湘川滬 (粉嶺中心)

營業中

休息中

今晚同啲同事嚟食餐好，唔好晚晚碟頭咁慘。晚市叫咗個4人餐，六百幾9樣嘢，都幾抵食，食完個個都話有下次。前菜有手拍青瓜同鎮江肴肉，唔錯唔錯！前菜已經好有上海菜特色喇！宮保蝦球，真心正，蝦球大大隻，油泡，面頭脆入面彈牙。而啲「宮保」真係冇得彈，辣辣地，送飯好正好開胃。乾瑤柱扒西蘭花，睇落落足料，啲乾瑤柱多到舖滿晒，又係撈飯良伴。松鼠黃花魚，上海名菜，炸得幾透，啲肉都仲好嫩，好多松子，酸酸甜甜，食到汁都撈埋一滴唔剩。樟茶鴨真係第一次食，原來咁深色。唔係好食得出有茶味，但煙燻味就唔錯。半隻都好大碟下，我哋五個人都嗌晒飽。旁本個啲唔係蝦餅係曼頭，幾得意喎。呢間嘢嘅小籠包不嬲好正，我午市就食得多喇！啲肉汁真係十個正，必食！花膠翅好足料，唔鹹，調味好輕手。夠5個人一人一碗，所以如果4個人嚟食4人餐，絕對夠有凸！甜品唔知係咪隨機？（因為menu冇寫明）我哋係擂沙湯丸，仲要係啱啱煮起，花生碎包圍住熱辣辣嘅糯米再包住流心嘅芝麻糊，唔甜，好啱食。除返開每人百幾蚊，晚市講真點係貴呀？抵食！最重要係好食！推介！

早幾年，粉嶺中心來了一個大改造，比起以前，現在已經進駐了不同餐廳，有西式咖啡店，也有中式茶餐廳，今次家人選擇了這間湘川滬食晚飯，7點到達，已全場滿座，要等位了，湘川滬有湖南，四川，上海菜式選擇。 湖南腊肉炒韭菜花腊肉超鹹超鹹，韭菜花炒得唔老小籠包4隻包內超多汁，湯汁超熱，皮薄餡靚。鳳梨糖醋魚塊魚塊炸得比較硬身，酸酸甜甜好開胃。干扁四季豆每次都會點，送飯一流。黃金炒飯楊洲炒飯加蛋黃碎炒，炒得乾身。餐廳味道都唔錯，而且多好多菜式選擇～～～～

今日番完大陸， 就去到鐵路沿線嘅✨湘川滬✨食晚飯， 餐廳位於粉嶺中心火車站， 步行5分鐘就到，非常方便。餐廳地方寬闊， 十分滿意， 食得好舒服！ 首先來個招牌《小籠包》， 味道好食，皮薄餡靚， 仲有豐富嘅湯汁， 好juicy! 《崧子大黃魚》， 外皮炸得香脆，入口鬆化， 魚肉香滑， 加上酸酸甜甜嘅醬汁， 好食呀！ 仲好開胃添！值得一讚嘅《秘製紅炆棕鴨》，醬汁鹹中帶甜，棕鴨炆得好惹味，肉質嫩滑， 口感更佳， 超好味！ 最後叫番個《雪菜黃魚煨麵》， 真超飽， 超滿足， 麵質口感爽口彈牙， 黃魚超滑， 魚味十足， 配上雪菜， 好好食！

湘川滬大人，小朋友，老人家都喜愛，特別我的家人，十分喜愛，餐牌多元化，有兩湖菜、川菜、江浙菜，有鮑參翅肚、湯羹、蔬菜豆腐、飯粉麵類、京點、甜品、飲品，還有歡聚套餐2-4餐選擇。紅油抄手-其實是雲吞加上辣油，雲吞皮薄，餡料夠飽滿，好多汁，辣油非常麻辣竹笙蟹粉煲仔翅-只係每位$138，開頭以為一碗仔，點知係一小鍋，入面超級足料，有竹笙、蟹粉、翅，蟹粉係超級多，味道非常濃郁，撈埋竹笙、翅一齊食，口感非常滿足小籠包-每次見到有都會必點，包內超多汁，湯汁超熱，皮薄餡靚

