滿江紅小甜甜 (已結業)

又到Happy Friday！今日嚟到位於旺角既「满江紅小甜甜」。店家位置就腳，喺油麻地地鐡站行三四分鐘就到。好彩今日book咗位，唔喺既話有排等呀。未上菜之前，店家會先上一碟醃蘿蔔，好爽口。係OpenRice見到好多人點呢客原味焗蜆，我地都一於點咗一客。入面蜆既份量唔少，而且啲蜆仲好大粒吓，脹卜卜咁，望落都好吸引呀。啲蜆喺原汁原味，因為夠新鮮，所以唔洗調味都好夠味！我中意飲湯，所以見到燉湯，梗係要嗌返客。沙參燉雞，入口好清甜，而且入面仲好足料添！而呢煲川味日本蠔，啲蠔好肥肥，入口鮮味十足。而煲入面仲放咗薯仔條、青瓜條，呢兩種材料都好索味。薯仔同青瓜吸曬煲入面啲辣汁，中意食辣既人，一定覺得好過癮！見到餐牌呢款造型咁可愛既小豬奶皇包，忍唔住嗌返一客。上枱時連隻碟都係熱咖，可以好好咁保持食物既温度。奶皇包既Size比一般既細，我就好中意呢隻Size，因為食完都唔會都頂肚，份量啱啱好。小豬流沙奶皇中間係好正既流心狀態，討得我歡心呢！呢到仲有中式甜品供應，我見有兩三枱都食高力，我地都點咗一份。呢到高力有三隻口味，分別係豆沙、香蕉、奶皇。我地揀咗豆沙。一個豆沙，有三重口感，外層加上糖霜，中間係軟

媽咪一向都鍾意食酸菜魚/ 水煮魚呢類菜式朋友介紹位於油麻地歐美廣場既滿江紅小甜甜比我，咁今日就帶媽媽黎試下一入到門口左手邊就見到一個好舊式老莊既位置，擺左好多新鮮蔬菜係度，係真蔬菜，唔係假架坐低左之後店員就會問我地開咩茶，估唔到呢度除左普通既普洱水仙之外，竟然有烏龍叫，非常好呀叫完茶之後就上左個餐前小食，係尖椒，佃尖椒帶左少少椒既甜味，少少辣，唔錯！我地再點左2款小食，第一款係青椒皮蛋$35，個皮蛋係溏心架，個汁較得幾好味！第二款係麻辣鴨舌$58，估唔到份量都幾多，鴨舌煮得幾腍，個麻辣汁幾香，又唔會太辣見到隔離枱食個焗蜆好吸引，所以都叫左個原味焗蜆$72，上菜之後店員會幫我地介開錫紙蜆肉都好大隻好飽滿，好鮮味，冇沙，最後就緊係連d蜆汁都食哂最後就係主角出場，本身我地想叫烤魚，但落左單之後老闆娘過黎同我地講d魚太細條，所以唔想格硬做烤魚，仲話佢地既魚係自己養，菜都係自家農場有機種植，唔怪得擺係門口d菜咁靚冇烤魚我地就改左食野山烏江魚$128（小），叫咗小辣，上菜果陣見到咁多辣椒，心諗大獲啦，好驚辣到食唔到，估唔到又唔係喎，個辣味岩岩好，鯇魚肉好滑好入味，帶麻香，雖然佢冇火爐保溫，但食完都

