湯•米 (已結業)

湯•米 (將軍澳).係我屋企附近有間台灣臭臭鍋，想推介好耐，一人一鍋仲要有得飲台式飲品. ▪️招牌臭臭鍋▪️.唔係講笑，呢個鍋唔係人人受到得個臭味。佢真係似臭豆腐嗰種，慶幸我係覺得ok的🤭佢入面係有勁多配料，牛肉片，豆腐，菇，鴨血，大腸，貢丸，薯仔片等。.▪️藥膳豚肉鍋▪️.我媽咪係完全唔食辣，因為好擔心嗌小辣但係其實佢負荷唔到😂呢個藥膳湯就啱晒佢，入邊有豬肉片，紅棗，枸杞，金針菇，冬菇，豆腐粟米等等，屬於比較養生！.呢度仲可以加一啲配料落鍋繼續煮，同埋啲台灣小食。我哋就叫咗一個台灣腸，同埋兩個海鮮拼盤加落個鍋，因為個鍋唔係屬於好滾嗰類型，所以其實基本上佢啲配料會幫你煮熟咗先再落入！.📌 湯•米 (將軍澳)將軍澳唐賢街23號帝景灣商場1樓40號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

自從將軍澳開始發展好多新樓宇之後，開咗好多新商場，結果多咗超級多嘢食💓我今日又過嚟將軍澳度尋寶，搵吓有咩好食啦😆無意中比我搵到依間位於帝景灣商場一樓既台灣火鍋店，環境好舒服之餘，嘢食仲要好抵食同埋好食😛慰勞吓自己辛勤嘅一日先🙋🏻‍♀️過到嚟梗係要食依度嘅王牌，就係台灣火鍋😜平均每個都大約$100內，仲可以加飯或者粉絲，仲抵食過連鎖店，而且每一鍋材料都超級豐富😜我就同朋友叫咗泰式海鮮鍋同埋沙茶牛肉鍋必食推介！特別係泰式海鮮鍋，裏便超級足料，有好鮮甜嘅大蝦🍤仲有魷魚等等嘅海鮮，湯底都好友冬陰功嘅風味，但係唔會泰勒，啱晒香港人嘅口味😛另外沙茶牛肉鍋啲牛肉都非常鮮嫩，而且湯底好入味另外仲可以叫埋呢度嘅小食，都好高質㗎😆🎉

自己喺將軍澳住左咁耐，今日先知原來有個帝景灣商場，而最近女友想食一人鍋，帝景灣商場入面嘅湯米正正可以滿足女朋友嘅願望😍- 藥膳豚肉鍋藥材味一開始比較啖，之後慢慢變得濃烈，所以冇沾任何醬汁。豚肉大片兼肉質鬆軟。配料應有盡有，包括薯粉、腸仔、雞髀菇、豆腐、薯仔片、午餐肉、腐竹、粟米等等。粉絲亦好索汁，非常惹味。- 沙茶牛肉鍋入面配料一樣非常豐富，但個人認為湯底唔夠濃味，牛肉份量都好多，粉絲索晒汁好惹味。- 鹽酥雞扒雞扒炸得金黃香脆，入面依然保持Juicy。- 台灣夜市小香腸台灣香腸一向口感紮實，而湯米嘅台灣香腸特別煙韌多汁，味道香甜。飲品方面餐廳都好多選擇，我哋揀咗爆檸四季春同蜂蜜綠妍，兩杯都好大杯。原來一人鍋都可以食得咁盡興，一人鍋材料好多，令人好滿足，其他小食都唔錯。

沙茶牛肉鍋🧉🐮🐮，沙茶醬🧉微辣而且帶點濃香，與牛肉🐮可以話係非常匹配，不但可以可辟除牛肉🐮個陣臊味，亦能同時提升牛肉🐮香味同鮮味。日式味噌鍋🥘🥘，湯頭清爽，配上大量配料例如蔥，芫荽等。成個鍋底🥘🥘味道即時提升。令人忍唔住飲多兩啖😋😋。麻辣雞翼🐥🐥，雞翼雖然係麻辣口味，但都經過炸嘅方式去烹調，雞翼🐥🐥外脆內嫩。肉汁仍然保留係雞肉入面。配上麻辣🌶️口味。令人愛不釋手。海蝦3隻，蝦🦐算大隻，蝦肉口感爽彈亦都帶結實。鮮味香濃。蝦頭亦都有大量蝦膏。好好食。鮑魚2隻，鮑魚鮮味十足，口感同樣爽彈😋😋花螺8個，花螺很爽嫩，又很吸味，放落兩個鍋到吸收晒湯頭嘅鮮味。蜜桃綠妍，蜜桃🍑味香濃，而又唔會過甜。滿杯菠蘿🍍，菠蘿控必試。

