湘川滬 (粉嶺中心)

營業中

休息中

前幾日母親節，我地屋企就後補，因為周街都係人排隊，我同屋企人最後決定上openrice搵野食。見到湘川滬好似幾多款式，可能我地太遲去到很多人排隊等位，等做30分鐘先可以入座。我地三人叫左2籠小籠包，正宗四川擔擔麵，仲有瑤柱賽螃蟹！上菜好快，無耐就黎齊晒，食物質素同味道都吾錯，但量就少左啲。最推小籠包, 皮很薄, 。夾起都唔易爆，成粒放入口，湯多一咬即爆汁，味道剛好, 餡料鮮甜, 再配上充滿薑絲的香醋汁, 很完美的！而且環境都坐得幾舒服，我地屋企人可以傾下計，唔會太迫，而且擔擔麵味道夠濃，所以食起身湯麵味道一起，唔會分開！好鐘意，因為我本身都好重口味，所以覺得可以再辣d.媽咪同爸爸都食得好開心，雖然遲左慶祝，但係有開心的母親節就得啦～～～

去買外賣，見到門口旁邊貼住張午餐特價紙但我只睇食咩無留意價錢叫左個上海粗炒，收左$68等外賣期間再望下張紙見到張紙寫特價$54但收我$68我就問店員，店員話$54係堂食外賣收正價因爲無收茶水同加一原來張紙右下角有寫外賣收回原價，係我自己無睇但特價旁邊嘅原價係寫$60我又問店員點解收我$68佢話張特價紙個正價係唔啱，要睇番個餐牌價錢我話張紙個正價唔啱就唔好貼出黎啦佢仲要話出面有另一個餐牌要睇嗰個即係兩個餐牌價錢係唔一樣，收價錢高嗰個？張午餐特價紙個正價係呃人嘅如果堂食$54+$4茶水再加10%服務費都係$64外賣無茶水同服務費仲要貴$4其實真係唔太合理個上海粗炒叫左走肉多菜，係有多菜到嘅味道幾好但未必會再食

琴日提早慶祝母親節！去左尼間湘川滬食，有小驚喜！裝修吾算好特別，勝在有個大窗系門口，可以望師傅整下點心，等位吾洗咁悶呀嘛。野食個度好滿意，可能因為我中意麻辣啦，佢有度水煮牛，夠麻夠辣，無得輸，牛肉好嫩，欣賞！另外小龍包都值得一試，比平時食既大個，多湯汁！叫左兩龍，我自己食左一龍haha臨尾埋單話母親節仲送左張50蚊coupon，下次可以去食亞萊泰用咼，吾錯！佢coupon個design好得意，父親節尼架

今天偶然來到粉嶺，用Openrice 搜尋，發現了這個食肆，便入去試試，想不到約七時，已經需要輪候，好彩地方都算大，等了約五分鐘必可以入內。榨菜肉沫跟叉子燒餅4件，這個是上海菜，太太每次看到都會點一個，因為她喜歡將肉沫放在叉子燒餅內的感覺，有點像吃叉燒酥。這個榨菜肉沫不會太鹹，夾埋燒餅一起，味道剛剛好。水煮魚片，採用了生魚起片，骨很少，肉質嫩滑，不是四川的水煮方式，而辣味適中，不會太辣。還有薯粉、芽菜在其中。花膠肉碎四季豆，花膠煙煙靱靱，肉碎的肉味，和花膠的鮮味，加上夠鑊氣，都很美味。從食物味道和處理手法而言，這間食肆上海菜比較出色。

我地去開粉嶺搵朋友，去到附近搵到一間上海菜-湘川滬，即便入去醫肚先。首先來個酥炸排骨拉麵，排骨揸得非常香口，一啲都雪藏味都冇，切成一件件食落去很香脆。湯底非常濃郁，拉麵軟硬度適中，加上少少蔥花，好味。上海粗炒麵軟硬度剛剛好，配料都很多，再加上一啲都唔油，食落去非常有口感，再加埋辣椒醬，簡直係一流。醉雞係凍食嘅，雞味道非常新鮮，啖啖肉，有好濃郁酒嘅味道，再加埋佢面頭有一些杞子藥材，能滋補養生。小菜的花膠肉碎四季豆，是這間舖很出名的菜色，四季豆炒得好林，花膠亦都很多，再加埋一些豬肉碎撈埋一齊食相當惹味，而且有些小辣，適合男女老少食。清炒溫室豆苗用了一些蒜蓉加柔嫩嘅豆苗一齊炒，食落去相當清新美味，一啲都唔多油，必食。三鮮鍋貼，四隻鍋貼同埋煎薄餅煎到金黃色，食落去相當香口，鍋貼裏面嘅肉汁流晒出來，外皮煎得好脆卜卜，仲有一些喼汁或辣椒醬可以點綴。最後就是就是高力豆沙，畫上完美的句號。

