滿屋日本料理 (已結業)

生日月加上爸爸節將近．所以決定帶爸爸媽媽去食好野．個個都有唔同喜好．放題就滿足晒大家既願望！唔洗講頭盤梗係刺身上先啦😻牡丹蝦大大隻．夠凍又夠鮮甜．帶子．螺肉．油甘魚．八爪魚樣樣都好正．呢間放題選擇好多．刺身好多樣都有．不過美中不足既係．我最鐘意既北寄貝佢竟然無😭除左刺身．熟食同串燒類都好多款揀．味道都係唔錯．放題黎講算好有水準．天婦籮呢類既炸物都唔會勁油．上檯時都仲係熱辣辣！仲有燒菠蘿又係非吃不可😋平時放題都會有飲品任飲．但可能飲品都係獨孤幾味．呢度個飲品櫃就夠晒有驚喜．剩係酒都夠晒霸氣有幾多間能夠做到任飲Hoegaarden先😌唔好酒既選擇都好多．汽水．韓國黎既果汁．茶．降火類既涼茶．成晚輪到咁有唔同野飲。真係飲都飲飽．個口好忙🙊 生日既朋友每檯都會有生日蛋糕送返比你個樣都唔差架．重點呢個蛋糕有驚喜食落先知原來係雪糕蛋糕．送既黎講真係算好有Heart!呢個價錢有呢個質量👍🏻正！甜品仲有每人可以揀一杯雪糕．兩個大品牌任你揀HK$248/位加一真係放題不二之選！

餵食朋友多蘿蘿， 今次就同鍾意食放題朋友去左銅鑼灣滿屋擦餐勁既今日朋友生日，壽星要食有質素既放題，就揀左滿屋, 我地食第2輪， 一坐底，更係去揀飲品先， 呢個價錢汽水，特色飲料，啤酒任飲之前就坐底點野食， 刺身， 鹽燒牛舌，牛柳粒， 燒羊架，沙律....樣樣都試下...先上一大盤刺身, 成班朋友見到已經好心急咁對盤刺身動手了， 刺身都多款選擇，三文魚，牡丹蝦，帆立貝，螺肉，希靈魚，油甘魚...質素好好，好新鮮， 讚！讚！鹽燒牛舌同牛柳燒得剛剛好，特別推薦燒羊架同燒菠蘿，兩個字「超正」，不能錯過！整體黎講， 所有食物水準好平均，連雪糕都好有誠意！生日仲送海膽刺身，蛋糕同一大支清酒會想再去既日式放題，要保持水準喔！

放題我都試過好多間，呢間算係top 5野食超多款式，有啲出面都未食過。魚生大大盤，三文魚厚切，甜蝦好好食。唯一失望既係竟然無北寄貝飲品，甜品都有好多款揀 仲送多杯雪糕ps. 8點前離座仲有9折

壽司細件，唔覺新鮮，燒物完全唔熱，無一樣好食，唯一可取任飲有啤酒。睇就好似好嘢食，但以$263一人，其他地方大把，但大件新鮮好好好多。坐位較窄，剛剛好正常碼，如果大碼人坐一起就會迫

話說, 我跟他一起吃過很多次放題, 食物總類是夠多, 但質素總有參次, 今次與他去到滿屋, 水準都幾平均, 不只食物選擇多, 連飲品也是超多! 應該是吃過這麼多間, 第一次看到有超過10款飲品供應!拿了坐位後, 一人一本菜單, 你剔時我也剔, 因為大家的肚子正在咕嚕發響, haha!!在等候食物期間, 立即衝去飲品區. 三個大雪櫃, 裏面放有汽水及啤酒, 絕對不讓客人渴住走.不喜凍飲的, 熱飲有熱茶、熱水、熱柑桔. 當日坐的位置有冷氣吹著頭頂, 所以我比較多喝熱的來保溫...熱柑桔有少少偏甜.他喝Hoegaarden Rosee, 我喝香桃汁, 這裏會讓愛喝啤酒之人樂而忘返.我以鮮蘆薈雜菜沙律打開胃口, 蘆薈沒有被日式麻醬遮蓋鮮甜味, 好清甜. 蔬菜都算新鮮, 我好久沒有吃蘆薈啊, 這回真夠頂癮!日式清酒煮蜆, 一窩只有4粒, 蜆肉細粒, 略嫌酒味不夠濃.刺身是必吃的, 不知甚麼時候開始, 他減少了吃三文魚, 跟我一樣愛吃蝦. 甜蝦、赤海蝦幾乎佔了半碗, 帶子軟滑沒有雪味, 赤貝當然是爽爽的!甜蝦與赤海蝦的size, 兩款蝦身有光澤, 甜蝦的口感比赤海蝦軟滑, 赤海蝦則較爽口. 兩款都

