滷友記 (加路連山道) (已結業)

朋友知我鍾意食肉燥，大力介紹呢間滷友記俾我。Bookmark咗都一段時間，今日終於試到，仲拉埋同為肉燥迷嘅家姐一齊食😋講到台灣嘢點少得炸雞扒，台式酥炸雞扒飯炸衣唔會好厚粉，薄薄一層唔扎口，肉質嫩滑又鬆化，肉汁豐富。將滿佈肥而不膩豬肉碎嘅滷肉汁澆淋喺軟糯嘅白飯上面，係令人難以忘懷嘅美味🤤家姐嗰碗糖心蛋肉燥飯都好正，肉燥軟爛且帶有豐富醬油香氣。加咗糖心蛋感覺清新啲，令肉燥食落輕盈啲👍🏻椒鹽炸貢丸真係第一次食🙈炸燒賣炸魚蛋就食得多。粒粒貢丸都沾滿椒鹽，好有大排檔風味！白灼秋葵翠綠冇變色，清爽脆嫩😋鹹香提鮮嘅滷汁係靈魂所在！