湯•米 (已結業)

跑步經過呢個商場，見到商場好有歐陸式嘅感覺，入邊有呢間餐廳係食台式一人一鍋，最緊要價錢唔係好貴，做完運動好肚餓，決定一試。日式味增鍋湯底都幾濃郁，入面分別有豚肉同埋牛肉，數量都唔少，配埋豆腐粉絲一齊食，好入味，加上一人一鍋夠晒衞生抵讚，份量唔算真係好多，但一個人真係啱啱好，想再飽啲可以加飯同粉絲。酸菜魚好少地方可以做到一人份量，所以決定一試，一上枱嘅時候見到咁大舊魚都嚇我一跳，百零蚊佢竟然唔係比細魚塊，而係一大舊鯇魚，雖然其他配菜唔算多，但呢一大嚿魚，成個鍋只係百零蚊，已經絕對抵食，味道少少酸但唔會好辣，配白飯一齊食，幾開胃又好味。加海鮮都係加幾十蚊，鮑魚彈牙有鮮味，蝦同埋螺係水準之作，海鮮只要新鮮基本上實好味的，所以我覺得最驚喜係2杯台式嘢飲，超級好味，而且大大杯，絕對比得上邊街嘅茶店，非常好飲，值得推介呢。