渝味曉宇重慶老火鍋 (QRE Plaza) (已結業)

呢間想試左好耐, 好多地區都有分店,終於搵個Lunch食左.一坐低就送糖水,都幾搞笑.吾太甜, 還可以吾好講甘多, 即刻叫個雙拼鍋先!一邊佢地signature的麻辣,一邊菇菌湯見佢菜單幾好,有得揀半份,咩都試少少不過當然偏貴,你見圖片份量全部都係半份,每碟得幾片.雖然係甘,我覺得質素亦相對較好,吾會求其hea你推薦寬粉,落麻辣鍋一流!另外龍躉同嫩牛肉都好味!最後又想講紅糖糍粑,但因為太好味, 所以完全無影到佢同我之前講十二味個間口感完全不一樣兩間都好食,但本人偏好呢間,因為佢成舊都係糯米口感,非常煙韌,

一班人烚下烚下，各人口味不同，揀鴛鴦鍋底最好不過。由勁多辣椒淆出來的「紅海」，未食已感受到那份辣氣。不單止辣，其實還有很多胡椒粒，所以是痳到痺的。明符其實的雪花肥牛，油脂跟牛肉分佈十分平均，所以不會一邊油膩，一邊肉「鞋」，很滑而且有點入口想溶既口感，好優質。自從鴨紅彈起後，已甚少食豬紅，因為真的又「彈」又「滑」。鵝腸肥膏唔多，但非常之爽口。迷您燕餃果真「迷您」，餡料味道好似是豬肉混了魚肉，好好食。個人比較喜歡正常size，因太細隻唔夠喉似的。重慶耗兒魚既魚味好重好鮮，烚完後整個湯底都會飲到魚鮮味。「現」炸豆皮上枱時還是卜卜脆的; 新鮮疏菜也真的很幼嫩。各種材料的質素頗高，真心的!q

今日同朋友去灣仔行街shopping，行到肚餓就去搵野食，記得之前食過既「渝味曉宇」，見到灣仔都有分店，就決定去再食一食，呢間分店比較新淨，坐位寬鬆冷氣足夠，無咩人任選坐位，睇了一陣餐牌，都有很多不同湯底給選擇，朋友怕辣我都唔想食得咁重口味，就決定叫咗個大骨滋補清湯底，估唔到清湯都一樣好味道，店員說是用大量大骨煲製而成，真材實料，我朋友超喜歡食牛，就點了牛肉，牛肝，牛骨髓，牛心椗和牛柏葉。海鮮都有很多，點了鰻魚，魚標，鮮海蝦和超大美國筒蠔，這個筒蠔最要推介，超大隻超新鮮，熟3分鐘半生熟食就的很難忘，必食之選。

放工係灣仔食飯, 都係去QRE搵野食, 今次去左食重慶火鍋一開電梯就己經聞到陣陣既麻辣香味 餐廳既座位好闊落! 兩個人都可以坐一張大卡位一坐低,店員就奉上洛神花茶同紅棗雪耳糖水 洛神花茶味道酸酸甜甜, 好開胃; 紅棗雪耳糖水可以減少打邊爐既熱氣感覺 小妹揀左:大骨滋補鴛鴦鍋併重慶辣湯 大骨滋補鴛鴦鍋: 個湯超好飲! 入面有一條大豬骨, 加埋粟米, 馬蹄, 蘿蔔, 好清甜既味道重慶辣湯: 揀左普通辣! 鋪滿辣椒, 好惹味, 好刺激既辣味. 辣度岩岩好 揀左以下食物, 呢度有個好處就係食物可以叫半份! 咁就可以叫多幾款既食 鴨血: 建議用重慶辣湯浸. 吸哂D辣湯, 唔會一夾就散 美國安格斯肥牛: 滾5-10 秒就可以食, 好鮮嫩既牛肉, 又有牛味 蒿荀: 好清新既感覺, 咬落仲有D脆口  菜肉雲吞: 呢個好出色, 皮薄, 大小岩岩好, 可以一啖一口 曉宇嫩牛肉: 比較軟腍, 小妹比較鍾意美國安格斯肥牛曉宇手打三寶丸: 分別係牛肉,蝦肉,墨魚, D肉唔會好實, 咬落仲吸哂D汁重慶炸酥肉: 呢個都係推介要食, 就咁食都好香口 脆皖魚片: 呢個如果脆D會更好鮮黃喉: 呢個超脆, 好特別既口感,

