湯•米 (已結業)

前牌疫情期間一直Work from Home，就發掘左呢間一人火鍋店，一試驚人🤣有好多唔同湯底同料可以選擇，每個鍋嘅料都好多，次次食完都飽到即刻眼瞓，如果你係唔驚臭豆腐，最推薦嘅就係臭臭鍋，最多肉😂同埋因為佢嘅湯底真係好濃味，我覺得唔需要點任何嘅醬汁，就咁食已經好好食😋佢嘅火鍋可以揀配飯或者配粉絲，第一次我係揀配飯，湯底好送飯好快就食完一碗，第二次同朋友嚟揀咗配粉絲，覺得更加好食，粉絲到落去個湯之後sok晒湯嘅味❤️

🌟招牌臭臭鍋（配粉絲） $96配料:臭豆腐, 牛肉片, 台灣貢丸, 鴨血, 滷大腸, 娃娃菜, 炸薯仔, 金針菇, 雲耳, 豆腐, 鵪鶉蛋, 粟米, 炸竹枝, 午餐肉, 少量薯粉臭臭鍋個湯底越滾越香, 好惹味🤤 而且個香臭味都幾易入口, 配料份量好足小編覺得佢個臭豆腐同滷大腸都幾好食, D粉絲索嗮濃濃既湯汁, 超正, 好有台灣味道, 呢款小編食完都會想Encore👍🏻🌟香辣牛肉鍋 （配粉絲）$94配料:牛肉片, 芽菜, 娃娃菜, 雲耳, 金針菇, 鮮冬菇, 豆腐, 粟米, 炸竹枝, 香菜, 鳴門卷, 炸魚皮, 炸薯仔,午餐肉, 少量薯粉呢款個湯底比較辣🤣但越食越上癮🤤牛肉片份量都好多而味道就正正常常,無咩特別🤔配料比臭臭鍋少但都夠食,同樣, D粉絲吸收晒個麻辣湯底既精華,爽口又惹味😋🌟芝士四季茶 (午市跟餐+$15)+15 蚊就有一杯好大杯既芝士四季茶,小編覺得幾抵👍🏻佢個芝士奶蓋算濃厚, 四季春茶味都幾濃, 甜度適中, 整體黎講都幾Fresh, 味道唔錯🤣🤣

之前去過帝景灣食飯，試左好幾間餐廳，日式台式越南每樣有d。呢次去左主打台式臭臭鍋既湯•米~已經有一段時間無食一人火鍋，感覺特別期待！鍋物選擇不少，Menu上有9款，招牌臭臭鍋同沙茶牛肉鍋應該係最受歡迎。另外唔夠喉可以追加海鮮，平均每人$120，整體黎講係幾抵食。《招牌臭臭鍋 $98》每個鍋本身已經包左好多材料，除左基本既牛肉、炸枝竹、菇類等，比較特別既有滷大腸、鴨血、臭豆腐。先講湯底，一上枱唔覺得臭，係屬於越食越入味嗰種。滷大腸有3-4件，乾淨爽口無臭味。最有驚喜係個臭豆腐，同其他鍋既豆腐係唔一樣。雖然未去到台灣臭豆腐既味道，但呢度都係聞著臭，吃著香，再浸埋入味既粉絲真係幾好味。《沙茶牛肉鍋 $97》同樣有牛肉、牛丸、豆腐、炸枝竹、菇類、娃娃菜等配料。呢個鍋主要係食個沙茶醬湯底，可以再加辣，喜歡食辣既人應該會覺得幾正。滾起後既沙茶醬味道更加香濃，牛肉份量好多，連埋炸枝竹好腍好入味。《芝士凍頂烏龍 $35、滿杯紅柚子 $36》芝士奶蓋口感夠濃厚，咸香控制得不錯；紅柚子嗰杯有d似沙冰，酸酸甜甜，好適合解渴。