約左朋友食飯，輾轉下揀左呢間川菜。其實我係唔食辣的，但見朋友好鍾意，所以膽粗粗答應XDD朋友們都好就我，就算叫辣野都叫小辣。見到好多野食都好吸引，不停叫好似唔洗錢咁🤣🤣鮮茄野生魚窩，叫唔辣，同埋另外加錢變桂花魚。超多芽菜🤣蕃茄同魚都多既～啲魚都幾好味。回鍋肉，濃味野，配菜都好入味。略嫌唔夠喉！如果唔係飽，可以叫多碟干煸四季豆，喜歡！係我同朋友好快就諗到要叫既，水準幾好呀。麻婆豆腐同埋紅油抄手，其實係好食既，但只能夠講，我真係唔食得辣🤣🤣紅油抄手第一啖食係有少少酸，之後個辣就出黎啦！麻婆豆腐都辣，但可能有得撈飯，所以感覺冇咁辣。原味焗蜆，好大盤，上碟時姨姨先打開錫紙，超多蜆，好抵食，都好鮮甜。眼看啲野食唔算好大碟，但食落又覺得都幾飽。多謝朋友們選了間川菜但都冇叫啲咩勁辣菜式XD下次可以再踏前多一步，訓練自己食辣啲！

同好耐無見既同學仔食飯，大家都鐘意食中菜，就搵咗呢間食川菜既餐廳。平日八點幾嚟到上到嚟都見餐廳大半數枱都有人，睇嚟呢間餐廳都幾受歡迎，好彩一早打咗去訂位啫。打開Menu第一頁就見到呢個特別推介既鮮茄野生魚窩，我地就叫咗個小窩既($128)，等可以叫多啲唔同既嘢食，我地仲加咗$90轉做桂花魚。店員話用既蕃茄都係有機，會更加健康，個湯都有飲，好香甜同濃味，啲魚都好滑好甜。原味焗蜆($72)，第一次見呢個做法，職員嚟到再介開啲鍚紙，而啲蜆都幾多，而且好大隻，非常鮮甜入味。辣子雞($138)，雖然上有好多辣椒，但我都食到，唔算太辣，即刻放心好多，好香口好食。干煸四季豆($55)，點都要叫個菜類食，我就揀咗最鐘意既四季豆，炒得好香好味。麻婆豆腐($55)，都算幾辣下同幾大碗，不過都好好食，我地仲叫咗飯，啲汁撈埋飯食仲好味！ 紅油炒手，自己幾鐘意，好惹味，個皮做得偏薄。回鍋肉($58)，幾香，份量可以再多啲就仲正！叫到成枱都係！

喺香港提起川菜辣子雞，我就係記得呢一間，做到雞皮脆到好似薯片一樣，朋友叫我帶佢食川菜，我就選呢一間～見唔到雞嘅辣子雞，其實匿埋咗喺啲辣椒下邊，撥開啲辣椒，滿滿都係雞肉，當然唔少得脆過薯片嘅雞皮啦～我最鍾意食魚春，但係酒樓、餐廳、食肆又少有做凈魚春呢樣菜，呢份麻辣魚春煲，又香又脆卜卜，咬落粒粒彈呀～水煮田雞，田雞新鮮肉嫩，淡淡都好滑，配菜亦多～金菇羊燙，麻辣湯淥過羊肉，別具風味，金菇索晒啲汁，好好味～😋炒土豆🥔炒萵筍，當飯食，清新又飽肚～除咗辣野之外，滷水嘢亦出色香，滷鴨舌、香滷豆腐... 呢晚食飽，仲要打包多份鴨舌拎返屋企，同屋企人一齊再嘆～😋😋😋

夏天食麻辣癮又起最中意食辣野，辣一辣，刺激下今次就黎左滿江紅小甜甜嘗辣位置旺角同油麻地交界，　對於我ｅ　ｄ地鐵人略有小不便環境好古式的中國餐廳ｄｅｓｉｇｎ，樓上廳，木椅木台前菜夏天個人真係冇咩胃口，所以叫得唔多野食拍青瓜鹽香＋拍蒜，　好解辣原味焗蜆店員會係我地面前將錫紙切開， 放左青辣椒，微辣味襯托蜆的鮮味雖希小小沙，但都好鮮味辣子土豆絲土豆絲條條爽脆，加埋辣子，好辣，好過癮口水雞略油同埋唔夠麻香辣，雞滑麻辣肥腸肥腸味濃，依隻辣又係第２隻辣，重口味珍寶青檸樹青檸沙冰珍寶ｓｉｚｅ，唔會過酸過甜，仲有青檸果肉，好夏天好ｆｒｅｓｈ。菠羅椰汁藍精靈珍寶ｓｉｚｅ椰汁菠羅，好解辣！！

