湘川滬 (粉嶺中心)

營業中

休息中

最近放咁耐假，媽咪就餐餐煮飯俾我地食，番足日日工！之前同爸爸二人就食過湘川滬一次，所以今日就帶媽咪出去食上海菜輕鬆一下。砂鍋雲吞雞(半隻) ($148)🌕🌕🌕🌕🌑初初以為份量得好少，點知每人都分到兩碗～雞湯清甜，雞肉都尚算嫩口，雲吞大大粒好多肉。媽咪都大讚唔似落左味精！飲哂都冇口渴另外值得一讚，waitress好好服務，幫手分菜。韭黃炒鱔糊 ($118)🌕🌕🌕🌕🌑黃鱔毫不吝嗇切成粗絲，加埋爽脆韭黃口感一流，個人認為如果可以濃味多少少就更加perfect重慶酸菜魚 ($118)🌕🌕🌕🌖🌑餐廳用上鯇魚做主角，配菜有粉絲、醃蘿蔔、大量酸菜，可以過足口癮。但味道方面就重味左少少，如果配番個飯應該岩岩好。另外魚肉有少少粗身既骨，食果時要小心唔好整親呀～～本身想食埋甜品既，但因為已經好飽了，甜品等下次再食啦！

疫情期間留响屋企食多，咁啱今晚唔想煮想試下其他嘢就諗不如叫外賣啦，又叫做幫下飲食業嘞。見湘川滬外賣自取有85折優惠，自己比少啲又唔使人地送外賣就揀佢啦。拎到返屋企，嘩~咩事，啲份量衰過例牌，個醬鴨直頭離晒譜! 價錢同份量唔成比例，2大1小都唔夠食.....味道亦一般，真係冇下次。

到訪粉嶺附近的親友家，晚上就到了這間湘川滬菜吃飯，別看這二人餐好像很少東西吃，原來道道菜都滿大份的！在疫情下竟然坐滿人！不過以這家的ＣＰ值來說　—　二人餐＄２９８，實在難怪食物：手拍青瓜醬汁牛肉不算很特別，青瓜很開胃，牛肉原來是牛展，加上醃碎蒜頭非常惹味只有花膠響螺湯，料多量足，雞腳排骨響螺都齊全！湯底也很清澈～加點的小籠包＋＄２５湯汁滿載濃香，皮不算太厚，但也不易破，以這價錢來說，已經很不錯糖醋排骨，有菠蘿，洋蔥，三色椒，排骨又大條，一條抵四顆肉粒，也不算厚粉，非常抵吃！但。。。這不是咕嚕肉嗎？黑松露西芹蝦球，味道算滿香的，蝦球又多又大顆，黑松露的量不算多，不過也適度吊起了味道，吃完已很飽啦～超辣的番薯糖水，很多薑啊～我很愛吃呢～

湘川滬近粉嶺東鐵站，啱晒我！ 今次見到有【2人套餐】$298有齊涼菜、靚湯、主菜、小菜、甜品，好抵食。涼菜自選雙式拼盤(六選二)【鎮江肴肉】肥膏肥而不膩，肉香美味。 蘸啲鎮江香醋就更好食！【麻醬粉皮】麻醬香濃，粉皮嫩滑。湯類(二選一 可各選一盅)【花膠螺頭炖湯】美顏潤膚，滋陰補身。【鮮人參蟲草花炖排骨湯】人參補氣，強身健體，抗疫時期尤其重要。兩款湯都真材實料，飲得出唔係味精湯，抵。主菜(二選一)【醬炒年糕軟殼蟹】大大隻軟殼蟹夠香脆，醬汁夠惹味，年糕煙韌。份量足，食完都飽咗大半。小菜(四選一)【京蔥爆牛肉】牛肉大大塊，份量多。 用京蔥爆香，特別惹味！$25就有一籠小籠包，同樣大大粒，好抵食。 皮夠薄，肉餡又多肉汁，美味。甜品係【雪梨雪耳白蘿蔔】 呢個配搭第一次食，清甜潤肺，好啱而家嘅天氣。惠顧滿$120再讚好湘川滬社交平台就可以每位加$1加配粒流心奶皇高力豆沙，$2又多兩件甜品，梗係要埋啦。如果唔叫餐，星期一至四有八折架！仲有自取外賣餐，超抵，下次叫個外賣返屋企慢慢嘆先。

