渝味曉宇重慶老火鍋 (QRE Plaza) (已結業)

上完堂 肚仔餓 頭痛緊食咩好既時候有個同學仔話灣仔有間重慶火鍋好得於是就啦啦林衝過去過下火鍋癮啦位置好方便 係灣仔站行五分鐘就到可能因為係平日宵夜時段關係 冇咩人唔使排隊真係爽YY 仲坐得好鬆動添裝修光鮮明亮 設施整齊清潔一d油膩感覺都冇 抽氣方面亦見完善一坐低就落左個湯底先 然後再叫野食慳返d等水滾既時間呀等緊野食到既時候 姐姐就捧左糖水黎呢個安排唔錯 唔使等野食等得咁悶呢道落單叫野食可以叫一份或者半份咁樣岩曬人少少又樣樣想試下既朋友叫左大骨滋補鴛鴦鍋同埋麻辣鍋湯底係每位人頭計 位位38大骨滋補鍋冇改錯名 真係好潤食完d送我地仲清左個湯底 讚！雖然好鍾意麻辣 但其實自知好「咋」所以都只係叫左普通麻辣 叫做過下癮但原來都好勁揪 個湯仲愈煮愈辣添呀又原來蒜頭加麻油好解辣的 幫到手呀！曉宇嫩牛肉話明叫嫩牛肉 都預左佢好嫩只不過估唔到嫩滑成咁 食落完全冇渣 一下就滑左入喉嚨而且牛味好濃郁極品鵝腸呢個真係極品 唔似平日係街食到果d咁瘦削呢碟鵝腸極厚身 咬落爽滑彈牙 曉宇苕粉苕粉 其實即係紅薯粉 唔好以為佢平平無奇佢咁粗身 食落同一般紅薯粉唔同食落煙韌過癮 而且好索味 可以食出湯底真味道香滷豬大

同班朋友約左食渝味曉宇，灣仔分店交通夠晒方便，就喺囍帖街旁邊QRE Plaza😎坐低先揀鍋底，要左鴛鴦鍋：普通辣&山珍菌湯～ 山珍菌個邊食食下原來有好多菇，正呀！配料方面，真係幾時都好欣賞渝味曉宇有得半份半份咁嗌黎食，真係可以食多好多款👏🏻👏🏻 肉類食左朋友推介嘅嫩牛肉，就算煮耐左都仲係好嫩滑，好味☺️ 另外都有叫左啲肥牛、羊肉卷咁，煮5-10秒就食得～叫左半份龍躉片，魚肉好滑😋蔬菜類我地都嗌唔少，雖然已經係山珍菌湯底，但都encore左半份冬菇😂 另外仲要左菜籃，咁就咩菜都有啲。淮山條砌得好靚，食落口好粉😊現炸豆皮大大塊，仲有佢個苕粉，吸左辣湯底正😋 苕粉仲煙煙銀銀添～鴨血最近真係好鍾意食，鍾意配辣湯底～除左打邊爐料，仲嗌左個炸酥肉，好香口，我同朋友都鍾意食😋除左野食我地仲叫左渣洛神花茶飲，酸酸甜甜，好適合打邊爐飲呀🙆🏻‍♀️

幾個朋友話要約食麻辣火鍋，一開始聽到我就say no，因為我唔係好食得辣，跟著佢哋話有得揀食唔辣嗰邊，咁我就試一次啦!佢哋都係食過其他分店，覺得好食所以再encore。一入到去就聞到濃濃嘅香味~值得一讚之處:可以揀一份定半份，變相可以食多啲唔同款嘅野食!半份嗰啲好精緻! 初時擔心唔夠飽，點知食下食下慢慢飽，個肚又唔會好撐住撐住咁辛苦~ 每一款食物都好新鮮，而且好多都係平時打邊爐比較少食到嘅野，例如炸豆皮、海帶頭 、龍躉片（好滑！）、苕粉（其實即係红薯粉，不過呢度嘅四川苕粉係好似闊條麵咁）等等! 唔食辣嘅我個邊係珍菌湯底，有好多款唔同種類嘅菇，食極都仲有咁~ 我哋今次只係叫咗兩碟牛/羊肉，淥完個湯都唔太油呢~ 菜籃有幾款菜，唔使十五十六唔知揀食咩菜，very gd!!!可改善之處:我咁啱坐正個位啲煙向我個邊吹，食嘅時候有啲難影相同埋搞到食完返去好大陣味...   另外可能都幾full下（只係平日，又唔係咩公眾假期前夕），服務生人手有啲不足，舉手一段時間先見到我哋，同埋都漏過幾樣菜，要追。但其他上得都好快嘅。整體而言都係ok嘅，唔食麻辣都唔使擔心XD 唔應該比個餐廳名嚇親，以為重慶就係得食