蒜泥白肉$55中間白色蒜泥好似忌廉咁幼滑，調味後不會辛辣刺激！推薦！見到好多人推薦食我自己咁大個囡都未食過魚春！一入口有啲硬，唔腥，夠晒麻辣底下既青瓜有啲唔夾，念Back back咁。薯仔就好好食喇！走過油，好正！食到尾就覺得啲魚春有少少腥！下次都係嗌其他試！焗蜆$71幾抵食，滿滿一窩又鮮又甜！咁岩一窩都無沙，難得！無乜調味，友人表示自己都整到，無須出街食😑擔擔麵$35好正宗，麵質不錯！湯底又花生香氣🥜🥜👍🏻👍🏻總結👍🏻👍🏻整體不錯，地方幾大啦！菜式種類勁多，我打算黎多兩三次試多啲味精唔算好濃 ，食完無勁口渴，算唔錯架啦！

香港吃川菜，講起小甜甜，麻辣愛好者一定知道。晚上人很多，八點後一定要排隊。一入門口放滿新鮮蔬菜，蠻有農家感覺。用自製花生油、天然蔗糖、禁農藥激素，貌似很健康的樣子。茗茶($8/位)，醃蘿蔔爽脆，酸甜適中，前菜免費。麻辣鴨舌 ($58)份量很多，大隻又多汁，辣辣地，很惹味。蒜泥白肉 ($55)，五花肉薄切，放得像花一樣美，蒜泥份量可以自己加減，醬汁酸甜味，十分滋味。薑蔥田雞 ($82)薑葱很香，田雞肉質肥厚鮮嫩，連葱都好好吃！螞蟻上樹 ($72)很大盆，粉絲很入味，微辣也是很辣的，肉碎可以再多一點。干煸四季豆 ($55)，炒得剛好，不會太鹹太油，肉碎也不少，很好下飯。白飯 ($10)凍檸檬茶 ($16/小)CP值很高，環境是逼了點，不過蠻熱鬧的。

早排聽朋友講呢間魚春煲煲好好食，第一次聽有呢味送，而且我勁鐘意食魚春，平時食魚可能得一「執」仔，一人得一啖好吾夠喉，所以一聽到魚春主角嘅送之後就一直想試。訂左7:30，朋友們好早到，一去到吾洗等，餐廳內亦有小量吉枱。一坐底就叫左個麻辣魚春魚卜煲先，再來個酸菜魚 ，加個酸薑皮蛋同豆豉鯪魚炒油麥菜。好得意，呢間大約一半職員係講國語嘅。我同朋友嘅國語都係「油麻地」，所以揀咗個講廣東話嘅你落單🤣食下野傾吓偈， 10分鐘左右，就陸續上菜。當魚春煲一上枱，我講左句：「點解吾係雞煲咁大煲嘅」🤣🤣因爲我真係好鐘意食魚春，所以幻想到勁多。見咁香，拿拿聲叫個白飯啦，係有小小辣，但一丁點都吾腥，魚卜口感好好，好爽，下面有d索哂汁嘅羅白條，薯仔條，好啱送飯。酸菜魚$92一大盤, 夠味，又冇骨，湯底落左胡椒小小辣辣地嘅感覺好夾。又係一個送飯菜。豆豉鯪魚炒油麥菜，好少喺街外食呢個餸，因為我怕佢會好鹹，但係呢間又無喎，唔太鹹，而且啲菜冇得煮過龍，咬落仲爽爽地，口感吾錯。酸薑皮蛋，本人唔係咁鍾意食皮蛋，但係原來酸薑夾埋皮蛋係ok嘅，但始終都係好怕嗰種鹼水味。

