源記甜品專家 (已結業)

買海味最後一站，媽媽話請食糖水，於是去左正街間源記。去到呢間店，好懷舊FEEL。話曬百幾年字號WO。媽媽叫左蓮子綠豆沙，因為佢最鍾意食綠豆沙。爸爸叫左蓮子杏仁露，我就叫左蓮子合桃露。本來我想叫蓮子雞蛋合桃露，但實在好飽，所以諗住唔好食到咁HEAVY。落左ORDER時候先知三個都蓮子XXX，真係心靈相通。糖水一黎，OK熱啦，要層佢熱快D食，食落好香合桃味，仲有好多蓮子，好好味。食完就搭BUS返屋企啦以合桃露作為今次旅程的完結。今次好開心，重拾舊日的回憶，我好期待有下一次

是日在上環購物，順便一嚐此馳名甜品店。甜品專家，店內雖然沒有特別裝修，但環境清潔衞生。價錢公道香滑芝麻糊(15元)：芝麻味香，糊也夠滑，要是味道濃稠一點，就更完美。全蛋雞蛋糕(6元)：蛋糕蛋味不濃，糕身不但不夠鬆軟，還很乾和實，談不上好吃。桑寄蓮子雞蛋茶(22元)：這碗甜品其實很不錯，算是誠意之作。但本人口味也許偏濃一點，覺得桑寄生味稍淡，再濃一點點茶味，會更甘醇，甜度也稍不足，蓮子夠腍身，但不夠鬆化，而雞蛋就很合胃口，蛋浸得夠時間，蛋隻好入味蛋白食落爽口彈牙，蛋黃又甘香可口，好好食。

小時候媽媽會帶我來「源記」食糖水，說這裡的用料足、又好味。以前並不為意，可能現在較少吃到傳統的中式甜品，尤其嘗試其他糖水店的桑寄生蓮子蛋茶，也找不到像「源記」的水準，它的確是一經典。今天特地介紹男友來，喜歡杏仁露的他亦讚好。我們實在太為食，每人再叫多了兩碗糖水。店員叔叔有點驚訝，他問是否外帶，我笑說是堂食。桑寄生蓮子蛋茶：具藥用的糖水很清甜，蓮子新鮮。加雞蛋豐富了口感。 蓮子杏仁露：唔太好杏仁露的我都覺得好清熱燉蛋：很重蛋味，又滑。我食到有少少薑味，好香。芝麻糊：夠濃，夠香。唯一美中不足：清蛋糕不知是否不夠熱、放久了，有點乾，有點失色。

呢間經典甜品店,我地專登由銅鑼灣食完dinner搭車入去食. 入面真係人頭湧湧的,三個人就坐一個最窄gor個卡位叫左紅豆沙同桑寄生蓮子蛋茶.講真,同即食糖水,酒樓糖水完全無得比. 最緊要--佢係熱住上的紅豆沙係煲得好入味,豆味好濃,甜得好自然. 而且起左沙的它的texture亦俾一般好好多.桑寄生蓮子蛋茶,都唔使講,招牌菜. 非常濃味而且煲到水咁清,仲要一d都唔苦. 蓮子係非常爽的和甜的.而家去左芯就好好多蛋煲到好似茶葉蛋咁入晒味,少少老但唔會太老,仲係滑滑的.只可以說,咁用心,咁出色的糖水鋪真係買少見少

坤記之後，我例必去源記嘆糖水。佢既桑寄生蓮子蛋茶真係好好飲，細心留意原來對孕婦仲有好處的，有安胎防流感功效，哈哈。先叫了一碗桑寄生蓮子蛋茶，一碗桑寄生蛋茶，因為蓮子真係幾多，一碗有蓮子再分兩碗就可以了。桑寄生茶雖黑，帶點點藥材味，應該就是桑寄生味吧，帶丁點兒苦，甜度適中，甜甜地仲好好味。有無留意到佢唔叫糖水叫做茶？的確係似茶多過似糖水的。蓮子鬆化已去芯，但又不會散開，粒粒飽滿，也是好貨色。蛋，是另一主角，食左咁多次，都未清楚係點整出黎。似茶葉蛋又似滷蛋，實心的蛋黃蛋白，蛋白已經醃到黑色。蛋白入味，蛋黃都入晒味，還好像帶點點煙燻味？到底係滷蛋？茶葉蛋？還是燻蛋？有一點可以肯定的，就係好味！不夠喉，再encore一碗桑寄生蛋茶，熱ｄ更加好味。計埋未出世的囡囡，三個人食三碗，岩數。撞岩阿叔正在切雞蛋糕，八點幾都仲切緊，睇黎夜晚仲有好多人會黎食。埋單三碗糖水只係$60，全晚連坤記的駛費都不過$200。誰說聖誕一定要食聖誕大餐才開心的？