一人一個自私鍋😘好耐都無去過將軍澳個邊浦頭啦，去買完寵物既野之後，男朋友經過見到有間食臭豆腐既一人火鍋好似幾吸引，所以我地既晚餐就一於試下。鍋底主要有沙嗲和臭豆腐味道，材料豐富：豚肉片，支竹，貢丸，豬皮，娃娃菜，豬大腸，臭豆腐，粗粉絲，馬鈴薯和大量芽菜😋。湯底越煮越濃郁，配料更為入味～酸菜魚鍋限量新品，比較多骨，要小心慢吃。唔多酸菜，而比較辣🌶。都吾差。每款鍋物都配白飯或粉絲一碗。再加了兩個小食和兩杯台式飲品。鹽酥雞扒 食台灣野雞扒唔少得啦😉超大舊好厚肉炸臭豆腐男朋友話吾夠要再叫多份，一索就已經真係好臭，吾明點解佢話吾覺仲話好好味爆檸四季春有一整個檸檬喺裏面，唔係切開一片片。配合四季春茗茶檸檬味恰到好處。香芋珍珠奶茶幾好飲，最重要係解到辣。

有一人一鍋好似可以食自己鐘意既食物❤️一直想試下台灣🇹🇼美食☀️招牌臭臭鍋唔係臭既，原來湯底似沙茶醬少少唔同的感覺，裏面好多配料入面有牛肉，豬皮貢丸我仲加錢要左臭豆腐點知裡面本身有⋯⋯仲有萵苣、薯仔、臭豆腐，薯粉鴨血真係夠滑，仲有枝竹、娃娃菜、金菇、芽菜☀️麻辣牛肉鍋個人覺得2款配料差唔多麻辣都真係幾夠惹味又辣配料吸湯底個，配上粉絲或者飯❤️滿杯西柚真係新鮮水果打造少少酸甜嘅冰沙❤️香芋珍珠奶茶好多珍珠同埋好大杯，濃郁香芋味道❤️台灣小香腸呢個台灣小香腸夠滋味又Juicy~❤️鹽酥雞扒真係即點即炸又酥脆夠熱辣辣真係味道好香，唔會話覺得好鹹

用膳環境闊落舒適，餐廳佈置簡而精，十分舒服。••••••••••••••••••••••••••••••酥炸花枝墨魚丸$41丸內大大粒的魷魚粒， 食落好有口感，屬高質丸類。••••••••••••••••••••••••••••••鹽酥雞扒 $44外脆內軟表面放上鹽酥雞粉，雞肉有肉汁，值得推介••••••••••••••••••••••••••••••鹽酥臭豆腐$42充滿台灣風味，香脆之餘又不會乾身。••••••••••••••••••••••••••••••招牌臭臭鍋$98點了少辣，但一點都不辣。材料有臭豆腐，牛肉片，鴨血，滷大腸，台灣貢丸，娃娃菜，椰菜，雲耳，金針菇，鮮冬菇，豆腐，粟米，炸薯仔，炸枝竹，鳴門卷等。••••••••••••••••••••••••••••••日式味噌鍋$108充滿日式風味的湯底，有濃濃的味噌味。材料有豚肉，雞蛋，娃娃菜，椰菜，雲耳，金針菇，鮮冬菇，豆腐，粟米，炸薯仔，炸枝竹，鳴門卷等。••••••••••••••••••••••••••••••每個鍋都配有跟飯/粉絲 +$12更可以升級為滷肉飯，滷肉飯上的肉碎不會太多肥肉。如果怕份量不夠就跟飯會較好整體

朋友揾到新工，為興祝佢第一日返新工，約左係佢返工附近既地方食餐好。對上一次去帝景灣好似係整身份證，可能唔近主要商場，附近無咩人，去到餐廳唔洗等位，慳返D時間叫左兩個唔同鍋，一個藥膳豚肉鍋，一個巴蜀烤魚鍋。有D後悔無試招牌臭臭鍋，下次要試下。叫左一碟鹽酥雞扒，炸物先到。無諗過咁好食，熱辣辣係基本，炸粉恰到好處，非常脆口，雞又多汁又嫩，好食到想再叫。好食過出面既居酒屋同炸物專門店，真係好驚喜。兩個鍋同時到，好足料，藥膳豚肉鍋既豚肉有勁多，配菜都多到食唔曬，仲有午餐肉，估唔到，仲有我最愛既薯粉係入面。而巴蜀烤魚既鯇魚都好大舊，兩個鍋都味道十足唔洗用調味料。另一個炸物既驚喜都黎埋，係鹽酥金針菇與冬菇。食得出個炸粉有少少唔同，但都係好出色，好脆，但又唔覺得太油同太重味，岩岩好，利害既係冬菇仲好JUICY！真係另一個食唔停既炸物，完全唔洗點醬汁。食炸物同火鍋配凍飲係基本的。叫左兩杯飲品，真係好大杯，一杯係芝士茶王奶蓋，一杯係滿杯紅柚子。芝士奶蓋永遠都唔會令人失望，好好飲，而柚子感覺好健康解油感一流。食飽飽最好就係附近既海邊行下，消下肚腩，又舒服又寧靜。