位於帝景灣商場一上第一間舗被安排係水吧位置隔離店內裝修簡潔明亮餐牌上有9款鍋連埋新品上市有10款揀左酸菜魚同藥膳豚肉鍋爆檸四季春同滿杯菠蘿見到有鹽酥系列但午飯未消化哂 XD唯有下次再試藥膳豚肉鍋先到  勁香藥材味面頭仲要一大堆蟲草花😍成件事好養生 我like~~~阿媽試完都不斷話佢自己都應該點藥膳鍋酸菜魚要左小辣越煲越濃味配飯可能會好啲但其實兩個鍋嘅配料都好足食完之後都食唔落個飯或冬粉滿杯菠蘿真係充滿香甜菠蘿味爆檸四季春真係成粒檸檬係入面, 飲得出係有先壓過個檸檬先放入四季春好香檸檬味再加上四季春好清新點個時唔記得叫少甜好彩黎到都唔係勁甜, 非常滿意

行完DONKI喺呢個唔起眼嘅商場仔搵到呢間餐廳，仲要好多人食！🤣招牌臭臭鍋 $98本身唔食臭豆腐嘅我竟然叫咗呢個鍋😂 食落真係臭臭地，頭一啖未習慣到佢嘅臭，點知愈食愈過癮！食食吓仲有啲花生醬咁嘅味，好香🤣 鍋入面仲有好多配料同牛肉分量好足👍🏻 酸菜魚鍋 $103湯底做得好好，食食吓食到有啲香料味似似地泰國嘢咁🤣 魚肉好大件，一路熱住條魚都保持到滑嫩🤤 每個鍋都可以配飯或粉絲，超級飽肚🤣仲有個醬料bar可以自行混醬，但因為個鍋其實好夠味，最後都唔洗點醬🤣🤣飲品方面不過不失，檸檬飲品仲落咗成個檸檬🍋茶味如果濃啲會更好😆

都咪話天氣唔會影響用餐選擇，呢輪係咁狂風暴雨，晚上氣溫明顯跌返落二字中，令我想食個火鍋，不期然諗起呢間舖餐牌上提供8款湯鍋，有辣有唔辣，送白飯/粉絲，另新加酸菜魚鍋 (呢期火紅之物)，全部唔過一百蚊首先出場係韓國泡菜鍋 ($98)，原爐上，材料之滿形成一個小山丘材料超級豐富: 包括豚肉，韓國泡菜，娃娃菜，金針菇，鮮冬菇，豆腐，香腸，粟米，薯仔片，炸枝竹，餃子，年糕，鳴門卷，仲有紅薯粉及半個公仔麵豚肉片數量多，用黎點醬油加蒜泥，滋味滿分，鍾意嘅可以用肉片包住白飯再一口食，靈感當然來自韓國飲食節目啦..........哇哈哈!個湯底愈滾就愈濃泡菜味道，用黎淥公仔麵就絶配，即使好飽都食得落!再黎日式味增鍋 ($96)，都係一個食物山丘材料包括: 豚肉，鷄蛋，娃娃菜，金針菇，豬皮，鮮冬菇，豆腐，粟米，薯仔片，炸枝竹，餃子，蟹柳，鳴門卷，亦有紅薯粉!  湯底帶有味增味道，唔算太濃，同食材都夾到，好岩用黎送飯!呢次黎個日韓紅白鍋大對決...............結果.........打成平手!見到除左鍋鍋外，仲有一系列台灣鹽酥小食推介呢客鹽酥臭豆腐 ($42)，一客八舊整齊排列，灑上調味粉及香蔥

今晚同媽媽去食台式一人鍋🍲發現鍾意食辣嘅朋友好啱呢間鍋物🤣因為得藥膳湯底同咖哩奶蓋係唔辣xd巴蜀烤魚鍋 真係好正！烤魚好高質🐟魚肉係最嫩嘅部位 而且好鮮甜😆入面仲有啲煙韌嘅薯粉😍香辣牛肉鍋 都好出色🤩牛肉夠新鮮 份量又足料🤘🏻鍋物可以配飯/粉絲🤓粉絲係台式幼身嗰種😜飲品方面都好出色食完辣嘢飲返杯芝士奶蓋茶王8號 超解辣🤩而且芝士奶蓋做得出色 咸香得宜🥰鮮奶珍珠 同珍珠奶茶嘅色好似xd但鮮奶珍珠就係用鮮奶去沖 超有奶香🥳可以自選甜度 要咗少甜啱啱好❤️

