湘川滬 (粉嶺中心)

營業中

休息中

今日去粉嶺睇戲，散場後揾地方食下嘢先，上網搜尋到隔離商場有間菜館有片皮鴨食，大家一齊去捲下片皮鴨有優惠！重慶酸菜魚片只需$88抵食，魚片夠嫩滑還有很多配菜，帶少少酸味四個人叫左份北京填鴨水人餐$578好大隻片皮鴨師傅細心地幫我地起片，還分類好鴨肉連片,或淨皮任均我們選擇自由包配料小食有陳醋青瓜拼鎮江肴肉、怪味雞絲拼葱油海蜇雞絲味道特別有半隻砂鍋雲呑雞，每人有兩碗湯飲，又有雲吞食醬爆腰果牛柳粒，西芹夠爽口，牛柳粒岀奇地淋花膠蝦滑浸菜心，蝦滑彈牙花膠差d大過我塊面見到 +$25可以有小籠包 ，當然要試下啦，夾起來時，仲見到有很多湯汁向裡面,我要小心翼翼唔好整穿佢還有桂花糕甜品真的飽飽了

今日同老媽子一齊去食飯,當然都係離不開中餐,帶咗佢去食呢間集 湘菜、川菜、滬菜於一身的中餐廳，因為之前朋友介紹呢間湘川滬好抵食。我地見到酸菜魚做緊PROMOTION, 一份都係$88,所以嗌咗黎試下。一上台聞到好香, 酸菜同埋魚片肉鋪滿晒個大湯碗。夾一夾,原來個底仲鋪咗好多粉絲,我係好鍾意食酸菜魚D粉絲架因為佢會嗦晒D汁好入味!魚肉有好多片,兩個人食真係食極都仲有!魚肉唔腥,不過會有小小骨,所以要食得小心D我地叫咗D涼拌,叫咗份蒜泥白肉佢既做法同出面有D唔一樣,佢係用上自家制的蒜泥,蒜味好香,同出面果D真係無得比,所以好快就比我掃晒杭州醬鴨係熱熱地,佢D鴨淹得好香,咸咸地的醬味加埋鴨肉,送啤酒一流!食得上海野梗係要食小籠包小籠包有4隻,即叫即蒸,湯水勁多, 無聊數下有幾多摺,佢真係同傳統小籠包一樣有18摺,咁西利既!上海粗炒熱辣辣上碟,炒得好有鑊氣,每一條麵都沾滿醬汁,加埋小小肉條同埋菜,好飽肚朋友真係無介紹錯,阿媽都食到舐舐脷!

其實我都好耐無食過上海菜 今日見到黎間餐廳乾淨企理 仲見住師傅係度包緊小籠包 入到去同樣乾淨 座位與座位之間都好闊落 價錢都唔算貴重慶口水雞 $68(好味指數: 😋😋😋😋)口水雞啖啖肉 肉質好滑 口水雞汁又唔係好辣但夠味鎮江餚肉 $60(好味指數: 😋😋😋😋😋)甘大個女第一次食黎個鎮江名菜 真係好有驚喜 開頭仲擔心緊會唔會好油膩口感唔好之類 但男人話好好食要我試下 點知一試完就好似發現新大陸甘 食落去好似啫喱甘 入面係d圓蹄肉 竟然肥而不膩 而且仲好有咬口 配埋香醋就更加帶出鮮味酸辣湯(位) $26(好味指數: 😋😋😋)開胃湯 酸辣適中 然而好足料 不過味道正常 無咩特別原味小籠包(4隻) $40四式小籠包(4隻) $50(原味 酸辣 黑松露芝士 蟲草花)(好味指數: 😋😋😋😋😋)小籠包係師傅每日即制 皮厚度岩岩好 夾起唔會爛 而四式小籠包就可以一次過滿足你4個願望 肉汁好鮮甜香濃 肉餡又肥瘦適中 黑松露芝士係特別值得一讚 估唔到黑松露同芝士原來係甘夾 店家仲一d都唔吝嗇 放左好多黑松露 未食已經好香黑松露味 一咬落去層皮吸晒d黑松露芝士肉汁 重口味之選原味灌湯包 $28(好味指數:

