湯•米 (已結業)

好彩已訂位，平日都滿坐， 點了藥膳鍋 招牌臭臭鍋， 跟餐加錢轉了滷肉飯， 滷肉飯先嚟，由於肚餓關係食住先， 口飯好有驚喜 ，雖然而家去唔到台灣，食到有台灣的味道，主菜上台， 濃烈的藥膳味道(藥膳煱)， 香辣味道(招牌臭臭煱)， 賣相吸引，湯低足料，份量十足，還有醬料任溝， 醬料不是一般普通豉油， 酸酸甜甜好特別，欣賞，會再encore!

記得係開始晚市禁堂食措施實行前嘅呢一餐係比左佢，事隔差唔多成個月，太掛住佢嘅鍋物，幸好午市都有供應，做好個人衛生功夫，兩人一枱，決定午市黎會一會佢..........................今次轉口味，沙茶牛肉鍋 ($94)，材料相當豐富，有牛肉，牛丸，娃娃菜，椰菜，金菇，鮮冬菇，豆腐，粟米，炸支竹，香腸，鳴門卷，豬皮，紅薯粉，韮菜及芽菜!湯底為沙爹底，加埋芝麻更添香味，一路滾一路食，微辣又惹味牛肉為肥牛薄片，快熟唔怕會烚得過老成個鍋跟配白飯/粉絲，份量適中再加上黑芝麻，有咬口!跟餐以優惠價可以選配以下飲品，有台式亦有港式見到名單上有呢杯芝士四季春茗茶，只需$12，比起晚市散叫平好多，份量一樣咁大杯，芝士奶蓋嘅香甜幼滑配以淡淡茶香味，深得我心!午餐食呢個鍋實在相當飽肚，一餐當埋兩早午餐咁食，呢類鍋物，都係堂食先過癮!  希望疫情快D過，可以變返為晚餐先食啦!

巴蜀烤魚鍋 $98有麻辣味但偏淡 ，舊魚都滑同新鮮，少魚骨，入面有腐皮芽菜等，唔係話好足料，再加粉絲，份量岩岩好夠飽。沙茶牛肉鍋 $94沙茶味唔係好濃，偏淡，牛肉都好普通正常，如果湯底濃少少，多d沙茶同花生未會好d，配料唔算多，味道正常。。。📍位置有d難揾，要行到去帝景灣再上電梯先揾到，遠離黨鐵站。

最近發現這間餐廳竟然有藥膳湯底鍋！不過係配豚肉，我一樣落搭！🥳🥳鍋可以配飯或粉絲，識食當然配粉絲，吸哂湯底☺️鍋裡有薯粉都好入味，藥膳味都夠濃味，有齊紅棗、杞子等材料。另外，他們會提供一個小自助醬料盤，有4種醬料，我只需豉油和蒜便足夠，因湯底都好夠味。飲品選了芝士綠妍，茶味香濃，芝士不會淡，剛剛好，又解渴👍🏻通常大家夜晚才來吃鍋，但午市都可以吃到的，而且沒有那麼多人。以鍋來說，價錢偏高，雖然好吃，但很快肚子餓呢哈哈～而且環境清潔度都有改善的空間。

好少去將軍澳呢個地方所以今次就專登同朋友去行下睇下嘢之後就發現左呢間主打一人火鍋嘅舖頭⭐️⭐️———————————我就嗌咗招牌臭臭鍋（$96）再加左杯芋香珍珠奶茶（$26）我覺得呢個一人火鍋係幾飽肚嘅，因為呢個鍋有1⃣️9⃣️款配料，而我係第一次食臭臭鍋嘅，又唔算太臭嘅，反而我覺得味道都算幾唔錯，湯底都幾濃郁，牛肉嘅肉質都好鮮嫩，其他配料嘅口感都唔錯，之後杯嘢飲就同坊間嘅分別唔算太大我朋友就嗌左韓國泡菜鍋（$96）再加左杯蜜桃綠妍（$25）雖然呢個鍋嘅配料唔夠臭臭鍋咁多，得1⃣️7⃣️款，但係因為有公仔麵，再配埋每個鍋都有包括嘅飯/粉絲，所以其實都係會超飽。呢度有6款辣度比大家揀，我朋友就揀咗小辣，我試左之後已經覺得好辣，但係因為我朋友食得辣，所以佢覺得成個鍋好適合佢，不過其實佢嘅泡菜係幾好食嘅，呢個鍋係配豚肉嘅，味道都算幾唔錯😉😉如果鍾意食辣嘅朋友，呢個鍋應該幾適合你，最後再講下杯蜜桃綠妍，我覺得兩者配合得幾唔錯，有淡淡蜜桃嘅甜味亦唔會遮蓋左茶香嘅輕微澀味，兩者有好match嘅感覺

