湘川滬 (粉嶺中心)

營業中

休息中

位處民居附近商場，但又不設外賣服務，即使有提供外賣自取，卻要在自取前先付款，但又沒有相應的網上或電子付款服務，浪費客人等候時間，如此安排，客人何必自取呀，不如堂食啦!!! 此店服務欠缺周全，管理一般

早幾日出第一份糧,就請左屋企兩老食個飯,佢地中意食中式野所以就黎試下呢間個名都改得幾貼題, 真係可以食盡湘川滬三款菜式,但特別想講下個砂窩雲吞雞, 佢個雞湯係超濃郁, 同埋可以見到就算煲左隻雞 d湯都無油所以食完係完全無油膩感咁濟d雲吞都唔錯, 但如果可以大粒多少少就perfect池啦而相比隻雞, 我會話d菜先係重點同精粹!全部都煲到好稔, 索哂d湯, 口大既一啖一粒既話個種滿足感絕對係難以形容

天氣開始凍 係時候食羊腩煲喇又想食下中菜 就黎到哩間中菜餐廳先黎一個砂鍋雲吞雞 入面有半隻雞雲吞皮好薄 夠滑 湯飲落都好足料飲完個身即刻暖哂蟹粉扒本地豆苗本身都好鐘意豆苗！加埋蟹粉就更加惹味送飯一流主角；登登登登雙色2味羊腩煲好明顯 一邊辣 一邊唔辣羊腩夠哂嫩滑 肉質唔會太老 好味！其他配料 腐皮 冬菇都好入味辣個邊雖然睇落好得人驚 但其實都唔係太辣 不過我比較鐘意食原味湯底辣味有少少搶左羊腩味潤腸菠菜好鍾意食菠菜架我第一次試哩個煮法既菠菜 我覺得有d太咸鐵板京燒羊腩男朋友好鍾意食哩個不過我覺得太騷 haha 同我麻麻地太炸既食物鑊仔花膠仔海味浸雜菜哩個好推介！清清地但又有蝦同花膠仔帶出鮮味粉絲爽滑彈牙 正！味道唔會過濃 食幾多都唔覺滯呀雷沙湯圓熱辣辣既黑芝麻餡同家淨林林既湯丸皮一人2粒岩岩好


明火羊腩煲超足料味濃，夠入味又唔騷，大大煲勁抵食。佢仲有個生菜跟嘅，啲料入哂味，係正嘅。
鐵板京燒羊腩
哩個就有啲啲騷味，但脆口鬆化都幾好食，個個都話似鹽酥雞嘅口感。
蟹粉扒本地豆苗蟹粉好多，好好味。
嚟襯都叫小籠包，皮薄個湯味濃，個個都讚。
干鍋土家排骨
我唔食辣，叫咗小辣，都幾好味，辣嘅朋友就比較喜歡。
長沙鐵板炒薯粉
我就唔太食辣，不過見其他人有再添食，應該都唔錯。個羊腩煲真係幾大，幾個人都食唔哂，但女士們食到好飽都仲想叫甜品，叫咗3個share，全部都幾好，椰汁馬荳糕，杞子圓肉桂花糕，杏仁白玉凍。

粉嶺湘川滬裝修華麗有氣派，位於粉嶺中心商場入面嘅上海菜，已經見到入面幾乎滿座，所以我哋一家人就試吓。當然有我最鍾意嘅例牌重慶口水雞，我哋即刻點咗，雞多肉少骨，一咬落去肉汁即刻流晒出來。由於朋友比較鍾意食辣野，我哋就叫咗天府水煮牛肉，望落去雖然好多辣椒，但係其實唔係好辣，而且好滋味，牛肉份量都比較多，肉質滑嫩。除此之外，仲有香茜鮮魚羹、椒鹽排骨同埋上海粗炒等等，同樣地都炒得好有鑊氣同埋好好食。餐牌除咗有正價食物選擇之外，仲有一個特價牌，入面有唔同款式嘅特價食物，其中清炒溫室豆苗就係特價精選$58，食落去味道新鮮。飲品我哋叫咗豆漿爽一爽喉嚨。最後我哋四個人埋單＄400有找，每人平均消費都只係二百就可以享用一餐咁豐富、環境又華麗舒適嘅上海菜，真係好抵食。

