湘川滬 (粉嶺中心)

營業中

休息中

湘川滬葵芳店結業後，就好耐無食過滿意嘅上海菜，以前食次次都同同事嗌片皮鴨，是晚同姐妹共三人，都係主打番精緻菜式先。湘川滬顧名思義，主打湖南，四川同埋上海菜，每個地方嘅拿手菜集大成，我地分別叫左必點小龍包，一籠四隻大大隻，隻隻都湯汁飽滿，皮薄但唔易爛，咬穿外皮慢慢飲左d湯汁先，正！炸銀絲卷又是食上海菜必點，蒸銀絲卷太普通，既然要食就要點炸，配煉奶食真係無得頂，炸過嘅銀絲卷唔油膩，非常鬆脆！紅油抄手精粹在於個醬汁，湘川嘅醬汁配蔥油又香又帶少少辣，係我食過咁多間暫時最岩我口味嘅一間，好想再encore。雞絲粉皮又係心點，雞絲，爽脆青瓜，同埋麻醬，撈勻食真係幾邪惡都停唔停口。食左幾道滬菜，揀左酸菜魚片刺激下味蕾，魚片唔知用上咩魚，啖啖肉，吸收左酸菜湯汁，好惹味，而湯底嘅粉絲掛湯咁食，非常入味！（其他鋪頭用寬粉，會仲多左重口感）食咁濃味菜色，主食就揀個三鮮湯年糕，配料包括蝦仁，雞肉，花膠仔同黃芽白勁豐富，帶出湯嘅鮮味唔花巧。最後點了道甜品豆沙窩餅，剛炸起熱辣辣又脆又香，豆沙唔算甜，超好味！久違了的湘川滬，無令我失望。

三個女人一個墟，又係時候聚一聚，今次近近地去屋企附近食，咁就唔駛趕住返屋企，可以慢慢食慢慢傾啦!朋友P話一定要食炸銀絲卷、雞絲粉皮同豆沙鍋餅，朋友A話要食三鮮湯年糕同蒜蓉炒豆苗，我就梗係揀我最鍾意食既小籠包、紅油抄手同重慶酸菜魚片啦!三個女人放工後都好肚餓，炸銀絲卷一黎到我地就急不及待夾黎食，熱辣辣好好味，外面炸到金黃色脆卜卜，裡面就超鬆軟一絲絲咁，連埋煉奶一齊食真係絕配。我點既紅油抄手餡料飽滿，個汁夠麻夠辣，如果叫碗白飯都一定食晒，哈哈! 至於雞絲粉皮個花生醬偏杰，好濃厚，食得濃味既應該會鍾意食。招牌小籠包係必食，熱辣辣，皮薄多汁，內餡肉味香濃。重慶酸菜魚片入面放左好多粉絲，酸係足夠，但我覺得可以再辣少少，可能我比較食得辣，最驚喜係魚片好爽脆，而且份量都唔少，又好味又抵食! 朋友點既蒜蓉炒本地豆苗同三鮮湯年糕都唔錯，湯年糕好煙韌，湯底都好鮮甜，我最後飲左兩碗。其實我地食到呢到已經好飽，但我地最後都要叫埋豆沙鍋餅食，熱辣辣脆卜卜，豆沙餡唔會過甜，味道唔錯。總括黎講，今餐食物質素唔錯，而且坐得舒服，同朋友可以一路慢慢食慢慢傾。

粉嶺好少滬菜食，黎到呢間湘川滬試試。佢有做午市套餐，十分抵食，一個主食再加一款小食都係四五十蚊，但要飲茶就要俾茶芥。叫咗兩款雞，口水雞同醉雞，兩款雞的雞肉都好嫩滑，但相比之下醉雞就入味好多，口水雞的汁係好味的，但雞肉唔夠入味

平時食湘菜，川菜、滬菜，香港真係數唔出邊幾間餐廳係好食，所以好多時都係去深圳食，會又便宜又正宗，特別係剁椒魚頭。朋友介紹粉嶺開左一間食湘菜，滬菜好出名嘅餐廳，所以決定一試。入黎我淨係食左佢四款菜式，咕嚕魚塊，醬椒魚頭，金沙南瓜同埋四色小籠包。 平時食小籠包，好多時候都係得原味揀，但呢一間與眾不同，佢嘅小籠包好特別。第一道菜來嘅係四色小籠包，有酸辣、黑松露、蟲草花、原味揀。我同阿媽每人兩粒，我食嘅係酸辣同黑松露，小籠包皮要薄，大家都明白個重要性。呢到嘅小籠包皮簿，肉汁好多，味道好濃郁，四款首推黑松露。之後係咕嚕魚塊，酸酸甜甜的，最特別嘅係魚身非常嫩滑。平時食炸魚薯條，魚身多粉，魚肉并不突別嫩滑，但這裡的咕嚕魚塊，卻是非常值得一試。之後來嘅係金沙南瓜，撈有咸旦嘅炸南瓜。這道金沙南瓜內裡非常熱，南瓜清甜，配上咸旦絕對唔會膩，絕對值得推介。最後來到是日主打菜，醬椒魚頭，平時食開嘅都係剁椒魚頭，但今次見到「醬椒」嘅選擇，即刻好奇心驅使，一定要點。佢有幾款唔同口味，魚頭嫩滑，醬汁味濃。買單同阿媽夾埋都係$400 ，呢個價錢食到高品質嘅食物，值得推介。

