源峰 (已結業)

以前每次入沙田，都是為了食乳鴿；但凡事總有例外，就像今天。差不多一年沒有到過沙田，原來在石門站附件開了一間酒店，還附設一間高級日本料理；究竟沙田的高級日本菜質素如何？就趁今日一探究竟，事關下一次可能不會再訪石門或沙田第一城。源峰位於酒店最高層，推門入去就有一間小酒吧。再往內走就是面積偌大的用餐區，既有壽司吧兼開放式廚房，也有一排靠向落地玻璃幕牆的小餐枱，空間感非常充足、樓底又高。只可惜因為疫情關係，壽司吧與客人之間設了一道臨時透明屏障，失去了席前烹調、廚師發辦的真享受。再往內走就是左右兩排小包廂。今日客人並不太多，獲安排坐在靠窗、望向城門河的小包廂。午市餐牌有多款定食選擇；始終位於沙田區的較偏遠地帶，索價不能太高，較銅鑼灣尖沙咀等地區同級日本食肆便宜一點。既然壽司12貫也要$580，索性揀特選壽司廚師發辦（$650）。小女兒特別愛吃烏冬，點了壽司5貫、蝦野菜天婦羅稻庭烏冬御膳（$290）。以日式料理的組合式定食來講，居然也選用了中とろ、鯛、深海池魚、鯖及熟花蝦等相當高級的食材，實在難得。天婦羅份量也不少，兩隻大蝦配上茄子、南瓜、番薯及蘆筍。脆衣薄身、鬆化，清淡香口而不油膩，做到了優質天

位於新開一年左右嘅沙田帝逸酒店頂層係一間日本菜餐廳，中午及夜晚menu各有千秋，由omakase到爐端燒都均有供應，聞說佢哋各有一位負責壽司及一位負責爐端燒嘅日本師傅坐陣👨🏻‍🍳 今次omakase體驗無論由食材水準到服務質素都無可挑剔，師傅每次上菜都詳細介紹設計意念及食物來源，又為客人不斷添茶，整體進食體驗都一等一舒服及享受💕========================源峰特色壽司配時令菜晚餐Chef’s Special Sushi & Seasonal Dish Course $1280▫️三文魚子菊茶野菌沙律以細細粒三文魚子混入清新微涼嘅野菌中，以茶潰方法將菊茶浸以沙律相當開胃▪️深海池魚薄切刺身 + 慢煮鮑魚刺身，拖羅伴蛋黃汁深水池魚較淡身，點上醬油更帶鮮味; 鮑魚以慢煮方法煮至相當爽口完全無絲毫韌感入口即化；推介將面層花片加上拖罹一齊食 ，廚師自煮蛋黃醬 內有乾坤！原來因蛋黃比例更高嘅關係蛋汁比平時更杰身更濃郁，鮑魚同埋拖羅令人好回味啊😭▫️5款壽司 (牡丹蝦壽司、帶子壽司、火炙黑睦魚壽司、真鯛魚壽司、鰤魚壽司)⠀第一盤五件壽司較幾道菜之後嘅第二盤壽司清淡，主要由各款刺身簡

12:30打電話去餐廳約1:30午餐仲有位，就黎食了上月尾食自助餐join 左Alva Club, 有千二蚊劵就今日黎食個lunch安排的空間，好舒服每人一杯日本茶🍵仲會成日黎添斟👍🏻海膽、吞拿魚腩蓉、三文魚子丼海膽新鮮👍🏻勁讚茶碗蒸都用心的👍🏻好食寿司5貫と天婦羅稻庭うどん御膳手握寿司🍣好正呀🤤天婦羅炸得好乾身😋😋唔油膩其中有條係大豆芽🤣🤣🤣好正地估你唔到烏冬個湯好清但都好入味南瓜🎃甜品每人一杯餐茶未達酒店level之熱咖啡配凍奶餐托都有污漬要改善改善

