滿屋日本料理 (已結業)

去完旅行落機休息咗一陣，就諗住食個放題輕鬆下， 上網search最後就近近哋，去咗銅鑼灣呢一間滿屋。地理位置都尚算方便，銅鑼灣站出口行5分鐘就可以到到。最鍾意入到去就係睇下間餐廳出面有咩食, 同埋有咩甜品可以拎。呢間餐廳令我好意外，佢出面竟然有新鮮海鮮可以夾，好多 放題都唔會有呢一個選擇，做到有一種自助餐嘅感覺。至於甜品方面喺呢度都有個雪糕機可以畀你玩，不過其實食完飯佢都會有hargandize或者movepick嘅雪糕畀你選擇。其實好多放題依家做到啲食物水準都唔會太差，爭在多唔多選擇揀，呢一間我覺得選擇都算多 ，特別係刺身， 而且都幾新鮮。壽司方面有好多創新壽司。 價錢又都好合理，每人唔過300蚊， 性價比算係幾高。飲品櫃方面，真係要讚下佢，除咗出面個飲品櫃之外，其實佢裏面都有特飲可以選擇，呢一方面我好欣賞。特別要講講佢嘅服務態度，我個人覺得真係唔錯，之前去過一啲放題鋪頭啲員工嗌極都唔過嚟，但係呢一間嘅員工就好積極不斷 喺你身邊，睇下你有冇需要落order，而且d order都上得好快。總體嚟講，係會encore再試嘅。

想盡情食日本野，放題一定係最抵嘅選擇。位於銅鑼灣廣場嘅滿屋一定可以滿足大胃口嘅你。呢度嘅刺身鮮甜，特別係大大隻厚肉帆立貝同埋清新爽甜嘅甜蝦，令人想不停N call。不得不讚呢度嘅壽司，款式既多樣化又能夠保持水準。推介炙燒和牛壽司(牛肉超多油份又嫩滑)、一口蔥吞拿魚蓉帶子、蔥三文魚腩壽司、火炙芝士蟹棒尋司、海膽手卷等等。炸物方面有芝麻炸雞翼、吉列蠔、炸芝士球，香芋球等。仲有各式天婦羅如炸蝦天婦羅、茄子、蕃薯等，全部即叫即炸。燒銀鱈魚同埋燒雞軟骨十分好味道。牛肉壽喜燒，份量比較多，加入溫泉蛋令牛肉口感十分嫩滑。除左點餐紙上嘅食物外，public area有唔少冷盤/熟食可以選擇。飲品區飲品種類多不勝數，實有一款岩飲。除左汽水/果汁之外，仲有熱茶同清酒，同埋點餐紙上嘅一些特飲。每人可揀一款雪糕，佢嘅甜品味道一般，唔太recommend。而雪糕機嘅自唧雪糕味道唔錯，食埋甜品大滿足作結。

食材(刺身)三文魚，劍魚腩，魚，油甘魚全不夠新鮮。燒牛脷，燒豬腩肉乾而無肉汁。但烧魚可做到皮脆肉嫩，魚肉入味有汁。放在自助區的炸多春魚，太多粉，炸餃子及薯格太乾太硬，但沙律菜算新鮮。花生炆猪尾未炆得淋及入味，相信是炆的時間未夠。至於湯水不藉一提。不幸的是雪糕機壞了，而杯裝雪糕每人只可享一杯，未免吝嗇了一点，甜品及自助飲品尚可。至於進食環境及衛生都算一般。最值得一提的是上菜速度夠快，服務態度近年小見，對客非常好，有禮。換碟及收碟好快，令客人食得舒式。

喺九龍區食放題食得多，呢次約咗男朋友放工一齊食銅鑼灣嘅滿屋日本料理。兩個人都早收工，所以六點就可以入席，但發現已經有好多人。最令我哋有驚喜就係有梅酒同埋清酒任飲。呢個價錢做到日本酒任飲，仲係喺港島區，確實令人喜出望外。食物方面我哋都係食熟食為主，整體食物水準都好高。我最鍾意食燒菠蘿，貪佢香甜多汁，又可以解油膩。天婦羅值得一讚，炸粉比較薄，所有嘢都係熱辣辣，比其他放題店嘅天婦羅略勝一籌。原條海鰻壽司亦係驚喜之作。大條得來又冇骨，比起一般蒲燒鰻魚少咗一份油膩感。最後亦都有得一人揀一杯雪糕。超推介季節限定嘅kiwi & mango frozen yogurt！