今次來食川菜😛一聽到食川菜大家一定以為食辣野。首先推介呢個「鎮江肴肉」係我最喜歡既前菜，我係一個唔多食肥豬肉既人，但係凍食原來有不一樣既感覺，一點都不像在吃肥豬肉，而且做開胃前菜真心捧👍👍跟著要推介既就係小籠包😍佢地既小籠包皮薄而且每隻小籠包裏面都有鮮雞湯嫁～而且皮夠薄，很足料，值得推介。壓軸登場既就係灌湯餃。第一次用飲管食既灌湯餃，湯很鮮豬肉味和蟹粉，而且很鮮甜。這裏餐廳的服務員都很細心，知道我們第一次來很細心為我們介紹餐廳熱門菜式，服務態度100分👍😊#湘川滬 #湖南菜 #四川菜#上海菜 #重慶酸菜魚 #招牌小籠包

粉嶺中心裝修之後，唔止睇落新淨過名都，仲開左唔少新鋪頭，有食意粉、有天仁、仲有呢間食中菜既湘川滬。之前經過佢廚房塊大玻璃，見到d師傅整緊高力豆沙同埋小籠包，大大個好似唔錯咁，所以今晚就黎食下佢d小籠包。樓面丫姨服務態度幾好，又有禮貌。坐低開左壺鐵觀音，茶都幾香。睇左陣menu，決定叫個二人餐，有前菜、兩個燉湯、再加小籠包、小菜仲有個主食加甜品，咩都有齊。上菜速度都算快，d野陸陸續續咁黎，唔會食完一樣又要等。前菜我地揀左麻醬粉皮同四喜烤麩，粉皮質感唔錯，唔算闊身但都唔會散收收咁，軟滑得黎又煙un，同埋個麻醬好濃好香，加上中間既青瓜絲，好食又唔會太膩。四喜烤麩雖然油少少，但味道好足，食到好香既五香粉既味，而且仲有一大塊竹筍同埋雲耳。跟住係燉湯，我地叫左兩款各一盅。嘩，熱辣辣，一打開就聞到燉湯既香味，同埋都見到入面有唔少料。岩岩燉好拎出黎，實在係太熱，所以放左一陣先飲，飲得出佢唔係放左好多味精既味道。燉湯之後小籠包就黎啦，一籠四個大大隻，好似之前食過既都冇咁大隻，雖然我唔知咩size先係正宗，但成半個拳頭咁大隻就感覺好滿足。都係岩岩蒸好既關係，熱辣辣，攤左一攤先食到。第一次食小籠包，係隻匙羹

呢到晚市嘅2人餐真系好抵食，加多兩款升級優惠嘅食物就已經夠晒3️⃣個人食前菜揀左鎮江肴肉➕蔥油海蜇，兩款都好好味😋👇🏻仲有兩款唔同口味嘅燉湯螺頭燉花膠湯，呢個有埋雞腳，味道香濃➡️啱晒我花菇瑤柱炖肘子湯，有很大塊花菇，真系落足料，味道清甜主菜揀左西蘭花崧子炒蝦球，西蘭花🥦好爽脆，🦐蝦球好大粒，很香口仲有個梅乾菜肋排，食呢個真系好想配碗白飯，肋排煮得夠淋夠入味，真系好惹味呀👍🏻加左$25小籠包，一籠有4粒加大嘅小籠包，皮薄餡靚甜品系龍眼杞子桂花糕，呢個唔會太甜，味道清香真系好滿足，好飽呀🙉🙉想加埋個高力豆沙都食唔落，下次一定要試埋呢個😆

山長水遠去到粉嶺同屋企人食飯，佢地揀咗去食上海野！平時假期食飯時間見佢都幾多人排隊，所以都係閒日先黎食多湘滬川啲片皮鴨都算幾平，成隻都只係二百幾蚊，二食嘅話就再加多幾十。多數我地都係一食就算！幾鍾意佢片嘅方法，一邊淨皮，一邊皮連肉。因為依加好多地方都片到大大舊肉，其實真係皮先食到陣香味！當然仲要靠個醬，大蔥同青瓜去調味！啲皮黎到嘅時候仲脆脆地，好吸引小籠包推出咗幾款新口味，我地試咗芝士黑松露口味，小籠包個頂都有放咗黑松露，入面粒肉都幾大粒，見到混合咗少少芝士入去。但松露味就比芝士味再明顯啲！仲叫咗碗担担麵，啲花生碎同肉碎都幾多，個味都幾濃，啲麵都幾掛湯，吸滿晒個担担湯味，好仲麻醬味。碗麵辣辣地，又唔會太刺激，好食