女朋友生日住在附近，就啱送完小朋友返學等接放學，我們選擇了石門的這家新酒店。從來都不知道有這個地方，酒店的大堂很chic ，感覺還不錯。28樓是日本餐廳🍴今天兩大一小只好坐table 但風景的確不錯對這區的日本菜完全沒有期望反而覺得還不錯中午omakase 12件壽司餐$580@ 魚生飯$350 未至於物超所值但是用了還幾新鮮服務可以景觀一流住在附近的話也是一個好的聚腳點。特別海膽幾新鮮刺身當然不能和一線的比較啦但還算合格

再一次來到源峰, 品嚐其高質日本菜. 點了一款熱食和一款凍食, 熱食是銀鱈魚西京燒, 這道菜在香港的Ceiling應該是Nobu, 它的焦香和醬香之濃, 以及魚肉的油香是這道菜成為其Signature Dish的原因. 源峰版本的魚皮燒出的焦香味不比前者遜色, 魚肉一咬油香撲鼻, 口感嫩滑, 而醬香 就是白味噌醬, 則較前者內斂, 對我來說已是高質的一道主菜. 刺身我們點的不是最貴的一種, 但每種都是鮮味十足, 特別欣賞其銀鱈魚魚刺身, 輕輕的炙燒帶出其油香, 肉質依然十分鮮嫩, 其原味和銀鱈魚西京燒相映成趣. 食物質素依然令我滿意, 只是待應上菜速度有點跟不上廚師烹調的速度, 坐在Bar枱上, 見到處理好的菜式待在那裡一段時間, 待涼下來, 特別是熱食就顯得有點失色了.

源峰 位於帝逸酒店頂層餐廳由日本廚師主理 坐擁著城門河和沙田石門的夜景 餐廳設有間隔的房間 很有自己的私人空間 是與朋友靜靜談天的好地方店員很有禮貌 經常主動添水 不時經過看看有冇特別需要 每次上菜職員都詳盡講解每一道菜式和進食的先後之序 ▪️Omakase $1280🥢三文魚子菊茶野菌沙律🥢深海池魚薄切 🥢慢煮鮑魚刺身🥢拖羅伴蛋黃汁🥢5款時令壽司 (牡丹蝦壽司 右口魚上身壽司 鰹魚壽司 金目鯛壽司 油甘魚壽司)🥢燒太刀魚 + 青瓜漬物 + 酒漬楊梅🥢和牛海膽壽司 🥢白蝦海膽壽司🥢4款壽司 (中拖蘿壽司 赤身秘製醬汁漬壽司 海曼壽司 吞拿魚細卷）🥢蜆煮味噌湯🥢白酒蜜煮水蜜桃伴香檳啫喱⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀⠀實在太多道菜式 以下介紹幾款覺得很不錯的▪️拖羅伴蛋黃汁拖羅肥美無筋 魚味濃郁鮮甜 帶點入口即溶的感覺 旁邊還有脆身紫菜 爽口酸甜的黃蘿蔔 口感味道豐富之餘 更清新開胃▪️牡丹蝦壽司 牡丹蝦爽口 香甜有彈性米飯緊緻度剛好 不會過於鬆散或緊實▪️右口魚上身壽司右口魚經炙燒後 油香充斥口腔 入口即化▪️和牛海膽壽司和牛超一大片 油脂分佈平均 肉質軟嫩 濃濃牛香 滿滿肉汁 配上甘香的北海

之前生日提前book檯 環境唔錯，裝修日式簡單不失設計風格品味。是日坐bar檯，睇到日本師傅準備刺身壽司的過程，後面另一位師傅負責端爐燒，睇見個爐就知道冇揀錯地方。套餐包含的食物豐富，份量足。尤其每件壽司都食到師傅的工藝同創作，味道有變化有豐富。例如鯛魚壽司上面有日本柚子皮提香吊味，又有少少海鹽，加上壽司飯本來就有味，完全唔使點豉油好好味。最驚豔當然係富山縣白蝦壽司，上面topping係魚子醬，咸鮮後韻充足回味無窮，中間夾住白蝦，下面係誠意十足嘅北海道橙海膽，最後灑上金箔，一氣呵成！A4和牛肉眼燒配海膽壽司都好奢侈，好大一塊牛肉汁豐富油脂香四溢。仲有其他壽司水平不錯。最後是日甜品係日本白桃配香檳啫喱，解膩。Perfect Ending！唯一不足係D侍應好似好混亂，完全唔識介紹，又唔知上菜嘅食物係乜，一頭霧水，唔太專業。

