渝味曉宇重慶老火鍋 (QRE Plaza) (已結業)

老友係麻辣控，推介呢間重慶老火鍋，話 係正宗口味，今日就去試下！ 火鍋店裝修得堂皇華麗， 富有重慶風情，有很多卡座坐得十分舒適!湯底係以位計算，每位38蚊又幾實惠。點咗勁辣之選 重慶大紅鍋和唔辣嘅 蕃茄湯鍋。火鍋之前，餐廳會送你紅棗雪耳糖水，甜甜蜜蜜，十分醒胃！呢度嘅火鍋配料仲可以點半份，啱曬我哋貪心又想試多幾款嘢食嘅人！非常肚餓，點咗好多配料，安格斯肥牛、嫩牛肉、蝦滑、墨魚滑、羊肉捲、 千絲柏葉、午餐肉、包心魚丸、牛筋丸、芝士腸、曉宇苕粉和田園菜籃！安格斯肥牛油脂 紋理分佈均勻 油脂甘香 牛味較重。 嫩牛肉 用鮮牛柳調味，脂肪較少嫩滑軟熟，肉味清甜！個人覺得食麻辣火鍋一定要食羊肉捲 羊肉嘅天然味道配上麻辣火鍋 有提鮮作用 令人一食上癮！包心魚丸 有驚喜 魚肉鮮甜 爽口彈牙 內裏餡料味濃醬汁流心。 田園果籃有多款雜菜新鮮時令，份量十足，非常划算！

邊個話重慶火鍋一定要食辣🌶，我同朋友仔就係例外啦。呢度除咗有超辣湯底，亦都有啲唔辣嘅湯底，例如：大骨滋補鍋、蕃茄湯鍋、山珍菌湯鍋同埋皮蛋香菜鍋；如果食辣嘅朋友，唔駛諗，呢個九宮格麻辣大紅鍋🌶🌶🍲認真無得輸，見到張相都已經感覺辣到出嚟！🥵🥵牆上有張重慶火鍋50強地圖，渝味曉宇穩坐No. 1️⃣，而且央視舌尖上的中國2唯一推介老火鍋。大家一定要嚟試下！😋一坐低，店員先送咗2碗紅棗雪耳糖水，滋潤下先！不過喺食嘢之前記得戴番條圍裙先，唔駛整污糟啲衫，相當細心！🥰最後揀咗大骨滋補鍋同埋山珍菌湯鍋鴛鴦湯底，大骨滋補鍋有紅蘿蔔🥕、粟米🌽、紅棗、豬骨🐖，粟米超甜，舊豬骨最後先食，吸晒啲精華，超入味！山珍菌湯鍋啲菇好香好甜，成鍋都散發住香菌嘅味道。🍄點餐紙上面列咗曉宇十大必點菜色，因為我哋唔係樣樣啱食，就揀咗其中3款必點，分別係1. 美國安格斯優質肥牛🐂、2. 桂花蚌、3. 重慶炸酥肉，最欣賞就係點餐紙旁寫埋要灼幾多分鐘，保證灼得啱晒時候。鍾意食牛嘅朋友一定唔可以錯過呢個美國安格斯優質肥牛🐮，見到啲雪花紋就知有幾靚啦，食落真係真係超嫩滑，灼5-10秒就夠晒，牛味十足。桂花蚌新鮮又爽口，正呀！叫半份真係唔多夠

之前係銅鑼灣食過一次 覺得好正。今次同fd黎利東街影相時 見到灣仔都有分鋪～ 上咗黎試🥳就係利東街隔離～.一入黎 就端黎熱水♨️洗餐具🍴 好體貼。.仲有例牌嘅火鍋糖水 潤潤喉先～.揀咗大骨滋補鴛鴦湯底～ 始終都係唔夠薑試九宮格火鍋🤣驚辣死.🌸重慶酥炸肉 有少少辣味 外酥內軟 唔洗擺入鍋 趁熱食超正🌸曉宇嫩牛肉好嫩好滑 必點～落鍋好快就熟🌸黑豚腩肉雖話腩肉 但同平時食嘅腩肉唔同～呢個係薄片咁上 油脂分布均勻 易熟 口感極佳 滑潤不澀～🌸曉宇苕粉煮熟之後變的晶瑩剔透 柔韌性強～ 口感QQ的。吃過兩次了 大推🌸稻田毛肚必點～ 火鍋食材的靈魂之一毛肚很大片 而且是黑毛肚 比起白色的更有韌性 爽口🌸淮山條鮮淮山 口感粉粉地 朋友超喜歡吃🌸唯怡豆奶豆奶味很濃郁 不甜 ～我喜歡🌸自製洛神花茶酸酸甜甜的味道 跟火鍋絕配 超級開胃