今晚去左搵好姊妹👧🏻順便係佢公司附近食飯🙈, 佢話E間中菜館都幾多野食, 既然佢咁推介就一於去試下啦😆 我地7點鐘去到都已經好多人排隊, 好彩等左唔係好耐就入得去啦☺️ 我地都有少少肚餓, 所以就叫左一個二人餐, 一個前菜, 同兩個甜品🤭北菇瑤柱炖肘子湯🥣(上), 螺頭炖花膠湯🥣(下), 兩款燉湯湯汁清澈, 鮮而不膩, 不過湯料份量較少泡椒浸海蜆, 蜆肉幾大粒, 肉質鮮甜無沙, 醬汁有少少辣辣地🌶, 味道唔錯, 不過個人認為如果可以再辣d或者可以自選辣度更好🌶👍🏻油燘竹筍, 竹筍口感爽脆, 帶有微微筍香, 配上獨有醬汁, 幾開胃嘅前菜😊蔥油海蜇, 海蜇爽口, 肉質厚實有韌性, 蔥油味淡淡地幾好味😋小籠包(加配), 小籠包非常飽滿, 肉質軟滑, 鮮味十足, 湯汁幾多而且味道濃郁, 推介!👍🏻椒鹽軟殼蟹鍋粑🦀, 上枱時已經香味撲鼻, 軟殼蟹配鍋粑真係未試過, 鍋粑口感略為鬆脆, 有少許焦味, 熱辣辣非常香口。兩者一齊食落口, 口感幾特別而且鍋粑嘅味道可以平衡番味道較濃嘅軟殼蟹😊干鍋什錦醬香雞, 除左有雞件🐔之外, 仲有年糕同薯仔片🥔, 食材十分入味, 什錦醬味道唔錯, 幾夠辣同惹味, 餸飯一

今晚就約咗朋友兩家人帶埋小朋友一齊去湘川滬食北京填鴨。我地叫左以下北京填鴨 $248鴨皮夠脆，肉質鮮嫩可口。兩吃揀左醬爆鴨件，炒得香口惹味。重慶酸菜魚片 $88酸菜夠酸，唔太辣，魚片爽口，撈飯食好滋味。四川擔擔麵 $45擔擔麵，麵質不錯，但略嫌鹹咗啲。招牌小籠包 $40夠多汁，熱辣辣食，好好味。砂鍋雲吞雞半隻 $148娃娃菜充滿雞湯味，雞湯鮮甜，雲吞內裏肉汁鮮美。整體而言價錢中規中矩，食物質素亦幾好，服務態度亦非常好，茶水阿姐、上菜嘅哥哥都友善有禮，仲主動幫小朋友換小朋友餐具。每個菜份量都幾多，原本仲想食高力豆沙同酒釀丸子，但係呢幾個餸我哋都食唔晒，唯有等下次再試😋

喺粉嶺好食既餐廳真係唔多，中餐就更加少，所以如果要食中餐，呢間湘川滬不嬲都係我既首選，食物質素唔錯，價錢更加係算抵，今晚又黎左食，好彩食物仍然保持水準。首先要講呢個我覺得韮菜炒鱔糊真係好好味好出色，份量真係好十足，d鱔又爽甜又彈牙，加上我自己好中意食韮菜既，好入味而且好暖胃，每次黎都必點。另一個我既至愛就係砂窩雲吞雞，雲吞大大粒，雞肉好入味，個湯就盡收全部精華，勁甜又有陣陣清香，好味！金沙南瓜炸到真係金黃色既，皮夠薄又脆，陣陣濃烈既蛋黃香味出哂黎，南瓜甜道適中口感唔錯，雖然有d邪惡但一次半次唔緊要啦😊跟住螺頭花膠小籠包就真係好足料，而且皮薄鬆軟，幾特別有創意得黎又好味。最後就係呢碟火腿津白，清清腸胃，呢一餐真係好滿足😊

