源峰 (已結業)

上星期係網上睇左一篇報導，沙田開了一間日式廚師發辦餐廳，係新開的ALVA酒店頂樓。沙田友當然要去試一下，早一星期左右訂位，職員指只有counter位，心唸咁好彩，一般日本餐廳counter位都比較搶手。用餐當天有職員電話再次確認預約，酒店位置比較偏僻，係沙田駕駛學院附近，但有免費shuttle bus來往沙田新城市。因為第一次來呢間餐廳，選擇中午黎，性格比較高，午餐set都係$500內，價錢還算正常。我點了12件壽司set，$320+10%服務費。本來以為坐counter位置，壽司會係一件一件咁上，但原來全部都係一碟上晒所有壽司，當時已覺得好似怪怪地。之後見到師傅開始整壽司，就覺得好伏 師傅係雪櫃拎左一兜已經猜好的飯，然後係上面放上魚生，心裡覺得好伏，好想即刻走人🥵 雖然部分的飯係即場猜，但飯都唔係用赤醋，魚生亦係一早切好晒，感覺不太新鮮，拎出黎直接放係飯既上面，未食已經覺得好失望。12件壽司一碟咁上晒，一望落去，覺得用料都幾dum本，有午餐set比較少見的赤貝，亦有大、中吞拿魚、海膽同三文魚子。但食第一件壽司，同我見到師傅整壽司的過程係一致既，超伏！！！飯的質地好濕，飯又無咩味道，可

穿過違和感既工廈區，上來呢間酒店28/F，別有一番安寧，旁邊石門邨，夜景乍看以為眺望港島東堤嘉亨灣旁。尤愛帶子，不論刺身，還是海鮮窩，都非常新鮮大隻，海鮮窩帶子有整個手掌大，忘了拍照。整晚另一驚喜係甜品，手工豆腐布甸配紅豆蓉，很滑不甜漏，$68很有誠意水準！餐廳都是請日本師傅，臨走時都很有禮貌每位向我地道別；餐廳另一端是近池旁的酒吧位置，下次再試。這裡的Sake wine list 款式貴精不貴多，穩陣「作、獺祭、伯樂星」都有，特別少少的有「黑耀、羽根屋」，品酒資料介紹寫得很清楚，價錢在酒店而言很恰宜，基本上門外漢也能選到心頭好。

沙田型格新酒店 Alva Hotel by Royal，孤陋寡聞既筆者係首次前去，幸好地方不難找，從第一城站出，跟著谷哥大神地圖指示，七分鐘左右便到達。日本餐廳源峰Mizutani位於酒店頂樓，居高臨下加上時尚裝潢，一進去已經覺得吸引。餐廳兩端更設有酒吧區，朋友未到之前，可以先飲番杯。食日本菜有度好，可以懶得就懶，由師傅發辦，只要說出有什麼東西不吃就是。朋友生日咁高興，陪大家飲少少吧，選好了別緻的清酒杯，喝上店家自家品牌的Sake。偏甜的味道，容易入口。前菜端上，賣相令我想起荷塘月色，或者係我此刻心情沉鬱。蕃茄、水茄子、蒪菜以及白粟米，混入酸香醒胃的啫喱汁，清新的好開始。接下來係刺身，吞拿一魚兩吃，刺身以及火炙吞拿，造出兩個不同口感與層次，師傅巧妙地把炸至香脆的紫蘇葉作點綴，再醮以蛋黃醬來減輕膩滯感，有心思。店員再奉來港人至愛的生蠔，日本蠔身型都好魁梧，蠔肉肥美又爽身，裙邊位帶脆而不韌，簡單佐以酸汁，清新美味。再來的一碟，有兩款食材，鮑魚及深海池魚刺身。爽口又味濃的池魚，素來是我喜歡的東西，師傅刨上了烏魚子碎，多一份咸鮮的味道，效果挺不錯。鮑魚片得不會太厚，所以唔會韌得過份，反而配上的