最近打厭左啲任食火鍋，因為普遍嘅任食火鍋都好嘈，而且食材亦都冇咁精，所以今次專登黎渝味曉宇，想靜靜地打個邊爐得黎，又食下啲正野😋。-點菜紙簡潔清晰，先揀湯底，後揀配料。湯底位位$38，有最出名既九宮格麻辣大紅鍋揀，但因為怕太辣我招架唔住，好彩佢都有鴛鴦鍋照顧下我呢啲受唔住太辣既人，最後點左大骨滋補鴛鴦鍋拼普通辣大紅鍋。-入座後店員會送上冰糖雪耳糖水，可以邊食糖水邊點菜。冰糖雪耳入口非常香甜滋潤，相信係為一陣既麻辣火鍋湯底打一打底，咁就無咁傷胃。-大骨滋補鍋即係豬骨鍋，用料好足，有紅蘿蔔、粟米、紅棗同大大舊豬骨，湯頭飲落清清甜甜，唔會太鹹太濃味，好岩滾啲比較清淡既配料，更突出到佢地既原味道，而且甜甜地用黎解辣都幾好。普通辣大紅鍋起初食都接受到，呢隻辣好重麻香，幾惹味，但滾到去後面就會變到超辣，食到出哂汗haha，辣得黎好過癮。-美國安格斯優質肥牛(半份) $238本身只係嗌左半份試下，但因為太好食，要叫多半份！牛味超濃郁，即使配麻辣湯都擋唔住佢濃濃既牛味。口感軟滑，超級推介！-鮮鵝腸(半份) $62以冰鎮既方式上碟，一睇就知有幾新鮮。滾十幾秒就即刻食得，鵝腸脆嫩爽彈，超正，而且有少少肥膏

2020年2月6日 星期四今日突然好想打邊爐，於是就好即興咁約咗女朋友同兩個朋友一齊去咗灣仔搵火鍋店朋友介紹話QRE Plaza有好多推薦嘅火鍋店，而其中一間就係渝味曉宇，成日聽人講呢一間喺內地好出名，但係自己就未試過，因為聽個名就知道係食辣火鍋嘅，但係朋友話原來有唔辣嘅湯底可以揀，於是冇訂位都衝左上去好彩我哋早左到，避開咗晚市嘅繁忙時間，所以唔算有太多人，而且裏面有好多位置，空間感好大一坐低店員就每人比咗一碗糖水我哋，話可以潤下喉嚨先，糖水裏面有好多雪耳同一粒紅棗，感覺好清潤，甜到入心之後先再慢慢睇個餐牌，發現淨係湯底都有好多選擇，而且真係有唔辣嘅湯底，所以好快就決定咗。至於其他火鍋配料，由於選擇太多，我哋決定叫佢嘅十大必點火鍋配料，唔夠先再叫其他食物等左一陣火鍋就送到上嚟，我哋叫嘅係鴛鴦鍋，左手邊奶白色嘅係大骨滋補鍋，有好大舊豬骨喺裏面，試咗少少湯底，係濃濃嘅豬骨味。至於右手邊係蕃茄湯底，見到裏面有一舊舊大蕃茄喺裏面，未飲湯底已經聞到好香嘅蕃茄味之後火鍋配料就陸續送上嚟，首先有重慶炸酥肉，食落去好香口，而且感覺有少少麻辣，但唔會好重，脆卜卜越食越上癮之後有打邊爐唔可以缺少嘅牛肉，呢