一放假就去左兩個幾禮拜澳洲，食西式野食到厭厭地，勁掛住中式野同日式野，所以返到香港頭幾餐出外食飯要即刻搵呢啲黎食😍閒日唔會好爆，無訂位下都可以直接入座，上菜速度頗快，亦無漏單情況👌🏻唯獨張檯比較細唔係好夠位擺，不過店員見到吉碟都已經即刻收🤤▪️ 晚市放題 💲238自助區食物款式比想像中多，但留肚嘅關係冇咩點攞冷盤：海鮮有蜆、海蝦、螺，仲有手拍青瓜等熟食：炸物例如炸魷魚、章魚燒🍢甜品：有馬卡龍、杯仔甜品、盒裝薑汁豆腐花、自助雪糕🍨水果：哈蜜瓜、西瓜片🌟飲品：細樽裝既鴻福堂竹庶茅根、各式各樣既汽水、出色既係佢有提供唔少既酒類，包括清酒、梅酒、Somersby Apple Cider、Hoegaarden啤酒🍺刺身鮮味無咩特別驚喜，所以只係叫左一輪👉🏻👈🏻🙂帶子、北寄貝😶八爪魚☹️大赤蝦、三文魚壽司、火炙壽司、卷物、手卷、軍艦火炙和牛壽司：和牛既面層有輕輕火炙過，底層就保持粉色，入口都嫩滑既🐂壽司飯亦都係細細舊一口size，唔會話太過飽肚火炙香蔥左口魚邊壽司：左口魚魚油係有既，但就未算豐富到入口即溶既地步花之戀：壽司既三文魚比起刺身既更為新鮮🍣天婦羅、炸物🌟貓山皇榴槤炸彈：個炸皮夠曬熱辣辣，口感

滿屋-滿足日式放題屋門面搶眼的紅色燈箱的餐廳名字招牌，左上角有日本風的錦鯉圖案，內裡環境寬敞，設有大量卡位，天花的吊燈，牆身的裝潢也具日本風。刺身類新鮮刺身種類繁多，有三文魚、油甘魚、劍魚腩、八爪魚、帶子和彷松葉蟹棒，還有新鮮甜蝦和啖啖肉的大赤蝦。壽司類壽司款式多，花多眼亂，有火炙、卷物和軍艦。火炙有火炙芝士蟹棒黃金燒壽司、火炙原條海壽司、火炙香蔥三文魚腩壽司；軍艦有蟹籽軍艦、三文魚籽甜蝦軍艦、山葵八爪魚軍艦；卷物有香芒吉列大蝦卷；創作精選帆立貝吞拿魚蓉和海膽帆立貝。炸物燒物串燒放題三大天王，炸物有芝士年糕、吉列蠔、香芋丸；天婦羅有炸蝦和炸南瓜；燒物有蒲燒鰻魚、鹽燒牛舌、黃金燒帆立貝、泰式沙嗲雞肉，牛肉網燒；串燒有黑糖五花腩、雞軟骨和必食的燒菠蘿。煮物類大胃王或澱粉控的天地，雪花牛肉鍋、牛肉烏冬、首爾人參雞鍋、連蟹皇海鮮粥也有。飲品類有各式各樣的飲料在便利商店式的冰櫃。雪糕類兩大我最喜歡的雪糕牌子，分別是movenpick 和Haagen dezs。

又係同閨蜜約食飯嘅好日子，港女愛食日本菜係人都知架喇，所以今日簡左食放題！朋友話佢公司附近有間滿屋，既然就係隔離咁就試一試佢喇！一上到去，唔洗等位👍👍一坐低，啲位會唔會真係逼左小小呢，我隻手踭就黎掂到隔離枱個手踭。。。。唔好理喇，嗌野食先，嗌完就梗係去拎野飲喇！野飲櫃有成十樣野飲，除左涼茶，汽水正常野，竟然仲有珍珠奶茶同好多款酒！！👍反到位傾下計，就開始上野食喇！速度以全場爆滿黎講都算唔錯喇！一黎就上刺身，種類好多，樣樣都好新鮮，三文魚都幾肥美，唔錯！唔錯！壽司類黑松露赤蝦同黑松露油甘魚，勁多黑松露😍反而三文魚腩就唔算肥美喇，同普通三文魚差唔多鹽味燒雞翼，皮脆，但無味燒鯖魚，外脆，內多汁👍廣島蠔窩，有六隻蠔都算幾多，不過唔太新鮮，有啲腥其他食物都唔錯! 可以一試，如果下次啲位寬反啲😅

