渝味曉宇重慶老火鍋 (QRE Plaza) (已結業)

都一排冇見班friend，最近開始有飯局仲要係打邊邊😄朋友喜歡食辣當然要捨命陪君子啦🙌🏼一於辣死啲細菌🦠😂麻辣一哥我首選肯定係渝味曉宇！食物新鮮，選擇又多，服務一流！我哋一坐低店員即時攞咗盤熱水出嚟幫我地將所有餐具煮熱殺菌！真係好細心...抵讚👍食物我最欣賞佢哋所有都可以有「全份」/「半份」揀，有得揀先至係老闆🤣🤣原本想叫九公格麻辣鍋，以為係分唔同嘅辣度，原來係互通😅只係方便睇每格放咗啲咩食物，所以一如既往都係叫個雙拼湯底，有辣有唔辣🤭今晚「美國安格斯優質肥牛」真係好味😋果然優質！油花均勻，食落口淋身，牛味好正！極力推介🙌🏼

呢間火鍋之前已經食過幾次，但係真係好正所以今日又黎左食。由於疫情期間衛生相當重要，所以有職員幫我地洗一次所有餐具同碗筷，食都食得安心d。我就叫左個大骨湯底同普通辣，餐牌上仲有說明每一款食物要煮幾多分鐘，只要跟住就唔驚太生或者太熟啦，非常之細心。首先要推薦嘅就係黑豚腩肉，非常之肥美，而且口感同樣一流，完全唔會難咬。而我地亦叫左個烏冬，口感同樣一流，好有咬口。另外白鱔亦係必食之選，但係記住唔好落得太耐，否則就會太淋唔好食。飲品方面我就最鍾意佢地自家製嘅洛神花茶，唔會太甜之餘亦非常解辣。

lunch有時真係唔知食咩好🤣🤣今次試新嘢，唔想同太多人逼，就行行下去到QRE Plaza，選了呢間渝味！原價$78午市套餐，可能是抗疫優惠吸客，現$58免加一已可😍 好抵食！有茶及洛神花茶飲😋仲有3款前菜及雪耳紅棗糖水送👍主食羊肉包心魚丸重慶面，包心魚丸冇貨換了魚餅！重慶面忘記叫小辣/走辣🌶，之後講返，佢地都願意俾碗熱湯🙏。環境舒適，少人較舒服😁#全城抗疫😷#MagicCherry攻飲食 😋

今日去咗灣仔開會, 開完會之後就同個同事喺附近搵嘢食, 由於我哋兩條友都冇食早餐, 所以到中午嘅時候已經好肚餓。 而我哋又想搵個地方度傾埋啲手尾, 仲有大把時間都未使返公司。所以就想搵一個地方可以坐得舒服又寬敞又傾到計嘅地方。 最後我哋揀咗打邊爐。我哋揀咗個鴛鴦鍋,一邊係重慶麻辣佢有三隻辣椒另外一邊就芫茜皮蛋,清清地。兩條友都叫咗唔少嘢食 ,喺我哋食之前佢送咗一個好似糖水嘅嘢咁畀你滋潤下先。 跟住我就點咗肥牛啦,滑牛,皇帝菜,白鱔片,墨魚滑,萵筍, 水餃。大概都係呢啲啦。 樣樣都新鮮同埋好精神,睇下啲相就知道㗎啦。中午嚟食真係好抵因為佢問咗湯底費,如果晏晝肚餓真係可以打個邊爐㗎。

