滿屋日本料理 (已結業)

6月28日晚約了舊同學聚舊, 一下子點了多款食物, 第一round只來了一半, 漏單嚴重, 附加$28只有天X牌迷你罐頭鮑供應, 其他如花膠、碗仔翅一律欠奉, 直至2小時埋單後亦沒出现。就算芝麻雞翼亦沒來, 串燒、天婦羅等只來了一次, 埋單加一每位3百實屬搞笑, 就算上年在同店食中午放題亦比今次好好多, 最搞笑店員將我們所有碗筷收走後再問我們所點食物有冇到齊, 我即時回答乜都無到, 起身離開, 可能店員聽到我當時見有十幾碗花膠送到叧一台客, 我大叫其實有花膠!

滿屋位置係銅鑼灣都好方便而且入座安排都好有系統，人手安排叫號入座一入到門口已經見到有個飲日本酒既位置，冷盤區同飲品凍櫃。客人可以自由去拎飲品同出而既冷盤食得放題當然唔係著重出面冷盤區，行咗一個圈就快快手入去坐入紙寫想食既野。見到壽司都有幾款好特別，最好既係呢到既壽司飯唔會好大舊，所以都有quota食多D其他野刺身都有唔同選擇，都係叫返自己鐘意食既魚生，有三文魚、帶子、甜蝦、大蝦，食落魚生都好新鮮而食落唔會有腥味，俾既份量都好足呢到仲有海膽手卷任食，雖然係細細件但海膽新鮮又無限每叫既數量，所以食完又覺得好食又可以再叫過燒野當然唔可以錯過牛舌同燒蝦喇，牛舌燒得岩岩好同埋都算厚切，食落唔會好乾既感覺入場時會俾一張雪糕紙，每人限叫一杯。仲可以揀MOVENPICK添啊，但小妹最愛榴槤就當然唔會錯過食榴槤雪糕，食落都有一陣陣榴槤味同埋有榴槤果肉，味道都算唔錯

今日放左工就走去會合左喺銅鑼灣既老友 行左陣街 大家都好似中左邪咁好肚餓！呢個時候 想食放題呢個邪念就出現左！！！其實真係幾抵晚市都係每人$258，仲有優惠時段先$198，大家食番大家想食既野就ok! 滿屋既呢個集團嘅放題嘢食質素都唔差，刺身好厚身同埋新鮮！好驚喜嘅係佢有海膽手卷，細細件嘅手卷唔會食到太飽，又可以有海膽，咁嘅價錢仲想點哈哈。個人認為一定要試埋個火山大爆發同忌廉芝士鰻魚玉子燒，兩個都係好夾嘅配搭！我都鍾意呢度既熟食，有好多選擇！好鍾意佢嘅鰻魚，唔係啲薄嘅嗰種，非常好厚身！仲有啲羊架都係好大件，調味好，完全冇羊羶味，正！作為牛魔王都一定要試埋個牛柳粒，唔韌好軟熟，ok嘅！個蟹肉粥比我想像中好，以為會係好淡，但係原來好鮮甜都落足料㗎！最尾就梗係要食埋雪糕 咁先係一個完滿既放題夜！

喺銅鑼灣放咗工都諗唔到食乜嘢，因為有落雨所以就去咗間食放題啦自己揀自己鍾意食嘅嘢唔駛煩！有齊晒熟食魚生甜品嘢飲自己攞，放題真係正，而且價錢亦都唔貴晚市都係每人$258，仲有優惠時段先$198，仲有Häagen-Dazs同Movenpick嘅雪糕喎我覺得抵呀～可能因為嗰日我哋早放工唔想好多人好快就可以入去！一入到去就見到有梅酒同埋清酒可以滿足酒鬼嘅需求哈哈！再行嗰啲個凍櫃都有好多甜品嘅選擇～至於飲品方便呢，有啲細細支嘅，有咸柑桔等等，最鍾意呢啲迷你飲品！亦都可以自己另外嗌啲特飲我覺得滿屋嘅放題嘢食質素都唔差，刺身好厚身同埋新鮮！好驚喜嘅係佢有海膽手卷，細細件嘅手卷唔會食到太飽，又可以有海膽，咁嘅價錢仲想點哈哈。個人認為一定要試埋個火山大爆發同忌廉芝士鰻魚玉子燒，兩個都係好夾嘅配搭！我都鍾意呢度既熟食，有好多選擇！好鍾意佢嘅鰻魚，唔係啲薄嘅嗰種，非常好厚身！仲有啲羊架都係好大件，調味好，完全冇羊羶味，正！作為牛魔王都一定要試埋個牛柳粒，唔韌好軟熟，ok嘅！個蟹肉粥比我想像中好，以為會係好淡，但係原來好鮮甜都落足料㗎！