湘川滬我每個月都會黎幾次食晚飯，就在我家附近，超級方便，湘川滬一至星期日晚晚都爆場，要拎飛等位。餐廳座位都好多，不會逼夾，光猛企理，環境舒適。餐牌都非常多選擇，價錢合理，每次黎食物都保持到水準。瑤柱蛋白炒飯（$76）炒飯炒得乾爽，炒得好有穫氣，粒粒分明，吃進口有彈性，充滿瑤柱汁香，加入了瑤柱絲，口感更有層次。清炒河蝦仁（$118）河蝦仁晶瑩剔透，蝦仁滑溜彈牙的口感，餐廳建議點上醋食，但我就不喜歡，因為可以食到河蝦仁的鮮味。

2019.06.18 【北區價錢經濟湘川菜】食在粉嶺時間過得真快 搬到粉嶺已經一年了雖然粉嶺亦鄰近深圳 對比上水或大埔卻顯純樸清靜惟餐廳及款式上選擇較少幸好現在多了個選擇 -湘川菜🥳小店人氣不絕 每到吃飯時間排隊的人潮一浪接一浪而裝潢座位上亦以高雅簡潔為主 環境舒適門口位置更有透明窗口看到師傅專業的手工技巧👨‍🍳另價錢相對酒家經濟 受不少家庭客歡迎花鵰醉雞 $68湘川菜的冷盤少不了蒜泥白肉、雞絲粉皮、醉雞等涼菜當晚我們就選擇了後者🐔雞肉份量不少 以頭盤來說份量挺足 夠3人享用肉質鮮甜嫩滑 夠冰涼又沒有雪味可惜花鵰酒也未能浸入雞肉裡 有點小失望上海春卷 $38/3蘿蔔絲酥餅 $38/3家裡有個「唔熱氣都唔食」的大王每次上酒樓或食飯都會有一兩款煎炸食品春卷顏色金黃脆口 包裹著不少木耳絲、蘿蔔絲、肉碎除了微微的油膉味外 挺不錯的另一蘿蔔絲酥餅上桌時有如一隻小船🛶打開酥脆的外層後 一絲絲微暖的蘿蔔絲爽口若再加上多點胡椒粉更昇華招牌小籠包 $40/4相信沒幾人不愛上海小籠包看到這個經濟的價錢 真想來多一籠😋小籠包的皮屬中等厚度 不太厚太薄肉汁鮮甜 足足有一勺子的而肉不肥不瘦 剛剛好砂鍋獅子頭 $

今日係六月十二號，香港發生緊大件事，公司氣氛沉重，決定同同事出街食飯討論下。去左粉中的湘川滬，午餐原來好多選擇，仲有不同嘅野可以用優惠價加配。哈哈，眼濶肚窄，落單時樣樣都想食，不小心點得太多了，最好真係好飽好飽，睇下食左咩啦～茶水（$4/位）坐低睇睇餐牌，午市套餐超多組合，叫左一人一份餐，再加少少其他野。凍豆漿（+$5）其中一份餐有豆漿送，另外再加多一杯，微甜有豆香，幾好飲。四川擔擔麵（$46）自己叫左擔擔麵食，好耐無食過啦，睇下呢度得唔得先。湯底幾香濃，好有花茶生香但不辣的，鹹鹹地幾好味呀。麵條掛湯，吸滿湯汁不錯，而且勁多麵超飽。雪菜肉絲炒年糕（$52）同事叫左炒年糕，嘩，份量仲多過平時外邊食晚飯，午餐呢個價勁抵喎。年糕好彈牙，煙煙韌韌好有咬口，吸滿雪菜味勁正喎，加埋筍絲肉絲無得彈。三鮮蒸餃跟餐有一款點心揀，要左蒸餃，熱辣辣都ok㗎。豉汁蒸鳳爪（+$12）同事個餐可以加點心，要左鳳爪，呢度用年糕墊底，吸左鳳爪汁啲年糕都好好味㗎。份量同樣唔少，好似有成八隻（？），汁好濃，好香花椒八角味，正。杞子圓玉桂花糕（+$5）加錢要埋甜品，呢樽桂花糕好香，上面有龍眼肉，加埋一齊冰涼清甜勁正。桂花蜜

