港畔餐廳 (已結業)

我９月１２日去左食，系平日，無片皮鴨及燒牛肉，不過仍然覺得正．．．平均既食物水平的確系我食過最好既自助餐，最難得系連服務態度都超好，我食得最多系海鮮同甜品，熱盤的確不太出色，但無所謂，食以上兩樣已經好滿足呢，我一定會再去的今次因為我有優惠卡，所以每人只須$280

　　9月9 小弟牛一,人地有紅雞蛋炮竹助興,呢日個天就醒我紅雨加打雷.唔通真係貴人招風雨?　　聽聞此地龍蝦生蠔夜景了得,於是早兩星期book位試試,點知窗口位full晒,仲差d要坐樓梯底,好彩落地大玻璃將維港夜色清楚展現,係呢幅圖畫襯拓下食生日晚餐,又幾ok唧.　　個人比較滿意唧有:6-7吋長唧龍蝦,青口,大蝦,巨螺,長腳蟹,即開生蠔,不過唔係太大隻,隔離仲有日式,三文魚生,凡立貝,泠麵,帶子,鏗魚,章魚仔,熟食方面,比較好食唧有片皮鴨,麥魚麵包條,魚翅,燒三文魚,西冷牛肉,燒肉油雞,咖哩魚蛋,生果蛋糕都有十多款,曲奇夠脆,仲有軟滑唧朱古力嘖泉撈埋新鮮生果一齊食,正!　　　　論環境食品招呼, 埋單536一位,唔係平.特別唧日子,無得計值唔值,就算係53.6只要開心都冇所謂!希望老婆下年搵多d再請我食餐更好啦!

冇嚇親，講o既係食物質素。洲際自助餐基本上在三線(冷盤、熱葷同甜品)水準俱屬平均之上，作為和女友慶祝生日的地方，500多元也算沒枉花。先來冷盤。海鮮選擇多且refill 快，故前面那貴婦就算怎敵意收購也不致無龍蝦可嘗。藍貝水準亦佳，但大蝦則屬到處可吃到的水準，可以不浪費quota。刺身選擇亦多，然而由於這裡食物真的太豐富，刺身狂的我倆也只嘗嘗較少可任吃的赤貝、帶子和鰹魚而已。其他三文吞拿之流只屬正常，可以不理。這裡選料在自助餐而言，已是不惜工本。巴拿馬火腿各款芝士應接不瑕，只是港人口味志不在此，才被打入冷宮而已。到了熱葷。我倆向來對熱葷毫無感情，然而這裡的片皮鴨，卻是不能錯過。肉質鬆化皮薄不膩，多吃幾口也值得。至於推介的魚翅，雖然難逃一碗僅一口之悶局，但有竹笙補足，口感亦佳，一口氣也吞下三碗。終於到甜品。井底之蛙的我向來只奉朱古力噴泉為圖騰，然而當吃下朱古力蛋糕、吃著芒果杯，手足無措，味美不死甜令人興奮無比，而自家製雪糕，更滿足了我這雪糕殲滅者之口胃(推介香蕉雪葩，不吃定必後悔)。同好觀文至此，大抵也明白此文乃在小弟極其滿意之下而攢，意見可能有所偏頗吧；然而若你找到一個值得花錢的人的話

上次父親節book 0左位去食lunch buffy去到佢居然話要用credit card hold住個位先得book位時又完全冇講過結果去到係冇record...大佬呀...係個幾月前book定, 預0左去結果就咁就冇0左個節目0既lunch節目之後投訴過想退番個會席佢話唔得, 最多幫我book過下次都冇晒信心同埋心情la...仲book咩wor! >.<一面對失誤完全冇諗過自己唔0岩仲話係我地冇留信用card no.之後迫人keep住佢個會席...呢d咩5星級酒店0黎ga...!真係極唔ok...!!!