無肉不歡工作關係山長水遠入到黎粉嶺，約左d住附近既朋友食番餐，而今日負責點菜嘅朋友，可謂係無肉不歡，點解咁講睇埋落去就知我地今日食左幾多肉小籠包 厚薄適中，咬開後更加係汁濃肉香，重口味嘅話可以點多d醋食，加左醋可加添肉既鮮味松鼠海鱸魚 粉漿唔會太厚，做到外脆內嫩，甜酸汁味道岩岩好，不過最正都係食呢種魚唔驚有魚骨砂鍋百頁結獅子頭 獅子頭肉質好軟好嫩，肥瘦適中而且夾開後都依然紮實、不鬆散，百頁結充分吸鍋內醬汁同菜飯一齊食減去一d油膩感醬炒年糕軟殼蟹 軟殼蟹份量好多，唔會炸到好乾，年糕唔會好似出面d餐廳咁整得太軟 ，好有口感紅燒元蹄 上海人食團年飯必食菜式，餐桌上其中一位朋友既至愛，燜煮之後元蹄肉質 鬆化，又腍又入味，汁稠味濃，鹹甜可口，經典既上海菜起屋企又唔識整，黎呢度食岩哂鹹肉津白 簡單又好食，最適合食咗咁多肉之後refresh一下

今晚阿媽唔想煮飯，所以就搵左呢間上次黎食過既唔差既上海菜。新裝修左更加光鮮亮麗，個人都食都精神啲。係北京填鴨同紅燒元蹄中諗左好耐，最終阿爸中意食大大啖肉勝出了，下次先食填鴨啦唯有。紅燒元蹄炆左好耐好入味好林，豬皮滿滿骨膠原。上海菜果然係濃油赤醬， 砂鍋百葉結獅子頭都好濃味! 獅子頭，即揚州話說的「大斬肉」，北方話叫“大肉丸子”或“四喜丸子”。清代，乾隆下江南時，把這一佳餚帶入京都，使之成為清宮菜之一。嘉慶年間，甘泉人林蘭癡著的《邗江三首吟》中，也歌詠了揚州的“葵花肉丸”。其序曰：“肉以細切粗斬為丸，用葷素油煎成葵黃色，俗名葵花肉丸。”其詩雲：“賓廚縷切已頻頻，團此葵花放手新。飽腹也應思向日，紛紛肉食爾何人。” 肉質細滑，入口即散。醬炒年糕軟殼蟹是媽媽至愛，佢最中意食煙韌既野年糕岩晒佢。鹹肉津白， 鹹肉用鹽醃到好入味，切成薄片舖係律白上面，配淡味嘅律白食啱啱好。松鼠海鱸魚係我最鍾意嘅一度菜， 炸得酥脆酸酸甜甜好開胃。最後值得一提，玄米茶好香玄米味，菜飯勁多菜粒，小籠包皮薄餡靚，必點。

係疫情之下少咗出街食晚飯，今晚決定要同媽媽過去試吓喺粉嶺難得一見嘅上海菜。呢一間位於住宅區商場內嘅上海菜，價錢相對經濟，餐廳裝修及環境整體上都算唔錯，感覺乾淨企理。我哋叫咗兩個前菜，先嚟陳醋小黃瓜🥒要試一間餐廳好唔好味，其實真係需要食下呢啲基本嘢。賣相雖然普通，不過味道調教得唔錯呀，青瓜亦整得好爽口，陳醋味濃，幾開胃。再嚟杭州醬鴨，呢個就比較普通，同平時出面食開嘅醬鴨有啲唔一樣，呢款食落味道有啲似臘鴨，我自己麻麻地，不過媽媽話好食😋而上海菜嘅主角又點少得小籠包。個皮厚薄適中，入面充滿湯汁，係勁多湯汁，好正😋😋酸辣湯，材料好足，味道唔錯，但如果再多返少少酸味會更佳。最後主食叫咗雪菜肉絲炒年糕，又一足料之作，而且份量好夠大，年糕口感比較軟身，岩我口味，大滿足呀😆北區街坊如果想食上海菜的話，呢度可以一試😊

