湘川滬 (粉嶺中心)

營業中

休息中

呢一日同朋友去粉嶺探流浪狗同朋友後，在粉嶺食埋飯先走，一直好想試呢一間，但好少入嚟粉嶺，今日終於都有機會啦蝦餃做得不錯很大隻冇雪藏味而且皮都薄酸菜魚好正，湯底濃厚甘甜，俾啲粉絲索晒而且魚片嫩滑 正！招牌小籠包皮煙韌不會太硬熱辣辣放入口豬肉鮮味湯汁甘甜潤喉抵我哋等咗佢20分熱辣辣放入口豬肉鮮味湯汁甘甜抵我哋等咗佢20分鐘軟殼蟹炒年糕呢個就有啲過鹹而且鹹味源自成碟都係蠔油味 軟殼蟹炸到好油 年糕仲有啲硬 不夠軟糯呢個白肉個醬都係偏鹹而且白肉冇咩豬肉嘅鮮甜味同咬口 大致上食物都可以喺粉嶺來講係做得不錯 會再來的！

心血來潮，想食上海粗炒上open rice湘川滬在open rice 落單有折第一次在open rice ，用alipay 減＄20我自備玻璃盒食店話我拎到店才煮，因我要自備盒ok呀，等了10分鐘即炒，回到家中裏熱食店貼心送豆瓣醬，正！

早前同好友食過湘川菜館湘川滬 真心覺得唔錯 於是年尾團年飯同好友一於再度encore六點多人流不算特別多 被安排到卡位 算是坐得舒服自在 除左卡位座 餐廳中央位置其實仲有圓枱 方便大夥眾聚餐望望餐牌 跟午餐的又有點不一樣 晚市除左小菜、主食、湯品仲有甜品 樣樣都頗吸引 唔想散叫 仲有套餐可以選擇 雖然選擇不多 不過內涵頗養眼 鎮江肴肉+醬汁牛肉切成條狀既肴肉肉色鮮紅 皮色晶瑩 滷凍透明 入口香味醇厚 醬汁牛肉說清了就牛展 入口軟腍細滑 雖然不能說香醇濃郁 但味道仍算不錯花膠螺頭燉湯 / 鮮人參蟲草花燉排骨湯花膠可以養膚美顏 螺頭滋陰補腎 所以燉湯味道鮮味可口 清甜濃郁 非常滋補 鮮人參益氣 蟲草花扶氣補腎益虛損 燉湯雖然呈暗黑色 不過味道鮮甜可口 火喉十足醬炒年糕軟殼蟹剛好是軟殼蟹時令季節 以軟殼蟹來說蟹肉尚算肥美外皮酥炸後再混合惹味醬汁炒 食落鹹香十足 非常開胃美味 年糕唔會太硬 軟硬度適中 食落煙韌軟腍有咬口 年糕質感香糯 充分吸收蟹肉鮮美同醬汁濃香口感層次即時豐富起來 令人一吃回味糖醋排骨排骨外表呈金黃色 外層香酥內裡細軟 肉質感好嫩 不會過澀、過肥

有同事生日，我地一班人決定黎食上海野，十幾人坐左一張長枱，點了一人一份午餐外，再加了點心同小食，不過人太多，好多野都影唔切相就KO左。話就話食上海野，但同事見到有廣東點心又話要叫，叫左蟹籽燒賣皇，大大粒好多肉，味道正常。仲有招牌蝦餃皇，蝦鮮甜，但幾隻都爆左皮，無左啲汁有點失色。跟住有上海春卷，炸得十分脆口，入面包芋頭蓉，飽肚系列黎食上海野點少得小籠包，皮薄多汁幾好味。午餐可以加錢換小食，要左一份麻辣蓮藕雲耳，蓮藕同雲耳都好爽口，辣辣地幾惹味。午餐送嘅酸辣湯，好酸但唔辣，味道一般。自己份午餐要左菜肉餛飩擔擔麵，雲吞厚皮加上皮太淋，麻麻地，擔擔麵湯底就幾好，好有花生醬味，少少辣幾正。同事個上海回鍋肉，炒得較油而且得啲椰菜，有點失望。再黎有酸菜魚片，呢個認真唔掂，湯底不酸不辣無鮮味，魚片係滑嘅但都係無味，可以不點。最後係北京水餃麵，非常清淡的湯底，麵條有韌度幾好嘅，但個湯無味，所以啲麵都無味，哈哈，加左大量辣醬去食食完鹹野上埋個甜品桂花蜜拉糕，煙煙韌韌又甜甜地，呢個好味。有好食有唔好食，午餐價錢唔貴都ok嘅。