係網上有傳媒介紹粉嶺有間用$10就可以任食小籠包的上海菜餐廳。位於唔難揾，係粉嶺火車站沿住商場行的話，5分鐘就會到。優惠咁平，當然會有D限制啦⋯ 大家係午餐食滿每人$88 或 晚餐每人$130以上，就可以人頭加$10任食原味小籠包或者四式小籠包。由於為了食更多的小籠包，我們基本上只係叫前菜同小食，而且Say NO to粉麵飯。先黎一份三鮮窩貼，一份有四隻，每件都非常飽了。皮唔算特別薄，不過煎得夠香口，而且咬落去，D肉汁咇晒出黎。雞絲粉皮的麻醬量剛剛好，食落個醬有少少甜味，加埋爽甜的青瓜絲，整體不錯。江南賽螃蟹唔會太油膩。蟹肉就唔算多，不過D蛋白都幾滑。蔥油餅有驚喜！食落唔會好實，而係鬆脆富有層次。$10任食的小籠包只可以揀原味招牌小籠包或四色小籠包。雖然皮唔算好薄，不過入面夠曬多汁，肉都算大粒。四色小籠包一籠有齊四隻味，酸辣、招牌、蟲草花及我的Best Pick黑松露芝士。全部都好Juicy，酸辣小籠包有D似飲酸辣湯，唔會太辣(所以我都食到)；蟲草花小籠包的肉餡入面釀左好多蟲花；黑松露芝士有輕輕的黑松露味伴住個肉餡，唔會過份喧賓奪主。一份四粒高力豆沙炸起先上，每粒都漲卜卜。一咬落去，口

今次朋友介紹呢間湘川滬，我自己都是第一次過來粉嶺中心呢邊食晚飯。四個人點左個北京填鴨四人套餐涼菜有陳醋青瓜拼鎮訌肴肉和怪味雞絲拼蔥油海蜇。湯是砂鍋雲吞雞。小菜是醬爆腰果牛柳粒和花膠蝦滑浸菜心。另外再加小籠包和酸菜魚片。青瓜夠入味又爽脆，肴肉又有咬口幾好味，雞絲醬汁又幾香，海蜇又爽口。花膠蝦滑浸菜心，蝦滑好彈牙，菜心又不會過老又有好多花膠真足料。酸菜魚片，魚片幾嫩滑又有粉絲和酸菜好好味。小籠包皮薄又多汁餡又大，肉餡又鮮甜。爆炒腰果牛柳粒，牛柳粒炒到好香口，肉質又嫩又香噴噴。砂鍋雲吞雞，雲吞大大粒又彈牙，雞湯又好美味口可。北京片皮鴨切到好整齊，皮外脆肉嫩好香，用薄餅皮包住肉，青瓜絲沾試少少醬好好味。桂花糕好煙韌，又淡淡桂花香味。

今日去粉嶺睇戲，散場後揾地方食下嘢先，上網搜尋到隔離商場有間菜館有片皮鴨食，大家一齊去捲下片皮鴨有優惠！重慶酸菜魚片只需$88抵食，魚片夠嫩滑還有很多配菜，帶少少酸味四個人叫左份北京填鴨水人餐$578好大隻片皮鴨師傅細心地幫我地起片，還分類好鴨肉連片,或淨皮任均我們選擇自由包配料小食有陳醋青瓜拼鎮江肴肉、怪味雞絲拼葱油海蜇雞絲味道特別有半隻砂鍋雲呑雞，每人有兩碗湯飲，又有雲吞食醬爆腰果牛柳粒，西芹夠爽口，牛柳粒岀奇地淋花膠蝦滑浸菜心，蝦滑彈牙花膠差d大過我塊面見到 +$25可以有小籠包 ，當然要試下啦，夾起來時，仲見到有很多湯汁向裡面,我要小心翼翼唔好整穿佢還有桂花糕甜品真的飽飽了

今日同老媽子一齊去食飯,當然都係離不開中餐,帶咗佢去食呢間集 湘菜、川菜、滬菜於一身的中餐廳，因為之前朋友介紹呢間湘川滬好抵食。我地見到酸菜魚做緊PROMOTION, 一份都係$88,所以嗌咗黎試下。一上台聞到好香, 酸菜同埋魚片肉鋪滿晒個大湯碗。夾一夾,原來個底仲鋪咗好多粉絲,我係好鍾意食酸菜魚D粉絲架因為佢會嗦晒D汁好入味!魚肉有好多片,兩個人食真係食極都仲有!魚肉唔腥,不過會有小小骨,所以要食得小心D我地叫咗D涼拌,叫咗份蒜泥白肉佢既做法同出面有D唔一樣,佢係用上自家制的蒜泥,蒜味好香,同出面果D真係無得比,所以好快就比我掃晒杭州醬鴨係熱熱地,佢D鴨淹得好香,咸咸地的醬味加埋鴨肉,送啤酒一流!食得上海野梗係要食小籠包小籠包有4隻,即叫即蒸,湯水勁多, 無聊數下有幾多摺,佢真係同傳統小籠包一樣有18摺,咁西利既!上海粗炒熱辣辣上碟,炒得好有鑊氣,每一條麵都沾滿醬汁,加埋小小肉條同埋菜,好飽肚朋友真係無介紹錯,阿媽都食到舐舐脷!