湯•米 (已結業)

我地叫左酸菜鍋 同臭臭鍋。兩個鍋底味道普通，臭臭鍋甚至冇咩味，淡茂茂，要加調味料先有味。食物份量方面，少到好似每舊都係施捨，金針菇一條得四絲咁大把，孤寒度叔。我懷疑佢一舊金針菇都可以賣成個禮拜⋯勁貴兼份量少，我好似俾錢乞食咁服務態度方面真係差到極點，一間店得兩個服務員，對人愛理不理，我哋好聲好氣問佢，佢嘅態度就十分唔耐煩，人少少都服務態度咁差，好似爭咗佢廿萬咁⋯之前喺另外一間同類嘅店度食過臭臭鍋好好食，仲諗住今次近近地喺將軍澳食，點知伏到爆，呢一間難食到不得了⋯同之前食過嘅完全冇得比⋯簡直令人失望透頂！

天氣甘凍最啱食火鍋，今日叫左個藥膳豚肉同招牌臭臭鍋同珍珠奶茶同芝士妍綠，火鍋唔鍋🤗🤗下次可以再食過，奶茶珍珠個心硬左啲😅下次唯有試下其他飲品，個藥膳鍋味幾濃

天氣凍，想食啲熱嘢，見到呢間餐廳咁多人潮，所以又試下。因為餐廳唔算大，所以座位比較少，好彩早一步，之後都要排隊了。鍋嘅選擇都算多，不過食材都大同小異，我自己就揀咗個招牌臭臭鍋配滷肉飯。都幾足料，舊豆腐都真係特別有味道。屋企人揀咗個沙嗲牛肉鍋配粉絲，個湯好惹味！覺得佢啲牛肉片幾好食，所以額外加咗一碟，都只係$36 ，好抵！本身好想試吓佢嘅珍珠奶茶，可惜賣晒，所以就試吓佢嘅奶蓋茶，茶味夠濃，奶蓋夠Creamy夠香。最後，食台灣嘢又點少得鹽酥雞扒，佢皮薄肉滑，炸得好香脆。

冬季最岩打邊爐。今次我地兩條友黎到將軍澳試下呢間一人一鍋台灣店。我地嗌左一個沙茶牛肉鍋，一個最新推出的酸菜魚鍋，額加左四隻鮑魚，三隻海蝦，小食嗌左鹽酥雞同鹽酥臭豆腐。每一個鍋內容都非常豐富，沙茶牛肉鍋有牛肉、牛肉丸、娃娃菜、雲耳、各種菇類、豆腐支竹同薯仔，好重沙茶味。酸菜魚鍋入面有一大塊魚肉，唔係一片片肉片，其他配料類似，好多酸菜，都有小小辣味，中意辣既朋友唔好錯過。小食方面，鹽酥雞非常驚喜，雞肉味道唔會好鹹，炸粉又唔會太厚，非常酥脆，口齒留香。鹽酥臭豆腐好似油豆腐，外酥里嫩，分量都好足！我地嗌左一杯芝士凍頂烏龍，一杯芝士茶王8號。烏龍茶非常清甜，茶王味道更淡一些，但都入口清冽帶有小小回甘，配上芝士奶蓋，更有層次，我個人偏愛烏龍茶多啲，呢間野飲不輸出面飲品鋪，強烈推薦試下芝士凍頂烏龍！