端午節公眾假期到沙田逛街，傍晚時分驅車遠離市中心，抵達帝逸酒店一嘗其中的日本料理「源峰」。源峰設於酒店的頂樓，游泳池在入口旁。在泛藍的燈光下份外富格調。餐廳內部採用時尚簡約的和式設計。壽司吧枱設於正中位置，縱然不坐吧枱，食客也能輕易望見師傅備餐的情況。   先來兩客壽司盛合，特上壽司盛合與壽司盛合各含 10 貫壽司，驟眼看來特上壽司盛合多了一些貝類壽司，另多了一些上價魚款。定價因而有約五成差距，小編覺得特上壽司盛合性價比稍低了一點。整體而言，各刺身用料新鮮，手握壽司大小緊緻度適中。想吃濃郁滋味，海膽壽司是不二之選。喜歡爽甜食感的朋友，牡丹蝦壽司及赤貝壽司不容錯過。帶子壽司面上放上少許黑松露，味道富層次感。金目鯛壽司魚肉細膩，食感肥瘦適中。什錦天婦羅盛合炸品造工酥脆，不膩口。海老及南瓜天婦羅皆屬小編推介。和牛壽喜燒和牛色澤紅潤，雪花紋理平均。放湯輕炙牛味濃郁甘香，十分適合配搭濃味的壽喜燒汁。美中不足的是只有四片牛肉，難言滿足。同樣是牛肉菜式，牛肉稻庭烏冬的牛肉片食味更腍更 juicy，只是牛香不及和牛。稻庭烏冬一如預期滑溜，大小朋友皆喜愛。整體而言，源峰的食品水準不俗，初體驗的壽司及和

相信大家會認同人生許多事情不是自己能掌握，一個嘴嚵的黃昏，萬料不到經歷好幾趟掌心痙攣、手指抽筋的失控狀況！好久沒到沙田第一城，不過友人在短訊中傳來日本菜三個字，面對至愛的餐系，沙田第一城頓變成尖沙咀般的熟悉！步出馬鐵站那刻已遲到了二十分鐘，再經一好心路人的錯誤指示，看到「源峰」束新漂亮的酒吧之時，足足晚了三十分鐘，OMG，我是原諒不了自己的行為！馬上選來了「源峰」House Sake，表面是自罰，實際是貪飲！House Sake 帶甜的韻調，容易入喉，受女士們歡迎是必然，身處頂層高居臨下，舉杯對望窗外城門河的夜景，酒不醉人人自醉，下次再訪一定好好掌握時間，由黃昏陶醉至夜晚！傾傾講講，眨眼間第一道 Omakase 菜式出場。沙律選用荷葉和食用花串裝飾，充滿夏日氣息和襌意，賣相非常吸睛！除蕃茄、蜜糖豆和白粟米外，另搭配一款䔿菜和可生吃的水茄子，以微酸啫喱醬汁拌吃，沙律來得清爽開胃！沙律打開胃納後，大家眼睛被巨大的生蠔凝住了。來自三陸的岩蠔，海水味不重，憑著肥美肉厚的特質，每一口盡是啖啖肉，配上酸汁伴吃，定能令蠔粉得到大大的滿足感，別忘記夏天正是享受美蠔的季節，要好好掌握！將這隻大生蠔塞進肚

跟很久沒見的好友G小姐終於相約在上年才開業的新酒店Alva Hotel By Royal 帝逸酒店，位處28樓高層靚景的源峰 Mizutani內吃一場超豐富的Omakase！ 酒店大堂設計現代化兼夾時尚感十足既清新又脫俗，加上超高樓底和綠意盎然的佈置確令人身心舒暢！ 而位處城門河毗鄰盡是沙田優美環境，酒店更為住客提供免費單車借用服務真貼心，我記得小時候要踩單車就必定到沙田絕對是我美好的童年回憶！！ 我們由大堂乘坐升降機到達28樓源峰，門面實而不華但再往前走到達酒吧區時那種華美感覺即時湧現！ 酒吧區後便是用餐區的位置(坐滿客人不便拍照借用官方照片)，地方寬敞極為舒適我們放棄了這較開放式用餐，往前驅進私密度高點的廂座區晚餐，由兩位擅長炮製壽司與爐端燒料理日籍主廚掌舵， 在這位置更能俯瞰沙田城門河美景，真的心曠神怡胃口應該也隨之大開呢！ 原來到餐廳的盡頭來了個頭尾呼應的型格酒吧！在這精緻的美景下嘆杯酒都咪話唔Chill！ 源峰除了有精緻的酒吧外更有自家的山田錦純米吟釀，大家可選上心水的清酒杯來品嚐更有一個美呆的盛酒器，可惜減肥中的我堅決戒酒未能好好品嚐，放