呢幾日天氣又開始轉涼，咁岩黎到灣仔搵食，朋友想打返個靚邊爐🤣咁我就推介咗呢間係第二間分店食過既重慶火鍋去再食多次😝上次實在打得好爽，忍唔住再去！咁呢間灣仔店環境照舊係非常好，木質比較日系既風格，令人好舒服！我哋一座低就有驚喜，唔單止送左極度清潤既雪耳糖水，仲有送杯大杯既洛神花茶！加上佢午市係湯底免費既，即係未食就送三樣野好抵👍🏻👍🏻👍🏻呢度既spicy湯底當然係一絕啦，今次就試埋芫茜湯，清甜好味，建議菜呀海鮮呀可以放清湯👍🏻除咗湯底，呢度既食材真心唔錯，樣樣都好新鮮靚仔！當中手打丸、嫩牛都非常正，嫩牛有入口滑入去既feel，超好食💯

天氣逐漸轉涼了，也是打邊爐之季節，除了市面上一包包湯底醬外，出外吃的方便～其實平日和一大伙朋友來更好！以下介紹一個街知巷聞的火鍋，實在不錯，且有有下火的功效～就是芫茜皮蛋湯，不忘忙這一句：「多喝一點，下火。」的確芫茜有清熱氣作用，加上這店子的食物鮮味，多喝一碗吧！選擇較健康較低脂的芫茜皮蛋湯底～也是一個不錯的好方法，去欣賞食物之鮮感！精品羊肉卷天氣開始轉涼，跟親朋好友一齊打邊爐就最好不過。這店子之羊肉亦受歡迎，可選精品羊肉卷，火鍋配料羊肉卷切成薄片，非常鮮味。所以一般的羊肉卷都是由凍好的羊肉放在削片機上削～這裡的不會很冰呢。鮮龍躉片海鮮方面，鮮龍躉片也是很好的選擇呢，需時較長，大約2分半鐘。爽脆。不少人打邊爐愛鮮龍躉片，脂肪很均勻，而且肉厚彈牙喔～黑豚腩肉黑豚豬腩片是日本黑豬肉的一種～肉質纖細，軟嫩，味鮮多汁，脂肪含量及不飽和脂肪不高，棒！黑豚腩方便易，簡單又好吃，有食材原味的感覺，必選肉類＝黑豚豬腩肉～鬆化的感覺，比一般豬肉有更強的肉味。美國桶肥蠔肥嘟嘟美國桶蠔桶蠔！美國桶蠔肥美又滑溜，是不錯的貨，肥美滑溜，無論點煮也不會縮水，供應也沒有限制！！海鮮！海鮮！ 海鮮方面，實在不錯！凍豆

呢間重慶火鍋店之前已經食過，今日忍唔住又去食多次。我就叫左個大骨湯同普通辣，普通辣對我黎講已經好夠辣，好香好惹味。一坐低佢已經比左每日一碗糖水同一杯洛神花茶，之後用黎解辣好有用，相當細心。首先要推薦嘅係肥牛粒，唔好話太肥，一咬落去就有肥牛嘅油香，再點一點個麻辣湯底真係一流。白鱔亦都一定要試一試，，一d都唔腥，但係記得唔好落得太耐，要有少少爽口先好食。之後個韭菜豬肉水餃因為太好食忍唔住叫左一份半，食極都唔會覺得膩，而且好惹味。