夜晚黎睇新落成嘅將藍大橋，路過湯.米， 只見店舖兩面落地大玻璃，內裏以木色枱櫈為主， 整體格局非常明亮，諗住入去食碗熱湯米線。入到去先知原來係間台式火鍋店，係冇米線賣嘅。佢哋嘅火鍋係一人一鍋嘅，有招牌臭臭，巴蜀烤魚，沙茶牛肉，泰式海鮮，韓國泡菜，藥膳豚肉，咖哩奶蓋，香辣牛肉以及日式味僧等九種口味，有辣有唔辣，任君選擇。我哋去到當日，佢哋仲推出咗新口味酸菜魚鍋。我哋最後點咗沙茶牛肉鍋同酸菜魚各一鍋，鹽酥雞扒一客，再加咗四隻鮑魚同埋三杯飲品。沙茶牛肉鍋裏面嘅配料非常之豐富， 除咗主角牛肉牛丸之外， 仲有娃娃菜冬菇豆腐炸薯仔支竹鳴門卷等配料。 牛肉大致有四塊， 肥瘦適中， 油脂豐富。 湯底係有少少花生碎，似沙茶醬同沙嗲混合咁嘅味道， 隨餐附送粉絲一份， 揼入煲到煮曬，索曬湯汁嘅精華非常惹味。 酸菜魚鍋同我想像中有啲出入，鍋係一大舊魚肉，而唔係一片片魚肉， 幸好魚肉嘅骨都唔多， 啱曬我呢啲最鍾意食軟飯嘅人。鮑魚上枱嗰陣已經預先處理過，店家將內臟同嘴去除 ， 將洗乾淨嘅鮑魚肉擺返係殼上面，可惜食落肉質偏韌， 唔係咁新鮮， 略為遜色。鹽酥雞扒大份過我隻手掌， 炸粉唔算好厚 食落外皮酥脆，肉質細嫩

成日經過想食好耐，又見好多人食，今次就係OpenRice預約黎試下。呢排凍凍地想食d暖笠笠既野，就決定食呢間！一入到餐廳，環境都幾好，好在有booking，唔係就要等位。今次我試咗牛肉鍋加粉絲，飲品係珍珠奶茶加鮮草！朋友就試咗個招牌加粉絲。賣相幾好，味道質素都唔差，好似韓國部隊鍋，上餐速度唔使等好耐，食完都飽到第二日，我同朋友大家都唔舒服，我柯咗三次，估係食物唔太乾淨？下次應該唔會再黎第一次試就有呢個唔太好經驗，有d失望。

剛剛在將軍澳帝景灣見完客，落到商場見到湯 *米，主打台式一人一鍋，天寒地凍，食番個熱辣辣的鍋物真是最好不過。店子有9款熱湯可供選擇， 所有熱湯均免費跟飯或粉絲一份。另外還有台式小食，加點，台式飲品和甜品。香辣牛肉鍋(跟粉絲)$98~一人一鍋以小火爐熱住上枱，倍感暖笠笠。配料亦十分豐富， 有牛肉，台灣貢丸，娃娃菜，椰菜，雲耳，金針菇，鮮冬菇，豆腐，豆角，粟米，炸薯仔，炸支竹，鳴門卷，香葉和芽菜，配上香香辣辣的湯底，蔬菜類頗多，又健康又滋味。牛肉肥瘦相間，口感軟腍，肉味香甜，台灣貢丸爽口彈牙，好正!加點~海鮮拼盤$42~ 鮑魚一隻，花螺四隻和海蝦兩隻，十分抵吃。鮑魚肉質嫩滑彈牙，海蝦鮮甜爽口，很不錯。鹽酥雞扒$44~雞扒表面炸得酥脆，雞肉嫩滑多汁，好味。鹽酥金針菇與冬菇$40~口感很鬆脆，味道調配得很好，很出色。滿杯百香果$36~冰凉的百香果茶酸酸甜甜，好開胃，配火鍋一流!

