湘川滬 (粉嶺中心)

營業中

休息中

🤩平日一至四有8折，唔放過機會就食個干鍋麻辣土雞雜錦。明火熱鍋，麻辣香味令雞肉同其他配料都非常香口美味，蓮藕片爽脆，切片薯仔🥔味道好似薯片咁惹味！除左麻辣川菜，最正係呢度上海菜都好好食。門口玻璃窗已經可以見到師傅鮮製小籠包，爆汁肉餡超美味！😋🦀蟹粉扒豆苗面頭個d蟹粉好似頂帽咁大範圍蓋住成碟豆苗，好香蟹羔味，豆苗又新鮮無渣；🥳韮黃炒鱔糊份量十足，最鍾意啖啖肉，爽口魚肉濃味獻汁令我不禁叫多碗飯呀！😉呢度好坐又好食，所以成日滿座，同屋企人聚聚晚飯係好唔錯嘅選擇！

今日放假就同媽咪去左粉嶺行下街，行到肚仔有啲餓，見到湘川滬2人晚市套餐好優惠就一於試下先🥰套餐有兩款前菜、兩個燉湯、主菜同小菜各一，仲有兩款甜品都係$298，我仲加左$25小籠包添😍.蔥油海蜇配上蔥油口感更加豐富、鎮江肴肉份量都好足，爽口.花膠螺頭燉湯，火候十足非常足料，飲落鮮甜美味而不會油膩.黑松露西芹炒蝦球味道不會太濃，保留到西芹同蝦球嘅鮮味，配上黑松露好特別，蝦🦐都好大隻同爽口，但略為多油.糖醋排骨酸酸甜甜好開胃，啖啖肉，味道適中，食到食唔停啊！.小籠包大大隻，皮薄餡靚，湯汁飽滿，正啊！.最後食埋甜品好滿足啊😌

今日入咗粉嶺做facial，做完Facial諗住那林食少少野就快啲返屋企繼續做野。見到有間餐廳星期一至四晚市八折，我哋就即刻衝左入去試吓。七點入座，人流尚算吾太多，大約等幾分鐘已經可以入座餐廳菜牌花多眼亂，樣樣都話想食心大心細😂😂#雞絲粉皮雞絲跟香滑的花生醬拌在一起，粉皮口感彈牙再配上新鮮嘅青瓜絲🥒超級開胃#陳醋小黃瓜 🥒青瓜清甜爽脆，用來做前菜就最適合不過。#蒜泥白肉🐷同平時我喺米線店吃的不一樣，依度嘅蒜蓉辣椒🌶️炸香過，更加惹味。而且同樣用粉皮薦底，粉皮吸收左辣油之後，味道更加濃郁。#小籠包比起一啲大連鎖式店更加大隻，小籠包即叫即正大約10分鐘就上枱啦，肉汁鮮嫩，湯汁豐盈，而且熱辣辣。#干扁四季豆略嫌比較多油，食落滿嘴油膩，但味道濃郁，而且肉碎份量都幾多。另外如果每位惠顧滿$120以上，再like Facebook，就可以以$1加配 #流沙蛋黃高力雖然佢唔係即叫即整，入邊嘅流心已經唔熱，但咬落依然鬆軟🥚蛋香味足夠，而且呢個價錢真係冇得輸。

黎間餐廳真係我既最愛，自從上次機緣巧合甘品嚐過一次之後，為左佢我願意山長水遠入去粉嶺食，事隔3個月再去都亦然能夠保持水準鎮江餚肉 $60 (💯必食)(美味指數: 😋😋😋😋😋)必食之選，自從第一次係湘川滬食過之後，每次去上海菜餐廳都會點，但最好食既都係黎度。亦然保持鮮味，食落滿滿骨膠原感，仲有一絲絲既圓蹄原味小籠包(4隻) $40 (💯必食)(美味指數: 😋😋😋😋😋)每日新鮮制造，即叫即蒸，肉餡一d都唔肥膩多汁，外皮厚度適中，夾起上黎一唔小心就會穿，所以分外小心枝竹羊腩煲 $188 (💯必食)(美味指數: 😋😋😋😋😋)冬天當然唔少得羊腩煲，餐廳出左冬季限定既羊腩煲，羊腩分量都唔少，仲跟配埋魚片同生菜。魚片仲要大大塊好新鮮，師傅刀功了得，切得薄薄半通透。竹笙蟹粉煲仔翅(每位) $138(美味指數: 😋😋😋😋😋)煲仔翅係每位計，諗住分量會好少，點知超出期望，足足分到每人有一碗半，而且好足料，上面鋪滿蟹粉，仲有好多翅奶黃高力豆沙(4隻) $40(美味指數: 😋😋😋😋)奶黃高力石沙又係佢地既新出名，而且奶黃餡係流心既，所以食得上黎要小心燙口。不過奶黃有d油，感覺配搭上仲有小小距離，不過值得一試😋