個friend話，不如一齊食飯啦。食咩好呢？上海菜？川菜？Why not both？佢屋企附近商場有間中餐好抵食，gogogo，辣辣川菜小籠包我黎啦！🔆2人餐加$25就有小籠包啦，size比平時嘅大小小，呢度有個窗睇到兩個師傅新鮮製架！襯熱食超正呀！個皮好似個袋仔咁裝住爆汁肉餡，好味又抵食！🥢2人餐有個雙拼前菜、兩盅湯、一個主菜、一個小菜、甜品，$298咩都有，勁抵食！茶類除左平時飲嘅中式茶，仲可以揀玄米茶🍵，好香玄米味，解渴又清滯。🔆西蘭花🥦崧子炒蝦球 - 蝦球🦐新鮮又大隻又爽脆，好多崧子，為呢個菜增加左脆口果仁嘅口感。🔆干鍋雜錦醬香雞🐥 - 明火熱鍋，香辣味道隨著輕煙散發，雞肉香口美味，其他配料屬蔬菜類，所以比雞肉更入味。尤其是切片薯仔🥔，味道好似加辣版熱浪咁，超級惹味～🔆杞子桂花糕 - 賣相幾吸引，比啫喱挺身及硬身，充滿桂花香味而甜度適中～原本幾驚呢度隔涉，落雨好麻煩呀！點知又唔會喎，港鐵站過黎完全唔洗露天5分鐘就行到黎。個friend話平日7點都滿座，假期要點佢早d黎攞飛先～

自從粉嶺中心裝修完就有唔少新既餐廳進駐 其中一間就係北區少有既滬菜我地晏就3點之後先黎食，已經唔算多人 點餐紙有套餐亦有單點 我地就簡左兩個套餐跟兩款小食同單點小籠包一個酸辣湯麵配蔥油餅唔算太酸辣 本身我偏好酸味重所以覺得唔夠酸就再加醋蔥油餅同平時食一片片既唔同 係漲卜卜另外叫左五香牛肉麵配餃子🥟其實係牛𦟌夠入味 配素上海麵一流😍餃子估唔到咁大隻，餡亦好足料食上海菜必食就係小籠包同雞絲粉皮小籠包餡鮮甜而雞絲粉皮夠味 估唔到小社區都有驚喜，下次一定要再黎試下晚餐

今日女友好乖咁入黎陪我，當然要帶佢去食佢鍾意食的上海野。其實揾的時候都唔多選擇，所以都係黎試下。花雕醉雞幸好酒味唔係太重，我個人都幾鍾意，而且配合凍雞，食的時候都幾舒服，我一個唔覺唔覺咁就食左大半碟酸辣湯對比較唔食得辣的我都可以接受，都幾足料😬，但唔算話好特別，不過鍾意食的人都可以一試酸菜魚我都有食過唔同地方的酸菜魚，今次食的時候比較貼心，因為我今次可以點少辣（平日食的店鋪通常只可以加辣，但無得減辣）因為今次少辣的原故，所以可以食到更多的配料，而且酸菜魚內有粉絲，所以都已經好足料糖醋魚塊糖醋都幾入味，而且有好多的魚塊，而且其他配菜特別係菠蘿都幾好味，一點都唔酸。小籠包每個小籠包食的時候都充滿湯汁，所以要小心熱。但食小籠包時候，可能要小心個皮會破😓軟殻蟹炒年糕味道好重，我個人覺得都幾‘野’味，如果多幾個人食會好少少，因為都幾重味，而且軟殻蟹有成3隻，所以我個人認為都幾抵食整體而言，如果想食上海野的朋友可以去試試，更重要的係價錢都算合理。