平時跟朋友gathering 最愛去打邊爐十下十下，貪平平地，任叫都唔怕又可以坐得耐一點。衣家有少少質素既邊爐都差不多200/人，年紀大左。。 又唔想太難為肚皮，食得太飽肚，所以我都focus on 食物質素多一點。。。  呢間食物質素係幾好幾屈機。。肥牛難得無雪味，肥瘦分佈平均，雪花肥牛，真係有雪花，肥牛食落係似牛，唔係像皮膠，唔會un , 易入口，一咬值溶，真心值得推介三寶丸一上菜，只有3粒丸，個心都離一離。食落真係有分別，手打丸好彈牙，仲好新鮮，每粒又唔會好大，唔會令人吃不消，食完令人回味，真蠱惑。。

第一次黎渝味，環境好企理，洗走打邊爐果隻麻甩味，加上服務員勁好招待，令我胃口大開，急不及待就order 水餃，烏冬，鮮腐竹，龍躉片，豬大腸等等。。。 但不得不提。。。腰片我睇menu 推介腰片，就一於試試看。個賣相係幾討好，但入面係冰片作配襯，實際腰片數量不多.. 好薄薄的一片片，煮起出黎，真係食唔到咩味/無咩口感，有點失望。。牛肉對比肥牛，牛肉既性價比確實係高既.... 又無根，色澤又紅， 牛肉份量唔係多，牛有牛氣，加上肉質細嫩，滑到好似廿歲既皮膚甘,令人愛不釋手。

就嚟新年，梗係要食餐好啦，咁呢間鋪頭呢就喺灣仔附近啦好近地鐵站呀咁我哋都好容易搵到啊地點就腳下一個食飯嘅好地方😚👍🏻一入到你啊鋪頭嘅負責人啊好好招呼，我地仲叫左糖水同埋杯洛神花茶俾我哋飲添，杯洛神花茶有啲花香得來又好醒胃好值得推介！呢度全部嘅美食都好高質啊好有呢個嘅大灣區特色呀，就係呢個份量雖小但係呢質素甚高，尤其是推介佢嘅美國安格斯牛肉啊，入口即溶好有牛味🤩🤟🏻另外佢嘅墨魚滑亦都保持左相當高嘅水準啦，鮮嫩彈牙，好多嘅小食都保持相當高嘅水準。而另外佢嘅湯底更加係驚喜之作，同佢火鍋嘅配料簡直係天作之合啊！我今次揀咗一個皮蛋香菜湯底同埋一個重慶麻辣火鍋湯底，真係好有大灣區嘅特色呀！個鍋辣得來好有驚喜食，食到我熱血沸騰，另外個皮蛋湯底適合一啲唔食得辣嘅朋友，用呢個湯底去煮嘅配料簡直係天衣無縫啊😙😛最後呢餐總共食咗$600以佢嘅質素來講一啲都唔貴，兩個人食完之後仲可以有胃口去食甜品添，絕對值得推介嘅一間鋪頭😆

雖然天氣吾係好凍，但係冬天硬係好想十下十下。今日就去左灣仔渝味食火鍋，呢度招呼好好，食火鍋既，一坐低就有洛神花茶同埋 紅棗雪耳糖水，仲有紙圍裙，吾怕整 整污糟衣服。午市湯底免費，仲可以叫鴛鴦湯底。今日吾想食辣，叫左蕃茄湯底同皮蛋芫茜湯底。醬汁已放係枱面自己調，而當中最搶味的就是麻油，超香。呢度既火鍋料可以半份叫，我地一行二人都可以試好多味火鍋料。滑牛肉～牛肉處理得好好，好嫩滑。黑豚腩肉～好香油花，但入口吾會油膩。龍躉片～ 砌得好薄，淥一陣就食得。鱔魚～好爽口，通常食鱔糊先會食黃鱔，但今次打邊爐仲好食。耗兒魚～只有主骨，鮮甜，不過都係煎比較配合。手打墨魚滑～打得好彈牙鮮蝦雲吞韭菜豬肉水餃苕粉～比薯粉更好食，好Q功夫萵筍片～砌得好薄，好快食得，爽。鮮腐竹鮮淮山條～2隻色2個口感，一粉一爽，好味又健康。田園菜籃最後飲下洛神花茶，酸酸地幫助消化。兩個人食到好滿足，都係每人三百蚊，打邊爐黎講，算抵食。

