湯•米 (已結業)

今日同老公係將軍澳行下街，之後就踏單車，我地沿住海旁一路踏，個景觀真係好靚。我地踏到南澳海濱就停低，之後搵野食。咁熱老公話要熱辣辣打邊爐😂咁岩四圍行見到呢間有一人一鍋所以就試下。。。入到去個冷氣好涼爽！同埋估唔到都好多人食，我地6點半去到得番2張枱，之後都要等位啦。一人一鍋選擇好多，又有好多配料可以加。招牌臭臭鍋哇。一上到枱好大個鍋，滿滿配料，入面有豚肉，豬皮，貢丸，萵苣，薯仔，臭豆腐，薯粉，鴨血，枝竹，娃娃菜，金菇，，粟米，芽菜。。。好多，每樣都有一件。佢個臭豆腐好好食，仲有勁多芫茜，大讚我覺得個湯底有啲似沙茶醬咁，小小甜甜地。所有配料吸哂湯底個味，好好食！最後加埋個粉絲，滿足巴蜀烤魚鍋一樣好大份，舊魚都好大件，應該係鯇魚而且係炸過，所以食入口好香口，完全唔會柴同油，鍋入面一樣有好多配料。我地只係叫左bb辣，已經好辣，仲要越滾越辣。另外我地加左海鮮配料，加左鮑魚，青口，大蝦同花螺。海鮮應該餐廳已經加工過，所以放入鍋煮一陣加熱就食得啦。。材料都好新鮮！仲有仲有，大推鹽酥雞扒！超好食，即點即炸又酥脆。上枱已經切好一件件，食入口有肉汁又嫩滑。加上醃好左，好香唔會過咸，好有台灣夜市風味！芝士

天氣酷熱約人去打邊爐竟然都有人應約😍證明食火鍋，鍋物是不受季節影響。近近哋喺將軍澳附近，隱藏喺豪宅區嘅商場有這間《湯．米》主打台式火鍋。一人一鍋揀選自己喜歡嘅口味，一邊烚吓烚吓傾吓計非常寫意❣️人氣 No . 1嘅「台式臭臭鍋」♨️鍋底主要有沙嗲和臭豆腐味道，材料豐富：豚肉片，支竹，貢丸，豬皮，娃娃菜，豬大腸，臭豆腐，粗粉絲，馬鈴薯和大量芽菜😋。湯底越煮越濃郁，配料更為入味～每款鍋物都配白飯或粉絲一碗。另追加牛肉$32份量足，放入臭臭鍋湯底更有肉味。酸菜魚鍋$103♨️限量新品，採用鯇魚做酸菜魚🐠，用了魚尾部位，比較多骨，要小心慢吃。唔多酸菜，而且湯底唔夠酸反而比較辣🌶。酥炸花枝丸外皮脆漿也有鹽酥嘅味道，好香口惹味！😋花枝丸好實淨夠彈牙～台式飲品也有很多選擇🥤獨愛水果茶系列：「滿杯紅柚子」健康清新，唔會太酸，更充滿紅柚子嘅香甜，亦相當大杯。👍🏻「爆檸四季春」有一整個檸檬喺裏面，唔係切開一片片。唔肯定係唔係要自爆🍋😆，配合四季春茗茶檸檬味恰到好處。

香港的台式餐廳很多，好多抱住台灣情意結去食，一人去已經覺得只係一間很港風的賣著台式食物既餐廳。但呢一間卻有驚喜。一入店 燈光 店空間 播的歌，就如3年前係台中，逛到攰了，隨意踏進既一間小店。食物正常 不可話好好食 飲品不如街頭手搖店但住在將軍澳 不想用腦諗食咩 只想踢拖找個地點同朋友hea hea 地，自在地食個晚餐 傾好耐 又平價 不限時的店，就是它。

吃火鍋有時候簡簡單單，每人一小鍋，都能吃到自己想吃的，而且別人幫你配好料，更能解決了你的選擇困難症！這間台式小火鍋有多款不同的鍋底，總有一款對你的胃口！巴蜀烤魚鍋（１０３元）多數吃烤魚都是整條魚的，這裡因為是小小的一鍋，所以用上了鯇魚腩的部位來煮，都是有經過油炸，表面吃起來焦焦嫩嫩的，而且基本上全是肉，肉很厚，而且因為是腩的部位，所以肉質較滑，帶點油香！這個我叫了中辣，但吃起來真的是比想像中的要辣，但辣得挺香的！其他，配料也是挺多的，你看到都滿出來了，所以吃起來不會太單調！滷肉飯（＋１２元）因為想吃一下，所以就升級了，加了滷肉吃起來會更香濃，多了份肉味，而且滷肉不會太肥，所以不會太油膩的感覺！藥膳豚肉鍋（９６元）這個湯底是比較清淡的，喝起來是清香的感覺，帶有藥材的香味，大約能喝出加了當歸進去，所以是真的有藥膳的感覺！豚肉吃起來挺爽滑的，有肉味！其他材料有點跟我的不一樣，如多了紅棗，枸杞，感覺是比較養生的！鹽酥雞扒（４４元）這個炸得挺不錯，外酥裡嫩的，加上椒鹽粉來吃，就更惹味了！配上泰式的甜辣醬，吃起來更解膩！鹽酥花枝墨魚丸（４１元）這個是有裹上脫漿去炸我，所以吃起來會更脆更酥的，中間的

