩, 超肥. 雞肉都唔多粒, 又唔辣, 花生多過乜.蔥爆羊肉-落錯單變左牛, 吃下去才發覺唔對路, 牛肉唔掂, 好似茶餐廳D醃到冇牛味既牛肉片. 後尾黎碟真係蔥爆羊肉, 又係油爆羊肉至岩. 講真我都係食左少少都冇再吃, 羊肉似羊肉碎多D.麻醬擔擔麵-冇食樟茶鴨-似煙肉, 其他味我食唔出, 隻鴨真係細到爆, 如之前食家說...BB鴨.小湯包-皮唔夠薄, 又冇汁.鍋貼-一般野菌竹筒飯-唯一好的一味, 有D菇味香香地.本來諗住俾ok面, 但一諗

上星期天氣仍冷, 又想吃火鍋, 友人見我們對這家評價不錯, 便提議來這裡.先來一個小吃: 麻辣雞絲粉皮, 尚算不錯.事隔約一個月, 同樣的免費鴛鴦湯底, 今次的百果湯明顯比上次失色, 喝不出生果的甜味. 另叫了幾款火鍋生料如下:雞脾菇----菇味清鮮, 索湯一流.餃子----其貌不揚, 但肉味很濃, 包得很結實, 不錯~~脆鯇片----看上去頗新鮮, 但有泥味.羊片----味道一般, 但份量多, 長食長有~~~牛坑腩----上次吃到的肉質比較好……豬天梯----我沒吃, 據報質地爽口, 但有陣雪藏內臟味, 麻麻.黑柏葉----只得"葉"的部分, 爽而不算韌, 我平時少吃, 同行友人很欣賞.皇帝菜----新鮮.粟米----賣相不算好, 但味道很清甜. 原來用來放麻辣湯, 連芯的部分也被染紅, 非常刺激~~窩筍----未吃過, 淥的時間短就爽口, 時間長一點便軟腍入味, 兩者皆不錯.苕粉----稍稍淥一下便可吃, 質地帶少許煙韌, 非常索湯, 臨尾用它來放麻辣湯……嘿嘿……連同數枝啤酒, 四個人埋單六百六. 感覺比上次來的時候. 水準差了一點點, 但仍然吃得過, 希望只是個別事件啦.

上星期行過加連威老道見到一個"滿江紅"o既招牌，先發現小圓山執o左，變o左滿江紅，仲發現做緊火鍋湯底免費o既promo。原本一直都好想試o下，見到有promo，所以立即訂位。今日我同朋友兩個人去o左，都食物同服務o既質素都非常唔錯，兩人埋單連加一茶芥都係$390，好抵食。我o地叫o左個鴛鴦鍋底(麻辣同百果)，火鍋配料叫o左：美國肥牛(小/$58)、蒙古特級肥羊($38)、手打鮮牛丸($38)、冰豆腐($20)、鍋筍片($20)、炸枝竹($18)、抄手($48)、拉麵($18)同波菜($18)，仲叫o左個洛神花茶($28)。麻辣湯底很足料，辣度很夠，但麻則比較弱，不過就好香。百果湯底好香甜，食到好香o既紅棗紀子甜味。肥牛和肥羊比預料的份量多，上菜時以為佢比錯個大我o地。牛肉有鮮味，而且有雪花。肥羊則只是一般以上，對嗜羊的人來講，羶味不太重，但$38一碟就好物超所值。看過之前o既食評介紹，叫o左個冰豆腐，果然好有風味。質感有o的似海綿，浸o向湯到，吸收o左o的湯汁，非常正！鍋筍片係油墨菜o既菜頭，味道鮮甜，但係我覺得偏淡，浸o向麻辣湯底中變得好好食。抄手係正中o既四川小餛飩，皮薄但浸長時間

今日情人節去左"滿江紅"食,起初以為佢係以前個間"滿江紅"(食京川野).點知唔係! 以前果間有拔絲, 飽點.......A. 裝修方面唔掂! 裝修有d似以前的"小園山", 又好似想好中式, 又想有現代感. 即係點? 紙皮石+ 木地板+ 白色牆同大光燈...反胃令人有厠所的的感覺! 仲有冇非吸煙區!勁食二手煙!B. 食物方面我同女友叫小菜唔係火鍋 1. 紅油抄手 -$18 -雲吞好細粒 -味道一般 2. 冷面 -$18 -好細好小,係比時的雲吞面的1/3, 但都係收$18 -味道一般, 都係面上加d野 3. 樟茶鴨 -$78 -隻鴨好細,你會覺得佢係鴨bb -味道唔掂, 完全冇樟茶鴨的味道, 只可以說係炸bb鴨 4. 家常白肉 -唔記得幾錢價 -即係肥豬肉 -幾好食 茶+ 介好貴,收左$24. Total $230!!完全唔飽!!C. 服務態度 侍應會自動加茶.但係其他服務好唔掂 1. 等過樟茶鴨同家常白肉等左30分鐘, 吹完又要等 2. 叫碗白飯都要15分鐘 3. 理單都要等(竟然要我吹!!佢

上星期突然想吃麻辣菜, 又醒起還未試過這家, 便與兩名友人前往尖沙咀分店. 在沒有訂位的情況下, 初時還擔心要排長龍, 豈料位子多的是, 不知是禍是福......門前接待的知客告之現時有優惠, 火鍋湯底免費. 既然如此, 我們便先叫了一個鴛鴦鍋, 包括百果湯底及麻辣湯底. 前者有雪梨、番茄等配料, 頗清甜; 後者不太油膩, 略嫌香味不足, 但也可以. 火鍋醬料另收每位$8, 顧客可自行到特設的檯調較醬料, 供應的只是大路調味料, 勝在可自行混醬.例牌先來一客冰豆腐($38), 應是國內進口(因友人發現一角包裝紙殘留可証)，有層次，不俗.吃厭了牛肉片, 倒不如試試牛坑腩($48). 看賣相已覺不錯, 放於火鍋10分鐘後，卻依然頗韌. 原來時間要長一點, 大概二十分鐘以上才夠腍, 放耐些也無妨, 好味~~羊肉片(好似$38)的份量也不少, 嗜羊的友人認為肉味和膻味都欠奉, 我就覺得ok.這裡沒有鴨紅, 也沒有豬紅, 供應的竟是雞紅($18). 質地滑、易碎, 本身沒問題, 但吸收不到湯底味道.除火鍋外, 另叫了紅油炒手($18) 和口水雞(好似$65). 前者皮夠滑，餡有肉味，但個紅油反而