呢排翻開大陸，食開辣野，但又唔想成日咁遠水路返上去食酸菜魚，所以專登上網搵咗間近近地嘅川菜。一入到去，裝修唔算十分特別，簡單整潔，只係廁所偏遠左少少。除咗有唔同風味嘅打邊爐，仲有好多四川風味嘅麻辣煲，任君選擇，價錢亦相當划算。我哋四個人叫咗一煲酸菜魚，湯味濃厚，胡椒味重。魚肉彈牙，由於今次揀咗鯇魚比較多骨，服務員推薦下次可試桂花魚，冇咁多骨，容易咀嚼。仲可以選擇唔同配菜打邊爐，適合成群結隊嚟食！之後仲加左個蒜泥白肉，好夠蒜同香！加埋個高力豆沙 意想不到又夠熱又鬆軟👍🏻打邊爐又點少得嘢飲呢？西瓜汁同埋石榴特飲一流，而且大大杯，唔算太甜，啱晒打邊爐止渴同止辣！

今日同朋友去左呢間小甜甜食川菜其實大家都唔太食得辣但就係成日想食 見佢係旺角幾就腳 一於試試佢間鋪係二樓 都唔算好難搵入面環境都幾乾淨 星期四既7點半唔算好多人坐得都幾舒服😌😌大家今次都想食酸菜魚 就叫左個酸菜魚鍋都唔錯 胡椒味重d 如果多d酸菜味就好了但係個魚好滑 都唔算多骨配菜既菇好好食 仲嗌左好多配菜哈哈😆😆另外都叫左d小食 有涼粉 蒜泥白肉 同紅油抄手😋😋 全部都份量好多 又唔貴 好抵食個川北涼粉好正 又辣又香 做前菜一流不過真係堅辣🔥🔥我最愛嘅紅油抄手好大兜 👍🏻👍🏻食咁多辣就一定要嗌番杯野飲 我就揀咗木瓜奶好好飲又解辣 其實佢本身個茶都唔錯 清清地要解辣野飲係唔夠嘅 再整返個炸饅頭熱辣辣又脆卜卜 點返啲煉奶解解辣😝烚吓烚吓大家都開始食飽嗌埋單 食咁多野埋單都唔貴 個人認為都幾抵食😝

還記得在十年前，跟女朋友（現在太太）約會，經常光顧灣仔的滿江紅小甜甜，當時經濟實惠既價錢同美味既食物，一直係我地美好回億既一部分，最近得知在登打士街有分店，就訂了台。我地八時多去到，見到坐滿客人，好在訂了台。侍應好快幫我地下了單，還奉上茶介，醃羅卜甜甜的，沒有苦味，爽口多汁，不錯的開胃菜。青檸樹將冰和青檸打至沙冰既狀態，飲起上來先是冰冷既果汁，接著係青檸既酸味慢慢浮現在舌頭上，這種先凍再酸既感覺，剛好可以中和火辣既食物。Asahi 啤酒食西川食物，一杯冰凍既啤酒係唔可以缺少。涼拌土豆絲薯仔絲清涼爽口，沒有苦味，幼滑既口感咀嚼後有陣甘甜同火辣味。麻辣田雞煲田雞煲是用火爐奉上，煲里既田雞肉質嫩滑，還有青瓜、羅卜同薯仔條，隨住火爐不斷加熱，食材會越來越入味和火辣。原味焗蜆焗蜆沒有太多既調味，粒粒既蜆肉拌隨住清甜既海潮味，有種想追住食既感覺。招牌口水雞皮爽肉滑既雞肉，配上混了數種香料和花生碎既口水汁，可食到絕對香，口水雞要說好吃秘訣全在這醬汁上，麻辣鮮香，不負盛名。川味牛腩麵牛腩軟霖，配上順滑既麵條和清甜既蔬菜，不錯。高力豆沙高力豆沙原料主要為蛋白和豆沙，經油炸而成，最後加上白沙糖，脹卜卜的外

