更多
2019-05-10
15 瀏覽
之前行旺角有留意呢間店,不過二個人食又好似試唔到好多菜,今次同班fd約旺角食飯,就提議嚟呢間試下。原味焗蜆$72個盤好大,好多蜆。呢道菜用咗鹽同青椒去成功帶出蜆嘅味道,上面用錫紙包住去焗。除咗味道,蜆嘅肉質都好重要,所以焗嘅時間唔可以太耐,但同時要煮熟。底部有少少蜆因為焗得耐有少少收縮,整體值得一試。蒜蓉炒萵筍絲$48份量多,好抵食!萵筍本身冇咩味,用少少蒜蓉入味再加快炒就已經好正。呢度嘅炒萵筍有蒜香之餘又唔會太濃烈,食落去好爽滑,好快就俾我哋掃哂😋辣子雞$138上菜時見到成個盤都係滿滿辣椒同配菜,擔心自己食唔到。不過剛入口嘅時候,辣味唔係好勁,反而係食食下辣味慢慢滲出來,好有層次👍🏻係略嫌雞嘅份量太少,「辣子」多過「雞」。蟲草花燉雞湯$48燉湯最緊要係食材同時間,少咗其中一樣都會令到個湯味道大打折扣。呢度個湯就完全做到以上兩種條件。成盅湯好入味之餘又唔油,正👍🏻
原味焗蜆$72
個盤好大,好多蜆。呢道菜用咗鹽同青椒去成功帶出蜆嘅味道,上面用錫紙包住去焗。除咗味道,蜆嘅肉質都好重要,所以焗嘅時間唔可以太耐,但同時要煮熟。底部有少少蜆因為焗得耐有少少收縮,整體值得一試。
蒜蓉炒萵筍絲$48
份量多,好抵食!萵筍本身冇咩味,用少少蒜蓉入味再加快炒就已經好正。呢度嘅炒萵筍有蒜香之餘又唔會太濃烈,食落去好爽滑,好快就俾我哋掃哂😋
辣子雞$138
上菜時見到成個盤都係滿滿辣椒同配菜,擔心自己食唔到。不過剛入口嘅時候,辣味唔係好勁,反而係食食下辣味慢慢滲出來,好有層次👍🏻係略嫌雞嘅份量太少,「辣子」多過「雞」。
蟲草花燉雞湯$48
燉湯最緊要係食材同時間,少咗其中一樣都會令到個湯味道大打折扣。呢度個湯就完全做到以上兩種條件。成盅湯好入味之餘又唔油,正👍🏻
張貼