前日係國際壽司日，大家有冇食番件壽司慶祝下？講開食壽司，就好想同大家分享一間近來非常驚喜的日本餐廳，不過同平時食開壽司和廚師發辦嘅你去開嘅區域，完全不同。唔係中環、尖沙咀或者銅鑼灣呢一類日本菜核心地，亦都唔係另一個壽司競技場元朗國，ladies & gentlemen 今日我帶你嚟到石門。你會奇怪石門竟然有壽司食？無錯，位處於石門嘅帝逸酒店，呢度嘅頂樓有一間有日本廚師主理嘅餐廳，佢叫源峰。可能你會奇怪，點解要入到嚟石門食日本菜？對啊本身我都冇特別大期待，因為本身冇做功課，只係想參觀下呢間新酒店同食餐廚師發辦，但有時人生就係充滿驚喜，轉角就遇上最驚喜的事情，美麗的意外。首先餐廳嘅環境真係非常之清幽，望住河景，而且高聳入雲，同石門令一間M字酒店品牌嘅靚景餐廳，有過之而無不及。開頭我也會覺得有點遠，但食完後，絕對有再訪嘅衝動。今晚主要來試嘅係廚師發辦，朋友教落食Omakase 通常先吃中價感受水準，呢度價值$1280的菜單為中間價，另有$1680的套餐，我食呢款有前菜、生蠔、三款刺身、十二件壽司，細卷、味噌湯和甜品。老實講定價一啲都唔進取，以咁好嘅酒店餐廳環境，呢個價算係抵食。前菜已經夠特別

讚1. 環境好闊落，窗外景色係條河。應該食午餐時會好景2. 野食係幾好，壽區司包得仔細，調味好，飯粒柔軟，魚肉、魷魚都處理得好，無筋柔軟，赤身醃得入味；燻鰻魚厚肉入味，處理得好；和牛海膽既油份充足；豆腐布甸好味彈1. 室內環境係應聲既，有任何一檯唔生性，講野大聲啲，就要鬥大聲2. 魚生切得有啲拖左刀，有舊吞拿魚有筋，燒蠔有少少過左火，個人認為乾身左

呢間餐廳可以話係hidden gem! 食物同環境都好出色因為我好鍾意食maki，於是點左碎吞拿魚卷同海膽三文魚籽卷 — 十分推薦！！！海膽新鮮、魚籽唔會過咸，食完一口接一口好味到想一個人食晒兩碟因為我坐係Counter枱，睇住日本師傅整串燒，香味吸引到我點了燒雞肉丸同舞茸。我本身好鍾意食雞肉/豬肉棒，所以私心覺得呢個雞肉棒好好味舞茸多汁又香，不過唔太抵食啦另外燒蠔係驚喜之作多汁又鮮！和牛壽喜燒，standard嘅好味睇住師傅係面前處理不同食材 — 煮湯、擺碟、開海膽同煙薰鰻魚，不禁欣賞日本人做事的細心及一絲不苟因為係住客，所有a la carte有7折，覺得物超所值！題外話，下一日仍然意猶未盡，於是再試埋set lunch魚生飯當然無令人失望天婦羅都好味，不過價錢來講呢個份量就不太公道....後記：食物質素上乘，裝修別緻，環境寧靜，景觀開揚，服務員同師傅親切有禮適合家庭朋友聚會慶祝或約會會re-visit

朋友之前試過推介給我們，設有網上 Mizutani 訂枱，十分方便。放假就開車去試下⋯⋯沒有代客泊車服務，但有酒店職員指揮泊車位置。源峰日本餐廳在酒店28 樓，景色優美又開揚，可以一邊欣賞綠悠悠的景色。Lunch set 由百幾到四百幾蚊都有，我們各自選了最愛的壽司set 🍣(12 件）和刺身 set ，好新鮮又美味！服務有待改善，茶🍵喝完有服務員好快添加，但服務員添茶時沒有注意到制服的手袖差一點就碰到我的壽司。好在我即刻擋住，保護好。其實，服務員應該每一個坐位慢慢行去添，不應跨手去對面添茶，避免踫到客人的食物。

壽司刺身新鮮，銀雪魚西京燒煎得很好！午餐也有不少選擇，日式餐廳在高樓層望出城門河很舒服！Nice view overlooking Shing Mun River.有洒店穿梭巴士去石門站及另外帝都酒店！可以改善大杯熱茶及更熱茶蒸蛋！

住咗喺沙田區咁多年終於有一間高質嘅日本餐廳出現，真係期待已久而家唔使搭車出去都可以食到omakase兩位日本師傅非常友善職員都好好服務食材新鮮，餐單設計又好有心思師傅用心製作，所有野都好好味餐廳環境好舒服，每張枱都有一定距離，感覺唔會太迫，而且所有餐具都好靚我食咗廚師發辦「源峰特色壽司配時令菜晚餐」有白子又有鮟鱇魚肝，一啲都唔腥，配搭醬汁仲好好味自家製明太子味道好特別，仲有關西煮有好多款唔同嘅刺身壽司特別有大大舊海膽壽司放喺手上食，超開心甜品豆腐布甸勁正食完好飽大滿足！

Have a nice lunch with Sukiyaki beef and Sushi (12 pieces) in the Mizutani in Alva Hotel. Nice decor and food,friendly staff and affordable price.The glass noodles mixed well with the Sukiyaki sauce, and the Wagyu were definitely delicious with the mixture of unboiled egg. The sushi were fresh and looked good in presentation.