先不提吃的東西,真的不愧是五星級酒店裡,服務跟環境真是一流,落地窗外面可以看到海景,服務生親切,收盤子的效率很快又有禮貌,廁所很乾淨...等開始講有關吃的(午餐),從剛開始頭盤區沙拉區到最後的甜點區,每區都很精采,尤其是我最喜歡的日式生魚片區跟甜點區日式生魚片區的魚實在是新鮮,壽司飯很棒,很飽還是想繼續吃下去.甜點區的種類多到數不清楚,肚子實在是沒有容量去試每一個甜點如果要吃自助餐,花一樣的錢,當然是要來這裡吃(會員卡買一送一,超級抵)

有特別日子要慶祝，已個多月前訂定位。坐係窗口位，望住維港兩港食飯，這個view已經抵番啦。一至好評，食物款式及水準已不用我再多介紹了。一向我食buffet都不依次序，先是沙律、甜品、頭盤、熱盤再食甜品的。今日頭盤很精彩，龍蝦、蟹、蝦、生蠔等等，平時自助餐這類海鮮我絕少食，今次罕有地主動嚐試，真係好鮮甜，不過生蠔同螺有海水的鹹味，可能非常新鮮的原故?刺身我亦食不少，三文魚、吞拿魚、還有非一般buffet有的鏗魚，每款都是勁厚切，當中吞拿魚食得最多，媽媽竟然食到三文魚有骨。熱盤方面，我最滿意的燒羊脾，一般多是燒牛仔肉、豬仔肉等，第一次食燒羊脾。輪到我平時食得最多的甜品，雖然品種非常之多，而且侍應哥哥亦特別介紹是晚的甜品是由一位法國廚師精心製造的。嗜了大部份的甜品都較為甜，又比較溜，所以食得唔多，或者我對甜品的興趣真的大減了，因為今次只食了五球雪榚，真係少食o左。甜品中我認為不是蛋糕、撻、批、慕絲最好食，而是蝴蝶酥，非常非常鬆化，絕對要試，老豆不停食了三、四件。其實以這個價錢，是絕對值回票價的。

食過lunch buffet 同dinner buffet, 兩次都好滿意. Lunch buffet 的食物款式唔算好多,但熱盤種類OK,冇海鮮食有d失望. 炸蝦天婦羅好好食, 皮薄唔油膩, 落左d黑椒粉弔味, 唔錯.Dinner buffet 有唔少海鮮, 但唔好食,尤其是蟹腳, 淡口而且不新鮮.刺身只食左一round,同樣因為佢唔夠新鮮. 食得較多既係蟹肉翅同片皮鴨, 另外Handmade 雪糕食左兩杯, 透心涼! Waffle 加雪糕, 好正, pancake 好厚好大件, 唔特別, 可以唔食. 甜品d cake 一般, 最好食既係朱古力慕絲. 服務員執野快手, 換刀叉埋單各樣都好快有人應. 整體黎講係滿意既~

睇左咁多食評, 個個都話好抵食, 咁就決定試下, 點知訂左幾次先訂到位~~不過試過之後就好失望囉, 我諗除左煎爐魚好好味, 同埋炸蝦天婦羅過得去, 真係諗唔到有咩好, 係, 佢\係有好多選擇, 但係全部都係好普通既貨色, 啲海鮮同刺身好唔新鮮, 霉霉地~~~本來見到甜品區有咁多選擇, 就算熱食唔好味都唔緊要, 因為我都係想食甜品~ 但係試左幾款之後就無心機再試, 啲cake真係超唔新鮮, 好似隔左夜咁,硬硬地, 且又偏甜, 啲曲奇同拿破倫又唔脆喎, 真係超我望~~今次仲要係我食咁多次之中最貴既一次, 真係好唔值, 唔知係我唔好彩定點, 但係咁既價我寧願去君悅囉, 雖然人地無佢\咁多選擇, 但係樣樣都好新鮮同好好味, 仲係全部都係上等貨~~~ 佢\個環境都好過呢到一百倍, 呢到好似街市咁嘈~~~~