10年難得一次入粉嶺，就遇上大車禍塞車塞幾耐。朋友呆等我，好似細細粒咁反白眼！介紹茶位4蚊既中餐！黑松露芝士小籠包 $15 1隻比一般小籠包大一倍到啦，點點上面係黑松露同埋芝士。切開少少飲咗個黑松露湯先，味道水濃濃。之後就會見到黑松露混合豬肉，成個黑芝麻咁，哈哈。豬肉好軟身。因為黑松露遍布在每部份豬肉，所以好香。素菜包 $34三隻大大，麵包皮不過不身，軟身鬆就較好。素菜包嘅菜好juicy、青綠及飽滿啦！餡料加返分，夠碎多汁連麵包心都染入綠色啦！前菜鎮江肴肉肉量多喎，幾大舊。蔥油海蜇佢蔥油滿滿，令海蜇好滑身。湯品鮮人參蟲草花炖排骨湯冇晒花膠湯，慢左一步！老火湯都唔咸好野喎。人參一小條，蟲草花同排骨炖到入哂味道，清清帶小甜。主菜黑松露西芹炒蝦球黑松露油多左少少，香味野味重少少。蝦球size中等，特別痴滿黑松露走唔luk啦。爽口彈牙，不錯野！西芹都痴哂黑松露，朋友依排太愛黑松露。連中菜黑松露都唔放過呀！又夾到喎！醬爆跳跳蛙百感交集的味道。點解？醬爆比較甜，但苦瓜甘甘苦。腰果超脆，果仁味強！同炒西芹既腰果一樣脆呀！田雞就是跳跳蛙，拖過油炸過哂，田雞肉地外有層炸，內就嫩返哂啦。配苦瓜粒都幾野味。

因為我有個朋友好鍾意食片皮鴨，所以即使入到粉嶺，都係同佢食片皮鴨！其實食物都幾多選擇，唔止有主餐牌嘅野，仲有季節性嘅廚師推介同二或四人套餐。單點咗北京填鴨，多人食嘅話其實4人餐仲扺食！無突別再叫兩食，因為朋友想拎走隻鴨殼。片皮鴨片得好靚！分咗2款，一邊淨皮一邊皮連肉！淨皮好香口，連住肉就有口感同鴨味重啲！啲皮保持脆脆地，唔錯！蟹皇翅百令蚊唔算貴，但就好足料！橙色當然就係蟹粉！打開嗰下都幾驚喜！入面好足料！仲有好多竹笙！食完都幾飽肚！另外仲有個擔擔麵添！肉碎同花生碎都好多，都幾濃味，仲有少少麻辣味。啲麵又唔會太淋，食完3樣野真係好飽！

小籠包 外皮好薄要小心夾 肉湯都幾多🥳🥳可惜內餡豬肉太油膩沾醋同薑絲有好d嘅🤣🤣湖南四川同上海菜上海菜必點小籠包肉餡鬆軟有肉汁 湯汁飽滿 内餡好似無調味皮厚花雕醉雞欠酒味 皮肉之間有層啫喱😟🥳但肉質無嫩滑到驚人 上海回鍋肉用甜麵醬和豆瓣醬味道偏甜 怕辣就剛好 我對擔擔麵失望😛正宗有紅辣椒油 芝麻醬 碎肉 冬菜 碎花生或花生粉呢碗麵芝麻味道好淡 而且無麻醬辣油的惹味麻辣麵條過軟 普通 -花雕醉雞小籠包擔擔麵上海回鍋肉葱爆羊肉片豆沙鍋餅