今天剛好去取回身份證，順便開附近食晚飯，在這個帝景灣商場一上扶手電梯，便看到這間湯米，主打食人氣台灣臭臭鍋，好像挺吸引，便入內一試。這個價錢在將軍澳中的晚餐算是中等價錢，今次我們嘗試了臭臭鍋和沙茶牛肉鍋，再加了兩個小食和兩杯台式飲品沙茶牛肉鍋這個牛肉鍋的牛肉肉質中上水準，有牛味，而且加上這個沙茶醬出奇地好味，而且這個一人鍋超級大碟，材料也有很多，一定食得飽！臭臭鍋這個臭臭鍋怕臭的人不用怕，連我這個怕臭豆腐的人也接受到，推薦這個！每一個鍋都跟一碟粉絲或滷肉飯（加錢），滷肉飯不錯！花枝墨魚丸和台灣香腸這個台灣香腸是近來吃過之中最好味的！黎呢度既必食推薦！

服務員極度無禮貌. 首先服務員見到有客人到門口， 佢唔係會迎接你 . 而係2 個一齊調頭走.好唔helpful. 咁本身book 左6 點. 我6:16 先到…我地自己入去後同佢講book 左位 佢問係咪6點 …「我地淨係hold 位hold15 分鐘嫁炸喎 」哦… 係我既錯… 跟住我地轉身走 佢地2 個要大大聲係5 米以外既地方講： hold 10 分鐘都俾多你啦

疫情差不多3年，已經好耐冇去過旅行。而且最近香港都開咗好多各式各樣的台灣餐廳。今次咁啱經過將軍澳嘅台式火鍋店，香味從遠處已經聞到，就打算一嚐究竟。我哋係嚟食晚餐，所以就各自點咗一個火鍋。呢間餐飯主打好多唔同口味嘅小火鍋，同埋係一人一鍋，咁就可以試好多唔同口味之餘又夠衛生。而今次我哋就叫咗招牌臭臭鍋同日式味增鍋，可以揀配飯定粉絲。 呢2款小火鍋嘅風味都好唔同。招牌臭臭鍋係餐廳推薦嘅小火鍋，入面嘅食材亦有好多。比較特別嘅就係火鍋入面有臭豆腐、鴨血、滷大腸同貢丸，都係一啲要喺台式火鍋店先食到嘅嘢。整體湯底食落非常香濃，係重口味人士必選。而且主要配牛肉，加上蘸醬一流。而日式味增鍋相對上就比較清淡，但就更食得出食材的味道。鍋物入面係以好多唔同嘅蔬菜為主，配上大大片嘅豚肉。整體嘅湯底同食材都冇咁油膩，可以連埋湯一齊飲都得。我哋亦加點咗台灣小香腸、炸魚皮、牛肉片同花螺。全部額外點嘅食物都好大份，完全唔驚食唔飽。咁食火鍋當然唔少得嘅就係飲品啦！飲品方面都幾多選擇，尤其有唔少嘅台式飲品。叫咗杯芝士涷頂烏龍同荔枝紅玉。芝士涷頂烏龍有好厚嘅芝士奶蓋，而茶就比較解膩，好適合食火鍋。荔枝紅玉則比較甜同有好香嘅荔

台灣一人一鍋邊爐🍲主打台式臭臭鍋🤣仲有台灣夜市小食😍-招牌臭臭鍋 $96食得台灣野當然要試臭臭鍋啦😉如果大家食唔到臭豆腐既建議唔好挑戰🤣一黎到真係幾臭一開始keep住聞唔係幾搞得掂😂但食食下其實冇乜野幾好食😂鍋入面有貢丸/牛肉/豆腐/鴨血/薯仔/豬腸/豬皮/菜等等另外仲有配粉絲😋小編都食得辣但覺得小辣已經到頂個咀腫哂🤣-藥膳豚肉鍋 $98唔想咁刺激可以揀藥膳鍋呢個真係同臭臭好大對比😂好養生但湯底又唔會偏重藥材味調得適中😉-海鮮拼盤 $42拼盤有1隻鮑魚/2隻蝦/4粒花螺😍兩個人share食少少地岩岩好！-鹽酥雞扒 $44食台灣野雞扒唔少得啦如果唔夠飽都可以叫😉超大舊好厚肉🥹-鹽酥金針菇冬菇 $40呢個飽唔飽都要叫😂係香港好難食到咁似台灣夜市既炸金菇！一見到超興奮😍個味同口感一樣嫁🥲-芝士滿杯紅柚子 $42/ 荔枝紅玉 $28飲品就正常台式飲品😂如果個芝士再多d就正！