十一月尾，開始 feel 到涼意，係時候食羊腩煲嘞~🐏雙色兩味羊腩煲🐏明火羊腩煲超足料，味濃但唔會太咸，啖啖羊肉夠哂入味又唔騷，支竹冬菇索哂味，仲有生菜跟，大大煲勁抵食，5個人都食唔哂。😍👏🏻肥妹指數:🙆🏻‍♀🙆🏻‍♀🙆🏻‍♀🙆🏻‍♀🙆🏻‍♀🔥干鍋土家排骨🔥佢有得揀辣同唔辣，我哋有人唔食辣，叫咗小麻辣，最正係佢辣汁喺底，滿足哂所有人，唔要辣食上層，要辣就巢底。更體貼嘅係佢都有小火喺下面，唔會話食食吓凍哂。👏🏻👏🏻👏🏻肥妹指數:🙆🏻‍♀🙆🏻‍♀🙆🏻‍♀🙆🏻‍♀🙆🏻‍♀🐑鐵板京燒羊腩🐑皮脆肉嫩，香口鬆化~送啤酒一流🍻肥妹指數:🙆🏻‍♀🙆🏻‍♀🙆🏻‍♀🙆🏻‍♀🔥🔥長沙鐵板炒薯粉🔥🔥辣辣哋好惹味，大大隻蝦夠足料，喜歡辣嘅朋友大讚~👍🏻肥妹指數:🙆🏻‍♀🙆🏻‍♀🙆🏻‍♀🙆🏻‍♀🦀蟹粉扒本地豆苗🦀滿滿嘅蟹粉，煮得剛剛好嘅豆苗，滿分~💯肥妹指數:🙆🏻‍♀🙆🏻‍♀🙆🏻‍♀🙆🏻‍♀🙆🏻‍♀🧡招牌小籠包🧡嚟襯都一定叫，湯濃肉鮮，無得輸！😎🤟🏻肥妹指數:🙆🏻‍♀🙆🏻‍♀🙆🏻‍♀🙆🏻‍♀🙆🏻‍♀💕叫咗3個甜品share💕椰汁馬荳糕，杞子圓肉桂花糕，杏仁白玉凍 3款都正，我最喜歡係個滑滑馬荳糕~肥妹指數:🙆🏻‍

趁涼涼地就約埋三五自己知己食羊腩煲 今次揀咗上海菜館順便可以食埋小籠包四個為食妹總共叫咗六碟餸長沙鐵板炒薯粉 干鍋土家排骨 鐵板京燒羊腩 蟹粉扒豆苗 招牌小籠包 ☝🏻同埋重點 鴛鴦雙冬羊腩煲炒薯粉用鐵板上 保持住熱辣辣食落口有少少麻辣 薯粉加埋火腿絲 蛋絲 甘荀絲 仲有蝦一齊炒 做開胃前菜一流 土家排骨就用小鍋連火上 一來保持食物嘅溫熱度 二來又可以令到排骨入味同淋身點菜嘅時候就可以揀辣度 我地就揀麻辣但小辣小小辣味配埋香濃醬汁 甚至連配菜都好入味我食完一舊又一舊 鐵板京燒羊腩 充滿創意嘅煮法 羊腩皮脆肉嫩 好似鹽酥雞 好得意 非常香口 蟹粉扒豆苗 秋冬豆苗當造 蟹粉又係時令食物 所以鮮甜度十足 用大閘蟹最精隔髓部份煮新鮮豆苗 好奢侈🤪蟹粉多到鋪滿豆苗上層而且豆苗係我最喜愛蔬菜榜嘅三甲之選 真係見到都流晒口水 一籠靚小籠包應該要皮簿得黎唔易夾穿 多熱辣辣肉汁再配合飽實肉餡呢度嘅招牌小籠包就有齊晒 仲大大粒係食上海菜必食之選終於到主角出場 羊腩煲 鴛鴦煲底 一半清湯一半麻辣特別一提 羊肉接近零羶味 好抵讚💯邊滾邊食嘅羊腩煲仲有枝竹 冬菇 蓮藕 等等嘅索湯配料 食到尾段更加可以淥生菜 生菜

