滿屋日本料理 (已結業)

之前上黎依度見到依間滿屋日本料理都有好多好評，所以今次就上嚟試吓。呢個地方都算幾大，坐落都幾鬆動，而且有好多款式嘅食物可以選擇，有火炙壽司，卷物，刺身，串燒，炸物，天婦羅等等。我哋點完第一輪就出咗去自助吧就睇吓有咩食，自助吧都好多嘢食揀有，唔少熟食，都有冷盤，好似蝦同埋青口。刺身全部都好新鮮，特別係甜蝦同埋帶子，帶子好肥美原隻上，甜蝦勁鮮甜。我地叫咗好多款唔同嘅壽司，其個忌廉芝士鰻魚玉子忌好特別好好味，我最鍾意嘅就係呢個鵝肝帶子壽司，粒帶子仲大過舊飯🤣🤣🤣海膽手卷都好好食，細細件，一啖一件唔會好滯。火灸和牛壽司都係必食！佢依度嘅天婦羅都做得好出色，新鮮炸好，炸粉唔會好厚身。最後仲有店員推介嘅楊枝甘露，上面再加雪糕㗎