清真惠記

營業中

休息中

在灣仔區內幫襯過巿政大廈中的熟食巿場只有駱克道，留下過幾萬條腳毛外，還睇住佢由冇冷氣變有冷氣已有十幾年既歷史。而今次Openrice 版聚(23-3-05晚)的地點亦都係這樣的地方，但係在出名打小隱附近既鵝頸街巿內，當日既菜式都係話事人負責，我地只係負責掃清。因為人數盡多兼佔用左別人的“地盤”，除了惠記的招牌菜外，還有在隔離既榮記(下集會有介紹)點菜。在惠記的菜式包括咖哩羊腩、燒鴨、太爺雞、柱侯牛腩、蘿蔔、鵝腸、柚皮。咖哩羊腩沒有了薯仔，依然好味，除了汁醬之外，只有少少酥味亦是賣點之一，有飯撈汁就更正，食既時候要小心的碎骨；蘿蔔應該係清煮，或會加少少師傅，但都幾清淡；柚皮係我一生中最不喜歡食既東西之一，都試左一小塊，入味既話會更加好；燒鴨唔算肥，但燒得好正，啖啖肉，皮少肥有找，該晚食得最多便是它。牛腩再也分不出是配柱侯還是咖喱煮，或者係炆得太耐，細舊左一些，如果大番少少更加有口感；鵝腸爽得來黎冇乜味，呢樣要扣少少分；至於該晚最好味是太爺雞，連肉都有秘製豉油既味道，其他地方邊有可以有咁既效果呢？

星期三忙左一個上晝，要到下晝三點幾至可以食飯。見人在銅鑼灣，都到這裡打點一下之後聚會的事宜。雖然飯市已過，但都有六成滿客，幾犀利。當然人在這裡，又沒道理不在這裡吃，就叫了一碟鴨飯，見是日有鵝腸，又要了一碟。有了上次吃剩了飯的經驗，鴨飯已一早交帶要「扣底」，不過仍然唔少飯。鴨是自家燒製，熱辣辣，又入味，是胸肉的部份，啖啖肉，仍然是好有水準；鵝腸肥美，口感爽脆，完全沒有「化學」味道，保留了肥油的部份，非常美味。如果為怕膽固醇或肥胖而放棄這人間美味，會是很可惜的事。如果有供應的話，是必叫的項目；見油菜翠綠新鮮，又要了一碟，份量是很多，加埋鵝腸，結果今次的鴨飯就算扣了底也又吃不完，看來如叫如此份量，要再扣至得。人客不多時，招呼的幾位阿姐是服務周到的。見佢地同幾位老街坊在打牙餃，原來不知不覺都幫襯了這裡廿個年頭。埋單43蚊，在惠記已是吃得幾豪的了。離開時飽飽的，非常滿足，更是期待下星期食友的聚會。其實最嘆的食法就是叫隻鴨免切，加一支大啤，最正！

不知道有無人向店家反映, 咖哩的確太多油, 令人對著美味的咖哩汁無從入手和入口, 須知現今人人講飲食健康, 都避免食用太多油, 但食咖哩不撈汁又似乎對不住自己, 你話點算?

上星期放學見得閒就落左黎買出名既咖喱羊。又因聽聞燒鵝同燒鴨都唔錯，決定買黎試試，若在兩者中作出選擇，我當然揀燒鵝﹗同老細講要一個咖喱咩同半隻燒鵝，點知老細話冇燒鵝賣。於是我問係一向都冇賣定係賣晒啦，佢答話一向都冇賣，只得馳名掛爐大鴨。不過有食友話好食，一於鴨都唔放過照買。先講咖喱羊，買到返屋企已經唔係好熱，番熱過後，咖喱好香。食落亦好夠味，辣度剛剛好，不會話太辣而蓋過羊肉味道，而且亦不會太鹹，撈飯一流。不過，唯一扣分就係咖喱太多油，肥左D。至於羊肉，十分足料，誇張點說是鴨多過汁的。整體上都唔錯，不過有一兩件硬左D同鞋左D。亦同意食友所說多碎骨，起初食都差D中招呢，大家千祈要小心。燒鴨方面，都算大隻，鴨本身不肥美，但肉質亦很鮮味很嫩滑，不會話"乾爭爭"的，唔錯。食到最後，可能是盒底的汁的關係，近盒底的幾件鴨是過鹹了一點。不過總括黎講絕對是食得過的。