小甜甜癮起，當然要即刻同朋友嚟解解癮😋原味焗蜆❤️蜆分量多，完全冇沙。原汁原味局，保留蜆嘅鮮味👍冰鎮海蜇❤️海蜇非常彈牙，點埋Wasabi一齊食，又係另一個鎮店之寶！麻辣田雞煲❤️田雞肉滑身，非常入味，麻辣味重，仲有蘿蔔薯仔做配菜，美味👍👍娃娃菜❤️清炒娃娃菜，健康又好味！青檸樹❤️解辣必選，酸酸甜甜，仲要係珍寶size😍😍大滿足嘅一餐，解開我心頭辣癮。每一次想食辣野，小甜甜都係我第一個首選👍👍

之前行旺角有留意呢間店，不過二個人食又好似試唔到好多菜，今次同班fd約旺角食飯，就提議嚟呢間試下。原味焗蜆$72個盤好大，好多蜆。呢道菜用咗鹽同青椒去成功帶出蜆嘅味道，上面用錫紙包住去焗。除咗味道，蜆嘅肉質都好重要，所以焗嘅時間唔可以太耐，但同時要煮熟。底部有少少蜆因為焗得耐有少少收縮，整體值得一試。蒜蓉炒萵筍絲$48份量多，好抵食！萵筍本身冇咩味，用少少蒜蓉入味再加快炒就已經好正。呢度嘅炒萵筍有蒜香之餘又唔會太濃烈，食落去好爽滑，好快就俾我哋掃哂😋辣子雞$138上菜時見到成個盤都係滿滿辣椒同配菜，擔心自己食唔到。不過剛入口嘅時候，辣味唔係好勁，反而係食食下辣味慢慢滲出來，好有層次👍🏻係略嫌雞嘅份量太少，「辣子」多過「雞」。蟲草花燉雞湯$48燉湯最緊要係食材同時間，少咗其中一樣都會令到個湯味道大打折扣。呢度個湯就完全做到以上兩種條件。成盅湯好入味之餘又唔油，正👍🏻

話說好多年前我仲係旺角返工既時候，同事已經帶過我黎滿江紅了！當時印象已經唔錯了，今次又誤打誤撞入左黎，平日黎都坐滿人呢，真係令人懷念，水準咁多年都冇變。今次同朋友2個都唔算太餓，就揀了干鍋肥腸、流沙奶黃包、蒜蓉炒萵笋絲。一入坐店員已經奉上前菜，是酸辣蘿蔔。雖然是免費前菜，但一點都唔失色的！味道夠，好香辣，超開胃呢！蒜蓉炒萵芛 $48萵笋夠新鮮又爽口，就咁用蒜蓉炒已經好好味，好健康既感覺又鮮甜呢。干鍋肥腸 $118起初唔知干鍋同干煸有咩分別，問過店員先知原來干鍋係成個爐上的，我地緊係要點返個黎威威啦。最後點左肥腸，麻辣得過癮仲幾juicy，唔錯呢！流沙奶黃包 $20流沙奶黃包係我堅持要點的，因為朋友本黎唔太想食。點既時候都唔知原來係豬仔包，造型好可愛好岩打卡呢。味道係好傳統的咸蛋奶黃味，雖然超級流心但味道十足，唔係稀到水既流心！3個先$20，好抵食。讚👍🏽！蓮藕燉排骨 $48，人蔘燉雞湯 $88為左扮健康，我地每人都點左一款燉湯，分別係人蔘燉雞湯同蓮藕燉排骨。好似係用山泉水燉的，好似特別清甜。湯仲好重料，飲完個湯可以食埋啲湯料，都好入味呢。而且每日是限量的，我當日8點左右已經有幾款賣哂了