之前上黎依度見到依間滿屋日本料理都有好多好評，所以今次就上嚟試吓。呢個地方都算幾大，坐落都幾鬆動，而且有好多款式嘅食物可以選擇，有火炙壽司，卷物，刺身，串燒，炸物，天婦羅等等。我哋點完第一輪就出咗去自助吧就睇吓有咩食，自助吧都好多嘢食揀有，唔少熟食，都有冷盤，好似蝦同埋青口。刺身全部都好新鮮，特別係甜蝦同埋帶子，帶子好肥美原隻上，甜蝦勁鮮甜。我地叫咗好多款唔同嘅壽司，其個忌廉芝士鰻魚玉子忌好特別好好味，我最鍾意嘅就係呢個鵝肝帶子壽司，粒帶子仲大過舊飯🤣🤣🤣海膽手卷都好好食，細細件，一啖一件唔會好滯。火灸和牛壽司都係必食！佢依度嘅天婦羅都做得好出色，新鮮炸好，炸粉唔會好厚身。最後仲有店員推介嘅楊枝甘露，上面再加雪糕㗎

諗唔到食咩最好就係食放題😆😆炎炎夏日🌅🌅食冷盤就最正!! 先黎刺身🐟🦀🦐🐚🦑🐙赤蝦超巨型, 係甜蝦嘅三倍size!!!! 全部都厚切, 最愛係帶子勁大粒, 非常鮮甜, 大推!!!! 擺喺common area竟有自助餐食開嘅海鮮冷盤真係好surprise!!! 仲有原個木瓜海底椰!!!😍火炙壽司左口魚必點 !!!! 蒲燒鰻魚有齋魚同壽司 (梗係前者啦 LOL)  🤣海膽手捲係我必點嘅一口size啱啱好😋😋😋飲品我最鍾意飲hoegaarden嘅rosee同apple cider!!! 當然唔少得冷熱sake 🍙🍶🍶🍶其實仲有大量甜品同水果,但我已經飽到食唔落啦 lol 不過Haagen dazs雪糕都要夾硬食埋佢!!!真係超滿足💗💗💗

有時出街唔知食乜嘢，食放題就最好因為大把野可以揀，更加容易遷就大家唔同嘅口味。今日就嚟咗銅鑼灣食放題，喺樓下收收埋埋啲單張，格左價之後，發現呢間係最抵嘅，7:30前離座，每位先至$198。我地想時間充裕啲，就$238，食到8:15左右。上到嚟發現個場都幾大，自助區已經超級多選擇，有蝦、青口、中華沙律、蟹柳絲、泡菜、薯格、三文魚、各式各樣嘅冷盤。飲品方面都多選擇，有汽水、啤酒、茶等等，最驚喜嘅係呢度有熱嘅燒酒，平時冇點飲開酒嘅我，飲落都覺得甜甜地幾易入口。一坐低就開始填個餐牌，首先黎一大盤魚生先，我哋懶得揀就每樣要兩件，當中我最鍾意就係吞拿魚、帶子、甜蝦，夠晒大份，咬落啖啖肉，超爽。熟食方面叫咗芝士焗帶子，口味極度creamy，真係高質。榴槤炸彈亦都非常足料，咬落係流心，榴槤味亦都非常重㗎！另外叫咗炒象拔蚌，切開每條細細條，好有咬口。食咗一個鐘左右已經開始食甜品啦，出邊個甜品櫃都幾多選擇，有色彩繽紛嘅馬卡龍、各式各樣嘅蛋糕仔同埋啫喱，仲有泡芙添。呢度有大大部雪糕機，但係我一早已經吼住呢度嘅Häagen-Dazs乳酪雪糕，呢度嘅季節限定係奇異果芒果味，超好食，而且卡路里低過正常雪糕，令到我