裝修華麗有氣派，位於粉嶺中心商場入面嘅上海菜，已經見到入面幾乎滿座，所以我哋一家人就試吓。當然有我最鍾意嘅上海小籠包，我哋即刻點咗，皮薄餡靚，一咬落去肉汁即刻流晒出來。由於朋友比較鍾意食辣野，我哋就叫咗水煮魚片，望落去雖然好多辣椒，但係其實唔係好辣，而且好滋味，魚片份量都比較多，質感爽滑。除此之外，仲有花雕醉雞、三鮮鍋貼同埋上海回鍋肉等等，仲可以跟燒餅或者薄餅，包住嚟食好好食。餐牌除咗有正價食物選擇之外，仲有一個特價牌，入面有唔同款式嘅特價食物，其中清炒溫室豆苗就係特價精選，食落去味道新鮮。飲品我哋叫咗豆漿同埋青島啤酒，爽一爽喉嚨。甜品就係高力豆沙，仲可以自己因應份量將豆沙放入去，幾新潮新式嘅食法。最後我哋四個人埋單＄800左右，每人平均消費都只係二百幾蚊就可以享用一餐咁豐富、環境又華麗舒適嘅上海菜，真係值回票價。

平日忙到一個點好耐無帶屋企人食野啦日前同屋企人黎粉嶺探親戚適逢朋友早前推薦過呢間中菜加上中菜比較啱屋企個味還掂黎開呢頭就黎食個靚飯啦！餐廳鄰近火車站只需行大約5分鐘就到都幾方便其實呢間都有唔同類型既中菜多元化之餘亦一次過滿足屋企人唔同口味XD招牌小籠包熱烘烘的湯汁帶鮮香肉味而且肥瘦適中不太油膩值得一試😋榨菜肉末（叉子燒餅四件）餡料豐富得可把四件燒餅塞到滿滿的而酥脆的燒餅充滿濃濃芝麻香！正宗四川擔擔麵🌶不太覺得有辣味只吃到濃郁的花生及芝麻味道🤔瑤柱賽螃蟹🦀如此的價錢卻有這麼大碟絕對抵食💲花素鍋貼外皮略嫌有點厚但勝在煎得不會油膩菜肉雲吞（清湯）皮薄餡靚連家人都讚好食糖醋桂花魚上菜時會有人幫忙切魚招呼都幾周到👍🏻雖然加上了醬汁但依然吃到炸得非常香脆並且魚肉亦很嫩滑花膠肉碎四季豆平時很小餐廳會有如此配搭用來配飯食一流上海粗炒份量頗多足夠一人一碗而且配料椰菜很足夠最後想讚一下店內裝潢舒適而且座位寬敞店員亦親切友善

考完試既大日子從深圳返黎，約左屋企人去粉嶺食上海野，來到了位於粉嶺中心的湘川滬。門面光鮮潔淨，餐廳內裡座位寬闊，爸媽們都坐得很舒服餐牌選擇很多呢，圖文並茂，很貼心分別叫左以下食物:菜肉雲吞雲吞大大顆，外皮嫩滑，肉餡份量不少呢，感覺清淡健康小籠包皮薄餡靚，肉嫩多汁素菜鍋貼外皮脆內軟，素菜餡飽滿，感覺健康擔擔麵很大碗呢！花生醬味濃可惜麵質略爲軟林花膠肉碎炒四季豆這個炒得很香口惹味，用來送飯一流榨菜肉末配叉子燒餅半肥瘦的鹹香肉末，不論是單吃還是配叉子燒餅都很好吃呢。叉子燒餅滿佈芝麻，很酥脆，我很愛這個燒餅瑤柱賽螃蟹蛋白嫩滑，質素不錯~松子炸桂花魚份量十足，魚外皮酥脆，魚肉嫩滑，配酸酸甜甜的酸甜汁很開胃呢最後的是上海粗炒炒得香口而又不油膩，麵條QQ的有嚼勁