自從相約過好友食過好幾次晚餐 一直都好想一試湘川滬既午市套餐 於是相約同事來一試午市人流不少 差不多坐無虛席 望望午市套餐 選擇都有不少 有飯有麵有湯有年糕 真心覺得唔錯 最重點是價錢不算高昂 以粉嶺區來說算是合理價格菜肉雲吞麵上枱熱烘烘 雖然賣相不算特別好 不過份量真的十足 麵足足滿大半碗 麵條煮得軟腍剛好 不會太硬亦不會太糊口 食落有咬口 口感不俗 味道偏向清淡型 若喜歡重口味可能需要自行加添醬汁 雲吞不多不少 都有3粒 不算太細隻 餡料算是不過不失 食落不算高質好好味 至少不難入口 肉汁是有點欠奉 這個略為可惜 青瓜粉皮 其實跟雞絲粉皮有點相近 同樣是用上麻醬混合粉皮跟青瓜 沒有技巧可言 不過就是喜歡吃

員工態度惡劣 😲😲😲😲😲😲😲😲😲😲落錯單毫無悔意 仲叫我地睇單 唔通我落單㗎🙊 湯底有臭腥味叫距換 換左鹼水味超重既面番黎 仲堅持話距地個麵係咁 食唔慣換個清湯畀你🙄🙄🙄🙄🙄🙄🙄🙄🙄🙄啲所謂既排骨就係啲超乾超硬既炸粉敷住的唔新鮮既豬扒前所未有既難食 🤮🤮🤮🤮🤮🤮🤮🤮🤮🤮令人相當失望大家考慮清楚先好決定 食嘢最緊要好味 真係好影響心情🤢🤢🤢🤢🤢🤢🤢🤢🤢🤢🤧

下午茶由兩點開始。我們點了兩個下午茶餐：水煮牛肉麵，個麵底完全都冇煮散，筷子夾起一個麵團，差！酸菜魚配飯，得個鹹味，魚一啲都唔滑，上菜嘅碟邊好似有人用過咁，感覺唔太衛生，唔清潔！完全煮唔到上海菜嘅特色，只係一般好普通嘅上海餐廳！唔會再食！　　

本來一心想嚟食片皮鴨，點知一坐低，Menu搵極都搵唔到，於是問侍應，佢話而家已經冇做了……勁失望！好彩，佢其他嘅食物都令人好滿意！首先一定要大讚佢嘅小籠包同鍋貼。皮嘅厚薄度剛剛好，重點係一咬落去勁Juicy，啲汁彈晒出嚟！啲餡又唔會話太肥太鹹，夠熱、好食！然後就要講吓佢嘅麵，嫩雞煨麵係好欣賞嘅！因為湯夠清甜，食完唔會話好口渴，麵亦夠彈牙，我同好快就清晒！相反佢嘅上海排骨麵，鹼水味較重，所以我個人唔係太鍾意，排骨又太鬆軟同埋好似有少少肥膩。最後用豆沙鍋餅作為總結，唔會太甜，但唔夠熱係有少少遜色。

很久沒有吃上海菜，找到了一家價錢合理的小菜館，環境整齊乾淨。茶水可選擇玄米茶，茶味足。揀左好耐，點了我想吃很久的小籠包，花雕醉豬手，炒鱔糊，蒜泥白肉，豆沙鍋餅等。小籠包有驚喜，湯汁好多，濃郁而且沒有肉腥味，薑絲切得好細。花雕豬手亦不錯，豬手毛去淨，花雕汁唔會有苦澀味，呢點我好欣賞! 同行有人唔食辣的話，白肉的辣汁可另上。 炒鱔糊用蠟燭一直坐熱保暖，味道可比平日裡經常吃的連鎖上海菜，不過鱔的分量大很多。唯一可進步的地方是鍋餅的皮不夠薄，但豆沙不會太甜，已經很不錯了難怪疫情下仍然有不少人光顧同買外賣，下次有機會經過會再食。

突然好想食麻辣野但可惜粉嶺好似冇咩選擇加上天氣不似預期⋯⋯唔想走咁遠想起粉嶺中心呢間上海菜加上openrice食評唔錯所以就去左試下疫情之下鋪頭冇咩人....外賣仲有8折🤭🤭我見人話2人餐好抵食，但由於冇我想食既野所以到最後都係散叫，結果係散叫平過2人餐🙈🙈蒜泥白肉：辣椒蒜蓉好惹味👍🏻👍🏻辣d會更好呢個麵非常出色，男朋友仔大讚👍🏻👍🏻有麻辣味得黎又唔太滯，食到底發現係因為麻醬係哂底度，下次可以少麻醬又或者好似我地咁唔好撈咁底、仲有粗麵都好match又一加分位小籠包呢就失色左d la....佢個餡加左菜搞到好似菜肉包咁，皮又厚左少少，size 唔洗咁大架...太足料搞到一d都唔”小”籠包，下次可以唔洗叫到最後呢個雞唔記得左名...叫係因為佢個菜名隔離有個辣椒🌶️薯仔，蓮藕同埋有年糕😋😋配角好食過雞🤣🤣天氣凍冰冰呢個菜熱辣辣👍🏻👍🏻總結：抵食，味道唔錯，cp值高，粉嶺居民可以encore