原本訂左7點 但係趕唔切攞位事先打左電話同餐廳講趕唔切聽電話既同事態度好好 話keep張枱至七點二 叫我地盡量趕黎 但最後七點三先上到去 好彩即時walk in都有枱因為閒日d booking無咁緊張門口同事俾我地由七點三食到九點半超好～已經係第二次同屋企人黎 服務態度仍然好好Staff收碟快 仲會主動幫你換新碟唔洗keep住成枱蝦頭雞翼骨今次刺身無上次咁好三文魚油甘魚仍然肥美但係甜蝦同赤蝦都唔太新鮮赤貝有d霉 失望翡翠螺有驚喜 味道唔錯佢轉左新menu 至愛既鰻魚串無左多左秋葵天富羅 未係其他放題見過味道幾好 其他炸物都keep到高水準榴槤炸彈必食 流心架燒羊架好食 唔會太騷 少少黑椒調味燒菠蘿勁多汁 勁甜！又係必食老豆唔太食生野 所以叫左個冬蔭公湯入面有蝦 菜 粉絲 味道唔錯既 但稱唔上正宗泰式反而似韓式泡菜湯...雪糕要用紙寫但點完先知 哈根大師既 士多啤梨 同 Vanilla味都無貨... 唉 唯有揀其他味整體都好滿意呢餐 係今次刺身麻麻PS 餐廳既wifi接收相當差 會斷

兩三星期前已預約今日去食星期日超多人, 好似前世未食過魚生咁既樣坐底, 第一時間即刻寫紙, 寫呀寫呀寫到手都"幣"埋第一次往往都係魚生合集, 咩魚都有, 蝦就可能師傅睇錯左落重手左XDDD越南虎蝦同普通蝦老實講味道差不多三文魚掂啦, 好fresh好true油甘魚, 都靈魚都係例牌果隻味今日的螺肉就差D, 冇咩味總結: Keep得幾好, 唔會太過有雪味, 唔錯第二round就牛舌, 熟食牛舌好食, 但係個廣島蠔煲就折墮左D, 大大煲得果4隻細細隻...=_=(又幾好食, 可能慢工出細貨)跟住果D冷烏東, 燒番薯都好食, 係唯一個牛肉煲就好甜...食左個半鐘, 已經叫last call...唔足鐘...(可能星期日)不過都滿意, 因為全程冇漏單, 好準好勁, 掂係呢度都好欣賞食店中的其中一位服務生莫小姐, 後生細細應該part time黎, 全程負責晒我坐果頭果圍台(好似共8圍), 佢做野成個過程都好快, 不論拿單,送食物,serve客都好有效率, 好勁...佩服~~都滿足, 但係不足的係不足鐘, 同埋座位都係比較迫, 不過冇所謂, 食完就算 

一早預左食放題的我地，一早就book左位~如果唔想book 位~見到有人walk in 都係等左一陣~一坐底就緊係即刻叫野食~芝麻同咖啡味馬卡龍~兩個味都好出，唔會太甜~為左食個松露而叫的沙律~無咩特別~好普通~~食完2個肉之後，發現呢度的肉，都煮過左龍，好難咬~真係咬到個牙骹都甩lol~刺身幾新鮮~唔錯唔錯~焗蠔好好食~隻蠔唔會係好細粒~而且D配料都好好食~呢個我地有再叫~天婦羅~好脆~但都係唔太特別~羊架~無咩特別，不過不失~饅魚串~雖然唔係好厚，但係燒得好香，好味道~千島醬配天山雪蓮~個人覺得~唔要千島醬會好D~個千島醬搶哂天山雪蓮既味~天山雪蓮好爽，感覺上好似食緊雪梨咁~完美總結~雪糕~每人限叫一杯ja~~整體:無以前咁好食~感覺比其他放題，少選擇~如果係同一幢大廈食放題~覺得其他的~比較出色~