近排天氣又凍翻🌬搞到我心血來潮想打邊爐🍲所以就去左渝味曉宇重慶老火鍋 食佢地嘅鴛鴦鍋，蕃茄湯鍋加重慶辣大紅鍋湯🍅🌶重慶辣大紅鍋湯真係好麻，好夠辣👍🏻menu 上面有寫每種菜式所需灼熟時間，咁就唔驚灼到啲野食老曬☺️呢度上左湯底無幾耐就會上一個免費嘅雪耳紅棗糖水，等你食麻辣火鍋之前可以滋潤腸胃，減低麻辣對腸胃嘅刺激😌曉宇嫩牛肉係用本地嘅新鮮牛肉，肉質腍滑嫩滑🐄半份鮮鵝腸🦢鵝腸一早已經去晒肥膏，放落麻辣湯之後吸晒麻辣湯汁，質感爽口彈牙😋曉宇苕粉🍜粗條嘅苕粉落左喺重慶辣湯後，半透明嘅苕粉煙煙韌韌，超級掛湯🤤田園菜籃🧺有唐生菜、娃娃菜、皇帝菜、金針菇🥬🍄啱曬我呢啲選擇困難症嘅人🥰紅糖糍粑，外脆內軟糯，沾上香甜嘅紅糖汁，超級好味😍仲叫左麻辣牛肉、桂花蚌、鮮龍躉片🐟包心魚丸

差唔多有成三個月冇打邊爐，今日終於可以解放一下！喺Covid-19肆虐下，呢間火鍋店完全係做足晒功夫！店員會攞出一個大鍋，然之後幫你清洗你將會用到嘅碗碟同埋餐具，確保全部都係乾淨衛生！今次點左鴛鴦鍋，入面係蕃茄湯底另一面係普通辣大紅鍋。蕃茄湯底清甜，蕃茄味濃，有幾片蕃茄同埋金菇。而麻辣湯底普通辣還可以接受！消毒完碗碟之後，店員就送上兩碗雪耳紅棗糖水，唔會太甜，非常潤喉。2個人總共點了六款菜。呢間火鍋店好貼心，每款菜都可以點全份或者半份。美國安格斯優質肥牛 （全份）肥牛雪花紋好靚，肥瘦適中，大概有七至八塊。牛肉味好濃，好有肉汁。嫩牛肉 （半份）上一次點左麻辣嫩牛肉覺得太辣所以今次就點做普通果隻。全份都有頗多件。同埋佢真係名副其實，就算煮耐咗都仲係咁嫩滑！黑豚腩肉 （全份）腩肉比較肥美，油脂比較多，食落好邪惡但係真係好好味！手打蝦滑 （全份）估唔到全份係有兩支蝦滑。蝦滑好彈牙，加上面頭有啲蟹籽，令到口感更加有層次！羊肉卷 （全份）賣相冇其他嘅肉類咁靚，但係食落一樣咁高質。肉質鮮嫩，羊味濃。油條 （全份）油條係即叫即整，擺落麻辣湯浸2秒即刻拎上嚟，依然係外脆內軟同時吸滿晒麻辣汁添！最後lik

今日去灣仔行下經過利東街附近見到QRE廣場 上面仲有渝味曉字火鍋 🍲天氣凍凍地 一於食火煱 服務唔錯 枱上面放有一坐低就有圍裙 唔驚食野會整污糟衫然後好快咁送上紅棗雪耳糖水 打個底先養下個胃我地揀左個大骨滋補鴛鴌鍋 一邊係蕃茄湯底一邊係清湯 打邊爐點可以無肥牛原來依加午市火鍋仲免收火鍋湯底錢 幾抵食 呢度半份係兩人份量 我同朋友兩個黎中午嘆邊爐我地所以全部都點半份 叫左美國安格斯優質肥牛 黑豚腩肉 牛筋丸 食落雖然無驚艷既感覺但質素唔錯 手打蝦滑 墨魚滑 食落幾幾彈牙 味道天然 無太加工味精味幾錯 打邊爐都會想叫返啲健康野平衡下 叫左准山條 幾鮮甜 起粉得黎 幾爽口 油麻菜 爽脆 打到咁上下我地就落埋佢地既曉字苕粉 食落好似關東煮裡面個件蒟蒻咁 幾彈牙又有啲煙韌 稻庭烏冬滑彈 另外我地仲有叫到佢既小食 重慶炸酥肉 真係好香脆 幾惹味 朋友話好耐無食油條叫左條 估唔到火鍋店既油條都幾好味 同出面粥鋪賣既不相伯仲 最後我地食埋個紅糖慈粑 好夠軟糯 好似沾左紅糖水既糯米糕微微香甜 幾滿足