涼風輕輕吹既日子來了！又係時候打羊腩煲🤤新界西朋友gathering 搵個中間點就又黎粉嶺食野☝🏻☺️ 一行4人大食團又黎啦☺️.叫左8樣野招牌小籠包。皮薄湯多好食☝🏻🤤 一個唔小心就會成個匙羹都係湯🤣 放心佢絕對大粒個匙羹，真才實料👏🏻蟹粉扒本地豆苗 $108份量都唔細碟！豆苗嫩口唔會太老！配埋蟹粉濃啖適中！👏🏻唔錯！干鍋土家排骨$88可以選擇醬炒或者麻辣☝🏻因為有人唔食辣，但我地又想試下辣排骨，所以最後決定少辣！😉 黎到記得撈撈佢。因為d 辣汁係底，唔食辣既食上層啦😂入面有蓮藕片薯仔片！炒埋辣辣地幾正！排骨都好有肉地！😌下面有個火一邊保持熱度！鴛鴦雙冬羊腩煲$348重有菜跟埋！明火羊腩煲真係每年冬天都需要食😻入面都好足料！羊腩唔會好羶！冬菇支竹個d 料都應有盡有！店員Johnny 好好服務！時不時過黎幫我地加湯😉thankyou johnny鐵板京燒羊腩$98炸得超鬆脆！皮唔會太厚！外面好脆咬落去"索索聲" 入面既羊腩薄薄地！好似平時食酥炸雞扒咁☝🏻😻長沙鐵板炒薯粉 $88辣辣地，炒得唔會好油既薯粉！入面重有蝦tim!飽肚感10足！食完又點少得甜野呢左：杞子圓肉桂花糕中：椰汁馬豆糕右：

一個月前和朋友去到新界粉嶺覓食。好久沒去，粉嶺中心已大翻新，開了不少新餐廳，包括天仁茗茶，cafe swan和這家湘川滬。本人由於對川菜和上海菜有特別喜好，看到時就馬上約朋友一齊試。發現這個價位，食物都不錯，可以食到川菜上海菜既影子。這道花雕醉雞($58)(例)，很明顯是事先做好，客人一order便由雪櫃拎出的涼菜，花雕酒聞上去幾香，但食落口香味不濃郁，雞皮的油脂經過冷凍後凍成凝固狀，顯得更油膩，雞肉有雞味，但肉質不嫩滑，亦沒有吸收花雕酒的味道，酒味只浮于表面，令我有些許失望，呢道菜可以不點，不太好味。而這道水煮牛肉就真係五錯。光顧時在做特價，原價$108的水煮牛肉特價$78。一上枱油潑辣椒的香味撲鼻而黎，嗯，此刻既香味系一個正宗水煮菜式應該有既油香味。向下找一找，有牛肉、寬粉、豆芽，可惜分量不算多。牛肉非常嫩，醃得入味，寬粉和豆芽都是吸味之作，整道菜味道濃郁，唯食完後有少少口乾，如果味精味少d會更好。辣的香氣有，辣度我就稍嫌不足，但我覺得應該符合普遍香港人口味，同行的朋友就話辣度剛好，算是微辣程度。如果$78的價錢這個分量都尚算可接收，但如原價108就有點不抵。（牛肉成本貴，其實寬粉