好姐妹生日🎂佢最鍾意打邊爐🍲當然要帶佢去我近期至愛的火鍋店打邊爐啦！因為好姐妹係中環返工，所以就去咗灣仔分店嘅渝味曉宇打邊爐😆地點係合和中心對面，係灣仔地鐵站行上去大約10分鐘，都算幾方便👍🏻食完嘢仲可以去利東街影聖誕燈飾😻一坐低職員就為我們送上兩杯洛神花茶，花茶有少少酸酸哋、好飲又開胃🥰仲要係免費嫁🥳我哋揀咗鴛鴦湯底，一邊蕃茄湯底另一邊係麻辣湯底，麻辣湯底又麻又香，見到有超多辣椒、花椒、同大量配料，今次叫咗普通辣，佢嘅麻辣湯底真係好刺激😆蕃茄湯底都係勁香濃蕃茄味🍅係未落配料之前我同好姐妹都先飲咗一碗湯先😋好姐妹都話好正，仲讚我冇介紹錯🥰鮮蝦雲吞有4粒，雲吞餡入面好豐富，啲蝦仲好彈牙🥰特色迷你燕餃細細粒，涮完之後燕餃皮好彈牙，餡料好鮮味😋手打蝦滑和手打墨魚滑每次食都係咁好食，又彈牙又鮮味十足😋仲有第一次叫珊瑚蚌嚟食，都有驚喜超級爽口新鮮👍🏻白蘿蔔鮮甜又Juice, 吸曬啲湯😋正都爆田園菜籃有皇帝菜🥬金菇🍄油麥菜和娃娃菜🌱全部都非常新鮮和美味👍🏻曉宇嫩牛肉係好似平時食滑牛咁滑😻又嫩口又重香濃牛味👍🏻紐西蘭精品羊肉卷騷騷哋又幾好食😋曉宇苕粉好煙韌，口感好豐富，好好味😋現炸豆皮即叫即炸，熱辣

開年飯，當然要對自己好些，特別選了火鍋🍲一order了鍋，店員馬上送上紅棗雪耳糖水及洛神花茶，好窩心今次挑戰極限，order 麻辣牛肉，辣到飛起，好刺激嫩牛肉就算煮10分鐘仍然很嫩滑牛骨髓滑嘟嘟口感一流桂花蚌非常鮮味又爽口手打三寶丸都好彈牙美國桶𧐢超級肥美鮮鱔魚原來是黃鱔，冇骨，夠鮮竹笙爽口，吸收了大骨滋補湯的精華，特別滋味燕餃細細粒，充滿豐富豬肉味炸豆皮好脆鮮淮山好快熟，健康食品，食多多都唔怕肥苕粉口感好QQ，絕非一般超市賣的雖然餐廳準備了麻油、蒜蓉、芫荽、豉油等調味料，但食物的鮮味已經很足夠如此豐富，再配杯洛神花茶解熱氣，一流