位置比較偏遠，由港鐵站行大概5至10分鐘，在整智能身份證的上一層，走到門口已經聞到火鍋香氣。預先在開飯啦訂位，埋單有85折。百香果茶大大杯，裡面一粒粒百香果籽好有咬口。朋友叫檸檬愛玉選擇了微糖，但飲的時候太澀，想再加糖。侍應很友善，幫忙調整返味道。臭臭鍋及沙茶牛肉鍋，牛肉可轉豚肉，餐單上只有小辣，但亦可選bb辣。雖然餐廳的人手略有不足，但她們會殷勤款待，滿足顧客的各種要求，亦會主動幫忙加湯及熄火，大為欣賞。中間餐桌會提供醬料，自行調配。臭臭鍋的豬腸很入味，粟米很甜，鴨血較硬身，有好多不同的配料，雖然豚肉不是上乘的食材，但味道可接受，份量亦不少。最後落單時間為9點半，想食的朋友可以早點到。

今日去將軍澳睇朋友岩岩收左既樓， 睇完樓一齊食飯。 佢介紹去試台灣臭臭鍋， 我都係第一次食。我地4個人叫左3個鍋3個小食， 先介紹小食， 叫左台灣香腸， 炸臭豆腐同炸墨丸。香腸係用炸台灣香腸， 有少少甜味， 但炸完比較乾， 冇咩肉汁炸臭豆腐應該有8件， 已經被我地食左d,有臭豆腐味道， 唔算太臭，脆身好食炸墨丸都好好食， 真係有墨魚膠同墨魚肉粒，彈牙而且好大粒招牌臭臭鍋叫左小辣， 鍋有鴨血，豬大腸，牛肉， 份量係ok, 但真係唔覺太臭， 比較普通麻辣牛肉鍋叫中辣，我比較唔食得辣， 1路食1路流鼻水，味道1樣偏輕，普通最後係魚鍋，其實3個鍋唔太食得出分別。每個鍋都跟飯或者粉絲， d粉絲煮到入晒咪， 鍾意食辣朋友就岩晒

招牌臭臭窩，真心好味。食過幾次了，耐左無食就會掛住佢滴臭豆腐，好食，食過翻尋味。早食仲有八五折。係都要逼人寫80個字，好食就好食，無咁多感想囖。服務ok，不過份量比之前幾次食少左。

雖然遠少少，但食過將軍澳咁多間餐廳，呢間係好難忘，的確係好好味，呢次係藥膳臭臭鍋，湯味夠重，食到成日都想再來食。麻辣臭豆腐好好食，有朋友唔食得太辣，餐廳職員都好好幫忙remark返可以要比bb辣更少辣，臭豆腐唔會話太臭，口感好正！我同朋友都叫左嘢飲，真心抵，大大杯，材料又足，我叫左仙草奶茶，呢間啲仙草好好食，如果第時出埋有多啲飯後甜品就好，例如想加仙草芋圓甜品。正！服務唔錯，可以幫手改少少要求！會介紹朋友來食

今日同朋友即興食飯 海旁果邊太多人 所以就黎呢間食 雖然第一次寫 但其實食左三次😂呢間都比較隱蔽 所以walk in今日都食到招牌系臭臭鍋 但今日我食巴蜀烤魚鍋 BB辣有飯或粉絲跟 落完單都差唔多等左半個鐘先有 不過其實系值得 烤魚個皮烤得脆 就算浸系湯裏面 皮都唔淋 讚👍🏻 湯望落好紅 但辣度可以 配上魚食 味道一流 湯系成個鍋既靈魂配其他野食都一樣好夾 粉絲份量正常 另外叫上炸花枝丸 同檸檬紅玉野飲花枝丸外脆內熱 唔太鹹 配上甜醬食 一流👍🏻檸檬紅玉 微甜少冰 飲落唔酸亦唔甜 可以解辣整體而言 呢間系值得推介既店 座位舒適店員服務好

新冠疫情關係，用 網上外賣平台 order 外賣自取。13:30落完單，由將軍澳中心行到去帝景灣13:45，外賣已經準備好，不用等，餐廳入面只有兩個人，分別坐了兩張枱。可以想像生意難做。點了一個牛魔王米線走辣清湯，外賣分開米線一個紙兜，湯餸另一個紙兜。份量勁細，我已經是細食的女生都覺得少。明明落單要求走辣，但食落仍然有明顯辣味。牛腩唔稔，牛筋牛肚又硬又韌，牛丸無特別，一條生菜，湯底明顯味精水。無回頭！