抵食上海菜，話說粉嶺中心重新裝潢後，引入了新餐館，久聞湘川滬弟分店性價比高～當然一試～上湯蒜子皇帝苗-菜苗很軟滑，上湯不會油膩！瑤柱蛋白炒飯-炒飯非常乾身，粒粒爽口，香氣十足，火喉夠，不油膩，美味之選！鳳梨糖醋排骨-份量很多，甜酸適中，豬排大大塊，都好好味！小籠包4隻-外皮硬一般平常食既小籠包厚些少，但湯汁香濃，而且不易穿，餡料豬肉肥瘦適中，抵食之選～推介推介！桂花蜜拉糕- 非常飽既甜品，味道不錯，不過好飽肚。整塊都是糯米糕，上面少許桂花蜜，甜度岩岩好，可惜已經食飽，完全食唔曬～非常抵食，新裝潢坐得好舒服～性價比高會再encore！

今次去到粉嶺，老實對我黎講都幾遠架，話晒都係九龍區入黎，但係見呢間野有d新界朋友推薦就入黎試試啦😁因為佢地講到好好食🤭◽️店舖離粉嶺鐵路站都算近，行大概5分鐘左右🤭因為預早左時間趕係晚飯既黃金時間前到遠，唔洗等位🤞🏻首先呢間係一間以食中菜為主既餐廳，有四川菜，上海菜都會有，都幾多選擇，睇睇個menu 已經有d心水呢而且今次都想撰比較特別既菜試試🤓覺得個價唔貴添🔹首先會係湖南豆酥魚片$88,講真呢味菜真係有驚喜雖然賣相唔係高貴，但最緊要係好食，魚肉全部滑而且無骨，夾起黎唔會散開晒，加埋舖面個d豆酥，真係意想唔到咁好食😊仲食到少少咸蛋王味呀！🔹梅干菜肋排$78，梅菜超多滿滿的睇相就知佢個量唔野少菜干唔太鹹，而埋係入面既5塊豬肋排厚實而且濃味，係好食既，份量足夠2個人食🤭但我地兩個人黎講真係會覺得太多 因為好大舊啊😂😂🔹重慶口水雞例$68，最然唔係十分特別，但係入面應該係有加麻油的，感覺比外面食到既香更滑！做前菜都開到下胃🔹黃沙香南瓜$52，呢個都係另一個驚喜之作，本身見幾特別又未食過，叫黎試下，本身都無咩期待，點知比想像中好太多❤️咸蛋黃既外層炸得金黃色，入面包住軟軟甜甜既南瓜肉，口感唔錯，而

話說阿媽想去粉嶺行下，咁啱醒起喺粉嶺中心嘅「湘川滬」， 可以一次過食曬湘(湖南)菜、川菜(四川)、同埋滬菜(上海)。 見星期一晚又唔太多人，啱曬阿媽的走辣，我鍾意的微辣。開洋蔥油拌麵，麵條選用幼趣，葱油充滿油香，惹味無比，拌起來吃香氣洋溢。香茜鮮魚羹，此店魚柳供應應均採用無骨鯰魚柳，吃起來更滑溜，更突出香茜之味。瑤柱賽螃蟹，芡汁黏稠度恰好，惟蛋白較大舊，如將其切細或切絲賣相會更優雅。糟溜魚片同湖南豆酥魚片，有截然不同的味道，前者情感豐富，酸溜溜甜絲絲的，後者更有湖南風味，大量大豆油浸透魚身使其更滑溜，再把黄豆醬置頂，如火辣辣的長沙，悟到湖南人的好客之道。小籠包的size也很充足，肉餡較多，會相對容易漏汁，文青們要小心注意啊。奶皇流沙高力，比較罕有的口味，一般都是提供紅豆高力豆沙，奶皇也creamy，外層亦軟綿綿，營造幸福的感覺啊。最後食咗四百二十蚊埋單，價位於粉嶺已屬中價，但質素頗好，用料也新鮮，值得再來。

咁岩上星期同朋友去粉嶺行行 發現粉嶺中心裝修過黎 入左最多人排就係佢 就咁試試啦我地叫左4個餸首先黎既當然係酸辣湯都幾酸 好多料 又唔貴 合格呢個當然係糖醋魚柳啦好食 好食 好食 因為真係好食 所以要講3次送飯一流再黎健康dd食菜先都係一樣比我清晒 登登登登 主角 女朋友想食既片皮鴨 真係不得了第一次2個人叫片皮鴨 好大土又唔算貴喎 2百幾蚊出面好多地方做唔到呢個價 4個人食都得 仲有16塊皮 最後我係比佢收左皮 食唔晒佢包鴨個d皮 不過食晒d鴨 隻鴨真係好香 好正埋單先4百5 真係好抵食