今日同老婆都早收工去咗銅鑼灣line store，行完街老婆心思思想食日式放題。醒起上年差唔多時間去過銅鑼灣中心都有唔錯嘅放題餐廳。我哋慣咗早食飯所以可以食到198嘅優惠時段。抵！入到去首先搵嘢飲，選擇都幾多元化好多種類，老婆揀咗熱嘅維他豆奶，我就揀咗c&c 提子汽水。今日我哋兩個胃口都唔錯，生熟嘅嘢食都食咗唔少有幾款壽司最好食,花之戀壽司、海膽配吞拿魚茸、黑松露生蝦、燒三文魚同埋燒牛肉.呢幾款壽司最好食我自己仲叫咗個海膽手卷，刺身嘅選擇有差唔多10種不過我哋只係揀咗四款自己最鍾意食嘅，三文魚日本帶子甜蝦同埋赤蝦。幾款刺身都唔錯熟嘅食物我哋都食咗幾款,最好食嘅應該係網燒牛肉、黑糖燒豬煵肉、燒菠蘿呢幾樣熟食最好食！仲食咗避風塘魷魚、燒扇貝、天婦羅、雞軟骨串。都唔錯。最後甜品有好多款，但係已經太飽了所以只係食咗幾舊macaroons, waffle with chocolate ice cream, Häagen-Dazs kiwi and mango flavor ice cream

心血來潮想食放題 咁就同左個friend去食啦 晏晝食放題果然係抵啲 選擇方面同晚市差唔多坐低梗係第一時間睇吓有咩嘢飲同埋叫刺身食㗎啦飲品嘅選擇種類都幾多 別有烏龍茶 汽水 啤酒等等嘅嘢呀刺身方面今日有三文魚 玉子 八爪魚 帶子 劍魚 希靈魚等等嘅刺身 佢所有嘅刺身都好新鮮 三文魚鮮甜肥美 而且係厚切 口感一流 甜蝦同赤蝦都好新鮮甘甜 而且好爽口 其他嘅刺身都唔錯壽司方面選擇都幾多元化 而且款式都幾多 佢啲壽司細細粒 食多幾件都唔怕 啱晒花多眼亂嘅我哋 就可以俾佢試多幾款唔同嘅壽司啦 其中有幾款都幾高質其他野食都唔錯 蟹粥都好正 鮮味足

今日同朋友去咗滿屋日本料理食buffet ，心情非常之開心， 我不是第一次去滿屋食buffet，今次同朋友去食， 以朋友就是第一次呢這間buffet ，我哋叫了我最喜歡食的刺身，各式各類都有，帶子 、虎蝦、甜蝦、 亦都好多魚生 ，種類繁多， 除了魚生之外亦有壽司 ，有我哋最喜歡嘅雞翼， 朋友就叫了一碗烏冬，烏冬非常之好食，稻庭烏冬 ，我們亦都叫了 一些煎的東西， 例如煎牛扒，羊架、 有炸榴槤球、 亦都叫了一碗蟹粥 ，飲品方面應有盡有，有熱茶、 有酒 、氣水 ，最令我覺得特別的日是有movenpic 雪糕，及 榴槤雪糕!

食過旺角御滿屋，今次同一班朋友想食銅鑼灣呢間，係門口見到有大量甜品飲品，原來仲有極多唔同既日式食物：炸物: 天婦羅都多選擇，南瓜天婦羅南瓜好甜，炸粉唔會太厚。雜菜餅好足料，脆得來每一種蔬菜既味道都好出，尤其芋頭，芋頭味勁香，值得一試。其他既炸物，特別既有炸芝士竹輪卷，芝士味超香，而且炸得啱啱好，絕對推介。刺身: 刺身方面選擇多，除左一般既刺身之外連泰式生蝦，池魚刺身都有。泰式生蝦鮮甜，而且有用過泰式既腌料去做，一啖一隻好好食。池魚冇乜筋，入口即溶而且鮮味十足，好食。 手卷 手卷細細隻，一啖一隻，其實幾的色過癮。海膽手卷係推介，海膽既海水味勁重，海膽超足料厚肉，每一啖都係爆滿海膽，完美。 壽司： 壽司有一般既三文魚壽司，帶子壽司，吞拿魚壽司等等, 全部都算新鮮，尤其係個三文魚壽司同帶子壽司，厚得來鮮味濃，處理得好好，油脂分佈啱啱好，油甘香好好，食完會再想叫多幾碟。另外佢仲有一d手作壽司，例如牛油果軟殼蟹，柚子油甘魚，白松露吞拿魚壽司等等。牛油果軟殼蟹口感好好，牛油果既質感岩岩好中和到軟殼蟹既油膩，好好食。柚子油甘魚酸酸地，夾埋油甘魚既甘香味真係好開胃。白松露既松露香完全帶到吞拿魚既鮮味出