因工作關係來到粉嶺, 工作完成後要找個地方吃晚餐, 就到附近的湘川滬吃晚飯,來到後覺得地方企理, 由店員引領入座，看過了餐牌後，決定要了小籠包和生煎包, 再加其他菜色。這裡的小籠包夠熱，而且皮薄多汁，就算用上筷子去夾起來，肉汁還是完好的在內，會看到裡面的湯汁之餘外皮也不穿，包得不錯,而肉餡也鬆軟有肉汁, 肉香味濃, 是有水準的小籠包。個人較喜歡生煎包, 先看賣相已非常對辦, 上枱時熱辣辣和香噴噴的，包面鋪了青蔥粒，包身做得好軟熟，反轉包子一看，包底是煎得很焦脆，一咬開生煎包內有飽滿湯汁, 吃起來外皮鬆軟，豬肉餡都好香濃肉香味，最好趁包子熱辣辣時吃, 是很不錯的煎包子，值得一吃。較出色的就是花彫醉雞, 以傳統上海烹調方法炮製的, 雞肉浸得很軟滑，肉質鮮嫩入味，花雕味道香甜，不嗆侯也不過濃，口感就像吃浸過酒及放涼了的雞肉，很不錯，是值得一吃的。再來就是竹笙蟹粉煲仔翅, 逐位上，羹底綿稠又不過杰，吃起來濃郁，還滲出微微的蟹粉味,翅是爽口的。到了甜點環節, 豆沙窩餅做得外皮脆口而且呈微焦, 入口還是熱辣辣的, 內面的豆沙餡料軟滑香甜，是好吃的。就當晚所見, 在這一個周一晚上, 人客也不少, 是

下午黎食，唔洗等位。我和朋友叫了擔擔麵、蔥油餅同瑤柱蛋白炒飯。份量好多，其實如果兩個人叫一個飯加小食已經好足夠。瑤柱蛋白炒飯好好味，但如果d飯再硬d就更好喇，可以再食。擔擔麵就一般，份量都多，但個湯就麻麻地，下次會試下叫其他。不過個麵餐好在有配小食，蔥油餅唔太油，多蔥，好脆，十分好味！環境唔錯，座位舒服，款式都多，價錢方面唔算貴，每人太約五十元，最後都食剩，打包走，所以都算抵食！臨走見到佢有下午茶，都係有飯麵，但份量就比較輕盈。

屋邨商場不乏有好多好食肆，位於粉嶺呢間湘川滬，係眾多街坊嘅落腳點。價格廉宜款式又多，所以經常坐無虛席。 花雕醉雞係必食之選，除咗皮香肉肉滑之外，每一啖嘅雞肉都散發淡淡嘅花雕酒香。唔算好濃， 味道亦剛剛好。 而雞皮係合到一層有啫喱嘅嘢脂肪喺度，咁先係最正既。崧子糖醋大黃魚，真係唔係度度都食到，因為做工繁複。 皮炸得夠鬆脆之外， 黃花魚啖啖肉冇骨， 糖醋汁酸酸甜甜，開胃非常，真係值回票價。 主食叫咗經典名菜上海粗炒，粗炒口感非常煙靭，味道嘅配搭得宜，亦唔算太油膩，啱曬我胃口。 上海菜不嬲都多甜品，叫咗一碗酒釀丸子，淡淡的桂花香，香氣撲鼻。配上微濃既酒香，加上煙煙靭靭嘅丸子，真係一道好好味嘅甜品。 最後當然唔少得豆沙鍋餅，餅皮較厚， 但豆沙非常足料，食落去熱辣辣，夠晒飽肚啦。

朋友推介呢間抵食的上海菜，所以就一齊去試下啦！🥢小籠包， 好多汁，皮唔會太厚！🥢酸菜魚，微辣，酸味較重，魚片都比較滑，無咩骨😋🥢嫩雞煨面，雞肉份量唔算多，不過不失🥢三鮮炒年糕，味道較濃，年糕好大碟，而三鮮的材料只有少少，不過我因爲想食年糕，所以都食得好開心😃🥢片皮鴨，有驚喜，見到賣相都覺得好吸引！可惜，薄餅皮太凍，唔好食，令到呢味餸扣左不少分！而鴨皮係炸得幾好，片埋鴨肉一齊食，齋食係覺得唔錯！🥢七彩炒鴨絲（2食），好足料，啖啖鴨肉食左咁多，呢口價真係好抵！仲要唔限時，我地坐到無哂人，職員都無向我地施壓，好好