寒冷天氣警告雖然取消，但冇太陽嘅時候不期然覺得陰陰寒，晚餐最想火鍋，唔想太過豐富，呢類一人一鍋就最適合！多款煱類選擇，價錢一百有找我喜歡呢個泡菜鍋，原爐上，都幾快就滾起，滿滿材料 Yeah每個鍋都超多材料，我呢個係泡菜湯底，少少辣度，材料包括豬肉片、餃子、年糕、粟米、午餐肉、獅子狗卷、木耳絲、海帶絲、豆腐及即食麵等仲有白飯或粉絲附送，食晒又點會唔飽？！另外呢度仲有台式飲品，我呢杯係芝士奶蓋凍頂烏龍茶，香甜中帶淡淡茶味，用嚟送熱辣鍋物，絕配！

台灣既時候真係好鍾意食臭臭鍋但香港真係好少餐廳做依款鍋終於在香港找到一間似cafe格局既店有依度主打台式食品同台式鍋物當然唔少得台式飲品珍珠奶茶🥤芝士奶蓋等鍋物有9️⃣款❣️有辣有唔辣👍🏻沙茶牛肉鍋，韓國泡菜鍋，泰國海鮮鍋，咖喱奶蓋銅。。。其實款款都好有興趣我點左個招牌臭臭鍋中辣🔥真心正🥢個湯又香又濃入係面仲要好多材料有牛肉，鴨血，豆腐，滷大腸，台式貢丸等等另外朋友點左個日式味增鍋🍲個湯幾清甜入面亦是勁多材料🥩飽飽👧🏻一人一鍋啱啱好

儘管香港的冬天不太冷，但對筆者來說冬天就是吃火鍋的季節啊！關於火鍋的起源，早在三國時代已出現；時間推至民國初期，火鍋的種類已增至數十款，各具特色；近數十年更慢慢走向全球，成了一款全球化的美食，可謂非常厲害！筆者今次為大家介紹的湯·米，屬性價比超高的台式火鍋店。店舖大概可容納30-40人，裝潢簡潔和諧，鮮亮的用色搭配線條簡單的桌椅，營造出温馨休閑的氛圍，而且沒有限時，適合家人或朋友小聚。主菜為蠻有份量感的藥膳豚肉鍋($91)，湯底加入了紅棗、枸杞、蟲草花等等具有藥用價值的食品，味道醇厚濃郁，不僅香味四溢，更沒有難聞藥味及苦味，非常易入口！豚肉柔嫩，肉味重，搭配豆腐、金針菇、雲耳等等健康食材，十分對味！而每個鍋均附送粉絲或白飯，更可以加$12轉魯肉飯，滷汁包裹著肉粒，油亮色美，但不油不膩。作為食肉獸，我追加了一份牛肉片($34)。牛肉片顏色鮮艷，油脂較少，質地結實，肌肉纖維多。台式夜市小香腸($29)有別於一般香港人鍾愛的廚師腸，味道較甜，略脆的腸衣裹著半肥瘦的豬肉，口感豐富。鹽酥金針菇與冬菇($35)酥香鬆脆，口感獨特，但比較難夾開。飲品方面，我們點了滿杯菠蘿($35)及宇治抹茶鮮奶($

假日到朋友家聚舊， 晚上時間我們一起到樓下的帝景灣商場吃晚餐， 這裏有一間餐廳叫湯•米是吃台灣鍋的， 入到店內我們一人點一鍋，招牌臭臭鍋$96， 巴蜀烤魚鍋$98， 再加兩杯台式飲品 滿杯百香果$35和芝士茶茶八號$34。招牌臭臭鍋～ 點了小辣， 鍋裏面有肥牛， 貢丸， 台式臭豆腐， 娃娃菜， 炸竹支和芽菜等等， 再跟一碗白飯，配上餐廳提供的醬料，很惹味。巴蜀烤魚鍋～ 喜歡吃魚的朋友可以點這個， 同一樣都是小辣，鍋裡的配料跟臭臭鍋差不多， 但多了烤魚做主角， 魚肉滑滑的， 小辣辣度適中，粉絲給了湯底的味道， 更加好味。滿杯百香果～ 味道清新配上甜甜酸酸的百香果， 亦可以去膩。芝士茶茶八號～ 店員推介飲的， 味道唔錯， 芝士香濃滑溜， 茶味清新不會太濃。朋友跟我說他住附近經常會到這裏吃臭臭鍋， 當晚也看見餐廳有不少客人， 台灣菜也是港人喜歡的口味。