年紀大左其實食放題唔係食得好多嘢，不過因為想同朋友傾計飲酒，知道呢間放題有得任飲清酒，平時我哋就咁買一支都百幾二百蚊 ，今次連埋任食仲可以任飲清酒，真係十分之抵。除咗清酒仲有好好味嘅hoegarden，同埋有好多熱盤同埋即炸小食用嚟送走真係一流。日式放題要先回本梗係要食刺身啦，估唔到呢度刺身全部都好新鮮， 赫蝦大大隻好鮮甜，三文魚好肥美，帶子大大粒好厚身，除咗刺身，壽司都好有質素，三文魚腩壽司燒過之後冇咁溜，食多幾件都冇問題，我最鍾意嘅花之戀，依然都係用上好肥美嘅三文魚，仲有大量三文魚子，一啖一口，口感非常滿足，好好味。熱盤佢都有好多唔同嘅選擇，最特別係有咖喱炒蟹，同埋炒蜆，唔好睇隻炒蟹細細隻但係食落都好多肉，而且炒得好香，辣辣地特別開胃，其他燒魚，串燒蝦，同埋其他熱門小食都好有質素。兩個半鐘頭又飲又食其實時間原來過得好快，不經不覺原來已經要埋單，但係店員好好會提醒我哋last order時間，所以我哋就趁最後15分鐘去食甜品，出邊成個甜品櫃都係甜品同埋生果，最精彩當然係每人有一杯大牌子名牌雪糕，所以今餐真係冇可能唔回本，好味又抵食，正！

去銅鑼灣滿屋食放題，晚市好熱鬧呢！餐紙有兩大本，好多選擇！劃完之後好快送到，有效率！外面的自助區，一樣有熱食、炸物、凍海鮮、甜品等等，最特別係有爆谷機，小朋友至愛！自助飲品櫃，連Hoegaarden Rosee紅桑子白啤同Somersby Apple Cider都有！壽司刺身有多款，甜蝦大赤蝦必食！壽司幾有心思，有啖啖肉的蟹膏皇帝蟹腳壽司、海膽帆立貝壽司、仲有海苔帆立貝伴吞拿魚茸！炸物有我最愛的芝麻雞翼，炸得香口又熱辣辣！西京比目魚都好味！廚師推介的牛肉網燒亦可以一試！黑糖五花腩~味道甜甜地燒得夠香!日式牛油炒蜆!熱烏冬~好味有驚喜!甜品有movenpick或者haagen dazs 雪糕，正！

平時去食放題，魚生刺身壽司一定食過晒，今次食放題食到好似食buffet 咁樣，都幾開心。好，黎到坐底睇下有咩好食先。岀去行一圈，都有好多熟食炸物，最驚喜係有爆谷機，好香爆谷味。爆谷好甜好脆，仲有葡撻呀。刺身夠新鮮，大蝦又甜又大隻，壽司唔會太大粒，一口啱啱食晒。呢度既燒菠蘿係我食過最好食，咬落係熱架，表面燒到香香地，正！仲有各式炸物同沙律。呢度有黑糖薑茶同Apple Cider 喎！岀面除左有軟雪糕，仲會按人頭送一杯牌子雪糕。

好耐無食放題啦 今次同男朋友黎左銅鑼灣滿屋企 平日黎講都算幾多人一入到就有個自助區有得任食頭盤 仲有得食蒲撻！但驚之後食唔落所以食左少少 就轉戰壽司同刺身啦 壽司黎講都算幾高質同幾多款式 最重要既係個壽司唔多飯！ 非常推薦呢到既拖羅蓉同海膽 都幾新鮮 咁既價錢食到咁既質素算唔錯！放題當然唔少得刺身 好少見放題有得食牡丹蝦 味道都尚算新鮮 而且帶子仲好大隻好肥美 整體刺身黎而且唔會話擺好耐好腥仲有值得一讚係呢到既串燒 唔會話擺到凉哂先拎黎 feel到都即燒既~ 五花腩同羊架燒得幾好！另外比目魚都係無既top list 魚肉好滑嫰 好juicy