今晚約咗家人到左食一人一鍋的#湯米 ，貪佢衛生又健康，因佢地的鍋物，蔬菜🥬跟肉的比例均勻，選擇又多，味道調較得很好👍。⁡藥膳豚肉鍋，豚肉份量很多，配料種類多，有薯仔、娃娃菜、枝竹、菇類、豆腐、粉絲…，我地額外加左生雞蛋🥚，加入一併食超正☺️。家人點了沙茶牛肉鍋，見佢的牛肉肥瘦適中，沙茶醬湯底調味得很好，唔會過咸，越滾越入味，佢說配搭牛肉食就是正🙂。仲追加了海鮮拼盤，有海蝦、花螺同至愛的鮑魚，因材料原本是熟的，故只需放入鍋加熱就可以食。小食點了台灣小香腸，很香口惹味。芝士金鳳茶王同埋芝士茶茶八號，茶底很香，大杯又清凉爽口😊。

之前在旺角分店吃過一次，今天路過將軍澳，知道這裏有另一分店，便在這裏進食晚餐。這間分店的位置不好找，不過大廈入口有指示牌。招牌臭臭鍋$98，材料有臭豆腐、牛肉片、鴨血、滷大腸、台灣貢丸、娃娃菜、椰菜、雪耳、金計菇、鲜冬菇、豆腐、粟米、炸薯仔、鳴門卷、炸枝竹。很有台式的臭臭鍋味道，吃落非常惹味。香辣牛肉鍋$98，材料包括：牛肉、牛肉丸、娃娃菜、椰菜、雲耳、金針菇、鮮冬菇、豆腐、粟米、炸薯仔、炸枝竹、鳴門卷。鍋底香而不算太辣。如果可以吃得辣，可以再加多點辣都得。其中以牛肉的肉味最為濃郁。台灣夜市小香腸$32，香腸外皮香脆，內裏肉汁豐富。麻辣臭豆腐$44，臭豆腐的味道濃郁，加上麻辣的味道，是一道不錯的小食。豚肉片$34，放在鍋裏一會，便可以吃到肉質結實的豚肉了。芝士茶王8號$36，芝士和茶香都很濃郁，非常有台式風味。滿杯百香果$36，百香果味道濃郁，加上檸檬的香氣，不會過酸，非常解渴。

寒冷天氣下找到喺將軍澳南那邊比較少有嘅台式火鍋，平日晚市都好受歡迎，人流不絕，週末更加要book 位。餐廳兩邊落地大玻璃，開陽唔侷促🌟餐廳中間部份可以自助簡單混醬。有9款湯底選擇，一人一鍋，各選喜愛口味。沙茶牛肉鍋$97材料豐富，每樣都有啲：牛肉，牛肉丸，娃姓菜，椰菜，雲耳，鲜冬菇，豆腐，粟米，炸薯仔，炸技竹湯底有沙嗲味，不過唔算濃厚，滾耐咗味道啱啱好唔會太鹹。牛肉片份量不少。可選配飯或粉絲。另點了鮑魚，鮮甜夠稔。😋👍🏻火鍋配料推介「臭頭腐」，上枱完全冇味但淥完後就釋放濃郁臭豆腐味，風味十足！😋👍🏻藥膳豚肉鍋$96豚肉，紅棗，枸杞 ，娃姓菜，椰菜，雲耳，午餐肉，鲜冬菇，豆腐,豆角，栗米，炸薯仔，炸技竹，雞蛋，嗚門卷..主菜豚肉大大塊，每樣少少都好夠飽。反而湯底最出色，藥材味道唔會好濃啱啱好～涼拌小青瓜🥒青瓜爽脆入味，灑上白芝麻更加香。😋爆檸四季春$36有成半個檸檬俾你爆～檸檬酸強勁🍋🍋滿杯百香果$36百香果味濃郁，酸酸甜甜仲有粒粒奇亞籽，味道清新解膩。簡單一人一鍋，吃完暖笠笠大滿足😋❣️

