清真惠記

營業中

休息中

由於兩點鐘有多先到，好容易就搵到一張檯。三條麻甩佬食野，唔使諗咁多，整番半隻燒鴨（$75），一兜咖哩羊腩（$35），加多一碟油菜（$8），之外每人白飯一碗、可樂一罐。唔使幾分鐘，燒鴨已經斬好有得食喇，可能因為新鮮，一擺低見到有煙，隨即一陣燒鴨香味撲面而來，正想起動之際，羊腩同油菜相繼到站，來一幅全家福後，大家急不及待起筷！講下燒鴨先，雖然鴨同鵝真係有少少距離，但係因為新鮮彌補左不足，咬落去同燒鵝冇乜分別，脆鴨皮下一層薄薄脂肪，唔似深井燒鵝唔厚油，有口感得來亦不會太肥膩，而且呢層野唔韌，加埋鴨肉有肉滲出，正野！此外，燒鴨仲有蘿蔔墊底，蘿蔔吸收埋鴨汁，好好味道。有人會話燒鴨送唔到飯，我都同意，但係咖哩羊腩就滿足埋呢個願望，咖哩油有一層紅色油，可能會有人覺得太油，不過味道就好得，夠香夠辣，羊肉亦有羊肉獨特的臊味，絕冇被濃香的咖哩汁遮蓋，仲有入面有兩件一般認為阻地方既薯仔，但係呢兩舊薯唔係普通薯仔，係入晒咖哩味既薯仔，食完一舊你唔會俾第二個掂另外個舊！不過，羊腩有骨，食時要略為謹慎。以前呢度冇冷氣，而家裝左冷氣就好好多啦，唔可以講得舒適，更冇環境可言，不過起碼唔會好似舊時，流晒汗咁樣。不過要留

好彩網友介紹，如果唔係都唔知有呢間咁正食店。我同老婆試咖哩羊腩飯($23)同燒鴨飯($22)。咖哩夠辣，不過油多。羊腩算多又夠臊，而且有骨落地，哂我。燒鴨重正，有好多舊，多過哂好多燒味舖，而且皮脆肉香，收$22抵到爛(反而買半隻要$75就貴)。見到隔檯大班人叫好多，又不斷order啤酒，食得好開心，攪到我都好想班friends啤啤佢。

由細個食佢食到而家帶朋友去食!沒有什麼好說, 因為每次去都只會吃兩樣:咖哩羊腩或者燒鵝咖哩羊腩: 咖哩係我食過的最好的幾間之一, 辣得黎唔會覺得只得個辣字, 剩係d汁已經可以伴飯食飽. 羊腩整得入味, 又'林', 不過就真係多了些骨碎, 呢一樣咁耐以黎都無改進!燒鵝: 皮脆肉香, 我真係唔覺佢肥, 我諗有些人可能未試過真係肥的鵝係點樣的. 可能有各人喜好, 不過我就覺得如果真係d鵝再瘦的話就唔好食了!(即係等於食火煱時用完全瘦的牛肉的話, 就唔食好過lu)

23元一個外賣飲盒, 雖然只有羊腩,但份量唔少,起碼多過快餐連銷店. 羊腩有騷味,唔鍾意的人就唔好叫羊啦! 咖喱汁撈飯簡直一流!

去年裝修以後一直都未有機會再來，只聞說光猛左同有冷氣但系食味如何就未知，是日要翻長週，放工之後，朋友仔渣左C＋車一齊去鵝頸橋買左兩個飯盒＄45同一盒蘿蔔＄8，跟住上左黃泥涌水塘慢慢食（其實系吾知泊邊到）。一路塞緊車，聞到好香，好想打開盒飯偷食。終於去到，好彩無落雨，可以落車囉住個飯盒系樹底嘆。一打開，都吾知食邊個先好，咖哩羊腩飯D顏色黃黃地好開胃，羊腩有D騷，好林，越食越辣，有D骨頭落地，過曬口癮，食到碗底朝天D重有D咖哩油在飯盒上，真係好足料。燒鴨飯都不甘示弱，鴨皮微脆，肉質嫩滑，有肉汁，但系因為比濃味的咖哩飯先入為主，所以都系覺得咖哩羊腩飯略優。跟住的蘿蔔好清甜，好似用左煮鴨的湯來煲，見到有少少鴨油在上面。甜味好天然，吾系用冰糖煮過果種，＄8一大碗，幾好呀。兩個人食完兩大盒飯真係飽到上心口，去赤柱行街街啦。

10-5-2005 1300食飯時間要去銀行辦點事，之後順便出埋去食飯，個多月前這裡有聚會，試午巿去又如何。今次都係點番咖喱羊腩飯，比起上次好一些，羊腩有根有肉，炆得入味，咖喱味香濃，送飯一流，正。

I went to Wai Kee yesterday and ordered roast duck and curry lamb. The roast duck is delicious, skin is crispy and the meat are so fresh. For curry lamb, it is also delicious with their usual high standard.We had six people and only spend approx. $30 each person. You need to spend at least 6 times more if you go to Yung Kee for a small dish of Roast 'Fat' Goose.I reckon Wai Kee the best value for money to enjoy such a wonderful lunch.I also take away one roast duck home for dinner to celebrat

i've a lunch last sunday and 've order roast duck and soy source chicken rice. both are too bad! 1. the skin and fat of duck have reached 4-5mm thick, ah!!!! ; 2. the skin of duck are not crispy any more; 3. the chicken are so cold just like picking from the refigerator; etc.......... i'd not go there any more...

堂食鴨米真係好正,得登係香港仔走出去食都抵,外賣左咖哩羊腩做餸,到夜晚仲好好味!