午市入座率比想像中高，畢竟酒店位置唔算係好好。估唔到沙田區200～400嘅午餐平日都有咁多人。在場有日本師傅，可能我係午市最後一枱客，所以我叫嘅sushi set有3個師傅經手😆。定食有沙律，蒸蛋，甜品同餐茶。沙律好平凡，所以連相都無影🤣，我覺得可以精緻少少。蒸蛋有好少好少嘅苦味，甜品幾好食，應該無南瓜布甸？幾香蛋味。Sushi set擺得好靚，打卡一流，質素都同價錢相當。最值得一提係有位Chun師傅非常細心。我地討論個飯唔係白色，就同我地講呢度用赤醋。然後見我無食蝦嗰兩舊，問我係咪唔鍾意食。我話驚敏感，佢就幫我換過2舊魚類嘅。服務態度值得比👍shabu shabu set睇落都好好，入面有蒟蒻麵，實食得飽🤣。三百幾一個咁嘅lunch set我覺得係ok嘅。沙田區嘅日本菜嚟講算係非常好，可以一試。

品嚐完逸軒的創新點心後, 終於和女友來到同一家酒店的源峰. 在酒店28樓頂層, 環抱沙田景色下吃日本菜. 以餐廳景觀和定價來說, 是沙田最頂級的其中之一. 之前我沒有想過, 可以在沙田吃到Omakase呢!午餐選擇多元化, 除了Omakase外也有不同的套餐選擇, 從壽司到天婦羅再到鍋物, 靠的主要是兩位日本師父及其團隊的努力, 其中一位冨谷師父在之前也和SOKO拍過煮食片, 難怪如此有印象呢! 我點了天婦羅壽司烏冬Set, 天婦羅除了蝦和白身魚外, 還有茸菇, 外面香脆而沒有散開, 內裡口感保持嫩滑, 沒油膉味, 配上海鹽就是基本的原味. 壽司用料簡單但新鮮, 手工相當不錯, 特別是炙燒左口魚火喉的控制, 令其焦香和油香度豐富而不過膩; 以及熟蝦切邊捲着壽司飯, 令其變成卷物狀, 可見其心思.和牛也是這家餐廳的主要食材, 來自鹿兒島的A4級黑毛和牛, 無論是用來做壽喜燒, 還是直接炙燒也沒有問題, 當中以海膽和牛壽司最為邪惡. 和牛薄片輕輕炙燒的甘香牛油, 上面還有同樣甘香的北海道海膽, 是膽固醇的好朋友, 包起來吃, 從軟到實, 壽司飯吸收了前兩者的精華, 絶對可成為這餐廳的Sig

今日諗住去食米芝蓮既日本餐廳，結果真心期待之下，結果就覺得好普通首先全部廚師唔知咩原因用既刺身都係一早切，就算普通嘅日本餐廳都係現切刺身。所以刺身睇落嘅感覺好唔新鮮。總之呢間餐廳只會食一次。大家唔好特別期待

6月時到過源峰 Mizutani吃了一頓極豐盛又美味的Omakase，籍著今次跟車爸爸慶生選了到ALVA HOTEL BY ROYAL 帝逸酒店Staycation，當然揀包有源峰晚餐的package啦！位處酒店頂層28樓的源峰居高臨下氣勢磅礴挺有霸氣！再次見到這酒吧區位置那種華美感覺依舊吸引！這次我們被安座於吧檯可近距離欣賞師傅即席製作，大家請於心吧檯全部圍上透明隔板，而且乾淨得看相也難以察覺得到它存在！這天由Chun師傅為我們服務，見他一臉認真但想不到原來也十分鬼馬的。我們這夜品嚐的是Trial Stay Menu共有8道菜！驟眼看似食物好像不多怕車爸爸不夠吃！所以我沒有將和牛壽喜燒改掉，但最後我倆吃罷真的滿足到不行呢！頭盤是三文魚籽薯仔沙律！頭頂鋪滿了紅、黃色甜脆的椒片，下面是份量十足鹹鮮味濃脆卜卜的三文魚籽，配上口感滿滿的薯蓉一起品嚐有層次感得來亦十分美味！Chun師傅正細心的為我們第二道菜本日刺身三款擺盤！果然認真工作的男人是特別型仔的！本日刺身三款分别有深海池魚、黑睦和我喜歡的中拖羅，看刺身的色澤已知新鮮度十足，那我們不客氣起動了！先品嚐白身的深海池魚，吃下肉質細緻味道清甜