👯天氣轉涼, 嗜好食火鍋嘅我們, 發掘到呢間台式鍋物專門店, 主打一人一鍋, 環境清幽, 裝修舒適簡潔, 正值晚餐時間, 冇理由唔坐低試下😍🌟熱湯鍋有八款選擇之多, 每款都附送白飯/粉絲, 仲可以加 $12, 改選滷肉飯, 湯底亦有不辣至極辣, 共6級🌶️辣度之選😍👑招牌臭臭鍋 $98每鍋內已預設咗唔同款式選擇嘅食材在內🥰我揀咗呢個臭臭鍋內涵豐富：豬大腸,台灣貢丸,腸仔,豆腐,菇菌,萵筍,粟米, 雲耳, 鴨血及牛肉片, 材料十足😍💫唔夠嘅話, 還可以點加海鮮拼盤及小食, 仲有特色嘅鹽酥系列小食✨海鮮拼盤 $42鮑魚一隻,花螺四個,海蝦兩隻食材新鮮夠鮮味👍🦐大蝦拼青口 $38一人份嘅份量適中, 青口肉質肥美, 大蝦鮮味肉爽😋🍄鹽酥金針菇與冬菇 $40金菇菜炸得鬆化脆口,洒滿椒鹽, 非常惹味😋🐔鹽酥雞扒 $44酥脆嘅外皮內包著嫩滑雞肉, 口感滿足🥰🍧奶香嫩仙草 $24餐後點選咗甜品, 奶味夠濃, 仙草口感軟滑💕🥤新鮮水果茗茶爆檸四季春 $36🍋茶味濃郁配新鮮檸檬, 非常清新嘅口味, 十分解渴😋

今日同老公入左將軍澳食湯米，叫左個巴蜀烤魚鍋同酸菜魚鍋，冇諗過原來係一人一鍋😂幾驚食唔曬，點知最後竟然差d連湯都飲埋😂🔸魚魚皮好脆同魚肉勁滑😍😉溫馨提示一下，建議盡快食左條魚先，因為魚皮浸得內就會淋曬同d肉就會冇咁滑嫁啦🔸湯底巴蜀烤魚鍋有得揀辣度，小辣對我黎講就岩岩好🤣因太辣我會覺得食唔到食物既原始味道🤪而相對黎講，酸菜魚鍋既湯又幾易入口，我老公差d飲曬成鍋既湯😂😂😂配埋粉絲食超正（可以揀飯但我地揀左粉絲🤪）🔸 配料配料超多，有娃娃菜芽菜豬皮腐皮韮菜鳴門卷金針菇炸枝竹豆腐😂😂😂（打曬都覺自己煩）全部吸收晒湯嘅味道，超。好。味！我都係第一次食火鍋會食曬d配菜🔸海鮮拼盤有花螺，海蝦同鮑魚，鮑魚鮮甜彈牙，殼同鮑魚重已分開左，容易放去十下十下🔸 牛肉片肥瘦適中，食完個口重留有好重既牛味，難怪係重點推介！🔸飲品芝士茶王8號（每日限定）❤️推薦！滿杯菠蘿📍湯米將軍澳唐賢街23號帝景灣商場1樓40號舖

之前食過一次湯•米， 位於將軍澳唐賢街23號帝景灣商場1樓40號舖。 餐廳是一間台式鍋物專門店， 還記得上次食招牌臭臭鍋味道不錯😊， 今次就食其他款式🥢，泰式海鮮鍋$103、 韓國泡菜鍋$98、 台灣夜市小香腸$32、 涼拌小青瓜$32、 台灣滷肉飯$23、 滿杯紅柚子$36、芝士茶王8號$36。 🔸泰式海鮮鍋🫕 ～ 有鮮蝦、青口、蕃茄、娃娃菜、雪耳、金針菇、鮮冬菇、豆腐、粟米、炸薯仔、炸支竹、鳴門卷和香菜， 可以選跟飯或粉絲，兩個鍋底都是跟粉絲，因為粉絲比較吸湯汁的味道。 泰式鍋的味道酸酸辣辣， 食落比較開胃， 鮮蝦又夠爽口。🔸韓國泡菜鍋🫕 ～ 豚肉、王子餃、韓國泡菜、公仔麵、年糕、娃娃菜、雪耳、金針菇丨鮮冬菇 、豆腐、粟米、炸薯仔、炸支竹和鳴門卷， 湯底有輕微辛辣味， 有點似部隊鍋， 跟公仔麵煙煙韌韌幾好味。( 兩款湯底都不用配任何醬料，已經好夠味) 🔸台灣夜市小香腸🫔 ～ 台灣小香腸口感紮實又煙韌， 甜甜的，小食之選。 🔸涼拌小青瓜🥒 ～ 涼拌青瓜好爽口， 清新美味。 🔸台灣滷肉飯🍚 ～ 肥瘦肉均勻，滷汁非常的下飯。🔸芝士茶王8號🧋 ～ 香濃順滑的奶蓋， 配上茶王真係幾好飲。 🔸

