源記甜品專家 (已結業)

久聞源記大名，可惜每次經過也欠缺機會一試，這天終於可以一試了！店內充滿傳統食市的裝修，懷舊的氣氛，落單不用紙筆，只憑記憶，感覺好像坐了時光機回到爸爸媽媽小時候的年代！食客大部份也是點桑寄生蓮子雞蛋茶，有些是雙蛋，於是二話不說便點了個桑寄生蓮子蛋茶，試試是否名符其實~ 只數分鐘侍應便奉上熱騰騰的桑寄生蓮子蛋茶，先喝一口，沒甚麼特別，但感覺頗清新的，甜度也合我的口味，很適中；再看看裡面的蓮子，份量很多啊！ 急不及待試試，很林，並且有很清的甜味，或許用冰糖先煮過吧﹖最後試雞蛋，這個是最精彩最驚喜的喔！雞蛋質感很好，不會太老，但卻很入味！難怪有人要雙蛋了！雖然每碗HK$25來說實在有點貴，但得到的滿足感足夠彌補這個問題喔！

食完煲仔飯，經過呢間甜品鋪咪入去試吓啦!入到去有少少入左時光隧道的感覺，裝潢簡單，有少少電視劇"季節"既感覺。佢地選擇雖然不多，但勝在夠傳統我就要左合桃糊，好香好滑，聞都聞到係真材實料，而且我鍾意佢地既糊唔會太杰，食完唔會有漿住漿住的感覺朋友既燉蛋好重蛋味，而且好滑，但唔會好似有啲食店咁彈下彈下另外杏仁露同合桃糊一樣濃郁芳香，朋友要加蛋，但我唔係太鍾意佢地係加生蛋，不過算啦，都係自家製先可以食到糖心蛋最後有芝麻糊加湯圓，芝麻糊香滑，但湯圓味道就一般，冇煙煙un un 既口感

每一晚去到都是坐無虛席，每一次的甜道都是恰到好處，每一粒蓮子都是入口鬆化即溶，每一分的蛋都滲入了桑寄生的味道。好味的甜品不一定需要搞企業化，連鎖化，標準化。堅持傳統，用心去做。每一次都好得。

今天去了歷史悠久的源記甜品試食, 時間為下午6點半多, 店裡沒有太多客, 可以隨意選位坐, 我們點了芝麻糊及杏仁露吃芝麻糊 - 試食後感覺芝麻糊不太甜, 很香濃的芝麻味, 芝麻糊不會太稀亦太結, 一點沒有吃芝麻粉的感覺杏仁露 - 味道濃郁芳香又滑, 因為石磨的關係, 所以每一口都會吃到有杏仁粒, 果然是真材實料。

想帶女友食一下中式糖水, 結果師傅重手,都過甜每次我來源記都點這桑寄生蓮子蛋茶,今次也不例外桑寄生味淡, 過甜, 蓮子煮得非常鬆化, 去了芯, 很好蛋,好吃,滷到很入味就過甜了一點,希望下次改善

之前在這兒試過「桑寄生蓮子蛋茶」，十分好吃，今次來試試「蓮子紅豆沙」。蓮子跟以往一樣這麼香甜鬆化，紅豆沙的豆量適中，不會太多，也不會水汪汪，豆味香濃，不會一味死甜，起沙的質感也十分好，吃的時候令人有一種幸福的感覺。我常常覺得，一間糖水店如果連最簡單的紅豆沙也做得出色，其他的甜品的水準一定也不錯，這間店舖便是一個好例子了。另一款食物我在這兒必定會購買的是雞蛋糕，只要回家隔水蒸一蒸，雞蛋味便會走出來，香滑鬆軟，一試難忘！下次會試試其他糖水！

臨近年尾，心情特別興奮，一來年尾出雙糧，二來新春又有花紅，連續兩個月為乾涸的荷包進賬。提起新年，便想起去辦年貨，記得小時候常常被爸媽拉去陪他們辦年貨，因為家住港島區的關係，通常都是到西環的 『鹹魚欄』買些冬菇，買些髮菜，買些蠔豉等。偶爾想起，真的慶幸自己生於八十年代，那個年代電腦還沒普及，沒有互聯網，沒有PS3，沒有手機，最大娛樂就是跟爸媽四圍去，到大圍火車站附近的單車場踩單車，到兵頭花園遊逛等，總覺得這樣使一家人的關係更緊密。扯得有點遠，說回辦年貨，跟爸媽辦年貨後，我一定嚷着要到附近的源記吃個糖水。記得小時候最愛吃源記的燉蛋，但一次跟桑寄生的偶遇，從此便對它一心一意。位置很好找，就在西環的正街，走進店內，裝潢平實，萬壽無彊瓷碗，中空的碗托，老派中式糖水鋪格局。是次點了桑寄生蓮子蛋茶，杏仁露加蛋及雞蛋糕。總覺得別處的桑寄生茶味道跟源記的差了一截，源記做的味道清甜幽香卻不帶苦澀，去芯蓮子鬆化，桑寄生蛋煮得連裏頭也入味。小時候對杏仁露極為抗拒，總覺得味道跟消炎藥水一模一樣，但人大了口味也變了，現在對杏仁露完全沒有任何成見。源記做的杏仁露味道濃郁芳香，十分滑順，但不是滑順如絲，因為石磨的關係

