源記甜品專家 (已結業)

聞說這裡有全港最好味的桑寄生茶，除左呢樣，仲有另一鎮店之寶蛋白杏仁露。咁就兩樣都試哂。店內仍然保持老香港的舊式店鋪的味道，西環果然好保存到香港的舊風味。價錢都係三四十蚊碗，但記得嗌埋蓮子，因為有大量蓮子，同埋質地好粉。桑寄生雙蛋茶蓮子（$38）幾有中藥味，但又唔太苦，聽講桑寄生對身體好有益，尤其對女性養生更有益。蓮子杏仁露（$36）呢到的杏仁露唔太甜，質地不會太稀。實在推介蓮子，入口即融。服務態度都係直話直說咁，如果放輕聲調多少少就更好。同埋上菜超快，應該一分鐘內就兩碗黎齊。其實份量唔算好多，隻碗好細。