聽人講粉嶺有一間好好食嘅上海嘢 我哋一家大細梗係要去試下啦 疫情關係間間舖頭都應該好少人， 但估唔到 呢一間都唔算好冷清喎， 一入門口有人探熱👍🏻又有搓手液， 我哋坐低之後即刻望餐牌 有我最鍾意食嘅水煮牛肉 : 辣味香濃 牛肉夠嫩滑， 仲要勁多配料👍🏻👍🏻 酸菜魚 : 魚身滑溜， 骨唔算多， 酸菜味濃配埋個粉底一流上湯小籠包 呢個真係冇得頂 小籠包裏面勁多湯 就算凍咗依然好好味 👍🏻👍🏻我當然通通都唔會放過啦 老公就叫埋個小食拼盤: 分別有雞絲粉皮 涼拌青瓜 海蜇同淆肉， 呢個正常味道冇乜特別驚喜 火腿 奶油津白， 呢個就原片金華火腿😍 奶油津白不嬲都冇得輸㗎啦 今餐又係大滿足

粉嶺火車站呢邊真係十年都唔嚟吓，今晚約咗人攞口罩嚟到，順便喺度搵吓有咩好食，見到呢間個名有齊三大菜式咁巴閉，一於入去試吓!防疫期間門口已經有專人幫忙量體溫，每張枱亦有膠板分隔，令人食得放心!“四式拼盤”有鎮江肴肉、蔥油海蜇、雞絲粉皮和雲耳青瓜，較喜歡粉皮的麻醬令人越食越想食;“招牌小籠包”果然係好嘢，皮薄而肉多汁，小心一咬落去噴熱汁呀!“酸辣湯”夠哂濃味，點得沒理由喝淡吧!“火腿津白”係我食上海菜必點菜式之一，呢度合格有餘，津白夠淋夠甜!“重慶酸菜魚”呢度嘅魚片有彈牙，唔同外面咁腍嘅煮法，各有特色!“麻辣水煮牛肉”當然係嗜辣嘅太座最愛嘅菜式，呢度唔算太辣，牛肉好滑，我都食得津津有味!總括嚟講呢度性價比高，值得推薦!

原本打算去食片皮鴨，可惜因該疫症關係，所以有部分菜式暫時無得食，唯有改叫返小菜類。前菜揀咗個上海醉豬手，花雕酒味都幾濃郁，但又唔會浸到苦，豬手皮好爽口。入口感覺清涼唔會漏。松鼠海鱸魚做緊特價，原價$138，閒日 優惠價 $108 ！份量十足，即叫即炸！熱辣辣，外皮脆口，魚肉嫩滑。配上酸酸甜甜嘅醬汁，同菠蘿松子粒，非常醒胃！瑤柱賽螃蟹炒得夠嫩滑，有蛋白之外，仲有魚肉碎同瑤柱絲，再落少少醋調味。用嚟送飯都一流！酸豆角肉末配叉子。酸豆角肉未好大碗，食完2個叉子都仲有3分1碗可以送飯。酸豆角都幾酸下，好好送飯！叉子芝麻十足，鍾意芝麻味嘅一定好開心！菜飯比白飯貴3蚊，但衣到嘅菜飯唔係淨係加少少菜粒落去就算，仲加咗其他香料調味，特別好食！原本打算去食片皮鴨，可惜因該疫症關係，所以有部分

幫襯開，見防疫工作非常認真，所以我依然嚟幫襯。我最鍾意呢碟金菇炒溫室豆苗🌱，豆苗非常嫩口清新爽脆～必點炸銀絲卷、小籠包、上海粗炒，小籠包爆汁肉餡超美味！😋銀絲卷裏面能夠做到一層層，外面香脆，沾上煉奶，非常好食。上海粗炒有少少鑊氣，幾十蚊，相當抵食。黑醋排骨非常濃味，排骨肉好易咬開，如果唔係太過飽，叫個飯配呢個排骨就相當唔錯。今次有少少失望嘅干鍋麻辣土雞雜錦。勝在明火熱鍋，但麻辣香味少左，無咁惹味....😉今次點左嘅新菜式都幾好，確係有水準抵食中菜。

呢次係超級即慶慶祝我嘅最後一次出Pool暨恭喜Daddy終於同Mommy拉埋天窗🕺🏻💕Poached Sliced Pork with Garlic & Chili Sauce （$58）蒜泥白肉 （$58）意料之外同譚仔嘅完全唔同 薄薄嘅白肉 點咗經炸過嘅蒜蓉辣椒變得更加惹味而辣油亦滲透落白肉下層嘅粉皮之中 令到味道更加濃郁Pork Terrine Served with Vinegar （$60） 鎮江餚肉 （$60）肥而唔膩 肉肉嘅份量比相像中多 而食落仲有滿滿嘅骨膠原感件件都好大舊 最少要食兩啖先到一舊Steam Stuffed Supreme Soup and Pork Dumplings （$40）招牌小籠包（4隻） （$40）係我最愛嘅點心啊 皮薄饀靚隻隻都有滿滿濃郁嘅湯汁 真係食到停唔到口Pan-tried Assorted Meat Dumplings ($38)三鮮鍋貼（4隻） （$38）皮有啲厚 但意想不到咁多肉汁 可以接受嘅Soup Noodles with Spicy Peanut Souce （$48）四川擔擔麵 （$48）麵上有蔥花 肉碎同花生碎 湯底有濃