打完風冇買餸煮飯🤭就過咗嚟呢邊食一人一鍋🍲餐牌上有多款湯底可以選擇，有招牌臭臭鍋、沙茶牛肉鍋、韓式泡菜鍋等等…..我哋每個人揀嘅湯底款式都唔同，咁就可以樣樣都試吓🤤而每款鍋仲會配埋粉絲/麵/飯或可加$12 轉台南滷肉飯 ，我哋分別叫咗👉🏻沙茶牛肉鍋 $97👉🏻日式味噌鍋 $96👉🏻藥膳豚肉鍋 $96⋯⋯⋯⋯⋯⋯⋯⋯⋯沙茶牛肉鍋嘅牛肉份量勁多，湯底味道亦都唔會過鹹，配料多而且好入味，另外每個鍋都有豆腐、娃娃菜、金菇菜、腸仔、冬菇、雲耳 等等….而藥膳豚肉鍋面頭有好多蟲草花，成件事感覺即刻勁養生🤣🤣呢款當然係我叫，入面仲有紅棗、枸杞…味道濃郁又唔會重藥材味，另外味噌鍋湯底帶有甜味，味道啱啱好，加入粉絲索晒湯汁勁正🤤鹽酥臭豆腐 $42臭豆腐外皮酥脆幾香口，唔會太油膩，配埋甜辣醬食好好味😋酥炸花枝墨魚丸 $41有6粒，即叫即炸，熱辣辣，好香脆，每粒都食到墨魚肉珍珠鮮奶 $30｜珍珠奶茶 $28 （走珍珠）-宇治鮮奶抹茶 $30

✨中女獨食難肥日誌 ✨湯•米 將軍澳 一人一鍋 台式火鍋隔一段時間總會想念台式臭臭鍋，而這家很有台灣的味道，十分推薦，希望大家多多支持這間好吃的小店！咖喱奶蓋鍋 $97試過好幾款鍋物，最喜歡都是這個咖喱奶蓋鍋，咖喱味香濃加上滑滑奶蓋，有點像喇沙，要了中辣好香口！而且配料好多非常飽足！可配粉絲或飯，呷一口湯撈一口飯好正！香辣牛肉鍋 $98要了小辣會少油一點，而且都好夠味了！牛肉配上特調的醬汁，香蒜好濃味！而且配料好多，丸、蔬菜、腸、豬皮等等炸魚皮 $28加了炸魚皮，$28一大碟，新鮮好吃！滿杯百香果 $36要了一杯清新果茶，微糖少負擔，天氣熱好爽！芝士四季春 $35同行友人的四季春無糖都好清香，配上份量好多的芝士奶蓋，也是不錯的選擇！

今晚在將軍澳吃飯，這家餐廳每次經過的時候餐廳都坐滿一對對情侶，今晚光顧，也不例外，究竟是什麼原因，我也不清楚。餐牌上有不少口味的鍋可以選擇，例如咖喱、韓式、泰式等一人一鍋。⭐️酸菜魚鍋$103除了有半條魚，還有椰菜、雲耳、金針菇、鮮冬菇、豆腐、粟米、炸薯仔、炸枝竹、鳴門卷等。我點了最小的辣，入口還是微辣，配粉絲。魚經過油炸，入口柔嫩，加上豐富的配菜，吃得很滿足。另外加配了一碟牛肉，牛肉是半肥瘦，吃火鍋有些肉才好吃。⭐️招牌臭臭鍋$98臭臭鍋是大雜錦鍋，什麼都有，例如臭豆腐、牛肉丸、滷大腸、台灣貢丸、娃娃菜、椰菜、雲耳、金針菇、鮮冬菇、豆腐、粟米、炸薯仔、炸枝竹、鳴門卷、鴨血等。可以選擇配粉絲、麵或飯，我們選擇粉絲。臭臭鍋的味道的確比較突出，入口微辣，豐富的配料，可以一次滿足多個願望。再加一份牛肉，半肥瘦，味道不俗。⭐️鹽酥雞扒$44雞扒新鮮即叫即炸，非常香脆，外皮酥脆。⭐️奶香嫩仙草奶味出眾，仙草入口冰爽，值得一試。