作為將軍澳區人士，我都好少嚟帝景灣商場呢邊，因為真係比較偏僻，好彩呢邊有個身分證換領中心帶旺返呢邊！湯•米 就喺商場嘅一樓，當時去都得3/4檯，但一直keep住有好多外賣出🥡佢哋主打台式一人一鍋，例如招牌臭臭鍋、巴蜀烤魚鍋、沙茶牛肉鍋、韓式泡菜鍋、泰式海鮮鍋等等，總有一款啱你心水😆🍲咖喱奶蓋鍋 配白飯/粉絲 $97呢個咖喱奶蓋鍋我選擇咗走辣，但其實都有少少辣味。裏面有好多薄切肥牛、娃娃菜、芽菜、豆腐，仲有冬菇、魚蛋、粟米、薯仔、鳴門卷等等，仲有粉絲超級索湯，好豐富😍🥓藥膳豚肉鍋 $96 + 滷肉飯 $12見到個湯底有紅棗、杞子、蟲草花，所以一放上枱已經好大陣藥膳味。入邊啲豚肉多到夾極都仲有，配料同上面嗰個鍋大致相同。另外，個滷肉飯味道都唔錯，啲滷肉會食到啲菇粒，要來送飯真係一流😊🦑花枝墨魚丸 $32如果當小食嘅話有鹽酥花枝墨魚丸，我哋點呢款就係放落邊爐入邊生嗰啲花枝墨魚丸。一碟有六粒，又真係食到佢啲墨魚丸粒粒喺入邊，而且唔會太粉，好食呀🥰🥢鹽酥臭豆腐 $42金黃香脆嘅外層入面係嫩滑嘅豆腐，食落唔會太油膩，但我嫌佢唔夠臭，所以我估唔鍾意食臭豆腐嘅朋友應該都仲可以接受到呢個臭豆腐嘅☺️🫖芝士

放工同老婆係將軍澳南遊蕩，見到有個帝景灣商場，就行入去睇吓。唔算係商場，係街舖分布係兩層。見到依間台式火鍋店，如果唔係行入嚟，都唔知道有一間餐廳，六點已經見到有人坐喺裏面，就同老婆入去試一試。叫咗佢哋個招牌臭臭鍋，配粉絲，裏面好多料，有臭豆腐，肥牛，鴨血，貢丸，等等。每一樣都好有水準，湯底都好好味，少少甜，係我鍾意嘅味道。仲可以喺外邊攞一啲醬料，蒜蓉我就最鍾意。仲加咗蝦，烚吓烚吓嚟食，正。另外再叫咗麻辣臭豆腐，酥炸墨魚丸，青瓜。都真係鍾意食臭豆腐，好耐冇食，食到臭豆腐嘅味道。墨魚丸似椒鹽，彈牙好食。叫咗杯菠蘿沙冰，好菠蘿。😁。食飽飽，吾貴，抵食好食。

今日約咗朋友喺將軍澳食飯，大家都鍾意打邊爐，搵到呢間比較少接觸啲嘅台式火鍋店，一人一鍋，湯底選擇亦都幾多，所以黎試試。而家有個推廣係酸菜魚鍋，不過因為最近已經食咗所以就冇嗌到，下次嚟就一定要試。《沙茶牛肉鍋》$97沙茶味道都幾重，每個鍋會跟一份飯或者粉絲，雖然份量唔多但係就咁食過入面嘅配料都已經夠晒飽，因為份量真係好多，而且味道真係唔錯唔會好鹹！《巴蜀烤魚鍋》$103唔係周圍都可以食到烤魚所以呢個真係相當吸引！烤魚好厚實，唔係平時食開好滑好散嗰種魚，值得一讚係好入味，外皮有少少焦香，越食越辣，唔食得辣嘅真係唔好嗌咁辣啦！《鹽酥雞扒》$44鹽酥雞扒炸得唔錯，皮唔會好厚，裏面嘅雞肉都唔會好乾身。《鹽酥花枝墨魚丸》$41幾彈牙同埋識到粒粒花枝，唔係普通街市好cheap嗰啲貨，都幾好味。嗌咗兩杯嘢飲金鳳茶王芝士奶蓋，出奇意料嘅係奶蓋做得唔錯，幾濃稠，有芝士香！