今日去左呢間重慶火鍋食lunch，lunch時段唔收湯底費真係好抵。亦都因為最近疫情嘅關係，餐廳都加強左衛生方面嘅保護，一坐低經理就開左一煲熱水，親自幫我地洗埋，服務同衛生都係一流。講返食物方面，我地就叫左個大骨湯底同普通辣，不過已經夠曬辣，第一樣要推薦嘅就係白鱔，本身嘅鮮味十足，同個麻辣湯底亦都好夾，但係唔好浸得太耐，如果唔係就唔夠爽口。另一樣野就係肥牛粒，夠曬肥美。另外，蝦滑同樣值得一試，非常之爽口，點埋個自己溝嘅醬汁就更正。

本身在這些時勢都唔打算打邊爐，但之前難得終於約到朋友book了這間餐廳吃火鍋，便食埋今次啦…餐廳有提供酒精搓手液供客人消毒雙手， 值得一讚座位寬敞仲有圍裙提供本身我哋都想食辣……但係在這個時勢都是要保護喉嚨，所以點了大骨滋潤湯底和蕃茄湯底餐廳的十大推介， 而且餐牌上每款配料也有列明最佳的淥熟時間， 務求令客人能享受到最佳的食材！湯底嚟到都十分清，而且每款都配有自己的蔬菜先點了一個重慶炸酥肉，醫一醫肚餓炸酥肉炸得非常香口， 而且肉入面連埋一啲花椒一齊炸，有少少麻的味道但不會辣， 這個送啤酒簡直一流！令人有吃到不想停的感覺美國安格斯優質肥牛， 網絡已經覺得好靚脂肪分佈均勻 ，而且不會很多半份芝心丸，還有桂花蚌左起是曉宇苕粉， 田園菜籃，炸芋頭 和黃金菇曉譽苕粉是新嘗試， 是很闊很粗的類似水晶粉，但是比水晶粉爽口和煙韌， 口感特別是不錯的新嘗試！我們還點了手打蝦滑 和手打三寶丸， 蝦滑和三寶丸都非常爽口彈牙！火鍋配料的部分不多只有蔥，蒜和香油， 我估是這間餐廳的特色，餐廳教路香油配蒜再加一點蔥能，解辣和提升香味，值得一試！

其實呢間食辣野，但朋友唔舒服，所以冇叫到麻辣湯底～最後叫了蕃茄湯同大骨滋補湯～呢到嘅湯底係按人頭收費㗎～$38@1位 好抵！而且足料咖！點完餐冇耐，店員就為我地送上雪耳紅棗糖水😍free ga!清甜又潤喉～另外有樣嘢不得不提就係喺menu上面，每樣嘢食都會寫住要煮幾多分鐘！好貼心跟住個時間就唔驚會煮得太耐好難食又唔驚未熟😙曉宇嫩牛肉 半份（$42）真嫩滑！比出面食到既嫩牛肉更加嫩，又有牛肉既鮮味曉宇手打三寶丸 全份（$96）有蝦丸、墨魚丸及牛肉丸，真材實料👍但係只有6粒真係太少😭😭鮮鵝腸 全份（$118）淥15秒就食得～夠晒爽口！超中意！鮮炸豆皮 半份（$32）可以就咁食或者浸一浸食，兩種食法都好好！豆皮炸得脆脆嘅，好似響鈴咁！仲有少少嘅貼心位，係佢有供應圍裙架～唔驚整污糟😆