突然同老婆想食台式料理，所以專登走入黎食，水準依舊而且真心抵食！沙茶牛肉鍋＆泡菜海鮮鍋呢兩個鍋其實都食到飽，配料多而且好入味。不論牛肉定豬肉都係有彈性唔會梅，肥瘦適中，以呢個價黎講真係好好質素。仲有得揀飯或粉絲，索哂湯汁，食完都飽7成。我地仲追加左鮑魚，新鮮爽口，唔加對唔住自己！鹽酥雞排＆臭豆腐鹽酥雞排新鮮即炸熱辣辣，雞排有肉汁而又唔會太咸，雞皮酥脆，好香口。臭豆腐唔算好臭但口感一流，呢個size亦都方便食，加上佢地既豆瓣醬一齊食勁惹味。飲品方面有珍珠奶茶同水果茶，大大杯又夠凍！

跑步經過呢個商場，見到商場好有歐陸式嘅感覺，入邊有呢間餐廳係食台式一人一鍋，最緊要價錢唔係好貴，做完運動好肚餓，決定一試。日式味增鍋湯底都幾濃郁，入面分別有豚肉同埋牛肉，數量都唔少，配埋豆腐粉絲一齊食，好入味，加上一人一鍋夠晒衞生抵讚，份量唔算真係好多，但一個人真係啱啱好，想再飽啲可以加飯同粉絲。酸菜魚好少地方可以做到一人份量，所以決定一試，一上枱嘅時候見到咁大舊魚都嚇我一跳，百零蚊佢竟然唔係比細魚塊，而係一大舊鯇魚，雖然其他配菜唔算多，但呢一大嚿魚，成個鍋只係百零蚊，已經絕對抵食，味道少少酸但唔會好辣，配白飯一齊食，幾開胃又好味。加海鮮都係加幾十蚊，鮑魚彈牙有鮮味，蝦同埋螺係水準之作，海鮮只要新鮮基本上實好味的，所以我覺得最驚喜係2杯台式嘢飲，超級好味，而且大大杯，絕對比得上邊街嘅茶店，非常好飲，值得推介呢。

將軍澳海旁基本上每個星期我都去一次，湯米更係我經常叫外賣既食堂xd 但咁耐以黎都未試過堂食~ 前幾日終於book咗星期五晚同朋友一人一個煲10下10下😋🤣香辣牛肉鍋($98) 平時無辣不歡既我叫咗中辣，好彩佢lived up to my expectations👏🏻😝 又麻又辣好過癮🥳 我見評論話一人一鍋唔夠食，但我作為個好大食既女仔，我覺得剛剛好，每種配料既份量唔會太多，恰到好處，而且主角牛肉既份量超多🙏🏻😭然後係我朋友叫既 招牌臭臭鍋升級滷肉飯($110) 未上枱已經聞到有陣好惹味既臭😂😂 整體味道無香辣牛肉咁重，但咸香較重~ 佢加錢升級咗做滷肉飯，本身我對滷肉飯無咩期望，因為去過好多專做台灣餐既餐廳既滷肉飯都好一般，不過無諗過會喺依到食到令我好滿意既飯👏🏻👏🏻👏🏻 滷肉汁夠多肉多juicy，可以撈到一碗飯，而且有粒粒香菇，超出我既期望😋然後就到我地超級無敵期待既麻辣臭豆腐！ ！ 如果臭臭銅臭既程度係7分，佢大概係滿分♥️ 完全可以滿足到我地咁重口味既人☺️最後叫咗奶香嫩仙草做甜品，上面層奶層既嘢，咸香好重🍼🥛

😎總會有啲時候一個人又想食火鍋， 一人火鍋真係偉大嘅發明🤪 呢間湯。米性價比好高， 一人鍋100蚊樓下有交易😳， 小編試咗招牌臭臭鍋同埋沙茶牛肉鍋， 味道比較清淡， 有住家home sweet home嘅感覺, 材料都好豐盛, 每個鍋都有薄切火鍋肉片、 豆腐、金菇、肉丸、 娃娃菜、薯粉、腸仔等等， 另外仲免費配一個飯或者粉絲， 非常豐盛🤗。飲品方面有台式手搖飲品， 小編比較推介水果茶， 可解油膩感覺。🍹~~~~~~~~😋味道: 7.5/10📸賣相: 7. 5/10🛋️環境：7/10💁‍♂️服務: 7/10💎性價比: 9/10💲人均：約$100⏪回頭率：75%~~~~~📍湯•米將軍澳唐賢街23號帝景灣商場1樓40號舖~~~~~