粉嶺中心越開越多野食，今次仲要開埋湘川滬添~! 勁開心呀! 平日大約7點黎到，唔駛等位~餐廳幾闊落，坐卡位又幾舒服，好啱一家大細黎食。我今次黎喺為左佢嘅北京填鴨，聽講幾抵食。我地3個人叫左一隻北京填鴨，兩食嘅話可以加$60, 不過我地人唔多人所以冇叫兩食。另外叫左半隻砂鍋餛飩雞同埋茨實蝦乾浸菜苗。雲吞雞好大煲~!超足料，仲幫我地拎去斬件，好貼心呀~食之前飲啖湯先~個湯幾清甜，抵讚!雞件都幾有口感，我好滿意~ 吞雲大大粒，咬落都幾juicy,有肉汁~半隻雲吞雞3個人分都多~我最期待嘅北京填鴨果然冇拎我失望! 隻鴨大大隻，又燒得幾靚仔，夠金黃色又唔會太燶。可能唔整兩食，所以隻鴨片得較大件，每件都有肉，唔喺淨得皮~我中意! 半皮鴨跟16件麵皮，認真抵食! 叫左咁多肉，食番個清啲嘅菜，清得黎有蝦乾提下味。

長年住喺大西北既我有時想喺附近搵間好野食都有困難，最多都係得d連鎖快餐店，今晚放工就黎左呢間湘川滬食中菜，本身諗住喺商場開既都無咩期望，估唔到真係好有驚喜，真係要推介一下。餐廳喺粉嶺中心，火車站行去大概5分鐘就到，所以都算方便。餐廳環境都乾淨企理，座位之間闊落，坐得都舒服。食物方面首先叫左瑤柱蛋白炒飯，呢個炒飯我覺得非常出色，炒得好乾身，唔油，d飯真係感覺到每一粒都有鑊氣，每一粒都有飯香，有咬口，瑤柱份量好足，雖然只係一個好簡單既炒飯但都好好味。跟住叫左崧子大黃魚，皮夠薄又夠脆，唔會有食到成口粉既感覺，魚肉彈牙入味，煮既時間啱啱好，同埋我最怕食d太甜既野，佢個汁甜度啱啱好，所以越食越開胃。之後係半隻砂鍋雲吞雞，首先個湯充滿雞既味道，但又唔會成個湯都變左雞油，反而有啖啖既清香，雲吞好大粒好多肉，隻雞都厚肉juicy。最後係茨實蝦乾浸翠苖，我自己就好中意蝦乾呢d配菜，咸咸地好惹味，菜煮得夠淋，清淡得黎都好味。

粉嶺火車站附近食肆好多都係連鎖快餐店，難得有一間上海菜喺度，所以都幾受歡迎。我之前食過兩次都係晚餐，今次係星期六下午兩點幾去食，過左繁忙時間所以都唔洗點等位。叫左個獅子頭同埋回鍋肉，套餐有埋飯同魚羹或酸辣湯。個魚羹都幾鮮，清清地咁。酸辣湯唔算好足料，正正常常啦。獅子頭個汁都做得幾好，豬肉幾新鮮無「益」味，份量都幾多。回鍋肉都有d鑊氣，夠熱，唔會好辣，都幾惹味，送飯一流。侍應全程都幾好招呼，餐廳又坐得舒服，總括以言係性價比幾高既一間餐廳！