同老公係附近買完嘢又未食lunch，經過QRE Plaze睇有咩選擇，然後我同老公一致決定打邊爐，一坐低店員就遞上紅棗雪耳糖水，我最愛清清地唔太甜，好滋潤。我地叫左駌鴦湯底，普通辣同芫茜皮蛋。因為我地2個人想食多d嘢，所以好多都叫半份。紐西蘭精品羊肉卷羊肉味濃郁，老公最愛。鮮魚鰾無腥味，加左麻辣好惹味。串鮮蝦爽口彈牙。熟鵪鵪蛋第1次叫估唔到麻辣咁好食，蛋香味濃郁。美國桶蠔好肥美，烚完都唔會點縮小，無腥無沙好甜。紅糖冰粉每次食完麻辣火鍋都叫，解辣一流。

王氏力場同太太女兒一家去到灣仔打邊爐慶祝生日， 不訪就去試下正宗麻辣火鍋 ，聽人講佢係重慶排名第一，我哋當然係要試下 ，裝修環境非常美麗， 我哋唔係好食到太辣，於是我哋點咗個鴛鴦湯底試下 。小弟推介 ，大刀牛肝同埋嗰現炸豆皮 ，手打丸非常之好食 ，其他地方都食唔到呢個水準， 其他食物質素每一樣都值得試下，當然食物好食之餘， 環境仲咁一流真係去試下啦。

👍🏻環境:座位闊落坐得舒服，有埋圍裙唔怕整污糟件衫，抽風系統做得好。👍🏻服務:落單後侍應會送上一碗雪耳糖水，糖水是送的，但味道出色！讚！再者餐牌上每款食材也有食到最佳烹調時間。[👍🏻美國安格斯優質肥牛$119/半份]濃郁牛肉味，其脂肪分佈均勻，呈大理石花紋，肉質鮮嫩多汁，半份一定唔夠食，建議叫一份。[👍🏻黑豚腩肉$42/半份]腩肉位油脂豐富，吃起來滑潤不澀，口感細嫩好吃，肉質柔軟，好低食。[👌🏻曉宇嫩牛肉$42/半份]味道似免治牛肉，有醃製過所以牛肉味更濃郁，香濃嫩滑，建議放入麻辣湯涮，味道更佳。[👍🏻牛骨髓$46/半份]現在越黎越少火鍋店有得食牛骨髓，牛骨髓打邊爐一流。[👍🏻功夫萵荀片$22/半份]果然係功夫，把萵荀切薄到一片片，再整成花形很美麗，打卡必叫，口感十分爽口。[👍🏻曉宇苕粉$29/半份]似涼粉同河粉既結合，煙靭，建議最後先涮，因為吸曬湯的味道，如果2-3人叫半份剛好。

在抗疫中， 今次我推介呢間火鍋店， 因為佢哋會將啲餐具喺你面前再用一次滾水淥一淥 ，保證衛生 而且呢度嘅環境寬闊 ，位於位之間應去呢亦都好寬闊！ 減低傳染嘅機會 ！而家喺呢一度食午餐全部嘅湯底都係免費嘅 ！即係你食幾多就收幾多錢 ！喺呢個時間打邊爐就冇乜人！ 所以可以好放心咁食啦！ 不過提一提大家記得食嘢嘅時候要將啲食物滖得熟啲 咁就百分百沒有菌呀 我推介佢哋嘅牛肝 !仲有肥牛 筍 冰豆腐 炸腐竹， 炸得脆波波可以當薯片就咁食 滾一下就好攞上嚟食啦! 因為真係好好味 !啲冰豆腐又索曬啲汁嘅味道 ！因為我哋唔食辣嘅所以又有唔辣嘅湯底選擇 ！我推介蕃茄湯底 ，佢有好多新鮮嘅番茄放咗入去味道酸酸地， 好開胃㗎 ！仲有呀記得要叫佢哋嘅羅漢果茶 !真係佢哋自己煲㗎 包你唔會熱氣！ 誠意推介大家！