6/8(日) 11:30am-3pm牛一的第2天要考mid-term,真的令人意興闌珊!與男友訂了此處期待已久的brunch預祝牛一.準時11:30到達,此餐廳位於大堂的下層,環境方面比想像的陳舊,裝潢沒甚花巧;淺木色桌椅,座位偏硬,坐得不太舒適;勝在面積寬敞,落地玻璃望著於星光大道擺著不同pose的遊客,感覺得意又寫意!食物方面選擇琳瑯滿目,有點目不暇給!由沙律counter慢行到甜品counter需時約1分鐘.冷盤:龍蝦3款(本地,波士頓及澳洲)阿拉斯加蟹腳,生蠔3款(澳洲,愛爾蘭及法國,),蝦2款(本地蝦及虎蝦),帶子,青口(青貝及藍貝,相比之下藍貝肉質鮮嫩得多!)推介波士頓龍蝦,法國Normanda及澳洲Daniel Bay生蠔,虎蝦,藍貝青口.沙律及前菜款式多不勝數,前菜份量的骰有特色,刺身選擇分別有:三文魚,甜蝦,赤貝及鯛魚,全屬新鮮!熱葷方面中西日印皆具備:推介蝦天婦羅,日式燒雞扒,煎鱸魚,燒prime ribs,焗洋蔥煙肉薯蓉,乳豬,粥品,意粉.驚喜的是有煎鵝肝任食,而且煎得油潤豐腴;男友一氣幹掉10多件!佩服!包點類亦選舉不少anish,apple turnover,

７月１３號同男朋友仔去左洲際食ＤＩＮＮＥＲ　ＢＵＦＦＥＴ．好彩book左窗口位, 因為真係太多人. 個view 好正,對住個維港食零舍開胃野食好多, 有好多冷盤: 三文,蠔,蝦,蟹腳,仲有好多魚類.......款款都好新鮮, 好好食!熱食方面, 片皮鴨, 酥皮三文魚, 黃薑飯唔錯, 不過薄餅就唔夠鬆脆甜品方面, 有好多款cake 選擇,款款都咁正仲有服務態度幾好, 叫waiters 幫忙拍照都冇托手爭,仲有4 小時免費泊車洲際雖然價錢比其他貴,但一分錢一分貨,都抵既所以果日食得好開心

7月22日,衰佬生日,已經兩星期前book這裡,預留windowside.環境:大堂不是十分grand,望住維港夜景加激光匯演,讚.服務:很好, 一坐低侍應便為我們講解每款食物的分佈.收碟斟水亦十分快,以及多次褶餐\巾等。食物, 選擇真的很多。冷盤方面: 沙律吧生蠔,凍蝦及蟹,蟹柑,蟹腳。最欣賞生蠔很鮮味多款剌身如:赤貝,慳魚,八爪魚,甜蝦,三文魚,三文魚子.另外魚生,刺身的柑都是分開的.又有壽司及手卷.我最欣賞赤貝及慳魚,其他不是特別鮮味.熱盤方面:片皮鴨,叉燒,乳豬,咖哩,紅酒牛尾,冬瓜竹生翅,燒盧魚,憢牛肉,我最欣賞,叉燒及燒盧魚,翅.甜品方面,有handmade雪糕,味道我試了紅豆,lemon,巧克力. 芝士蛋糕,朱古力噴泉,pancake,格仔餅,疏乎里(即做), 金泊濃朱古力蛋糕等.因之前吃了大多,肚子沒太多空位預留甜品.雪糕方面我個人覺得巧克力最好味, 金泊濃朱古力蛋糕,好濃郁.好味.因有member 卡一送一.$590 兩位連加一,咁的價錢,咁的受務及食物質素抵到爛.當天幾full,差不多9成full,所以每次食生蠔都要排隊@~@