強烈推介佢個紫薯雙皮奶!! 本來都只係見佢平平地抱住試下都無壞既心態去嗌,雖然而家好似愈黎愈多紫薯類產品推出, 但紫薯MIX雙皮奶又好似無點見過點知出到黎又幾有驚喜 一上枱同紫米露個樣差唔多, 睇得出都放左幾多紫薯蓉, 好足料食落D雙皮奶好奶滑好重奶味, 兩樣溝埋無違和感 一人食一碗岩岩好唔會太漏 認真唔錯PS 食到一半先記得影相哈哈

同老公間中都會幫襯湘川滬, 食物質素唔錯之餘, 價錢亦合理, 份量亦都多。酸菜魚$98, 酸味會比辣味重, 魚肉雖然不及大陸某間網紅店(太x)嫩滑, 但魚塊數量多且片片都好大件仲有好多粉絲喺底添值得一試。雞肉煨麵$40, 雞肉有少許雪藏味, 菜亦砌得比較大粒, 但湯底還是可以的榨菜肉沬配叉子燒餅$78, 榨菜肉沬有dd鹹同油, 非必食菜式, 2人吃4件實在有點多同膩奶黃流沙高力$36, 一咬開就流出溫熱嘅奶黃, 唔會過甜, 好食!

今日有新同事返工, 阿姐話想食d惹味d既野, 於是lunch time成team人就出左去湘川滬度食welcoming lunch. 嗌左幾樣小菜share食, 其中最中意佢個火焰土匪牛肉同鹹水角 首先佢個牛肉辣辣地好惹味, 牛肉都幾稔身, 送埋白飯一齊食簡直一流, 另外個鹹水角初初上枱我地仲以為黎錯左, 因為佢個樣係一大條辣椒咁, 賣相好吸引, 食落就同一般鹹水角無太大分別, 如果d皮薄身返少少就更好, 但整體都幾香口幾好食

難得weekday得閒可以約舊朋友食飯，佢就帶左我去試新式上海菜同四川菜。主菜都未叫，佢就急不及待介紹我食呢度嘅甜品：桂花蜜拉糕同芋蓉南瓜仔。個人中意後者多啲，前者雖然清香，但略嫌清淡；而芋蓉南瓜口感味道豐富：南瓜皮好軟糯，芋頭蓉入口即化。聽師傳講做道甜品花好多工序，由打南瓜蓉同芋頭蓉，到搓成型，都要花好多時間。

星期日，唔想吃太多，就來到湘川滬，看到餐牌有不同選擇，兩個人都揀了麪食套餐，共兩個麪和兩個小食。我最喜歡吃三鮮蒸餃，餃內肉汁多，又夠熱，磨菇包造型極似磨菇，味道可口，不過炸醬麪和雞絲拌冷麫味道就一般。炸醬麪磨菇包雞絲伴冷麫 (雞絲比較小加咗蟹柳)三鮮蒸餃環境舒適

咁啱係粉嶺收工，就去搜尋下有啲乜嘢美食。朋友推介呢間上海菜啲水煮系列都唔錯，就專程去試吓。餐廳嘅設計擺設主要以雲石為主，而餐牌以紅色為主，招牌嘅字底下仲有燈箱，非常揚眼。實在太肚餓了，我哋一口氣叫咗以下嘅食物。上海排骨湯麵排骨炸得好香脆可口，而且肉質好鮮嫩，咬落去肉汁滲透晒出嚟。炸醬拉麵一向都鍾意食辣野，炸醬拉麵唔算好辣，而且肉碎份量都幾多，湯底好夠味，拉麵好入味。火腿津白賣相清清地，菜汁都好多，蔬菜好爽口鮮甜。鳳梨糖醋魚塊魚肉份量都幾多，酸酸甜甜嘅味道好開胃。除此之外，仲有天府水煮牛肉賣相好有睇頭，牛肉非常入味，肉質鮮嫩，幾好食。食少少辣嘅嘢，飲番杯豆漿爽一爽喉嚨。而上海回鍋肉同埋花雕醉雞，朋友都讚好食。總括而言，極度推介呢間上海餐廳，係一大班人一齊共聚晚餐、傾吓計嘅好地方，而且每款食物都好好食，非常滋味。