放大假沒有去旅行, 留在香港也不錯, 可以周圍玩周圍食.今天只有我和媽媽在家， 就讓媽媽休息一天，帶佢出街食飯。估不到媽媽竟然也想吃放題。選擇了經常和一大班朋友光顧的“滿屋日本料理”. 這裏真的有很多選擇😊😊除了的剔紙仔order, 還有一些自助區， 擺放著海鮮類🦐🐚🦀， 日式前菜， 中華沙律&螺肉. 又有新鮮沙拉區，🌽🥕🥔🍄🥒仲有口水雞🐥同埋煎三文魚頭🐟甜品區的食物也不錯， 木瓜燉蘆薈、 馬卡龍 、朱古力泡芙 、椰汁馬豆糕 、日式水晶果子 、意大利芝士餅、 芒果布甸 、椰汁布甸 、豆腐花 ……新鮮生果有西瓜🍉哈蜜瓜🍈最喜歡就是芝麻雞翼各式壽司😊😊牛肉鍋很好吃🐮🐮🐮鰻魚很肥美😋😋😋飲品款式非常之多😜😜韓國樂天系列飲品， 石榴汁、 蘆薈汁、 橙汁、忌廉溝鮮奶。道地飲品系列， 無糖烏龍茶、 纖解茶、 荔枝紅茶、 黑糖薑茶。鴻福堂，柑桔檸蜜 、菊花蜜。可口可樂、無糖可樂、無糖忌廉、雪碧、 芬達、c+lemon。維他蘋果綠茶、桃茶、檸檬茶。仲有hoegaarden紅莓味😍😍😍仲有各式各樣嘅茶包， 同埋手調特飲。最後食咗好多嘢之後仲有每人有一杯 movenpick 或 Haagen Daz雪糕。

一向吃放題也是以刺身丶壽司和手捲為主打食物，但今晚帶鐘情於熟食外婆來到銅鑼灣滿屋吃日式放題。 外婆看過林林總總的點菜紙後，還是鍾情於煮熟的食物。 點了很多我平時不會在日式放題點的熟食，但想不到原來日式放題的熟食水準一點也不比餐廳和酒樓遜色。 小小一鍋大蜆鮮蟹肉粥，但粥內裏也有三數件蟹，而且粥煲得很綿，吃得出是生滾粥的水準。 另外一碟御品鮑汁燴花膠竟然也有三大片花膠，芡汁調味剛好，老人家吃得很滋味。 燒羊鞍肉質嫩滑，鹽燒牛舌火候燒得很有水準。 鰻魚片大大塊的，醬汁也不會太甜。 蒜炒牛柳粒的牛柳質地淋滑，比目魚燒得皮脆肉滑，吉列蠔也做得非常惹味。 另外也點了一些刺身和壽司等，刺身夠新鮮肉質帶彈性味道鮮甜。 這間放題有兩部機是我在其他放題餐廳沒有見過的一部是自助雪糕機 另一部是爆谷機。 我今晚沒有嘗試，但感覺如果帶小朋友嚟到，他們一定會非常開心。

同媽咪慶祝生日所以黎食個放題😋職員安排我地6人坐左係個好位😂場內既最左邊，唔會同其他人望黎望去，好隱蔽，坐得好舒服。入場時間為(18:30-20:30)點左必回本既刺身，勁大隻刺身船，個個見到都望😂前排既最大新聞就係某大連鎖日本餐廳驗岀刺身內有蟲，唔新鮮，但係依間食落就知道唔會有蟲，好新鮮，赤蝦、三文魚真係冇得輸！其他野食都正正常常，唯一兩樣挑剔就係冇刺身係面既壽司就唔太新鮮，似係隔左成日係雪櫃拎番岀黎咁。同埋，冇最重要既haagen Dazs食😢😢 款式都同其他店既放題一樣，人有既佢都有，包括，花膠！！我叫左2ground花膠😛推薦！

其實依家係出面壽司店食一餐，每人平均都要二百蚊埋單，所以相比起呢道既任飲任食真係唔貴。之前一次黎好似係成隊波友一齊黎，仲有啤酒、Hoegaarden、apple ciber，其實淨飲都好抵😂玉泉系列、道地系列都一樣有供選擇！真係飲都飲飽🤣不過啲野食都唔差既，刺身就緊係一定有啦。不過我本身小食魚既刺身，所以只可以話俾大家知，蝦係好新鮮的🤣仲有各式既卷物同埋不同種類既壽司天婦羅都無令人失望，每件都大大件，仲好juice ，炸粉唔差！炸物更加無得輸，有齊曬我最鐘意既款式😂愛蠔者係可以試下，難得的驚喜，芝麻雞翼夠香辣，全面都係即叫即炸的！另一樣我覺得出奇地好，要特別讚揚既係花膠🤨夠曬淋，又厚身，夠味！今期仲有季節限定既榴連雪糕！！除左放題，其他身邊每一檯都係食午餐定食，下次可以試試。

至岩公司一大班人黎食，有生又有熟，仲有酒任飲，每次黎食，都無人反對，黎緊下個月又有人生日喇...又要準備boot位🤣我諗唯一唔方便既系大枱安排，隔離又系大枱，隔離班大媽不停講野又大叫，影響其他人既環境...如果可以加一個流動隔音屏，就好喇..