湘菜其實是指湖南菜湘菜已經在世界上差不多是中國菜的代表在香港也有很多餐廳是吃湘菜的這天來到湘片滬跟家人吃飯這裡的菜式選擇很多不想麻煩的話可以像我們一樣直接點四人套餐前菜我們選擇了涼拌毛豆有調味過的毛豆真的會令人一口接一口地吃蒜泥白肉很香而且辣椒的味道不會太辣蔥油海蜇不得不說這個真的很好吃蔥油的香味和海蜇的爽口配合得很好五香牛展味道不錯砂鍋雲吞雞一打開蓋在面上的雲吞粒粒都大大粒很吸引而雞肉煮得剛好十分嫩滑雞湯加上金華火腿的味道很鮮整個鍋都不錯炒鱔糊好多人都以為鱔糊會有很多骨但其實大部分都是軟骨可以吃用鱔糊的味道剛好而且加上韮黃特別香糖醋排骨酸甜適中而且排骨的肉質軟嫩最後就是重頭戲北京填鴨這隻鴨的皮片得很薄可見師傅的功力不錯而且皮很脆鴨的油脂香氣也好吸引包上餅皮配菜和醬料吃更有風味

今晚食自己，所以同事就陪我到了公司附近的一間中菜館晚餐！餐館門口的玻璃清楚可見師父在廚房搓麵粉製飽點的情況，感覺衛生，而餐館裝修時尚，環境寬敞舒適！前菜點了花雕醉雞及小籠包，醉雞醃得入味，花調酒味重，雞件又嫩滑；小籠包大隻又多湯汁，非常好食，但同事不小心弄穿了其中一隻小籠包，湯汁全都浪費掉，非常可惜！主菜點了韭黃炒鱔糊及雞油炒豆苗 ，鱔糊味道不過不失，但餐館於菜式底部置放蠟燭，令食物保持溫熱，值得一讚；豆苗以雞油炒雖然比一般清炒油膩，但雞油十分香，所以很惹味，我倆都好喜愛！最後點了高力豆沙及酒釀丸子，高力豆沙熱辣辣又鬆軟，配上糖霜真的幾滋味；酒釀丸子等待的時間比較長，而味道不太甜又有酒香，本人覺得比高力豆沙好吃！一直以來都未曾光顧這中餐館，但估唔到又幾好食，之後食lunch又可多一個選擇了！

-今次同媽媽係粉嶺中心搵食，嘆下茶食個包。我地就揀左依間食川菜嘅餐廳 - 湘川滬。由個名就知道佢地係主打食湖南、四川同上海菜。🤩-佢嘅午餐Set好抵食，包一款中菜、酸辣湯/粟米羹、白飯。我就揀左上海回鍋肉($48)。啲五花腩肥瘦肉平分秋色，各佔50%，爽口不肥膩，配上濃味嘅獨特醬汁，非常好吃。🍲-另外我仲叫左炒鱔糊、蟹粉翅糊同小籠包。鱔糊配上濃油赤醬、湯鹵醇厚、糖重色豐。成碟有好多鱔肉，全部真材實料，膩糯又不失彈性。另外我地食左蟹粉同黑松露芝士小籠包，依度嘅特色小籠包同平時嘅上海小籠包有啲唔同，Size係大2.5倍，個皮都厚少少，因為裏面嘅餡好大嚿，仲好多肉汁！😍-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌗 (4.5)回購評分▶️️️🌕🌕🌕🌕🌑 (4)-➡️湘川滬 (粉嶺)📍粉嶺新運路33號粉嶺中心1樓212A號舖-

呢間嘢真係超抵食，食物質素水準有高，真係不得不讚。今次因為香港運動，所以我哋晏咗到餐廳。估唔到反而因禍得福，因為呢度八點半打後， 加十蚊就可以任食四色小籠包 真係超抵呀。 我哋叫咗個二人餐超抵食仲包咗兩個燉湯。 分別係花膠螺頭燉湯同埋人參蟲草花燉排骨。 兩度湯都好清好好味，又夠足料，絕對冇加味精， 非常好飲。 前菜就有四喜烤麩同埋蔥油海蜇。海蜇好新鮮彈牙，鮮味十足。烤麩就好特別，食落唔油， 送飯一流。 主菜叫咗醬炒年糕軟殼蟹，估唔到中式餐廳都有呢啲咁特色嘅fusion菜， 味道非常惹味，而且大大碟，夠曬飽肚。 另一款朋友就叫咗醬爆跳跳蛙， 我就唔係好食田雞嘅，不過都聞到成碟嘢炒得好香口。朋友話田雞肉非常之甜，再加上辣辣地嘅味道，配搭一流。 加咗一度必食嘅醉雞。醉雞係黃油雞，睇到一層啫喱喺啲皮度，非常嫩滑。而且花雕酒量適中，食落唔會太濃味。 最後當然唔少得加十蚊嘅小籠包啦。有四款任揀，不過我哋叫咗一籠已經飽到投晒降。 每款都各有特色，而且皮薄餡靚， 最好食當然係黑松露芝士味，味道濃郁，入口散發著陣陣嘅黑松露香。