今日有機會入粉嶺搵一個好耐冇見嘅朋友，就喺佢屋企附近嘅中菜廳度食嘢，嘩原來粉嶺啲物價一啲都唔高，餐廳嘅裝修有幾高貴大方。一個二人套餐$300有找，好似呢度嘅套餐首先有兩個燉湯，好似呢個又有花膠，仲有攞頭，就係人蔘排骨蟲草湯，真係有條人蔘係入面。用了十足。頭盤嘅鎮江淆肉同埋海蜇雙拼排得好靚仔，見到廚師係有心思做好啲餸，淆肉晶瑩剔透，一啲都唔肥膩，調味啱啱好。我哋仲叫咗京蔥爆牛肉在主菜，味道啱啱好唔會太濃，出到好香嘅京蔥味，牛肉都夠淋，朝美做得啱啱好。二西芹炒蝦球就更加正啦，啲蝦球有大粒，我又好仔細咁處理過，唔會話見到啲蝦腸。仲有好香嘅松露味。跟餐仲可以加$15叫小籠包，或者叫支啤酒，小籠包夾皮非常薄，田入面仲有好多湯，夾起嘅時候唔會爛， 用了料科唔錯。最後奉送每人一個甜品，而且係唔同嘅特色，都幾有心思，桂花糕都幾靚，椰汁糕都爽口彈牙 呢啲地方最適合一家大細嚟食餐晚餐團年， 希望將來仲有機會再試。特別係佢個片皮鴨，下次嚟我會記得食。

住咗喺粉嶺咁耐都搵唔到一啲好特別嘅嘢食, 主要都係茶餐廳比較多 , 今日經過粉嶺中心竟然畀我見到有一間有得食上海菜, 即刻入去試下見到有二人套餐有好多選擇好抵食, 涼菜我哋揀咗鎮江肴肉 同埋麻醬粉皮, 超鍾意個麻醬唔單止畀咗好多醬汁仲好香, 味道贏過賣相燉湯分別有花膠螺頭同埋人參 蟲草花燉排骨, 感覺上花膠湯比較香, 飲番碗老火湯成個人都舒服曬仲有個炒年糕軟殼蟹, 之前都未試過呢個配搭 味道都幾好 對我自己嚟講就辣啲更加好仲有京蔥爆牛肉, 係有超級拖牛肉, 食到呢度已經好飽再來埋兩個甜品, 杯裝啱曬小朋友食除咗二人餐之外去加25蚊就有 小籠包雖然我哋已經食到勁飽 但係個小籠包好多湯, 最後都係食埋曬佢因為平日有折扣優惠 ，我哋食咗咁多嘢都只係三百蚊左右所以都算抵食

之前都曾經來店吃一次，吃的是魚頭，以及其他的小籠包。但我今次決定要在試其他特色小菜。今次我就有備而來，我一定要試佢嘅蟹粉小籠包，炒飯，水煮牛肉，松子魚。佢個蟹粉小籠包真係非常出色，即叫即整，而且蟹粉味道非常濃，好鮮味，可以說，性價比非常高。真係沒有令我失望，以前曾經食過其他餐廳的蟹粉小籠包，一般而言，醬汁都沒有這裡好，所以我非常滿意。再來是炒飯，我叫了一客金腿河蝦仁炒飯，可以說是，非常大碟。而且非常有鑊氣，火腿的味道很好，蝦仁也10分爽，而且配搭其他配料，整個炒飯都顯出特別不同。一碟飯，大概可以分到四碗的份量。絕對足夠二人的份量㗎。水煮牛肉，真的是要特別詳寫。平時一般在其他地方吃的水煮牛肉，一般都要留意兩點，其一是他的牛肉是不是新鮮，有沒有很多雪藏味道，其二是要看他的醬汁，是否很辣、很麻，而缺少了辣的香味。這裏的水煮牛肉，如果從牛肉方面去衡量，可以說是非常不錯，因為他的牛肉，並沒有雪藏味，可以吃得出，都是有鮮味的。其二是，這裏的醬汁香味一流，而且沒有令人很麻痹的感覺。在辣的味道調校方面，可謂算是拿捏得非常準確。最後一定要介紹的是，這裏的松子魚，這家餐廳既然是食滬菜川菜，怎樣會少得了松子

今晚來到食上海菜，見到個二人餐三百蚊有找，即管試試。前菜有粉皮，味道不錯，可惜沒有雞絲配，有d孤寒。之後有燉湯，幾足料，味道唔錯，唔太鹹。主菜叫左個軟殻蠏炒年糕，好好味。個餐仲包埋甜品。真係飽曬。順帶一提，佢哋的小籠包好大隻，好多湯，好味！