帝景灣商場雖然位近將軍澳海旁，但位置比較吊腳，整個商場最旺應該是地下的智能身份証換領中心。商場二樓有好幾間食肆，扶手電梯一上即見到湯•米。湯•米裝潢簡約柔和，供應多款台式一人火鍋，飲品另外單點。火鍋款式頗多，有招牌臭臭鍋、巴蜀烤魚鍋、沙茶牛肉鍋及泰式海鮮鍋等，可以自選辣度。沙茶牛肉鍋沙茶牛肉鍋包含牛肉、娃娃菜、雲耳、金菇、鮮冬菇、豆腐、粟米、炸枝竹及鳴門卷，友人選了中辣，滾起之後沙茶醬香氣撲鼻，加入粉絲及公仔麵後更加吸滿沙茶湯精華。藥膳豚肉鍋自己則選了藥膳豚肉鍋，鍋內有十片八片豚肉，配菜有蟲草花、紅棗、枸杞、娃娃菜、雲耳、金菇、鮮冬菇、豆腐、粟米、炸豬皮、炸薯仔、炸枝竹及鳴門卷，每樣配菜份量雖少，加起來則非常飽肚。藥膳湯底味道不算濃，容易接受得來感覺又比較養身。純凍頂烏龍 滿杯百果香 凍頂烏龍就算是正常甜度亦不太甜，甚合友人心意。百果香選了半糖，酸酸甜甜，清新解渴，減去不少鍋物熱氣。

之前有睇過一個youtuber介紹呢間，個時見到已經覺得好吸引！近近地，就同肥豬嚟食😳店舖唔算大，唔想等位就約早啲食啦～都幾多人排隊架🔥招牌臭臭鍋 $96 💦睇咗餐牌好耐最尾都係揀返最signature個款😂嚟到又唔會好臭，但真係有台灣味道！一個鍋本身包嘅材料都好多，我呢個就有牛肉，粉絲，貢丸，菜，豆腐，粟米等等..多到我食唔晒😂😂💦牛肉份量係多到你會覺得點解食極都食唔完😂粟米煮到最尾都仲好爽脆又甜！啲菇類全部煮到入晒味，食量唔大其實呢啲一人一鍋就岩晒😍🔥日式味增鍋 $91💦大家食唔到辣可以揀呢款！個味真係調得幾好，如果配飯食就正🤣每一款鍋跟嘅配料都唔同，呢款就係豚肉🥰岩晒啲唔食牛嘅大家～🔥滿杯紅柚子 加芝士奶蓋 $41💦我知真係好肥好邪惡😢但真係會愈食愈辣😂唔飲野唔得！中意酸嘅紅柚子就岩你地，會有埋果肉架！加個個芝士奶蓋鹹香味好足，配埋酸嘅柚子，好match！🔥荔枝紅玉加仙草 $30💦個茶底調得好好，又唔會澀，但飲到最後會有荔枝嘅清香🤨唔使加仙草都好飲！

我前幾日夜晚同朋友去食，個waitress端左個sasa聲的臭臭鍋黎，我見我朋友個個同隔離枱個個都無sasa聲。我個下好擔心唔知咩事而有sasa聲，個火又燒到好旺，我同個鍋距離又好近，我驚有咩事我真係喊都無謂啦。爭扎左5分鐘之後仲係有sasa聲，我擔心咁同個waitress講個鍋有sasa聲，想問可唔可以整下個爐。個waitress聽到即刻黑晒面，仲話”係有水聲之麻”就走左🙄大佬，我一定知係有水而sasa聲，有水又會燒5分鐘都唔蒸發ge🙄我好聲好氣問，個waitress用不著黑面啊而且衰d講句，其實佢端個鍋個黎的時候都應該解釋下啦味道係唔錯ge，中等價錢，但服務差到我地唔會想再去