今次係令我有衝動寫食評既一次~~~之前食坤記既煲仔飯食到好飽，起初仲諗唔食蛋，但見openrice 人人都讚，所以都係叫左。桑寄生蓮子蛋茶黎到啦~~淨飲茶冇咩特別啫，到個蛋啦!!!!!嘩~~超開心，我同朋友都不停大讚好食。個蛋超入味，超似茶葉蛋，但個味道又唔同，真係令人想返去左食。

今天專登嚟這間出名的糖水舖食下午茶。蓮子紅豆沙：不太甜，起沙，蓮子超鬆化，正！桑寄生蛋茶：很清甜，沒有太大藥材味，雞蛋富有卥水味，掂！燉雞蛋：勁香雞蛋味，冇其他著名甜品店那樣一味死甜，好得！雞蛋糕：好香雞蛋味，如果蒸熱佢，應該會仲好食。外賣：食完雞蛋糕想再encore，於是外賣一件，留番明天做早餐。回家後打開紙袋一看，驚見那件雞蛋糕很細件，只有頭先堂食的三分之一。嘩！極度失望！真有點兒那個...所以，食物要俾「笑」，但服務要俾「哭」。

平常來西環的機會不多,這天趁美味煲仔飯局過後,順道來拜訪一下這家中式糖水店.對中式糖水的興趣也比西式甜點大,似乎口味愈來愈阿伯…...頗難作缺擇的ニ選一.雞蛋糕----有很清的雞蛋味但質感結實,放一小件入口中會瞬間抽乾口內水份!這才是真正的海綿蛋糕(不是指軟綿度而是指吸水能力!)桑寄生蓮子茶----只有舊式一點的糖水店有售,但做得合口味的不多.通常也是甜味太重及桑寄生的味道不足.這裡的甜度適中,喝後有一點甘的味道.蓮子----已甚少機會吃得到這質素的蓮子.有些店舖甚至還用上罐頭貨!這裡的芯去得乾淨不帶苦味,吃起來非常鬆化!煮糖水不需高超厨藝,只要原材料質量好加上肯花心機耐性,簡簡單單已足教讓人一再回味.

已有十多年冇來呢度喇 ~ 今晚晏左收工, 又係附近, 都想整番碗合桃糊食下, 於是就行左大約 20 分鐘來源記食喇 ~源記不嬲都無咩花巧, 我和朋友叫左合桃糊加蓮子, 海帶綠豆沙, 見海報介紹一種雞蛋糕, 好似好軟綿綿, 都叫來試下啦 ~合桃糊加蓮子味道不錯 , 但綠豆沙就麻麻地, 煲到真係冇晒料 , 雞蛋糕是幾彈, 不過又不是很好食, 十年來一次就差不多啦

我現在忍住肚痛.想嘔的感覺做食評.所以我呢幾個食評比較簡短...環境當然有種時光倒流的感覺.不過好乾淨.地下全無垃圾.一塵不染.而店員全是上左年纪的伯伯.態度只是大聲的.無問題...仲有的好笑.開口埋口叫我亞姐.我不敢當點的食物雞蛋榚6元...紅豆沙15元....雞蛋榚6元有一種中式馬拉榚的影子..好得意呢個榚的感覺按下去好有彈力.感覺唔算鬆軟.味道香雞蛋味..紅豆沙15元去完呢間店我知沙的意思..係完全見唔到紅豆.個紅豆係溶入左糖水..意思係什麼材料都見唔到的...只是紅豆水.味道不會太甜,要煲到咁的紅豆沙係咪好難..我都係第一次食到咁正宗的紅豆沙.....到今天我都係鍾意食懷舊食物..人的特性..有機會失去.才懂珍惜