每年到了秋冬之時，餐廳便自自然然地推出時令菜色, 今年也不例外, 湘川滬已準備了新的秋冬菜色應市, 看當中幾款已是非常吸引, 找了一晚過來，就是試試這個。這裡的地點也算就腳, 正正在粉嶺地鐵站附近, 地方相當寬敞，環境乾淨企理, 由店員引領入座，看過了餐牌後，決定要了羊腩煲, 再加其他菜色。湯品點了花膠燉螺頭湯，單看湯料也知道是非常足料, 有雞腳、響螺和花膠等，湯本身鮮甜美味，醇香夠火侯，湯水已預先去了油份, 所以不太油膩,雞腳嫩滑,響螺也是好吃，花膠有滋補作用,個人極之欣賞此湯品。一味非常期待的就是枝竹羊腩煲了，用獨立氣體爐去加熱，所以是滾熱燙的, 看到煲內連皮羊腩的賣相，就知這是好貨色,先吃一件試試，羊腩炆得肉質軟腍，帶皮的部份更是豐腴無比, 枝竹及冬菇配上羊腩汁當然也是美味, 還配上一碟魚片及生菜, 是晚氣溫下降，此品正是時令菜色,吃完後滿身充滿暖意。甜品是酒釀丸子, 丸子口感軟糯, 湯汁清香而不過甜，酒釀的份量恰到好處。還有豆漿, 份量也算多, 豆味非常濃郁, 有水準。這裡的菜式有一定水準，吃得滿意, 以食物再加上環境及服務計，是物有所值的, 還要一提的就是這裡的服務，伙記非常

住左粉嶺一排，湘川滬已經成為我飯堂啦，連午餐，晚餐，我都經常黎食，我好鐘意食佢地既小菜，炒得夠穫氣，而且價錢相當合理，餐廳款式又多元化，最緊要大大碟。餐廳環境舒服，坐位與坐位之間不會逼狹，而且乾淨企理。糖醋魚塊（$78）糖醋魚塊色澤明艷，酸酸甜甜，魚塊入口嫩滑，沒有腥味，酸甜度剛剛好，而且仲好大碟，送飯一流火腿津白（$73）有3大塊鹹鮮金華火腿，以款菜其實簡簡單單，清清淡淡，但每一口都非常多汁入味。小籠包（$40）每次都會必點，不能錯過的小籠包，鐘意佢夠多湯汁，賣相夠飽滿，狹起來不易散

粉嶺中心最鐘意食就係食湘川滬，一至日都會見好多人黎食晚飯。餐廳價錢合理，有單點有二人，四人套餐，因為今日主要黎食片皮鴨，所以只叫了片皮鴨和小籠包和一款甜品。餐廳最出名就是北京填鴨，片皮前會將烤鴨送到席前讓人客檢視，之後再拎去起片，以間好特別，一邊只係有皮，另一邊皮連肉一齊片，有兩種唔同口感。鴨皮鬆脆，吃得出有油香，餅皮厚薄適中，分兩個蒸籠盛載，吃至最後，仍能保溫。小籠包-每次見到有都會必點，包內超多汁，湯汁超熱，皮薄餡靚豆沙鍋餅-每次都會必點，個餅皮厚了少少，最鐘意就係中間既紅豆沙，不會太甜，飯後甜品最適合不過

咸香蝦球鍋巴懶人必食之選,因為佢同黃金蝦的分別在於不用剝蝦殼,咬落啖啖咸蛋黃味,(但本人覺得咸了一點兒) 配上脆卜卜的米餅感覺都幾特別。花雕醉雞調味尚欠些酒味如果濃一點會更好,份量都足夠作餐前菜不錯之選。蟹粉小籠包夾起時已感覺到湯包好有份量, 咬開內涵仲見到好多蟹肉,仲有好豐富的湯汁,湯汁味道充滿濃郁的蟹味,值得推介!小籠包每次食中菜都一定必食的菜式,今次都唔例外,這菜式好考廚師的功夫,湯汁同肉的比例分配都幾平均,咬落口肉質唔會太林,湯汁又唔算太咸,再沾上醋食味道更突出加上價格都合理 推介第二之選! 餐廳環境座位都算寛敞唔算太逼,但枱如果再大一些會更好 因為以兩人枱為例勉強只能放到三道菜。