第一次寫食評 因為呢間野態度真係極品😡😡入去得一枱客 侍應安排我坐係佢地隔離枱 因為疫情關係我問可唔可以坐另一邊唔想太近 侍應話其他枱set好左做晚市 我真係黑人問號 唔覺其他枱餐具擺位有咩分別之後睇下食咩啦 聽到侍應呀姐嗌入廚房 ‘’有2個客入左黎呀‘’ 個語氣係完全唔想做你生意 覺得你地做咩要入黎食野 然後食野途中想加罐可樂 啲侍應都係唔想理你 粗聲粗氣 其實如果餐廳係好忙 我都可以理解 但得咁少客人既情況下 都要咁既死人態度 其實可以執左佢 都唔係想做生意

無服務可言店員大聲聊天冇乜禮物 眼神就死咁 好似殺左你全家等好耐先上到一杯野飲（已經冇乜人）食物好偏鹹 重味 會好口乾配的飯或粉都好少唔會夠飽 又要加錢😵😵😵杯野飲直接溝落去 冇特別 又貴

我和太太被147:10嘅好評吸引了...晚上8:15去到門口，門外無人排隊，內里只有一張枱係冇客，其余都有。疫情關係，每枱客人都隔開，數落只有約15-16人，但看似很多外賣單，因門外有約3人拿著單在等待。兩位侍應都很忙，一人在吧枱後調飮品，另一位忙於打包、傳菜等，情況我們亦理解，小店不夠人手，食物好吃便好。太太入內問正調飲品的女侍應，她告訴我們在外面等，我們也就不打擾，待她們執好枱後我們才入座。默默等了約15分鐘，其間有一對小情侶，跟我們一樣，入去後得到同樣回覆，外面等。再過10分鐘，枱也執好了很久，但就遲遲未叫入座，看似不打算叫我們入座。正有意入去問個究竟，突然來了兩位女士，來到門口望了望我們正在等位的人，老實不客氣衝了入去，看到正在整理外賣的女侍應，手指一指張空枱，便立刻坐下，女侍應沒有反對。看到這里，如果閣下係我們外面其中一對等位的，有何感想？當我還在考量到底應否入去同侍應理論，另一對情侶的女方已衝入去了。女侍應指一指右方內里一張放滿外賣的桌子，屬意他們坐那張吧，但完全沒有意圖打算叫剛才兩女起身讓位。我看到些場景，更加氣憤了。為什麼我們係第一對入來等，卻未有被先安排入座，而係誰可

疫情期間，終於再次開放晚市。今晚和朋友一起外出吃一人鍋，每個鍋都份量充足，味道也很好。好滿足，捧著肚子回家。朋友點了酸菜烤魚鍋，件魚好大件，此外，鍋內還有很多配料。我選了藥膳豚肉鍋，一上桌便聞到濃郁的藥材味，湯得鮮甜。有很多件豚肉，配料和朋友點的一樣，有午餐肉、豆腐、炸腐竹、腸仔、蟹柳... 種類十分之多。隨了鍋之外，還配上白飯。真的好滿足😄

🔹藥膳豚肉鍋 💰$91👅🌕🌕🌕🌘🌑6.5/10個湯比較清，不過都有藥膳味; 豚肉都有幾多塊，其他配料都好多種類，最後落埋個冬粉索啲湯汁，食到好飽好滿足🤰🏻🔹招牌臭臭鍋 (後/圖3)💰$96👅🌕🌕🌕🌗🌑7/10一開始唔覺得佢臭，食下食下個湯越煮越濃，就開始feel 到佢嘅臭😂 個人比較鍾意呢個湯，因為惹味啲同埋其實係香而唔係辣🙊 配料同樣好多款，每款都有1-2舊咁，最後食埋個冬粉真係飽到上心口，好正🤣🔙回頭指數: 8/10🔅見到仲有好多其他鍋底都想試🤤🔅仲加左$12 要左芝士奶蓋四季春(圖4)，好大杯，都幾好飲😚