食過一次渝味曉宇之後真係不能自拔，仲做埋銅鑼灣分店常客，今日決定改去灣仔分店朝聖，灣仔分店面積比銅鑼灣大座位較寬敞，服務質素依然親切專業！鴛鴦鍋麻辣＋大骨滋補湯， 花椒八角夠香夠麻夠地道，食到一半已經頂唔順要跳河 飛過隔離骨湯涮兩下，絕非尋常普通辣。嫩牛肉，羊肉卷，超新鮮肉嫩冇筋， 估計選用草食羊， 完全沒有蘇味。滷豬大腸，真係讚口不絕，灌水清腸洗得好乾淨，肉質爽口彈牙。 推爆必食雪耳紅棗糖水，質地黏住漿口，滋陰養顏， 健康低卡路里！！！

今晚去左接朋友收工，係利東街果邊，記得附近有間好出名食重慶麻辣鍋既，橫掂都想打邊爐，就黎試下。一黎就有碗糖水，幾好，暖暖地，好清甜。我地叫左鴛鴦湯底，一邊就係山珍菌一邊就係重慶麻辣，個山珍菌好香菇味，就咁飲都得，夠清夠甜。而個重慶麻辣，係用牛油做湯底，好重麻香味第一道就係重慶炸酥肉，炸到外脆內軟，沾埋個重慶湯，一流篙筍片切到好薄，淥耐d會吸晒湯既精華牛丸夠大粒又重牛味毛肚夠新鮮，入口爽脆鴨血煮耐左都冇爛，姐係冇溝到豬紅，係真材實料，口感細嫩順滑，吸收晒麻辣味，食得過癮桂花和珊瑚蚌，好新鮮，爽口彈牙嫩牛肉(左)肉質軟腍，牛肉味濃。麻辣牛肉(右)，麻辣粉遮蓋著牛肉味，只吃到濃烈既麻味墨魚滑內有少量墨魚粒，加上蟹籽，口感層次豐富最後叫了紅糖糍粑，係重慶地道甜品，外軟內脆，我鍾意食比較甜，將整個糍粑沾滿紅糖漿，味道一流

放工有咩爽得過同朋友圍爐打邊邊呢，朋友推介去灣仔QRE嘅渝味曉宇重慶老火鍋，挑戰下自己咁話！一坐低店員已經好貼心咁準備咗雪耳糖水幫助解辣，仲有圍巾以防弄髒衣物。萬事俱備後，又係時候上菜！起筷喇！雖然講就講得口響，但我哋鴛鴦鍋都只係揀左普通辣麻辣同豬骨滋補湯底。但一見滿江紅嘅指天椒於鍋中浮游，就知今次絕不可輕敵，混合埋花椒辛麻味道，辣得嚟帶有麻痺嘅刺激感，無論配乜都令人愈食愈上癮；至於乳白色嘅豬骨湯底亦係非常足料，除左一大枝豬腳骨仲有粟米、紅蘿白，味道清甜能帶出食材原鮮味。我哋叫左鱔魚片、鴨血等等，當中嫩牛肉，睇落平凡但實際非常嫩滑又帶有嚼勁，有別於平時食開嘅肥牛，多一份清爽口感。另外曉宇苕粉亦有驚喜，寬厚的薯粉索滿麻辣湯汁，每啖都食得過癮。臨尾一round點咗酥炸肉，炸得香脆不油膩，one bite size正好一啖一件，相信係啤酒絕配！最後上場嘅糍粑，外表經輕微香炸，内在保持軟糯口感，沾上微甜紅糖已經好好味喇！

渝味曉宇重慶老火鍋朋友A 約食飯，好似渝味岀名超麻超辣呢度嘅湯底係人頭計而且食材都可以簡半份，就算兩個人都可以試好多嘢食一嚟到嘅時候就會即刻送上一碗紅棗雪耳糖水幫助解辣，仲有圍巾以防弄髒衣物。「曉宇大紅鍋」選用重慶多款辣椒、花椒、生薑大蒜再加入大量牛油熬製，係好有層次嘅麻辣湯底，混合埋花椒辛麻味道，辣得嚟帶有麻痺嘅刺激感，豬骨湯底亦係非常足料，除左一大枝豬腳骨仲有粟米、紅蘿白，味道清甜能帶出食材原鮮味。紅糖糍粑外表經輕微香炸，内在保持軟糯口硬感，冰粉晶螢剔透，彈彈的不易斷，沾上微甜紅糖！飯後可以解辣，糍粑外脆內軟，味道甜蜜，手工不錯，好味。洛神花茶解渴解辣足料自家製真係真材實料，連湯渣都飲埋，每次都必點！覺得好滿意除左食材同服務仲有好既環境推介⭐️⭐⭐️⭐⭐ ———📧 Email: liukahin@gmail.com———#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomment

辣辣辣重慶麻辣火鍋，上網睇到介紹今次一於來試下星期6 返半日放工後來到大約1600左右，呢個時段食火鍋的人唔多，岩晒我地鐘意係寧静而乾淨的環境中享用食物一入到去客員很nice招呼我們坐下，然後再先點湯底就試了重慶麻辣火鍋(3隻辣椒) +大骨滋補鍋餐前店員先送上解辣糖水同凍洛神茶，而且桌面備人圍裙，唔怕整污糟件衫食物份量可選半份或一份今次點了安格斯牛牛雪花分佈均勻龍tang片好新鮮的魚味鮮蝦雲吞蝦和肉分量平均功夫萵荀片薄而吸味，正乾貢菜爽口而且好有趣美國桶蠔新鮮好味鮮竹笙超入味手打墨魚滑彈牙爽口手打蝦滑手打好味全部都好新鮮好好味，一定會去再食

朋友仔生日，最愛食辣野既佢！當然揀左食麻辣火鍋啦！而間上網睇好吸引下，有分辣度～岩曬食得辣既佢啦！而我緊係揀左個最正既豬骨湯底啦～　仲有大大舊豬骨啊　YEAH～～一座底即刻俾碗糖水我地～夠曬潤啦！鮮鵝腸　正啊喂！十分爽脆　最貼心係餐牌寫曬書建議煮既時間，　1分鐘後鵝腸縮細曬就代表熟架啦～～yummy曉宇嫩牛肉及手打蝦滑　我地嗌左各半份～　牛肉夠曬正！牛味好濃～不過下次要嗌全份啦～哈哈我地搶住咁食啊！而手打蝦滑份量我就覺得岩岩好啦～有d蟹籽有齊撈埋　真心不錯喔！　現炸豆皮　而個我地貪得意叫左黎食～　口感勁似響鈴！　都係放落湯度浸幾十秒食得～鐘意食辣既朋友仔可以放落辣個邊　hahaha　超級吸味啊～特色迷你燕餃　全部細細粒勁易熟！而且最好係煮勁耐都唔易爛～我地嗌半份份量都唔少下架～　　大刀牛肝　而個係有隻蛋係上面可以食淥之前俾我地撈有撈等d牛肝更滑嫩～而個煮完口感粉粉地，極似豬潤　我就麻麻地啦！但朋友仔就話好好味　　　最後加埋個手工粗麵線，兩個女仔夠曬飽啦！

今日喺銅鑼灣行完街，行完之後見肚餓就去食飯，今晚突然間好想打邊爐，其實銅鑼灣所有食火鍋嘅地方我都去得一乾二淨，咁就唯有去銅鑼灣隔離嘅灣仔，呢一間其實之前都食過不過今次食下去呢一間嘅分店，餐廳名叫渝味曉如，座位就比起銅鑼灣嘅分店少d，不過座位就比較闊落坐得好舒服滑鮮牛肉，牛肉非常之有咬口，牛肉味亦都非常之重，比起肥牛可能要主耐少少，配合埋佢哋嘅醬汁非常之正手打蝦滑，蝦滑上面鋪滿晒蟹子，識落非常之彈牙，蟹子令到蝦滑增加另外一份咩味道冰豆腐，索哂湯汁，食落湯汁同埋豆腐嘅口感結合，味道增加另外一種層次紐西蘭羊肉卷，羊味非常之重，但必須分開嘅就係羊味同蘇味係兩回事，食落入口即溶桂花珊瑚蚌雙拼，非常彈牙非常爽口，非常之新鮮係必食推介苕粉，彈牙爽口有咬口，非常之容易入口，食麻辣火鍋必食推介火鍋湯底我就選擇左鴛鴦湯底，麻辣鍋，仲有雜菌鍋，都係呢間餐廳推介之一