和男朋友慶祝生日，到這兒吃晚餐自助餐．早幾個星期已訂了窗口位，維港景色一覽無遺，男朋友讓我坐看海景方向的座位，不能和他一起分享海景，真可惜．食物種類很多，海鮮供應源源不絕，生蠔瘦了點但無腥味．龍蝦大大隻啖啖肉．刺身有吞拿，三文，赤貝和帶子，都很鮮甜．熱盤都很豐富，pizza批底薄脆餡料多，魚翅湯，片皮鴨和酥皮三文魚都很好吃．甜品選擇多元化，最好吃是窩夫和雪糕，單看色彩賓粉，林林總總的toppings已樂透了．環境方面，裝修不算華麗，座位排得很密，人又多，頗擠迫，幸有無敵維港夜色，還可以看到激光匯演．服務很好，常常來換碟添水摺餐巾．價錢貴了點，但食物質素和景觀已值回票價，最重要是和男朋友過了愉快的生日．

可能咁出名....又有朋友話好得....所以先會失望..地方好窄好迫....令人感覺唔舒服...不過個view就好正...食物出名海鮮..真係幾多得選....同好新鮮...但實在太多人...要排長龍....熱盤都唔少不過多數都好油膩.....味道一般....甜品都多選擇不過d朱古力同芝士蛋糕好似溶溶地....."林bat bat"...總體黎講...如果以呢個價錢就唔多抵...大家都覺得cafe too好d....

州際內的餐廳,巳幫親過Spoon & Steak House, 本人評價這兩間餐廳都非常高, 除食物質數外,環境,服務等都很有非一般高級餐廳的感覺.巳預早三星期訂位才能有窗口位, 位置接近steak House入口, 但我興幸安排得到這位置,因比較靜,如果座在近食物枱的位置,‧太密啦!拿食物的行人,經常撞到坐在食物台對的人,那感覺有點像在大家樂一樣,請各位訂位時注意,一就選擇貼實窗口位‥,否則就要近steakHouse那邊的位置. 食物方面, 海鮮很多,生蠔也有幾種,但很瘦,龍蝦不停供應,不過本人比較普通蝦多Ｄ,食了十多隻,好鮮甜,熱盤很多種類,片皮鴨，架喱, 蒸魚,麵,牛,羊,豬等都有20多種,每款食一件肚都装滿了大半,但本人最多幫親就是即煮麵檔,那個雲吞很美味,內裏蝦和肉比例剛好,蝦很爽趣和鮮, 連油菜都很翠綠,我沒有要麵,因怕太飽,另憢牛肉看上去不錯,我沒吃,因對紅肉興趣不大,我要燒盧魚,好好味,同在steak house吃的味道一樣,很甘香,如我淨食盧魚都可回本了,在steakHouse食8-10oz巳三百多元,在這裏任食...甜品,雪糕,水果種類太多了,因本人不好甜食, 只是

好滿足~ 終於有機會到洲際食buffet, 還托朋友的福, 有兩位free一位的優惠, 咁難得, 一於帶埋老媽子和兩位朋友食番餐 呢度的食物質素不用多講, 收得呢個價錢, 相對提供番一定的食物水準和服務. 甫坐下, 侍應便為我們講解每款食物所擺放的位置. 收碟斟水亦十分主動有禮. 食物方面, 大致分: 冷: 開邊龍蝦, 即開生蠔, 帶子, 大蝦, 刺身(鰹魚, 章紅, 吞拿, 三文等)不停供應而且款款新鮮, 直至臨完場前半個鐘, 仍見有龍蝦補充. 壽司的飯則較散. 熱: 湯, 中西熱盤, 片皮鴨. 羊腿, 數款燒味. 要數最捧場的, 就係冬瓜魚翅湯, 湯底清而鮮, encore多一碗呢~ 甜品: whole cake不太合心水, 多是慕絲, 只試了熱情果味(又想起星期日的^^). 另以小碟奉客的甜品種類亦不少, 試了栗子蓉開心果蛋糕和濃朱古力蛋糕, 感覺一般, 唔知係咪因為之前食多了, 味蕾也遲鈍了. 另幾欣賞這裏一些細微的地方都照顧到, 例如: 刺身豉油和壽司豉油是分開的; 生蠔和龍蝦亦提供唔同的"夾", 而且用器皿盛住, 感覺較衛生. 最後再以orange gin