今晚約了朋友在銅鑼灣晚飯及飲酒，剛好這裡有位，就決定來這裡吧。小吃叫了支豆，燒菠蘿，燒蝦，蟹子沙律及蕃茄柚子沙律。刺身叫了油甘魚，赤蝦，帶子和希靈魚。主菜叫了羊架，鰻魚和炸黃金白飯魚。壽司叫了海膽手卷，油甘魚，蟹籽壽司軍艦，芝麻吉列蝦卷，芝士軟殼蟹反卷，黑松露牡丹蝦壽司及黑松露中拖羅壽司。甜品Movenpick朱古力雪糕。食物大部分在想像中的水準，沒有驚喜或太大失望，而比較出色的只有炸黃金白飯魚及雪糕。而最差的可以説是那二個黑松露壽司，完全唔配合，可以說是難食。對自坐餐，一向也沒有多大要求，只要不是太差及食物選擇不要太少，便可接受了。一分錢， 一分貨；其實也明白其中的道理，所以也沒有什麼要求。

筆者自問胃納不多，所以平日少吃自助餐及放題。難得同事在 Happy Friday 興緻勃勃，提議要飽吃一頓豐盛的日本料理，日式放題當然是不二之選。滿屋日本料理在銅鑼灣廣場二期，格局和其他的日本放題店差不多，舒適度合理。一如其他放題店，大家可自由在餐紙上選擇喜愛的食品與份量。飲品與甜品則可在凍櫃揀選。唯一一款限量供應的食品是 Haagen-Dazs 及 Movenpick 雪糕，每人只可點選一杯。 刺身款式有十餘款，以同級放題店來說，滿屋的刺身水準不俗，用料新鮮。在云云刺身當中，尤其欣賞赤蝦及帶子，食味清甜爽口。壽司款式比刺身多，生熟款式皆有。整體而言，壽司出品不及刺身出色，尤其是手握飯團握得稍實，食溫略凍及醋酸味過強。先嚐兩款口味較清淡的白身魚壽司，北海道赤鯛魚味不俗，可惜帶少許筋。池魚王食感滑爽，不失為筆者喜愛的款式之一。黑松露中施羅與黑松露牡丹蝦壽司均用上黑松露引味，無可否認黑松露本味清香有一定吸引力，但同時亦難免蓋過刺身的味道。特別是中施羅與牡丹蝦兩者皆是能獨當一面的食材，失重感覺更為明顯。熟食壽司方面，分別吃了和風牛肉及蒲燒鰻魚腩兩款口味，當中以後者的肥美食感稍勝一籌。卷物代表

今次是第四次去滿屋食放題，一行七人星期日六點上到去。可能是一早已訂位的關係，侍應生帶我們到一個小房間坐下。感覺不錯不會太嘈吵。 值得一讚的是甜品和飲料都改為自助，品種繁多，仲有啊女最愛的果汁先生！  大家一坐下當然馬上落單至愛的刺身啦！嘩！好大的一盆！好壯觀！ 超讚的三文魚刺身厚切，肥美、新鮮！ 油甘魚、吞拿魚、帶子、蝦都不錯，全部都好鮮甜，也沒有雪藏的味道！唯一美中不足的是新鮮的八爪魚切得薄薄的。另外，海膽手卷好好食！ 經常在其他地方食到的海膽都會好腥或有臭味，但這裡就不會了～大大舊的海膽配上紫菜和壽司飯簡直一流呢 人多的關係我們亦品嚐了好多的美食。 其中香脆的榴槤炸彈，肥美的鰻魚，鮮嫩羊架都食過返尋味，叫了好幾次呢！唯一不足的是食不到之前有的燒牛舌。整體不錯，服務很好，沒有漏單的情況～食物也來得很快，下次食放題也會再來的。