👫平時好少食中式菜館，最多都係飲茶會食下點心😚 今次嚟到呢間位於粉嶺嘅湘川滬，一次過試曬上海、四川、湖南菜，選擇款式多而且又唔算貴，正宗平民美食💞 📢 吃貨情侶帶你食勻全世界🌏 不定時更新食評⭐️一一一一一一一一一一一一一一🔹有熱茶供應☕️🔹茶位每位$4🔹菜式全部大大碟，啱曬成班朋友/家人一齊食👨‍👩‍👧‍👦.🔻湖南菜#尖椒蒜片牛柳粒 <$58>一上檯已經聞到好香嘅蔥蒜味，超夠鑊氣🔥 材料好豐富，有牛、青椒、洋蔥、蒜頭等，顏色鮮豔，望到都流曬口水🤤 牛肉好淋好易咬，完全唔韌👍🏻 加埋啲配料送飯一流😳🔻上海菜#椒鹽排骨 <$58>大大塊嘅排骨咬落啖啖肉，食落超滿足🤯 而且味道啱啱好，唔會太鹹，但略嫌炸得唔夠香脆😢🔻四川菜#怡香茄子 <$52>醬汁好多，食落酸酸地，少少辣🌶 就咁食有啲鹹同膩😕 茄子切得好大塊，個味道好特別，👱🏽‍♂️👱🏻‍♀️都係鍾意傳統魚香茄子多啲🍆#四川樟茶鴨 <$118/半隻>賣相一般，食落都一般😫 肉質好老同好乾身，食落好嚡身🤢 不過好多嚿肉，無咩骨，而且夠曬熱，加返少少分😗 下次要食鴨都係揀返片皮鴨，睇落

今日同媽咪有個約會帶佢去食上海菜.每次經過都超多人等.聽媽咪講就算拎左飛都要等2個半鐘.很誇張呢！今日早放工就快快去食左先行街！六點半到裡面差多不滿坐了！餐牌裡都有不少選擇！而媽咪指定要飲酸辣湯和食水煮魚！酸辣湯有分一位和例牌.由於我地叫左砂鍋雲吞雞半隻所以侍應就見意酸辣湯叫一位份先，不夠的話再叫都可以！還有叫了賽旁蟹！酸辣湯（$25）- 我們點了一位份量！其實份量也不少！酸辣湯夠酸夠辣.好味.賽旁蟹（$68）- 每次食上海菜是必點的.還一定要點上醋.白雪雪一片既賽旁蟹裡有蝦、瑤柱同蟹肉！媽咪也說好吃呢！水煮魚（$118） - 很香辣味.可能本身吃得辣.覺得可以再辣一點！魚片都有幾多片.和媽咪吃了很多還有..裡面有大豆牙做配菜.很入味！砂窩雲吞雞半隻（$138）- 有全隻可點的.全隻（$238）- 雞肉很淋身..都有雞味.和媽咪每人飲了二碗還有不少湯呢！而且雲吞也有六粒.份量很充足

在Neway唱完K後都打算在這邊用晚餐，到達一樓時發現有間「湘川滬」，餐牌上有不同的菜系可以選擇，如湖南菜、四川菜和上海菜等，熱愛小籠包的朋友立刻決定在這吃晚餐。翻翻餐牌發現很多傳統中式菜餚應有盡有，當然少不得有小籠包啦！中餐少不免粥粉麵飯，滾騰騰石鍋海鮮麵賣相吸了我，麵湯噴出濃郁的香氣，一眼下去看到有蟹柳、蝦還有海參呢！可始終麵條要趁熱吃，不然也會逃不過糊掉的命運。韭黃鱔糊是我最愛的中菜之一，這種配搭很難可以在其他菜式中找到。鱔肉無骨且腍滑，魚皮更含豐富骨膠原，韭黃亦很香甜，重點是份量十足，可是高性價比之首選～高性價比不只有美味的鱔糊～中菜精妙之處，就是用酒浸泡食材—醉雞是中國名菜之一，將雞浸泡在酒之中，以冷盤形式享用，雞肉脆且有彈性，既鮮且嫩，還有有滿滿的酒香，重要的是半隻醉雞已有一整碟的份量，認真「平靚正」！對於愛吃小籠包的朋友來說，以上的其實都是配角，主角還是小籠包。吹波可彈的小籠包得小心的夾起，不然包內珍貴的肉汁就會噴瀉而出浪費掉，肉汁多而又不膻，絕對稱得上為佳餚。時常在餐廳用餐後都會叫上一兩款甜品，可是都不外乎西式日式的甜點，這天突然看到中式甜點，靈機一觸點來品嚐一下。酒糧