平日喺呢度食過 lunch 好多次，終於可以夜晚食飯，就嚟呢度試 Omakase，星期三都滿座，叫咗個 "峰源廚師壽司" chef recommended sushi course，每一個壽司都好新鮮，廚師將壽司送到你碟上都好細心解釋，用心設計及做得好靚，比得上港島區高級日本餐廳。見到有日本人幫襯，質素真係有番咁上下，亦有兩位廚師係日本人，同你傾吓計，客人飲吓酒，今日雖然滿座，但因為隔離，所以唔會好迫，坐得好舒服。壽司師傅話如果係正常運作就一定滿座。唔知呢度有冇鐵板，但又好似唔多覺，我諗我會再嚟食晚餐。二人前，簡單點餐飲咗兩杯梅酒，HK$2,300，差唔多12個壽司仲有前菜、手卷兩個、湯及甜品，放唔到喺呢度。呢個魚好香軟帶子象拔蚌蟹肉海膽杯吞拿魚鰻魚

疫症期間住在酒店不想四圍搵食適逢酒店二十八樓有間日本餐廳住客又有七折⋯玉子燒味道正常不過碟子襯托見心思十件普通壽司已經很新鮮很滿足食畢更想知道再高一等級的是怎樣雜錦魚生飯也很好吃這家的魚生甜兼鮮燒茄子配上薑蓉喜歡雞翼？不推薦至於牛舌是今餐自己最鍾意的最後豆腐布甸配紅豆蓉想像中的味道整體來說滿意另外沒有折扣的set lunch 價格吸引下次試

酒店所以餐廳下午茶三點至五點做75折，周日四點半去到有一兩枱客。服務員很有禮貌。餐廳在酒店頂層，景觀一流，環境很舒適，有日本司傅坐陣，午餐定食180元至400多不等，價錢不算貴。我點了關西牛腩定食，味道地道，有點淡。餐廳有些位置很有私隱度，亦有戶外座位，在此可以渡過一個休閒的下午。

常聽說沙田第一城附近是一個美食沙漠，幸而這個污名隨著帝逸酒店的落成而改變。內裡的餐廳普遍都走舒適，價錢實惠為主，就在一個風和日麗的日子，走到酒店位處最高樓層的源峰，是一間集合了壽司及爐端燒的日式餐廳，兩部份都是由日籍師傅主理。 雖說是風和日麗，但已時近太陽下山，夕陽時光特別美，就在這個美好的映照下開始了是晚的盛宴，由兩位主廚共同主理，先來點清新開胃的頭盤來打開序幕，主廚將甜如蜜的水果蕃茄及旬菜放進酸溜醒胃的酸醋啫喱內，清新開胃，令食慾大增。隨後送來一碟吞拿魚腩拼煮鮑魚，先嚐一口鮑魚，相當軟腍滑溜，邊位比切片更加軟腍，喜歡濃香一點的，有甘香的鮑魚肝，全都是惹人喜愛的；另外就是肥美得來又有魚香的中吞拿魚腩及濃味的赤身，兩者都鮮味十足，連同芥辣一起吃，一點油膩也不覺得。 再來一道初鰹，以草燒過表面，帶有隱約的煙燻香氣，配合酸汁來吃，別有一番風味；同樣地還有加入了酸汁的真蠔刺身，蠔身巨大，質爽鮮甜，十分美味。 吃過刺身後，第一盤壽司來了，這五貫壽司賣相不俗，先由紫菜魷魚開始，以充滿香濃的海水香來突顯了魷魚的鮮甜；接著是爽甜為主的赤貝，肉身肥厚鮮甜；再來就是占苗最喜愛的深海池魚了，結實