今日午餐黎呢度搵食,12:45pm 己開始多人,叫左咖哩牛腩飯$23,牛腩及薯仔夠腍夠入味!咖哩汁十分濃,愈食愈辣,但都頗油啦!紅油掛碗邊,間中一次已足夠! 另外,叫左鹵水蘿蔔$8,一大碗,但其實只系清灼蘿蔔,一般貨色而已!

3月23日又一次和食友們共聚歡樂時光,今次再街市內的熟食中心舉行,最終出席人數係三十四人,恰巧兩次在熟食中心內搞既食聚都咁多人(對上一次係東寶),唔知可唔可以引證只要食物好食,就算環境差一點也不是什麼一回事呢?因為人數眾多,又是佔用別店的位子,故此這夜來個一石二鳥,一個價錢食兩間店子之出品,至於食什麼,都係由KC兄話事,我地負責美人照鏡就可以了!燒鵝(鴨?)~見其他人既食評話有燒鴨同燒鵝,但我食左既係鵝定鴨都唔知,縱使如此,不過是夜的出品好得,食時仍是微暖,外皮我就不嬲都唔食既,所以唔評喇,肉質方面真係超讚,好味到不得了,令我食不停口,唔蘸酸梅醬都好好食,好似有食友嫌太肥,但個人認為有小小肥先至好食,最多食時麻煩D,肥肉部份咬走唔入肚啦!咖喱羊腩vs 咖喱牛腩~絕對係前者羸出幾條街,雖則叫咖喱但一D都唔辣,羊腩炆得好腍好入味,不過就細碎左一點,反之牛腩就失色D,因為佢似乎唔係幾夠腍,咬落有D絲絲攝左落牙縫,麻麻地咋.鵝腸~食時已經凍冰冰喇,食落好鬼淡味,兼且唔得爽口,唔掂.柚皮~呢個唔知算唔算係第一次食,不過食咪認真麻麻,口感好粗糙,而且有淡淡既澀味滲出,恕我唔識欣賞佢喇.蘿蔔~又係食

老實講對咖喱唔係太好,不過呢到既出品炆得好腍入味,而且好辣,不過份量好似平時食LUNCH咁,少D喎,呢度有一味好少見既柚皮,水準就一般,可能楂水唔足,有DD苦澀味,燒味個人認為只要夠熱就已經唔會太差,其實今餐同想像中有D出入,但有時出黎聚會,講氣氛同熱鬧,柴娃娃開開心心又一日!

Openrice 聚會我自己首次見咁多人報名﹐一開始已經十幾人﹐之後二十幾﹐到我決定報名時已經係第36個。但由於報第一位的mc_mug唔來﹐有人將我個名般左上第一位﹐變左好似我第一個報名咁~~街市我真係好少行﹐重要係市政街市﹐個日放工重落住雨﹐正式是「風雨中尋食肆」。到的時候﹐街市準備收檔﹐經過之後就見到好光猛的臺﹐同好光猛的人。羊腩食了兩件﹐不錯﹐但切得太細﹐牛腩一般﹐鹹了一點點﹐鵝腸太差了﹐只是用水灼熟咁﹐而且好韌。柚皮和蘿蔔我都冇食﹐至於燒鵝/鴨﹐我覺得好肥﹐而且冇什麼肉(看其他食家拍的相片不是﹐可能放近我那碟是這樣吧)。吃的最多的是太爺雞﹐但我覺得同豉油雞無咪分別。整體上我覺得是去左一家好普通的大排檔食唔太好味的燒味囉﹗

這裡的咖哩味清香而不太辣, 白飯自然成為它的最佳搭擋, 羊肉質軟熟並帶有點點羶味, 愛吃羊者的我當然不會被嚇怕, 此店另一台柱是燒鴨鵝, 兩款肉質肥厚又不膩, 但是晚燒鴨比燒鵝受歡迎, 與燒鵝相比, 其肉香味較重, 木台上放有的還有太爺雞, 但完全不是燒鴨鵝的對手, 鵝腸咬下非常爽口又沒有雜味但又同時少了一些本身的肥味, 蘿蔔沒根沒多甜味, 而柚皮吃下口感有如吸水麵包, 咀嚼時不其然想起與上環桃花園的出品作比較。

幫趁左呢度咁多年，還是趁星期三晚食友聚會，先可以一次過吃這裡大部份的菜色。常吃的那些當然有水準，咖哩羊腩仍然入味又腍，我吃的那碗有不少肥肉在內，甘香美味，差不多是給我包辦了；牛腩只吃了一件，有了羊腩在前，就算做得多好也不會好得過羊的了；記憶中只有叫鴨，但不知如何還有燒鵝的出現。比較之下雖然鵝肉味濃又較好肉，但還是燒鴨肉嫩夠味一點，可能燒鵝真係要等多個零星期才會好一點；平時的鵝腸很有水準，是晚的可能是涼了，所以連味道也淡下來，鵝腸味一淡就像吃爽口的橡筋，麻麻地；這裡的柚皮是粗支大葉的貨真價實，一開四分兩碟，只下少許蝦子，連汁也是薄薄的，口感粗糙，吃到柚皮的真味，不過就不是人人喜歡。像我們這檯是吃到尾也大把貨，隔離檯則一早沽清；蘿蔔有少少渣，都算清甜。又係大大舊的，講這一味，當然首推車品品了；太爺雞是油雞，食味如賣相相若，實在是麻麻地；全部食物總計一千二百幾，除開每人不用四十蚊，幾十人都已人人吃飽，個人覺得還是經濟抵食，物有所值的。