影片
更多
2017-04-16
1143 瀏覽
呢幾日突然好想食放題！好掛住羊架。芝士年糕。榴蓮炸彈。紫心芋丸。芝士蛋糕。。。知道滿屋午市第二位半價。可以由12:00-15:00。星期日齊齊放題。就同爸爸媽媽去食餐勁嘅！可惜搵唔到第四個人。唔係咪可以再平啲囉！3個人埋單 $525。11點9上到去銅鑼灣二期8樓。未開始。不過出面有啲位可以坐住等！12點1到先開始帶入座。午市人不多。唔駛訂位都可以即刻有位。滿屋岩岩新架左啲自助吧有啲前菜。沙律同幾款熱食！炮谷同朱古力噴泉。甜品同飲品都係自助嘅！但老實說。自助嘅啲野麻麻地。沙律菜算ok啲！甜品👎🏻 唔得囉！食過其他放題啲甜品質素都唔差架。同埋有我最愛嘅芝士蛋糕！呢到無。好失望！比較岩食嘅係朱古力杯同桂花糕。朱古力杯面層幾濃嘅朱古力。底層香滑嘅奶凍！桂花糕都夠桂花味！飲品亦唔太多選擇。而且無refill.飲左一轉解茶之後就清左倉！食完前菜。12:30左右魚生到喇每樣都有叫。最愛希靈魚。好鮮甜。好爽口！食完再Encore左次！壽司都唔錯！唔會好大舊。啲飯又唔會硬。燒秋葵。蕃薯仔。雞軟骨。牛舌。幾款都唔錯！炒雜菜。都幾多。有菇有菜！蒜片牛柳粒。無嘜味。一般。桂花蚌炒蒜心。桂花蚌都幾多。唔韌。味道
好掛住羊架。芝士年糕。榴蓮炸彈。紫心芋丸。芝士蛋糕。。。
知道滿屋午市第二位半價。
可以由12:00-15:00。
星期日齊齊放題。
就同爸爸媽媽去食餐勁嘅！
可惜搵唔到第四個人。
唔係咪可以再平啲囉！
3個人埋單 $525。
11點9上到去銅鑼灣二期8樓。
未開始。不過出面有啲位可以坐住等！
12點1到先開始帶入座。
午市人不多。
唔駛訂位都可以即刻有位。
滿屋岩岩新架左啲自助吧
有啲前菜。沙律同幾款熱食！
炮谷同朱古力噴泉。
甜品同飲品都係自助嘅！
但老實說。自助嘅啲野麻麻地。
沙律菜算ok啲！
甜品👎🏻 唔得囉！
食過其他放題啲甜品質素都唔差架。
同埋有我最愛嘅芝士蛋糕！
呢到無。好失望！
比較岩食嘅係朱古力杯同桂花糕。
朱古力杯面層幾濃嘅朱古力。底層香滑嘅奶凍！
桂花糕都夠桂花味！
飲品亦唔太多選擇。
而且無refill.
飲左一轉解茶之後就清左倉！
食完前菜。12:30左右魚生到喇
每樣都有叫。
最愛希靈魚。好鮮甜。好爽口！
食完再Encore左次！
壽司都唔錯！唔會好大舊。啲飯又唔會硬。
燒秋葵。蕃薯仔。雞軟骨。牛舌。幾款都唔錯！
炒雜菜。都幾多。有菇有菜！蒜片牛柳粒。無嘜味。一般。
桂花蚌炒蒜心。桂花蚌都幾多。唔韌。味道ok!
雪花牛肉窩。係壽喜燒湯底。好甜好甜！唔岩我地。
炸蕃薯同南瓜。蕃薯完全無咩👎🏻南瓜都係一般。好似未熟哂。有啲硬！
東巴牛肉。咖哩味幾好！牛肉都夠淋！
雞翼尖。泰式生蝦。媽媽叫嘅。
和風牛舌。照燒醬。甜甜地。一般。
我地仲以為一份好少。寫左3，嚟左三大碟😅
羊鞍！正喎！👍🏻唔會好肥。有肉食。好香香料味之餘。
亦有羊羶味！
又係等左好耐。見出左幾轉都無我地份。
再入多次紙。
一嚟嚟左兩碟3件😂
仲有我最愛嘅芝士年糕。榴蓮炸彈。紫心芋丸。全都正。雖然炸。但都唔算好油。
我Encore再encore！
最後一人杯雪糕作結尾！
總結。午餐二百蚊唔駛食三個鐘（14:30last order) 都仲接受到。如果要二百蚊以上。
唔會揀佢。
所以一次夠了！
張貼