每年年初二不用去拜年已經持續了一段時間，這晚會和家人去吃放題或自助餐已成慣例。不過由於一直沒有想好吃哪間才好，最近決定選和上年一樣的放題店，而且銅鑼灣也方便我們回家。看到門面好像有稍微改變了?! 六點準時到達，在門外時接侍那位說飲品和甜品現在要自己出去拿 (以往是寫落單紙)飲品選擇滿多~有傕裝、支裝，連波子汽水也有(?)落單的簿也由一本長身的分成了兩本，放置時有點麻煩 .__. 另外落單時記得要寫枱號和人數。刺身先行~有兩種刺身 -甜蝦/赤蝦。舍人來說比較喜歡甜蝦多點，雖然赤蝦較大隻但覺得肉質比較緊實。新鮮度不錯~也沒有未溶雪的情況~不過八爪魚刺身點到第三轉開始有點鹹。卷物尺寸不算太大。不過花之戀比我想像中的不一樣~蟹子呢?另外稍微覺得唯獨三文魚不夠新鮮。沙律點了兩款 - 牛油果海鮮沙律和黑松露鮮蝦沙律。後者的黑松露味並不濃，相對牛油果那款可能比較好^^另外牛油粟米的牛油可以再重手點 >< 不夠香！胡麻冷豆腐點了2碟-3- 但只來1碟鐵板帆立貝和日式韭菜炒蜆的味道超濃。後者翻點是愈吃愈辣，但是每碟的蜆肉其實極少...很多也只是殼而已。香草紐西蘭羊架的香草味不太覺~膻味倒

放題食得多，通常感覺都只係一味大堆頭，認真好食既食物真係少之又少~黎到滿屋，最吸引最好味既，正正就係我地主打狂食既刺身，三文魚、甜蝦、帶子都好新鮮，最欣賞佢地砌得靚靚、冰鎮晒飄晒煙咁上枱，我見唔少人都會瘋狂比相機食先~講真放題好少會咁有心思，所以如果你自問係刺身迷，黎呢度狂食刺身，回本應該無難度~其他值得翻頭再食嘅心水食物有芝麻雞翼、芝士年糕、鐵板大蝦、榴蓮炸彈、焗廣島蠔、燒日本蕃薯仔、燒juicy菠蘿等。芝麻雞翼入口熱騰騰，皮脆肉嫩，芝士香令人食完一隻又再想食一隻；芝士年糕質地軟滑，中間夾著香濃美味嘅芝士，啖啖濃郁，帶來雙重口感享受；鐵板大蝦原味香煎，烤出BBQ的風味，簡單用海鹽同檸檬汁調味就已非常好味，蝦肉亦好彈牙爽口；榴蓮炸彈好少會喺放題店有得食，炸得香脆可口，榴槤香味濃；仲有漲卜卜嘅焗廣島蠔，蠔味濃得餘韻甚為悠長......甜品方面必食楊枝甘露同木糠布甸，仲有貴價瑞士名牌雪糕Movenpick！讚~~~

三五知己約埋一齊預祝朋友生日，預先訂左8:45既位，夠鐘系樓下排隊上去，場面熱鬧有氣氛，感覺吾錯。因為肚餓， 拿拿聲寫野食，首先來個刺身拼盤，食材都好新鮮，冇雪味，味道清甜。之後要左帶子、和牛壽司、燒海蝦、雞翼、銀雪魚只限一客，仲有送酒超正既天婦羅白飯魚👍👍，飲品自取，最後仲可以食雪糕，每人限一支或一杯自選。唯一...吾滿意貴公司既做法，因為訂位個時冇話明有朋友生日，來到講...系冇得送心太軟羅，講真，有點失望，里度既經理太吾識做啦，一個心太軟值咩錢呀？你都系任食姐，你都吾會有損失. 但系...對於客人來講，可以影下相開心下，何樂而不為？

和男朋友去慶祝考完試的喜悅，想吃好野，剛在銅鑼灣行街，見到滿屋未試過，就去試下。我一向好少吃放題，因為以前的經驗太差，叫刺身10碟得3碟⋯⋯不過今次呢間真是不錯，值得我寫篇食評表揚一下。一入去就有有位，不用等位。入面都好多人吃飯，心想應該不太難吃。一入去坐低，侍應招呼不錯。不過座位好迫，同隔離枱好近，沒有位放手袋。一開始就點菜，選擇很多。刺身上菜好快，值得一讚。刺身多款，好新鮮，基本上沒有漏單。之後點了肥牛窩，肥牛好滑，豆腐嫩滑，粉絲份量剛好，湯底好甜。正！還有天婦羅，香脆好味。燒菠蘿也很甜很好味。燒羊架很好吃，可惜我太飽，只吃了一口，但好香好多汁。燒牛肉串道唔得，好咸，又好粗燥。海膽刺身香滑，沒有腥味。放題限時90分鐘，30分鐘前截單。整體放題質素不錯，會再來。