滿屋，令我對日式放題改觀! 我身為日本達人，當然鍾意食日本野，但今日隔離同事叫我食日本放題，我當堂嚇一跳，然後得啖笑，我心諗，放題嘅食物邊有好食架，但同事拍晒心口，誓神劈願話一定要信佢一次,所以我哋就去咗銅鑼灣廣場嘅滿屋啦入到去望個餐牌，喂抵喎，加埋一兩舊水，加上選擇超多，A B C D E FgH I J K, 1個英文字一種類，成十幾種，你諗得出嘅嘢都有，仲有d中式同泰式嘅熱食，當然我咁大個人食buffet當然唔會抱住跑數心態，所以精選叫咗啲真心想食嘅壽司同小食鵝肝拼帶子，海膽沖吞拿魚腩，呢兩款sushi嘅質素我夠膽講好過千兩，跟住仲有幾件火焰嘅壽司，嗰個海膽醬嘅味恰到好處；小食方面隻雞翼同埋幾款炸物都香脆無！最後仲有個好驚喜嘅甜品，就係有hagandaz雪糕呀。食完呢餐我嘅結論係，我依然唔會亂咁食日式放題，除了滿屋！

次次放題都食殿大喜屋食到悶悶地，啱好見到滿屋做緊7週年優惠加$28有鵝肝海膽鮑魚同中拖羅【去果日轉左和牛串燒】任食。開篇前大家估下係伏定係筍？回頭率：🌕🌕🌕🌗🌑環境：🌕🌕🌕🌑🌑服務：🌕🌕🌕🌗🌑味道：🌕🌕🌕🌗🌑價錢：HKD303/Pal ($248+$28加一)◆Summary◇日式放題，座位逼夾。上菜快，基本唔漏單，收碟快✅食物飲品選擇勁多仲有自助區，清酒梅酒任飲，最後送一杯HagenDaz或者Movenpick。帶子/大赤蝦/劍魚腩極出色必食🤩其他刺身優秀😍壽司中上😋串燒普通😐海膽質素參差🤨炸物極差😩木瓜牛奶伏中伏🤮整體性價比中上。————————————————————————【刺身篇】‼️表現超群級🤩帶子: 原粒上，新鮮，超正劍魚腩: 肥美之最，食落帶著魚油的甘甜大赤蝦: 爽甜又唔黏口，夠曬彈牙😍表現中上級😍八爪魚: 新鮮爽口彈牙立魚: 口感扎實，清脆微甜😋表現正常級😋北寄貝: 正常油甘魚: 雖然肉稍微鬆散，勝在味道香三文魚: 厚切，正常【加$28篇】鵝肝: 配黑醋，乾身，略顯粗糙，唔夠油香⛔️海膽: creamy，唔

久唔久都會同朋友食放題gathering!今次試一下滿屋放題。尙算高質，種類繁多，試唔曬每一樣嘢😂🙈但整體食物質素比一般放題品牌要好，值得一試！😊🔸刺身拼盤刺身種類豐富 基本上大路嘅款式都有魚生新鮮 魚生片厚切 👍🏼甜蝦生蝦幾大隻 肉質爽脆另外如不太好生魚 亦有好多熟嘅選擇個人最愛係螺肉 北寄貝 鮑魚😁🔸壽司🍣壽司種類比一般要多迷你版幾好 基本上一口一粒壽司唔會太大件食幾件就飽😂個人最喜歡火炙系列！啲魚生燒過魚油香更重❤另有海膽魚子款式嘅壽司 都可一試🔸一品料理叫咗一口燒牛柳粒👌🏼牛味香濃 淡淡嘅蒜香！Juicy!羊胺做得不錯 惹味香草味 外皮燒得香噴噴不會有羊蘇味 唔太食羊嘅我都有食！另外其他熟食例如魷魚 炒蜆就都係一般 中規中矩個人最愛的炸芝麻雞翼係必點！😆🔸自助區小食另外出面亦有多款小食任顧客自己攞有日式螺肉 海藻沙律 凍蝦 各式各樣嘅甜品等款式都多 味道尚算okay 飲品基本上都算多選擇