今日同男朋友放假，二人世界下，咁岩又無揸車，可以去打邊爐飲下啤酒~上到去岩岩好有個卡位，一坐低有佢地自家制既洛神花茶，飲落去酸酸地幾開胃。之後仲每人送左碗糖水潤一潤先~😊店員先幫我地落左個湯底先，我地叫左個雙拼鴛鴦鍋，重慶辣大紅鍋加大骨滋補鍋。我同男朋友怕食唔哂，所以決定每款配料都叫半份，我地叫左美國安格斯優質肥牛、珊瑚蚌、桂花蚌、鮮黃喉、鴨血、萵筍條、凍豆腐、藕片、白蘿蔔同油麥菜，另外再叫左一渣青島。個肥牛比想像中更入口即溶，珊瑚蚌同桂花蚌都好鮮味😍，跟住餐牌上寫既時間食岩岩好。因為今個日同男朋友都好肚餓，我地好快食完哂第一轉叫既配料唔夠喉，決定再叫第二轉😋，第二轉我地叫左呢度推介既重慶耗兒魚、鮮鵝腸同曉宇苕粉。個重慶耗兒魚煮完都唔會散，食落口好滑，而且得中間一條大骨，鮮鵝腸煮完好爽口，而個苕粉放落個麻辣湯度一流，索哂個辣湯味。今餐應該係我同男朋友食得最多野既一次，因為兩個人黎講，半份既份量真係岩岩好👍🏻

渝味曉宇是我喜歡的火鍋店，已火鍋連鎖店來說，他的食物水準穩定，這已是我第四間到訪的分店，在不同分店感受到的員工態度和食物質素也是一樣的，那種親切又不會太過的服務我是挺欣賞的。有吃過他的辣鍋真的很吸引，但我的腸胃一向不好，今天就吃我最愛的菇菌及豬骨，在這個不太冷的一月，為自己滋補暖暖身。原本以為他午市免鍋底費用的優惠已經完結，原本$38已經不算昂貴，因為鍋底確實有不少材料，免了鍋底便可多叫一些食品。兩個人吃午餐不能點太多，喜歡他可以選擇半份令我可以品嚐多一點不同變化「银耳红枣汤」喜歡他們的貼心，坐下便會送上這味銀耳湯，保護腸胃以免吃辣後不適「豆皮半份」這是這兒現炸的，可以放在湯來多煮一下也不會化，無論配辣湯或清湯也能吸到湯味。「稻田毛肚半份」一邊吃火鍋一邊看電視上是尖上的中國節目，看到他們的毛肚處理繁複，吃下口是爽脆的，絕無異味。「鴨血一份」這是我吃火鍋必點的食材，這兒的份量足，鴨血比其他來得耐煮，眩惑之餘也有一點Q彈。「脆肉鯇魚腩半份」這魚爽脆半份每人兩大件剛剛好「手打蝦滑」看似小小的一碗，店員親切的幫我們處理，分到八大粒，鮮甜彈牙是足料的蝦滑。「黑豚腩肉」今天肉類主要是吃這個，肥瘦均

如果有咁啱睇過我寫嘅食評，就會知道我係麻辣火鍋嘅超級粉絲。而呢一間火鍋店之前已經食過兩次，因為佢好有質素嘅保證，所以我同男朋友已經成為咗常客。同往常一樣一嚟到佢就先擺低一碗雪耳糖水俾你潤一潤，今日比較特別重每位客人送一杯洛神花茶添。今日嚟呢度嘅目的，主要係打算食大辣嘅重慶麻辣湯底，因為之前幾次都係食普通辣，今次決定挑戰下，要食大辣！湯底一上枱就知道今次大鑊，基本上有一大半都係辣油，肯定好刺激！之後就係調好個蔥油碟，呢個係四川麻辣火鍋獨特嘅食法，佢哋唔會落太多豉油同埋其他調味料，主要係落蔥、蒜同埋香油。每一次喺度食我都好推介大家食呢個三寶丸，不過大家記得要叫一份，因為半分只有每樣一粒，係唔夠兩個人食嘅。由左邊數起分別係墨魚丸、香茜牛肉丸、同埋鮮蝦丸。三種都係手打，食落口都係好彈牙同埋好鮮味。以下就係我哋叫咗嘅其他配料，當中我特別覺得午餐肉配搭麻辣湯底係超級好食。另外呢度嘅粟米係特別甜，我每一次都會叫加落去唔辣嗰邊嘅湯底。田園菜腩亦都係好抵叫，因為佢入面會有起碼四款蔬菜，不過大家記得蔬菜就唔好落辣嗰邊啊，因為會吸晒啲油。薯仔加落個大辣湯，又係超級好食。雖然佢每樣配料都係細細碟，但係加加埋埋