到源記多數是食糊,特別是杏仁糊,蓮子是必加的。另桑寄生茶也不錯的。是日要一碗桑寄生茶加蓮子加蛋。桑寄生是一貫的水準, 非常順口, 好似即時精神咗; 蓮子鬆化。最令人歡喜是蛋, 桑寄生入味至蛋心, 整個蛋白是茶色的;雖然入味, 但蛋白不是韌或實的; 蛋黃甘香鬆軟。蛋是用上好貨式, 煮蛋、滷蛋的工夫了得, 相得益彰!桑寄生和蛋, 雙贏主角。(老闆是十分cool 冷冷的, 但做得很出色的中式甜品, 比你繼續cool 吧)

喺森美食完飯，有同事話附近正街有間賣甜品嘅店子，啲甜品好味，佢又知小妹鍾意食甜品，於是帶小妹同其他人去試。去到店子，個鋪都幾懷舊，窗櫥擺咗出名的雞蛋糕，好吸引。入去店內望望餐牌，有紅 / 綠豆沙，桑寄生茶，杏仁 / 合桃露等，小妹都係揀咗焞蛋，再加個雞蛋糕。返到公司先食個焞蛋，因為仲熱喎。都有少少蛋味，幾滑，幾甜，不過得番半碗咋，感覺唔係咁好，不如用細碗上仲好過；雞蛋糕留番下午茶先食，個雞蛋糕都鬆軟，不過無蛋味，就真係失望啲啦！袋面寫著「出名雞蛋糕」，出名無味??

坊間的甜點店好像越開越多，記得小時候，每次父親大人說要到街外吃糖水時，母親大人都會喝止並說：糖水店的利錢最大！幾塊錢便可以弄一大鍋出來！看到現在甜點店開到遍地開花，算不算是印證了母親大人的話呢！可以肯定的是，雖然甜點店越開越多，快要多到像7仔的「緊有一間係左近」，但認真同時秉承傳統在做中式傳統甜點的卻好像越來越少。要吃綿綿冰、心太軟不難，想吃一碗有水準的紅豆沙，或是腐竹雞蛋糖水，找來找去，還是口袋中的那幾家老店。西打不想像老伯伯一樣又破口大罵，但如果demand-driven supply的話，那麼，懂得保育，懂得為桿為天星碼頭，他們同時懂得欣賞傳統糖水嗎，會大力推崇嗎？還是像某某冰室一樣，到了倒閉結業的幾天才一窩峰的拿著DSLR去拍照，才說怎樣好吃，多讓人懷念的味道。與其這樣，找天跟朋友吃完飯，提議去吃碗充滿著古早味和回憶的糖水吧！ 吃完坤記，便向朋友提議在桂香街隔鄰的一條街就有一家中式傳統甜點百年老店，兩位女生在坤記都飽到撐著走，但聽到是中式傳統老店，異口同聲說很想吃！剛好U字形的從坤記走到源記，看到那個門口就知道店家不嬌柔造作，賣的是傳統口味。源記賣的都是傳統糖水，像紅豆沙、綠豆

還記得小時候讀過一篇由吳靄儀撰寫的名叫西環的文章,當中好像介紹了源記甜品專家,現在才有機會一試. 雞蛋芝麻糊 不知道是否因為天雨的關係,餐廳內只有兩台好像是西環街坊的食客.我叫了一碗雞蛋芝麻糊 雞蛋芝麻糊好濃,亦有好香的芝麻味 雞蛋的原隻剝了殼的雞蛋,有好香的雞蛋味 裝修雖然好簡單,但好有懷舊feel,亦好乾淨

作為西區人,無可避免地這是一間我由細食到大既糖水鋪~如今已沒有了門外泊滿了勞司萊斯賓士寶馬還有抹車大叔看住有冇差佬為賺十圓八塊的大場面...似是風光不再,但卻仍然門庭若市~踼拖街坊還是蒲完鬼佬彼目皆是!坐低,還是老樣子,雞蛋糕加燉蛋!雞蛋糕有的是濃郁蛋味,但質感卻有點粗糙...燉蛋則蛋味不足且略甜,但滑溜十足!明顯叫這兩款都是因兒時回憶~小時候不是總愛吃蛋嗎?!但回憶中的燉蛋卻永遠只有我媽未必次次成功那一碗!