呢間餐廳主打台式一人火鍋，火鍋口味有成9款。今次我同朋友叫左招牌臭臭鍋 同香辣牛肉鍋，火鍋可以免費配粉絲/飯，同埋可以揀辣度。招牌臭臭鍋 （$98）入面超多料，有臭豆腐、牛肉片、鴨血、滷大腸、台灣貢丸、娃娃菜、椰菜、雪耳、金計菇、鲜冬菇、豆腐、粟米、炸薯仔、嗚門卷、炸枝竹。香辣牛肉鍋（$98）牛肉、娃娃菜、椰菜、雪耳、金計菇、鲜冬菇、豆腐、粟米、炸薯仔、炸枝竹、嗚門卷、香菜。2個鍋我地都揀左小辣再配粉絲，雖然小辣但覺得佢有少少偏辣，唔食得辣嘅朋友要小心揀。個鍋真係超級足料，性價比好高，我地再追加左一碟娃娃菜同2份鮑魚。小食我地叫左，鹽酥雞扒、台灣夜市小香腸、鹽酥金針菇與冬菇。全部都好有台灣風味，好好味🤤 鹽酥雞扒，雞肉嫩滑同好juicy，鹽酥金針菇與冬菇，炸得超鬆脆，而且啲菇仲保持到好juicy，外脆內多汁，好好食😋呢度仲有好多台式手搖飲品，整體性價比高，而且份量好多，絕對一個鍋唔再加其他配料都食得飽。

呢晚去左帝景灣拎新身份證 見到樓上都有幾間餐廳😮天氣又咁凍 就決定黎個一人一鍋🍲.餐廳有好多款式嘅鍋底台式、日式、韓式都有 仲有新出嘅酸菜魚鍋🐟由於係一人一鍋 就算大家想食唔同口味都可以滿足每個人嘅願望😁.🌟沙茶牛肉鍋 ($97)港式鍋底始終係我嘅最愛呢個一人鍋非常有份量😎沙茶醬味道濃郁 唔使點額外醬汁都好夠味而且牛肉份量都好多 仲有其他配料例如牛丸🧆、豆腐、金菇、冬菇、娃娃菜🥬等等材料豐富又有肉有菜 就好似食到港式火鍋嘅精華😋.🌟韓國泡菜鍋 ($98)至於韓式鍋除左湯底唔同之外配料亦都會因而有變化呢個鍋就配左豚肉🐷 而且仲有餃子同公仔麵每個鍋都會配飯🍚/粉絲🍜因為呢個鍋已經有公仔麵 所以就加左$12 轉滷肉飯味道都唔錯 而且大大碗☺️.🌟鹽酥臭豆腐 ($42)以前成日覺得好臭所以唔敢食🫢 今次得到朋友嘅鼓勵所以第一次食呢間嘅臭豆腐唔算好臭 食落外脆內軟成功令我改觀🤪.🌟鹽酥雞扒 ($44)雞扒外層炸得酥脆 裏面仲保持到juicy嫩滑而且仲要大大塊 非常高質🐔.🌟芝士茶王8號 ($36)沙茶湯底味道較濃飲清新嘅茶王8號就啱啱好中和🥤.🌟宇治鮮奶抹茶 ($30)呢個鮮奶抹茶就可以