難得男朋友入黎粉嶺接我收工，係呢個沙漠想搵間似樣少少好食既鋪都幾難。記得呢間鋪岩岩開張個排都同屋企人都黎過呢間食，仲嗌左片皮鴨試，不過當時覺得價錢幾貴唔係咁抵，但水準都可以接受，所以就同男朋友入去再試下。環境依然好舒適，裝修都好靚好吸引，而且一黎就開得茶咁，好似去左茶樓既錯覺。因為係門口見到7點15分前離座埋單有優惠，係我一直好想試下食既酸菜魚，所以就嗌左黎試下。但因為我唔食得辣，所以男朋友另外嗌左碟唔辣既炒雞柳帶子，然後仲嗌左個招牌小籠包試下。傾陣計好快就開始上菜，一黎就係我期待既酸菜魚，夠酸微辣，魚肉好滑，個底有d粉絲，不過要注意係d魚仍有好多細碎既骨，斬碎既骨咁，一個唔覺意就會吞埋，魚肉係切得好薄，百幾蚊感覺份量幾細。但整體都好食既，不過同我想像中有d出入。雞柳帶子原來用芹菜炒，我同男朋友都係好討厭芹菜既，唔知可唔可以轉第二種菜炒呢? 望落份量幾足，但食完個幾塊雞同帶子剩低個碟芹菜都份量大到好似一碟冇食過既餸咁至於呢個招牌小籠包就令我極度失望啦！個皮幾厚咁，少少湯汁，包住好似碎肉丸咁埋單280左右，加左兩碗白飯，所以都算飽肚既，味道唔算難接受，不過感覺上就好似貴左少少

今晚想食上海菜,出奇地唔使等位,先叫一客生煎包,要先叫因為煎包等好耐,小菜太多選擇..,二人只有叫一個酸菜魚🐟,菜飯.好味,但魚肉較多骨,要小心食.酸菜的營養價值好大,含維生素C，氨基酸，膳食纖維和其他營養成分。由於酸菜使用乳酸菌優勢菌的儲存方法，因此含有大量的乳酸菌。人體腸道中的正常菌群具有維持胃腸道正常生理功能的作用。😆👍

一向鐘意食中菜 尼間平時食開啲客飯餐味道不錯 今日見佢轉左點菜紙 冇諗咁多照食啦 點知大失所望！一，份量大縮水 平時食開啲菜品係正常份量，小妹覺得啱啱好， 但今次碟餸黎到，目測萵筍最多得10塊，變左前菜咁款二， 咸肉津白唔咸 $56得4塊「咸」肉已經冇野講，仲要唔係唔咸既，不如叫白肉算啦，下面啲津白，薄切到A4紙咁，五十幾蚊係咪少得濟？三， 不停想收野一直食已經問左三四次收碟， 但明明碟上面仲有大半份野食，出面又冇人等位，餐廳入面又仲有位坐，係想催我地走？其實開得係尼邊都係做街坊生意，收得茶錢開得茶又賣點心，都算半間茶樓仔啦， 唔洗咁催法呀，良心少少好冇？搵返自己好冇？ 唔好做個壞左既餐廳好冇？

之前見到openrice內有食評介紹呢間湘川滬有個龍蝦競食比賽, 但我唔想食得太急, 所以預先訂咗慢慢食(之前見有師兄post 過話要預先訂無得即場落單). 其實份量都有番咁上下, 除咗一隻玻士頓龍蝦外. 仲有就係龍利柳, 芽菜同薯粉, 加上得辣椒及香料, 開頭見樣以為好辣, 原來係無想像中咁辣. 只係有麻嘅感覺. 我覺得整體呢個雙龍出海係抵食嘅, 只係百鬆d蚊有龍蝦又有魚. 淨係叫水煮魚都要呢個價錢啦.另外仲有個五福小籠包, 有五種唔同味道嘅小籠包, 幾特別. 侍應服務亦很貼心. 好滿意!  

一向都勁鐘意食上海野京菜果啲，湘川滬嚟講每次都係日頭去飲茶，晚市我反而未試過，咁啱屋企人話出街食咁就去試下呢間啦！京菜嚟講點可以無北京填鴨架，呢個餸由細到大我都勁鐘意食，鴨一定要皮連住肉先好食，皮要脆，肉要嫩，肥膏要甘香，再用一塊薄餅，加少少甜醬，加少少青瓜，包埋一齊咬一啖，口袋層次多到不得了，可惜呢啲食幾件就會好飽另外一鴨係會有兩食，第二味我地用左啲鴨鬆嚟炒粒粒，做左個鴨鬆叉子燒餅，將啲鴨鬆塞爆果個燒餅裡面咬一啖，勁滿足！