2月5日，11:40今天終於試了久仰的惠記咖哩羊腩。因要避過千軍萬馬的場面，祇好吃個早飯。時間早，人不多，可以讓我坐定定(惠記旁邊)，才落單，不到兩分鐘，己送到面前。羊腩：好淋好入味，唔算好羶，唯一美中不足是多碎骨，小心、小心。咖哩汁：極香而不會過辣，吃完不會口渴。好後悔慣性食碟頭飯，要走底(少飯)，吃光飯後仍餘下不少咖哩汁，"空口"乾掉又有點過分，下次一定不會再犯錯誤。題外話1：很多人排隊買燒鵝，甚至有移民回港渡歲的長者。題外話2 ：回南天地面極濕滑，小心！

因為在附近上學，所以開始在這裡吃咖哩羊肉式燒鵝碟頭飯，都已是十幾年前的事了。前排再來，發現在裝修，多得這裡的食友通知熟食中心重開，當然要第一時間來吃一吃。星期五下晝，獨個兒一點未夠就來到，發現這裡已改裝成一般美食廣場的格式，即有一個好大的共同進食位置，人客買了食物就自己搵位食飯。眼見是新張不久，非常混亂，沒有兩下架子也不易叫得停阿姐叫飯，又無番咁上下醒目，叫了的食物也隨時給「截糊」，坐在對面的三位白領便搞了一輪都未有得吃，如果來幫襯真係要自己執生。菜牌依舊，除了咖哩羊肉，還有燒鵝、太爺雞及柚皮等食物。叫了咖哩羊肉飯，已知這裡的飯極多，所以叫了「扣底」不用浪費，但上檯時飯仍多，結果還是吃不完。這裡的咖哩屬油底，足香料又較杰身，香而不辣，特別又仍然有水準；羊肉是羊脾，偏臊，加入咖哩臊味更濃，正！不吃得臊味羊肉的，還是吃燒鵝好了。可惜的是碎骨幾多，一邊吃一邊吐碎骨也有少少掃興的。除了羊肉，出色的還有墊底的薯仔，少少甜，索滿咖哩及少少羊肉的味道，非常正，與羊肉一樣是不容錯過。埋單23蚊，吃得飽飽，十幾廿年都係經濟抵食，又有水準，值得一試。原本想再吃其他食物如蘿蔔及掌翼的，但場面千軍萬馬，似乎幾

由上年七月開始，呢度係閂埋左冇做，剛巧琴日先開返，比政府裝修過，加左上蓋同埋冷氣，環境比舊時好左好多，起碼夏天唔怕熱，又唔怕落雨。咖喱羊腩依舊香而不辣，夠晒林又有肉味($35)，燒鴨大隻有肉味又唔鞋，而家仲平左，半隻都係$75。不過好惹味燒鴨(種)就未有喇，因為佢地呢兩日未得閒包。不過呢度有幾間舖未開，所以可以用多D位，但係遲下開晒舖之後，惠記應該冇乜地方用，得兩張大檯多D，要去就下午兩點幾三點就冇咁多人，記住唔好太晏去喎，佢地唔做夜市架。

中學時代阿爸阿媽已經帶我地去食.以前的咖喱羊腩勁正, 辣得黎越辣越想食.上星期六我又去買外賣, 水準依舊正到爆. Price $33

Located on the 2nd floor of 灣仔's 鵝頸街市, 惠記has been around for many years for the best curries and Halal food. The place are still going strong, very popular with local Hong Kong ppl. and Muslim residents. Its 'curry lamb brisket' (咖喱羊腩) is my top choice. I usually bought several orders ($33 each order) back home, heated them up with additional red chillies (for extra spiciness) and a tub of plain yoghurt (to extra sauce and creaminess). The taste is... heavenly! ^_^You can have the curry lamb or

"惠記" has a duplicate entry at:http://www.openrice.com/big5/sr2.htm?shopid=10048Please edit / delete. Thank you!

同兩個朋友來食lunch，叫我帶路，就來了這裡。佢地奇怪我點會搵到這地方，其實在求學時已成日來，而家只係舊地重遊吧了。<br />呢度有三樣野是不能錯過的，就是鵝腸、咖哩羊同燒鵝。可惜我們來到時鵝腸已賣清，唯有叫了咖哩牛代替。呢度的咖哩羊係用個碗仔另上，屬油咖哩並香味十足，加埋騷騷地的羊肉是絕配，非常正。個人覺得牛腩就韌左少少，所以來這裡都係叫羊多。米睇小呢度只係大排檔，佢地有爐自家燒製燒鵝的，所以能做到熱辣辣，極有水準。碟頭飯22 蚊，大大碟又包食得飽，十分抵。<br />當然只是市政街市的熟食中心，環境不會好舒適，無冷氣只得幾把牛角扇，但見其十年如一日的其門如市都知是有一定水準的。另這裡是清真食店所以不單講明沒有豬肉類，連自己帶入去食都唔得。