放工有咩爽得過同朋友圍爐打邊邊呢，朋友推介去灣仔QRE嘅渝味曉宇重慶老火鍋，挑戰下自己咁話！一坐低店員已經好貼心咁準備咗雪耳糖水幫助解辣，仲有圍巾以防弄髒衣物。萬事俱備後，又係時候上菜！起筷喇！雖然講就講得口響，但我哋鴛鴦鍋都只係揀左普通辣麻辣同豬骨滋補湯底。但一見滿江紅嘅指天椒於鍋中浮游，就知今次絕不可輕敵，混合埋花椒辛麻味道，辣得嚟帶有麻痺嘅刺激感，無論配乜都令人愈食愈上癮；至於乳白色嘅豬骨湯底亦係非常足料，除左一大枝豬腳骨仲有粟米、紅蘿白，味道清甜能帶出食材原鮮味。我哋叫左鱔魚片、鴨血等等，當中嫩牛肉，睇落平凡但實際非常嫩滑又帶有嚼勁，有別於平時食開嘅肥牛，多一份清爽口感。另外曉宇苕粉亦有驚喜，寬厚的薯粉索滿麻辣湯汁，每啖都食得過癮。臨尾一round點咗酥炸肉，炸得香脆不油膩，one bite size正好一啖一件，相信係啤酒絕配！最後上場嘅糍粑，外表經輕微香炸，内在保持軟糯口感，沾上微甜紅糖已經好好味喇！

今日去左灣仔食呢間打邊爐, QRE PLAZA 係正合和對面, 都幾方便, 仲好似有得免費泊車。兩個人黎, 叫左個鴛鴦鍋, 本身都有諗過叫佢個九工格, 好似幾得意咁, 但諗諗下都係唔好食全部都係辣, 好彩冇叫到全個辣, 因為鴛鴦鍋個普通辣已經好辣了。呢度呢餸同平時食開個啲不同, 叫左個稻田毛土, 個隻係黑牛栢葉, 都幾爽。鮮鵝腸, 唔會太肥, 炸酥肉 – 第一次食, 幾得意嫩牛肉, 煮耐左都唔會老, 仲好滑三寶丸 – 得6粒, 少左啲, 但係好彈口皇帝菜 – 正, 好嫩迷你燕餃 – 好細粒, 有好多粒鮮蝦雲吞 – 都好彈, 正常味另外個紅糖慈粑, 都幾好味, 飯後可以解辣。

行街行到岀晒汗，朋友仔話要食麻辣火鍋，一定奉陪到底！渝味岀名超麻超辣，好，坐底睇下有咩好食先。暖暖地既雪耳糖水，比我地滋潤一下，保護腸胃。叫左個蕃茄湯拼普通辣湯，好香麻辣味。美國安格斯肥牛，半肥瘦，夠牛味，唔錯。鴨血好爽滑。午餐肉打邊爐，哈哈！好耐冇食過牛骨髓，呢度有得食，滑嘟嘟既口感加上麻辣湯，正！大刀牛肝，質地厚而結實，拌辣椒脆片，又辣又香！鮮黃喉，口感清脆爽口。稻田毛肚，其實都係牛肚，但食落薄身，比較爽脆。洛神花，解渴解辣，爽！

係灣仔返工想約個朋友食飯靜靜地傾下計坐得耐啲既選擇真係唔多。QRE plaza 成棟都係食肆，之前搭𨋢經過過六樓見到佢好大，今日就黎試下。lunch 12:30黎到都唔使等位，二人坐四人位，唔錯！咁岩見佢午市仲有八折！雖然佢唔算低價邊爐，但係物有所值，得閒舒舒服服食個lunch都好開心！見到湯底餐牌個九宮格麻辣大紅鍋都驚，但真係見到其他食客食緊，佢地好犀利 😱 每個湯底都可揀普通辣或者重慶辣，但我地兩個其實都唔係好食得辣，所以叫左個蕃茄湯走辣。湯底本身有金菇同蕃茄，好濃蕃茄味，食到最後都冇淡到。佢有隻香油本人十分推介，香油本身係麻油味，加蒜加蔥好香。係餐紙上每種食材隔離都有煮既時間，俾食客睇返幾耐先熟，好貼心。特別推介：墨魚滑，佢唔係好多墨魚肉係入面可咬到墨魚粒，但好重墨魚味珊瑚珍珠蚌：性價比超高。白色既珍珠蚌好爽口同鮮味，珊瑚蚌就比較大舊，有咬口。黑豚腩肉：腩肉好肥好正，但因為切得薄都唔使淥好耐，唔會浸晒D油出黎。脂肪好香，入口即溶。功夫萵荀片：真係好考功夫，切得非常薄。平時出去打邊爐一舊舊都要住一陣先熟，但呢個係30秒搞掂，食落仲keep到爽口。燕餃：都幾特別，真係好細粒，但勝在快