影片
更多
2020-08-17
942 瀏覽
記得係開始晚市禁堂食措施實行前嘅呢一餐係比左佢，事隔差唔多成個月，太掛住佢嘅鍋物，幸好午市都有供應，做好個人衛生功夫，兩人一枱，決定午市黎會一會佢..........................今次轉口味，沙茶牛肉鍋 ($94)，材料相當豐富，有牛肉，牛丸，娃娃菜，椰菜，金菇，鮮冬菇，豆腐，粟米，炸支竹，香腸，鳴門卷，豬皮，紅薯粉，韮菜及芽菜!湯底為沙爹底，加埋芝麻更添香味，一路滾一路食，微辣又惹味牛肉為肥牛薄片，快熟唔怕會烚得過老成個鍋跟配白飯/粉絲，份量適中再加上黑芝麻，有咬口!跟餐以優惠價可以選配以下飲品，有台式亦有港式見到名單上有呢杯芝士四季春茗茶，只需$12，比起晚市散叫平好多，份量一樣咁大杯，芝士奶蓋嘅香甜幼滑配以淡淡茶香味，深得我心!午餐食呢個鍋實在相當飽肚，一餐當埋兩早午餐咁食，呢類鍋物，都係堂食先過癮! 希望疫情快D過，可以變返為晚餐先食啦!
今次轉口味，沙茶牛肉鍋 ($94)，材料相當豐富，有牛肉，牛丸，娃娃菜，椰菜，金菇，鮮冬菇，豆腐，粟米，炸支竹，香腸，鳴門卷，豬皮，紅薯粉，韮菜及芽菜!
湯底為沙爹底，加埋芝麻更添香味，一路滾一路食，微辣又惹味
牛肉為肥牛薄片，快熟唔怕會烚得過老
成個鍋跟配白飯/粉絲，份量適中再加上黑芝麻，有咬口!
跟餐以優惠價可以選配以下飲品，有台式亦有港式
見到名單上有呢杯芝士四季春茗茶，只需$12，比起晚市散叫平好多，份量一樣咁大杯，芝士奶蓋嘅香甜幼滑配以淡淡茶香味，深得我心!
午餐食呢個鍋實在相當飽肚，一餐當埋兩早午餐咁食，呢類鍋物，都係堂食先過癮! 希望疫情快D過，可以變返為晚餐先食啦!
張貼