吃飯的時候突然想起附近有我愛去的源記, 你也跟我一起去吃了 *v*跟你吃你生日前最後的甜雞蛋糕質地很實的雞蛋糕, 絕對不是鬆軟的那種蛋香蠻濃的, 很有古早味蛋糕的味道, 但喜歡鬆軟蛋糕的我們就沒有喜歡吃源記的蛋糕窩蛋杏仁霜杏仁霜的味道討好, 沒有我很怕的那種藥水味入口滑順, 加了生雞蛋令這杏霜質感更順口, 杏霜混有生雞蛋的味道不錯吃 桑寄生蓮子蛋茶我到源記一定會吃桑寄生蛋茶, 每次也只會選這個製過的桑寄生草香味配以糖水一起煲製, 喝起來非常清甜幽香那種味道是我在外面喝過的桑寄生喝不到的, 這裡的桑寄生特別香特別濃我喜歡吃蓮蓉, 但不太愛吃蓮子這裡的蓮子做得非常鬆化, 而且亦去了芯, 一粒粒飽滿的蓮子跟桑寄生茶一起吃很有蓮子的味道, 到這裡有時候也會多點蓮子的蛋茶這裡的桑寄生蛋超級好吃! 蛋白蛋黃都被桑寄生茶滷到很透很黑桑寄生的味道滲透了整顆蛋, 最愛吃他們的蛋黃是全熟的但是質感軟綿不會太粉太乾身每次吃完源記都會很滿足地離開, 如果要吃桑寄生的話一定會到源記

今晚飽飽地, 不過女仔食甜品總係有第二個胃,好耐無去過源記, 好掛住佢d蓮子朋友叫咗個桑寄生蓮子茶, 我就要蓮子杏仁露佢地d蓮子仲係咁大粒咁鬆化,杏仁露好滑好香又唔太甜. 在秋風起的時節, 個咀仔成日爆察. 飲完即刻潤晒.好幸福的感覺. 好多人都知源記糖水正.我仲幾欣賞佢地的碗碟, 好懷舊.最特別係隻碟, 中空剛好放入碗腳, 唔怕滑到倒瀉.當年設計呢款盛器的人真細心.d招呼仲係好親切, 見我地被風扇吹住, 唔洗開聲已經自動熄咗.俾錢時忍唔住讚佢地有水準. 老闆笑答:梗係有水準啦, 點同依家d後生求其就算! 我地真材實料睇得到,唔肥仙子絕對認同.

家住西區良久，同區很出名的源記甜品專家卻不是吃過很多次．尤以小時候曾經吃雞蛋糕吃到發燒，所以對這間古舊的甜品舖，始終有著陰影．過其門而不入，我想也有好幾十，甚至好幾百次．但，有時聽別人講源記講得多了，也會心癢癢，想再去吃吃看．源記最出名的桑寄生連子茶，我也從未吃過；所以又時候也會有意無意，在家人面前提起想吃源記的念頭，但一直未有成事． 那天，放學回家．在玄關放下沉重的袋子，疲倦的身體終於可以伸展伸展．聞到廚房好香，步進一看，發現四過外賣碗．－是源記的糖水，還是剛剛買回來的，還在發溫．－奇怪為甚麼突然那麼有興致吃糖水，我們不是沒有吃甜的習慣的嗎？你笑說，你不是想吃源記的桑寄生蓮子茶麼？我記得你講過． －漫不經心的一句話，對自己只是一句胡言，但在聽在重視你的家人耳裡，卻是非常非常重要的一句話．那句說話，就連你都忘記了，他們卻牢牢記住． 吃完晚飯，終於是吃糖水的時間．將它們仔細翻熱，為的是不浪費特意買來的糖水；那漆黑的桑寄生連子茶，散發著淡淡幽香，平時也許回覺得很奇怪，但今天感覺卻一定是甜甜的．輕嘗一口，味道沒想像中的濃郁，也未如傳說中那般苦澀，而是帶種山草藥的草香味，感覺像藥材，但沒那般苦