話說聖誕有一日約咗朋友們放工一齊去利東街睇燈飾 然後就誤打誤撞去咗打邊爐🤩 平時都係市區打邊爐今次第一次喺港島～ 試咗呢間渝味曉宇重慶火鍋！我地大約8點幾上到去 人唔算多 啱晒約埋三五知己一齊傾下計 想靜靜地二人世界都得😚開頭聽呢間嘢個名好似會好辣咁但我同朋友其實都唔食得辣哈哈🙈所以叫咗個蕃茄湯同大骨滋補湯～～湯底方面，味道唔會偏鹹偏淡，之前喺旺角食嗰啲打邊爐越食越鹹😖食到勁辛苦 要係咁加水 但呢間啲味道適中！唔錯！😙食材方面，啲材料全部都好新鮮！！！安格斯肥牛 肥牛粒 滑牛 桂花蚌 鮮鵝腸 三寶丸 蝦滑 黑牛栢葉！！講真 食物嘅質素係高嘅～無論口感定係味道都好正😋😋連匙油都唔洗點都夠味呀✌🏻✌🏻我個人就推介鵝腸！桂花蚌！同埋肥牛！鵝腸同桂花蚌好爽 咬落好過癮😚 安格斯肥牛就好鮮好有味🤤配料方面， 就可以落豉油、蔥花、醋、仲有我最中意嘅麻油！！！🤤價錢方面～少少偏貴🙈但以食物質素嚟講，其實係差不多啦！一分錢一分貨呀嘛😋食得多出面嘅任食平價邊爐偶爾都要食下貴嘢嘅🤪🤪🤪而份量就剛剛好～開頭以為會唔夠飽 但食食下又飽喎🤫我地今次四個人去食，最後埋單1200$～除返開每人大約$300到🤑🤑總括

雖然是次是首次到訪這間分店，但從其他分店的經驗，就知道這裏的空間感十足，枱與枱之間有適當距離，不會覺得侷促我最欣賞這家店的就是十分適合少人數的聚會，以湯底為例，在外吃麻辣火鍋不管2人還是8人吃，都會收最少百多元一個湯底，反觀這𥚃以人頭數量收費，每位38元，對比起就化算多。此外，所有火鍋食材都提供半份選擇，對眼闊肚窄的朋友來說是大好消息！湯座我友人選了拼鍋-麻辣火鍋併豬骨湯。豬骨湯味濃，我和友人當湯飲，食材都是放進麻辣湯底那邊，味道是麻辣而非齋辣，令人更上癮！由於有半份的加持，我們點了很多不同食物來試，比較推薦的有以下兩款珊瑚蚌 爽口彈牙，非常新鮮冰豆腐 放進麻辣湯底後把麻辣味完全吸進豆腐內，刺激整個味蕾，會上癮！

麻辣好友來到，當然要帶佢重回舊地 - 渝味曉宇。餐廳除了有火鍋外，當然都有輕便午餐A - H 可選擇，而且價錢只需$58，相當抵食。我同麻辣友當然睇番火鍋啦，咁樣食先夠豪、夠滿足。本人一邊叫了皮蛋香菜，另一邊則是辣大紅鍋。牛骨髓比較小地方可以吃到，味道新鮮，沒有雪味，而且口感柔軟、牛味濃。大刀豬腰片豬腰切得非常薄，味道潤厚，口感滑而不膩。紐西蘭精品羊肉卷肉質嫩滑，口感鮮甜，散發淡淡的羊羶味，用作火鍋一流。美國安格斯優質肥牛美國安格斯肥牛肉味香濃，鮮嫩多汁，入口軟滑。美國桶肥蠔桶蠔肥美滑溜，煮熟後都唔會出現大縮水。*雖然野食叫得唔算多，但跟朋友一起食這美味、閒聊的一頓，真是開心又愉快。

灣仔QRE食廈食乜好？一二三四五六七見一大堆人喺6/F出！嘻嘻！我同同事決定黎6/F試下！原來6/F係「渝味曉宇重慶老火鍋」！灣仔分店午市火鍋仲有8折Tim。一坐低有杯紫貝天葵飲。免費架。仲有糖水食。暖胃架！記得記得要飲牙曉宇嫩牛肉牛肉淋身肉質相當嫩滑必點之選！！刀工一流😬白鱔彈牙冇骨黃金🍄～個名win曬其實同金🍄口感差不多！曉宇苕粉一條條嘅苕粉！烚烚烚！烚完一輪依然彈牙！唔會一pat pat