上次在銅鑼灣吃完了覺得很不錯，發現公司附近都有分店，所以就和同事找個平日夜晚放工去吃😌入座後店員會送上冰糖雪耳糖水，味道香甜潤胃，就算吃完麻辣火鍋都不會太傷胃🥰湯底點了大骨滋補鴛鴦鍋拼普通辣大紅鍋。大骨滋補鍋即是豬骨鍋，非常足料，豬骨一大塊，又有紅蘿蔔、粟米等，湯底清甜。另外麻辣鍋當然正啦，好惹味，辣得超過癮呢☺️火鍋配料可以點半份或全份，真係好體貼的做法，少人就可以點半份，點多幾款食物👍🏻 最後點了黑豚腩肉、羊肉卷、白鱔片、牛丸、竹笙、鮮蝦雲吞、墨魚滑、水餃、菜🐷鮮蝦雲吞餡入面好豐富，蝦夠彈牙白鱔片刀功不錯，完全無骨黑豚腩肉肥瘦均勻切食落不覺得肥膩紐西蘭精品羊肉卷不算騷又好食竹笙爽口，配上麻辣湯特別滋味有時散叫的火鍋都很不錯❤️

It's been a while that I hadn't done hotpot. A friend of mine recommended this., It is said to be the best Chongching spicy hotpot. Not bad but I had higher expectation. Their spicy soup didnt WOW me but it wasnt bad at all. Beef was just soso.I like their drink with Chinese white wine in that .

有一段時間冇食麻辣火鍋喇🌶，今次就嚟到呢間有好多分店嘅渝味曉宇，朋友唔係太食得辣，所以就叫左雙拼鍋，大骨滋補🦴拼普通辣大紅鍋🌶，大骨湯越煲越甜，都可以飲得下，普通辣鍋對於我嚟講都已經幾辣下，過癮🥵.佢地嘅配料全部都有得揀叫一份或者半份，啱晒兩個人嚟打邊爐🍲，叫半份份量就fit哂，啱啱好呀🤗.我地就叫左美國安格斯優質肥牛🐂、黑豚腩肉🐖、鴨血🦆、曉宇手打三寶丸🍡、龍躉片🐟、曉宇苕粉🍜、功夫萵筍片、鮮竹笙、皇帝菜同油條.我就推介👍🏻👍🏻鴨血、曉宇手打三寶丸、曉宇苕粉、功夫萵筍片同油條，呢幾樣都正呀，特別適合麻辣火鍋呀😋.另外佢杯自製洛神花茶都幾正，落足料煲架🍹

今日同靚女同事中午打邊爐， 去咗灣仔QRE廣場6樓渝味曉宇重慶老火鍋。 靚女同事話佢第一次中午打邊爐，其實我久唔久都去食㗎。入到去好光猛，裝橫雅緻，地方亦都好闊落。我哋坐卡位， 好舒服。一坐低，先贈送紅棗雪耳糖水，是用心製作的，又窩心又驚喜。我倆好怕浪費，所以問咗半份即是有多少，原來半份適合兩個人的組合，即係適合我同靚女同事，明白了!靚女同事鍾意吃辣，知我怕辣，揀咗小辣皮蛋香菜鴛鴦鍋。肉類全部都好高質，脂肪同肉的比例剛剛好，好有肉味，美國安格斯優質肥牛，紐西蘭精品羊肉卷，黑豚腩肉一定要叫。黑豚腩肉是超爽的。也推介手打蝦滑，加入了蟹子， 新鮮彈牙爽口。曉宇手打三寶丸及韮菜豬肉水餃，不錯。千絲柏葉，爽口好味。今次第一次吃海帶頭、淮山條、藕片，新嘗試，健康之選，材料上乘，愈食愈想食。最後，我們吃了稻庭烏冬作結尾，大滿足!