每次過海，食完飯，都會走去西營盤源記，食碗芝麻糊雖然未稱得上百年歷史，但源記亦係過半百嘅老字號，可惜至今都只係得西營盤一間舖，別無分店，我哋住係九龍、新界的，只好專程過海幫襯其實，源記最出名的，必定係桑寄生茶同糊狀甜品，但我對桑寄生茶沒多大興趣，所以我必選芝麻糊；當你食過源記嘅”糊”，我斗膽話，你一定對其他糖水舖嘅”糊”冇興趣 (唯一令我心動嘅，就只有皇仁舊生會梁師傅做嘅合桃露)；原因好簡單，只不過係心機同功夫嘅問題，只要係用心磨出來嘅”糊”，必實佳品，但試問現今仲有幾多間糖水舖會每日都親力親為咁做呢？源記嘅糖水，可以話十年如一日，賣嘅都係嗰幾款傳統糖水，並沒有隨波逐流，加入其他花款，一份值得尊敬嘅堅持，亦都係因為呢份堅持，佢哋嘅水準亦都一直保持，非常難得芝麻糊，唔會太熱，對我來說，溫度啱啱好，唔需攤涼；甜度亦剛剛好，不會過甜，唔會有”甜到漏”嘅感覺；未食，已經聞到芝麻嘅香味，入口，係真真正正嘅芝麻香味，並唔係一般開粉嘅味道；最重要係夠滑，一啖入口，就自動滑到喉嚨，非常順滑嘅感覺；而且完全冇一粒粒，亦冇一舊舊，真係好滑；稀杰程度適中，唔會杰撻撻、一舊舊，亦唔會稀到好似水咁；我覺得係全香

我經常都會去西環探人既!每次我去探人都一定會買糖水上佢屋企食!而好多親戚都鐘意食嫁...就算唔係去親戚屋企食...都會外賣番屋企既~但我就住係九龍城區...最驚就係糖水凍左唔好食!不過事實正明左...車程可長達半個鐘,番到屋企都仲係熱至暖之間既!我多數去源記都係叫桑寄生蓮子茶好多人都唔知桑寄生係咩黎~見到黑色既...好多人都會諗起中葯/苦茶! 覺得佢唔好味!但你食過桑寄生蓮子茶 d個糖水之後,你會愛上佢!入口甜甜的! 蓮子又粉...下次去西環時記得入黎食個糖水~潤一潤啦!

好久沒吃過那麼滑的杏仁露了生磨杏仁，杏仁味好香仲有幼滑杏仁渣，甜度適中，加上蓮子 正!桑寄生茶依舊甘香入味既桑寄生蛋其他地方吃不到!!!雞蛋糕好有古早味正!不愧是老字號!!!

老公唔鍾意食中式糖水但佢話細細個阿爸已經帶佢黎食事隔多年佢再黎食糖水，雖然唔記得果時既味道，但依然好記得呢間鋪既懷舊格局桑寄生茶，夠火喉，清甜甘香，煞是滋陰杏仁露，應該有下杏仁油的，同時亦嚐到生磨的天然杏仁味，杏仁味調得剛好其糊幼滑之餘能嚼出極其幼細的杏仁渣，甜度稍淡，較適合老人家加上煲得淋滑的粒粒蓮子，可嚐出杏仁那朕清香

其實一早都想寫吓源記，因為對上一次食已經係大半年前嘅事，係一位老朋友介紹，近排又心血來潮，之前嗰餐食完未夠皮，就同多兩個 friends 一齊去食，今次余就要咗個雞蛋糕同杏仁露。去去片先。其實上次食雞蛋糕都唔記得幾多年前喇，好唔好食一件事啦，不過呢度比余搵返當年細細個時食嘅味道同感覺，食落都幾香幾鬆化，有點乾同埋都真係幾甜吓，不過呢個正正係以前細個食雞蛋糕嗰份感覺，都好有回味嘅價值。至於杏仁露，呢個就堅係好味！余身邊有啲人係好怕杏仁露，覺得「好似有陣西藥味」，不過呢度嘅杏仁露絕對無呢個問題，呢個杏仁露質感稀稠適中，口感都幾滑，飲得出有一粒粒好幼細嘅杏仁粒，味道少少甜，清清哋咁唔會膩。令余嘅朋友感到有趣嘅除咗係呢度嘅懷舊環境同埋堅守傳統口味、傳統 menu 之外，就連食具都好有味道：呢隻「萬壽無彊」碗都夠哂老氣橫秋喇啩？XD