已經好耐都冇行去粉嶺果邊，而新裝修既粉嶺中心進駐左好幾間新餐廳， 所以友人提議聚會到湘川滬。唔知原來湘川滬係有好幾間分店， 7：15前賣單更有折扣優惠，可惜我地用唔到。好在星期一至五晚飯時段都有其他優惠。果晚獲安排坐係房入面， 由於人唔算太多，4人坐6人枱，非常闊落我地4個人點左6個餸，都係每人百幾蚊，非常抵食。 菜式以上海菜居多，分別點左酸菜魚，小籠包，燴雞肉麵，炒年糕，片皮鴨，三色炒鴨絲（唔記得exactly 個名）酸菜魚比起大陸食既冇咁辣同麻，但魚肉是嫩滑既；小籠包就中規中矩， 冇咩特別；燴雞肉麵，炒年糕，三色炒鴨絲就味道正常，份量ok;片皮鴨會係切之前俾你睇左隻烤鴨先,會連埋蒸籠放住薄餅皮上。可惜薄餅皮比較厚，鴨皮好似得好少， 後尾我朋友直情直接食鴨皮算。整體係扺色，而且餐廳離車站唔係好遠！

話說新界真係無乜上海菜餐廳好食，好彩粉嶺仲有間湘川滬，餐牌菜式選擇多，坐得都幾舒服。🥢酸菜魚片酸度正常微辣，魚肉尚算滑，但食既時候要小心有細小碎骨，底層有粉絲。🥢花雕醉雞雞肉份量不少，花雕酒味道清香，醉雞帶清甜味。🥢小籠包（4隻）小籠包本身係無叫的，但見到周圍台都有一籠，所以最後都加左單。價錢經濟，皮適中， 餡料新鮮飽滿，小心咬開爆汁。個人覺得比某幾間大集團既小籠包更好食。🥢茨實蝦干浸翠苗菜苗鮮嫩，蝦干份量足。🥢酒釀丸子味道甜而不膩，丸子粉糯煙韌，配上甜酒釀香而醇。🥢高力豆沙高力豆沙做法比較考功夫，但卻美味可口，內餡豆沙亦唔會太甜。

同家人食飯揀左呢間平時好多人排隊既餐廳粉嶺都好少呢類型既餐廳一家人叫左十幾樣野東坡肉有少數話梅味，酸酸地擔擔麵有啲花椒，味道不錯小籠包皮有少少厚，但肉汁好多最後8個人食左千二蚊，算係咁啦！

住粉嶺成日諗唔到食咩好，近排粉嶺中心裝修完多咗選擇。今日同屋企人嚟食上海野，食物質素、環境同服務態度都唔錯，家中兩老都食得好開心。三個人總共叫咗四樣野，啱啱好夠飽。價錢偏貴，份量較少，但食物質素搭夠。小籠包（$40/4粒）上到嚟熱辣辣，好多汁。皮薄又唔易穿，好正。鍋貼 （$38/4粒）外皮煎到卜卜脆，都幾好食。老豆指定要食海參紅燒肉（$148）。海參同豬肉炆得好入味好淋，海參彈口。美中不足嘅係份量細咗少少。金沙南瓜（$55）都好香口，好香咸蛋黃味。

一班人黎食個晚飯，叫左個四人餐再加少少野，我地都係好大食吖嘛，驚四人餐唔夠飽呀，一口氣叫左幾多野，哈哈，原來份量都幾大喎，不過我地一啲都無浪費，全部食晒㗎。陳醋小黃瓜，酸酸地好開胃。鎮江肴肉，鹹鹹地又爽口。四川樟茶鴨，鴨肉好香，包住食正。寧波醬炒鴛鴦鬆跟叉子燒餅，炒得香口，燒包芝麻香口，包埋一齊食又係好好味。菠蘿無錫軟骨鍋，啖啖肉正，醬汁好味。川味宮保蝦球，爽口惹味，超好送飯。四寶花膠翅，味濃，筍絲香。干貝爬西蘭花，瑤柱味好香啊。松鼠黃花魚，賣相唔錯又香口，酸甜汁正。招牌小籠包，熱辣辣皮薄多汁。擂沙湯丸，軟綿煙韌，芝麻香濃。