天氣不冷，但又想吃火鍋，辦完事順路便上了這裡吃，貪他的食物有半份點。通常點大骨鍋加麻辣鍋底，今晚也不例外，每位$38，平宜啊！筒骨紅蘿蔔粟米湯底，鮮甜，普通麻辣已足夠辣度，辣與麻也出到位。自上次發掘的乾貢菜夠爽脆，今晚當然再點吃，這次比前更乾身，爽脆度也不錯，灼得過時變腍了便是另一個口感。重慶耗兒魚，渝味嫩牛肉與手打墨魚滑，來到這裡慣常點吃的，耗兒魚有質感，嫩牛肉夠滑溜有牛味，墨魚滑軟熟好味，又抵吃過丸丸😜。肉類還點了黑豚腩肉與手打香菜牛肉滑，腩肉肥脂好像略多，灼熟後，腍軟不感膩；牛肉可能灼過時，口感略實，有芫茜味，有點像山竹牛肉味🤭。蔬菜新鮮，灼熟便吃，尤其至愛粉軟芋頭！再來的是紅糖冰粉與紅糖糍粑，少甜，上面的堅果多一點會增多點咬口，糍粑煙韌微脆，吃完已把口中的麻辣清理好了。

話說我同女友都覺得天氣好凍，行行下街想食d野暖下肚，所以就搵下附近有咩麻辣火鍋，然後就黎左渝味曉宇la😋黎到坐卡位，空間感好夠，可以同女友吹水唔抹嘴我地叫左豬骨同麻辣雙鍋，那那淋叫野食先：一開始waiter就送左杯酸梅汁同糖水，服務唔錯：由於叫左唔少野所以揀左幾樣重點推介😄美國安格斯優質肥牛（半分）（4/5）因為d肉夠新鮮，祿2祿就熟，咬落軟中帶點脂肪味道，小小油脂，而個麻辣湯底辣度一開始唔高（之後越黎越辣），好食😜黑毛豬肉（5/5）我自己就鍾意黑毛豬多過個牛，因為比較有咬口，豬味亦濃郁，加埋豚骨湯肉味較出鴨血（4.5/5)鴨血有d似豬紅，不過個質感再厚實d午餐肉（5/5）午餐肉望落平平無奇，但係最平得黎我最鍾意食ge野，因為之前煎到有少少脆，而油香包住d肉，雖然邪惡但無法抗拒😁菜黎講都係果d，不過因為個辣湯開始越黎越辣😛（正常麻辣湯都係），所以擺落豬骨湯底，清清油膩總括黎講，lee個麻辣湯我較欣賞，因為麻得過癮，點咩都好食😛下次可以再黎試多d野先

渝味曉宇重慶老火鍋-冬日暖意麻辣火鍋門面開揚的格局，沒有玻璃窗圍著，遠處就聞到陣陣香濃的麻辣火鍋味道，在冬日的季節中，一嘗重慶老火鍋的滋味。大骨滋補鍋、重慶辣大紅鍋湯底是奶白色，材料以豬骨、紅蘿蔔、粟米而成，滋補養顏；令一邊廂是以大量的辣椒仔、花椒、胡椒粒而成的重慶辣大紅鍋，顏色火紅色絕不惹少。美國安格斯優質肥牛薄切的美國肥牛，雪花靚，油脂分布均勻，肉質嫩滑牛味濃。鴨血、千絲柏葉麻辣火鍋怎少不了鴨血，輕輕一灼重慶辣的味道包圍着，入口即溶。爽口的柏葉，上面的千絲把重慶辣湯汁的精華鎖着。包心魚丸、鮮蝦雲吞爆漿的包心魚丸。鮮蝦餡料滿滿的薄皮雲吞。曉宇苕粉、炸芋頭長條型扁扁的曉宇苕粉，煮熟過後變得晶瑩剔透，像啫喱般的口感。外皮炸得香口香脆而內裏粉粉綿綿的炸芋頭。鮮竹苼、皇帝菜又一樣可以把重慶麻辣火鍋湯汁緊緊鎖着的鮮竹苼，一滲一咬，湯汁溢出。新鮮爽口的皇帝菜。紅糖糍粑、自製洛神花茶外脆內軟的糍粑，再配上糖漿，煙煙韌韌的甜點。清新清甜的洛神花茶，非常適合解滯清膩。