食得外國餐多 偶爾都會有點思鄉 想吃一下中菜朋友推介食上海菜 剛好去粉嶺 於是就來試一下湘川滬酸辣湯味道酸酸地帶點輕等辣味 飲落頗開胃湯料不算太豐富眼見來來去去都只有少量豆腐、竹筍絲、木耳絲、冬菇絲以及零星肉碎感覺有點敷衍了事 不過幸而味道不差 若果可以再調一下酸度或許更好上海回鍋肉賣相不錯 香氣迫人 食落都有鑊氣味道帶點輕微微辣 即使不好辣亦可接受回鍋肉片爽脆嫩口 雖然未到入口溶化 不過質感不算差醬汁調得不錯 整體味道香濃 連豆腐干食落都好入味不過略嫌有點油膩 嫩雞煨面雞肉份量不算少 食落都算嫩滑不過麵既口感就有點遜 似乎煮得有點過火 以致上枱時麵身太腍熟入口唔爽口 有點似在吃麵糊般整體味道清淡之中帶有雞味 平平無奇三鮮蒸餃餃皮太厚了 有點在吃粉既感覺豬肉餡味道鮮香汁多不膩 餡料中仲有爽口蝦肉 更添幾分海鮮鮮味整體就是比餃子皮害慘了小籠包即叫即做 上枱時熱哄哄包皮不算薄 但相比蒸餃已經算是不錯肉汁豐富鮮美 湯味亦算濃郁肉餡不會太肥亦不算太瘦 味道適中不會太過死咸個人認為質素算是不錯 可以再encore

今晚去咗粉嶺湘川滬食晚飯！間餐廳有個加1蚊黃金流心奶黃高力優惠好抵食呀！👍👍👍蟹粉小籠飽蟹粉多呀小籠飽湯好鮮味！食果時差啲燙親！好熱呀😆👍👍👍蟹粉扒本地豆苗超多蟹粉好好味😋豆苗又新鮮唔會un 👍四寶花膠瑤柱羹食花膠同瑤柱都值回票價啦！😍菜肉雲吞啲雲吞皮夠薄餡又夠多正呀！😋😋😋黃金流心奶黃高力呢個真係超好味！高力豆沙就食得多啦！黃金流心真係第一次食！食落好正！唔會太甜！新鮮熱辣😋😋😋

辣野唔係人人愛，單單川菜未必適合家人朋友口味，湘川滬有哂唔同類嘅中菜，咁就點都選擇到啦。通常套餐選擇總會有一兩款唔係太啱心水但係呢個套餐又唔錯喎。雙式拼盤：醬汁牛肉好入味，海蜇爽口，牛肉都幾嫩人參湯清甜，唔油膩，望落又幾足料，絕對符合商品說明條例連平日煲開湯嘅媽媽都話滿意見到有個幾新奇嘅菜式，嘗試挑戰：醬炒年糕軟殼蟹年糕軟硬適中，軟殼蟹加上醬汁後唔係炸野咁脆，但都好爽口，肉質唔會霉，年糕沾上兩者嘅味道，令人不自覺食多幾舊小菜：糖醋排骨份量好多，排骨件件都夠大，酸中帶甜好開胃，建議叫飯，就唔驚太咸太濃加25升級小籠包，肉汁好香，皮薄餡靚Like Facebook page加一蚊換嘅流沙包，超級超級超級好味 ，必食 ，外皮鬆軟 ，口感一流甜品夠清潤埋單都幾抵，三個人竟然食唔哂，屋企人話下次再黎

朋友介紹粉嶺中心這間餐廳味道不錯，今日和老公撐枱腳食湘菜，果然有驚喜！晚上6:45進店，店員安排入座時，看到已有不少食客，他們枱上的菜式種類繁多，每樣菜式賣相也吸引。😋看到餐牌，真是有很多菜式選擇，而且還有二人套餐、四人套餐和一些優惠菜式推介。最後我們還是選擇二人套餐，因為套餐包含涼菜、燉湯、主菜兩款、甜品和一些加追食品，既經濟又豐富！自選兩款涼菜：鎮江肴肉，肉和水晶皮色晶瑩、鹵凍透明，配以薑絲和鎮江醋，而且非常Q彈，口感很好。四喜烤麩，香香甜甜，咀嚼起來有彈性，而且有濃郁的醬汁從孔裡滲出來。花膠螺頭燉湯：燉湯上枱熱辣辣，打開盅蓋已傳出陣陣香味，湯料花膠、螺頭和排骨都齊晒，更加有金華火腿提升湯的鮮甜味，很好！鮮人蔘蟲草花燉排骨湯：一樣配料十足，排骨的骨更能咬開，可見燉湯時間充足！醬炒年糕軟殼蟹：年糕軟綿綿，醬味濃郁，軟殼蟹有兩隻，亦吸收醬料味道，軟殼蟹算大隻，特別是蟹殼趣卜卜，非常惹味！京蔥爆牛肉：京蔥牛肉都十分之多，牛肉充滿京蔥香味，而且大大塊，愛吃京蔥之人必點之選！小籠包：二人套餐另加$25配小籠包四隻，小籠包比一般的大隻，夾起來已知道份量，小籠包內有大量湯汁，而且豬肉餡料非常飽滿