間店位於將軍澳一個住宅商場內，人流較少，適合假日放鬆又唔想同人逼嘅朋友，依間店，主打台灣鍋品同台式飲品，啱晒我呢啲又想飲珍珠奶茶，又想食臭臭鍋嘅人。佢呢度嘅臭臭鍋，唔似得其他台式餐廳一上菜就聞到濃烈嘅臭味，有種清新嘅感覺，芽菜爽口，台式香腸，牛肉份量都足夠。另外叫咗個臭豆腐小食，每件都係一口就食得落唔會整到周圍都係，方便女仔兼顧食臭豆腐嘅餐桌禮儀，嘢飲嗌咗滿滿百香果同埋奶蓋烏龍，百香果新鮮果味香，奶蓋烏龍層奶蓋超厚，滑得來又有奶香，另外佢餐廳仲有好多鹽酥類炸物，亦都值得一試。

夠期換證所以入左TKO，見到有間幾隱蔽食台灣野既鋪頭😊😊唔想再出返去搵食就直接入去算。鋪頭唔算大，但客都算多，望落應該都係做街坊生意多。一人一鍋火鍋乾淨又方便，唔湯底唔使你就我我就你咁🤭湯款有成9款咁多，有辣既酸既日式泰式港式 既，一定總有一款啱你心水😏😏😏招牌臭臭鍋，好正既臭味，入面有臭豆腐大腸鴨血牛肉片等等。泰式香辣鍋，即係冬陰功湯底，海鮮有蝦，青口同蛤蜊，湯底夠香同濃，啲配料索哂啲味好正👍🏻👍🏻另外加左碟蝦同鮑魚，好抵食另外嗌多左份雞扒，熱辣辣正😊

位於將軍澳海傍附近商場的一家台式一人火鍋店，附近環境都蠻恬靜的，地點有點迂迴、難找。餐牌一共有9款熱鍋選擇，有招牌、泡菜、沙茶、咖喱等，跟鍋免費配一碗白飯或粉絲，還可追加配料及台灣夜市小食，飲品則有各款台式手調飲料。熱湯：巴蜀烤魚鍋烤魚只是用了鯇魚一部分，部位在魚腩位，不過骨頭較多。湯底濃郁，浸滿紅油。辣度越吃越辣。魚先炸過，所以外層有點脆，但是內裡魚肉、魚腩也是相當滑溜。蔬菜配料都特別掛湯，越浸越辣。熱湯：酸菜魚鍋 新品上市的酸菜魚湯底鍋，主要食材就是魚腩，其他還有不同的蔬菜、粟米、豆腐、金針菇、冬菇、薯仔片、炸枝竹、香腸、芽菜、鳴門卷等，很豐富。酸菜魚湯底有大量的酸菜，加添酸味。不過辣度就不太強。加點：花枝墨魚丸火鍋配料少不了丸類，台灣的花枝丸，爽彈又煙韌。寶島美食：鹽酥臭豆腐麻辣臭豆腐帶點辣勁，微微發酵後的臭味，再加入了四川麻辣元素，所以集麻香辣味道。寶島美食：鹽酥雞扒台灣夜市小食，經調味後，鹽酥雞扒非常鹹香。炸得很酥脆，內裡雞肉保留肉汁。飲品：滿杯紅柚子紅柚子混合打碎的冰沙，嚐得出紅柚子味道及果肉，真材實料。

晚飯時間店鋪也坐滿人，始終是住宅佢區自然有住客光顧🍽巴蜀烤魚鍋比較特別的口味，而且味道非常正宗。有一大塊鯇魚楠，不過會比較多骨要小心吃。另外還有芽菜、香腸、金菇等配菜，底下還有寬粉，最後把湯的精華吸盡後煙韌又入味。小辣也會比較辣所以大家要量力而為🍽泰式海鮮鍋配菜大同小異，海鮮則有3隻海蝦和2個青口，還有顆彈牙的麥魚丸。整個湯底會比較酸辣，椰汁味不會很重剛好🍽麻辣臭豆腐真的蠻臭的，麻辣醬汁不會很辣應該大部分人都能接受，豆腐挺身不會很油🍽鹽酥金針菇和冬菇最愛的菜式非它莫屬，這個價錢有這個份量非常抵食。略嫌調味偏甜一點，如果鹹香味能重一點會更好，而且配上甜辣醬很搭